Dagur - 10.10.1989, Blaðsíða 7

Wfi^uda^uí?^0.ajktóbeb.l®9^CBWajítl-70
Karfa:
Tmdastóll tapaði
í hörkuleik
Tindastóll varð að sætta sig við
tap gegn UMFN í Njarðvíkum
94:89 í Úrvalsdeildinni í körfu-
knattleik eftir að hafa verið
yfir meirihlutann af síðari hálf-
leik. Leikurinn var jafn og
spennandi allan leikinn en
Njarðvíkingar voru með meiri
breidd í sínu liði og því fór sem
fór.
Fyrri hálfleikur var jafn og
spennandi og skiptust liðin á því
að taka forystuna. Reyndar voru
heimapiltarnir fvið sterkari enda
vel studdir af áhorfendum. Þegar
dómararnir flautuðu til leikhlés
höfðu Njarðvíkingar eins stigs
forskot 50:49.
Tindastólsdrengirnir komu
mjög ákveðnir til leiks í síðari
hálfleik og komust fljótlega yfir.
Þar munaði mestu um stórleik
Bandaríkjamannsins Bo Heiden
sem var óstöðvandi á þessum
léikkafla og skoraði hverja glæsi-
körfuna af annarri og var þar að
auki mjög sterkur í vörninni.
Sauðkrækingarnir náðu 11
stiga forskoti 65:54 en þá fékk
Valur Ingimundarson sína 3 villu
og varð að slá af í baráttunni.
Einnig voru farin að sjást þreytu-
merki á leikmönnum Tindastóls
enda keyrslan mest á sömu leik-
mönnunum. Njarðvíkingar gátu
hins vegar skipt inn á óþreyttum
leikmönnum án þess að veikja
liðið neitt verulega og söxuðu
smám saman á forskot gestanna.
Staðan var 87:87 þegar nokkr-
ar mínútur voru eftir og Njarð-
víkingar reyndust vera sterkari á
endasprettinum og sigruðu með 5
stig mun 94:89, eins og áður
sagði.
Það verður að hrósa Tinda-
stólsliðinu fyrir mikla og góða
baráttu í þessum leik. Liðið náði
að halda Njarðvíkurliðinu niðri
lungann af leiknum og það eru
ekki mörg lið sem hafa getað gert
Knattspyma:
Ómar þjálfar
Leifltursmenn
í 2. deildinni
Ómar Torfason hefur verið
ráðinn þjálfari hjá 2. deildar-
liði Leifturs frá Ólafsfirði í
knattspyrnu. Hann mun einnig
leika með liðinu. Ómar er
margreyndur landsliðsmaður
og lék um tíma sem atvinnu-
maður í Sviss. Þetta er í fyrsta
skipti sem Ómar þjálfar
meistaraflokk en hann hefur
þjálfað yngri flokka hjá Fram.
„Við erum auðvitað mjög
ánægðir með Ómar sem þjálfara
og bindum miklar vonir við starf
hans hér,“ sagði Rúnar Guð-
laugsson formaður knattspyrnu-
deildar Leifturs eftir að samning-
ar höfðu verið undirritaðir við
Ómar Torfason þjálfar Lciftur.
Ómar um helgina.
Ómar Torfason er ísfirðingur
að ætt og uppruna en lék með
Víkingum er þeir urðu fslands-
meistarar undir leiðsögn Youri
Sedovs árin 1981 og 1982. Hann
skipti síðan yfir í Fram og vann
ótal titla hjá því félagi, nú síðast
Bikarmeistaratitilinn á þessu ári.
Ekki er ljóst hvernig leik-
mannahópurinn hjá Leiftri mun
líta út á næsta ári en þó er öruggt
að Arthur Ubrescu mun ekki
leika með liðinu á næsta ári. Aðr-
ir leikmenn eru að hugsa sig um í
sambandi við næsta ár.
það undanfarin ár. Bo Heiden
var bestur Tindastólsmanna og er
örugglega einn besti erlendi leik-
maðurinn í deildinni í ár. Valur
Ingimundarson var drjúgur að
vanda en átti það til að gera hlut-
ina of mikið upp á eigin spýtur.
Einnig styrkir Sturla Örlygsson
liðið mikið.
Hjá Njarðvík var Bandaríkja-
maðurinn Patric Reileford sterk-
ur þegar hann fór loksins í gang í
síðari hálfleik. Einnig var Teitur
Örlygsson góður en það var liðs-
heildin hjá Njarðvíkingum öðru
fremur sem skóp þennan sigur.
Dómarar voru þeir Kristinn
Albertsson og Birgir Bragason.
Leikurinn var erfiður að dæma
og gerðu þeir sín mistök líkt og
leikmennirnir.
Stig Njarövíkinga: Patric Reileford 31,
Teitur Orlygsson 22, Jóhannes Krist-
björnsson 12, Helgi Rafnsson 9, Friðrik
Ragnasson 6, ísak Tómasson 5, Friðrik
Rúnarsson 4, Ástþór Ingason 3, Kristinn
Einarsson 2.
Stig Tindastóls: Valur Ingimundarson
37, Bo Heiden 33, Sturla Örlygsson 13,
Haraldur Leifsson 12 og Sverrir Sverris-
son 2.
EG/AP
Jón Stefánsson maraþonhlaupari.
Ejjólftir keppir í
Hoflandi í dag
- með íslenska landsliðinu
íslendingar og Hollendingar
leika í dag landsleik í knatt-
spyrnu liða skipuðum leikmönn-
um 21 árs og yngri í Hollandi.
Þar verður Sauðkrækingarinn
Eyjólfur Sverrisson í sviðsljós-
inu en hann skoraði m.a.
jöfnunarmark íslands gegn
Hollendingum á Laugardals-
vellinum í fyrra.
Eyjólfur hefur dvalið að
undanförnu við æfingar hjá Stutt-
gart í V-Þýskalandi og verður
hann því vonandi á skotskónum
gegn Hollendingum, eins og
hann hefur verið í undanförnum
landsleikjum.
Þess er skemmst að minnast að
Eyjólfur skoraði öll mörkin í 4:0
sigri íslands á Finnum á Akureyr-
arvelli fyrir skömmu. í kjölfar
þess árangurs fékk Eyjólfur boð
um að koma til Stuttgart til æf-
inga og hefur hann dvalið þar
undanfarna daga ásamt Bjarna
Jóhannssyni þjálfara Tindastóls-
liðsins.
Síðasti leikur íslendinga er
gegn V-Þjóðverjum miðvikudag-
inn 25. október.
Fijalsar:
Jónstórbætti
maraþonárangurinn
- á móti í Bandaríkjunum
Á móti í Bandaríkjunum á
sunnudaginn náði Jón Stefáns-
son úr UFA besta tíma íslend-
ings, 2:35,58, í maraþonhlaupi
í ár. Árangur Jóns skipar hon-
um í fimmta sæti í maraþon-
hlaupi hér á landi. Hann hljóp
hálfmaraþon í sumar og var
millitími hans í Twin-cities
maraþoninu mun betri en hann
náði á Reykjavíkurmaraþon-
inu í ágúst sl.
Jón er 23 ára Ákureyringur
sem nú stundar nám í landslags-
arkitektúr í Minnesota í Banda-
ríkjunum. Hann var mjög efni-
legur hlaupari á sínum tíma og
æfði með frjálsíþróttadeild KA.
Eftir að sú starfsemi lagðist niður
árið 1981 hefur Jón lítið keppt.
Jón dvaldi á Akureyri síðast-
liðið sumar og æfði þá undir leið-
sögn Sigurðar P. Sigmundssonar,
íslandsmethafa í maraþonhlaupi.
„Þessi árangur kom mér á óvart,“
sagði Sigurður er hann var spurð-
ur um þennan árangur Jóns.
„Hann hleypur þarna á tíu
mínútum betri tíma en við höfð-
um gert ráð fyrir í þessu hlaupi
og það er frábær árangur. Þessi
árangur gefur góð fyrirheit um að
Jón geti þegar á næsta ári bland-
að sér í keppni okkar bestu
langhlaupara," sagði Sigurður P.
Sigmundsson.
Þess má svo geta að UFA-fólk-
ið hefur hafið æfingar og eru þær
á laugardögum milli 10-11 í
íþróttahöllinni og á mánudögum milli 18-19 í Skemmunni.
Staðan í Úrvalsdeildinni
A-riðilI:
Grindavík 2 2-0 166:134 4
ÍR 2 2-0 180:156 4
ÍBK 1 1-1 107: 64 2
Valur 2 0-2 147:156 0
Reynir 3 0-3 207:289 0
B-riðill:
UMFN 2 2-0 166:157 4
KR 1 1-0 87: 66 2
UMFT 2 1-1 181:174 2
Haukar 2 1-1 188:133 2
Þór 3 0-3 207-299 0
Úrslit leikja um helgina:
Haukar-Þór 120:61
UMFN-UMFT 94:89
ÍR-Valur 81:79
UMFG-Reynir 91:66
Stigahæstu menn: stig
David Grisson Reyni 75
Valur Ingimundarson UMFT 70
Bo Heiden UMFT 58
Chris Behrend Val 57
Konráð Óskarsson Þór 54