Dagur - 18.11.1989, Síða 7

Laugardagur 18. nóvember 1989 - DAGUR - 7
menningarmál
Kór Húsavíkurkirkju:
Gloría eftir Vivaldi
- æft fyrir aðventustund
Gloria eftir Antonio Vivaldi
verður flutt af Kór Húsavík-
urkirkju á aðventustund í
kirkjunni 3. des. nk. Stjórn-
andi kórsins er Sharon Thomp-
son og undirleikari David
Thompson, organisti við kirkj-
una, þau eru bandarísk hjón
sem starfað hafa á Húsavík í
rúmt ár, hjá Tónlistarskólan-
um og við kirkjuna. Þrír ein-
söngvarar syngja verkið ásamt
kórnum; Hólmfríður S.
Benediktsdóttir, sópran, og
Matthildur Rós Haraldsdóttir,
sópran, frá Húsavík og Þuríð-
ur Baldursdóttir, alt, frá Akur-
eyri. Gloria er mjög fallegt
verk sem ekki mun oft hafa
verið flutt á íslandi. Vivaldi
var uppi á árunum 1680-1743
og láta kórfélagar af, að ákaf-
lega gaman sé að glíma við
verkefnið; þennan lofsöng
Guði til dýrðar, þar sem gleðin
og fegurðin er í fyrirrúmi.
„Það er eins með þetta verk og
svo mörg önnur sem eitthvað er
varið í, að því meir sem ég kynn-
ist því, því fallegra finnst mér
það,“ sagði Ingvar Þórarinsson
formaður kórsins í samtali við
Dag.
Dagur leit inn á æfingu hjá
kórnum í byrjun nóvember,
æfingar á verkinu hófust 7. sept.
og nú er æft þrisvar sinnum í
viku. Flutningur verksins tekur
35-40 mín. Hópur söngfólks úr
bænum gekk til liðs við kórinn til
að æfa og flytja verkið, en sér-
staklega vantaði karlaraddir í
kórinn.
Kór Húsavíkurkirkju hefur oft
tekist á við stór verkefni. Hann
flutti m.a. messur undir stjórn
Úlriks Ólasonar fyrir nokkrum
árum, og hélt tónleika á Akur-
eyri og í Reykjavík, auk þess sem
hann hefur farið í söngferð til
Noregs og Svíþjóðar.
„Kórinn var stofnaður 1943 til
að annast söng við almennar
messur. Þá var almenningur að
hætta að syngja í kirkjunni, en
hafði sungið við messurnar þar
til. Sigurður Birkis, söngmála-
stjóri, taldi nauðsynlegt að stofna
kirkjukór formlega, þó kórinn
hafi í rauninni verið miklu lengur
til á Húsavík. Það var ákaflega
mikið líf í þessum kór á árunum
frá 1950-60, þá voru starfandi
innan kórsins, karlakór, kvenna-
kór og blandaður kór. Nú vilja
menn breyta þessari tilhögun
kirkjusöngsins aftur, en það
gengur svona og svona,“ sagði
Ingvar, aðspurður um stofnun
kórsins.
Fyrsti stjórnandi kórsins var sr.
Friðrik A. Friðriksson og kona
hans, frú Gertrud Friðriksson var
organisti við kirkjuna í fjölda-
mörg ár. Meðal söngstjóra og
organista sem starfað hafa með
kórnum eru þau: Sigríður
Schiöth, Reynir Jónasson,
Steingrímur Sigfússon, Friðrik
Jónsson og Úlrik Ólason.
Ingvar hefur starfað í Kór
Húsavíkurkirkju í 40 ár en hann
segir að það finnist ekki öllum
langur tími: „Ég veit um einn
mann, Birgi Steingrímsson, sem
starfaði með kórnum í 65 ár,
hann kom í kórinn 15 ára gamall
og hætti áttræður. Birgir var
mjög músíkalskur, hann byrjaði
sem tenór en endaði sem bassi.
Hann var tónskáld og ákaflega
gott var að læra rödd hjá
honum."
Kórinn ásamt Sharon og David Thompson,
Þær eru einsöngvarar með kórnum: Matthildur Rós Haraldsdóttir og Hólmfríður S. Bene-
diktsdóttir. Myndir: IM
Stjórnandi kórsins Sharon Thompson og organisti kirkj-
unnar David Thompson.
Kórinn æfir undir stjórn Sharon Thompson og við undirleik David Thompson.
Kór Húsavíkurkirkju hefur
aldrei tekið eyri fyrir söng,
hvorki við jarðarfarir eða aðrar
kirkjulegar athafnir. Að jafnaði
eru um 100 mætingar á ári til
söngs eða æfinga í kirkjunni.
Kirkjusöngurinn fer að mestu
fram um helgar og á hátíðisdög-
um, þegar svo margir kjósa að
njóta næðis með sinni fjölskyldu.
Dagur spurði Ingvar hvað starfið
með kórnum hefði gefið honum:
„Með því að hlusta og taka þátt í
starfinu hef ég kynnst miklu af
fallegri músík, en kannski er
ánægjulegast af öllu að hafa á
mörgum árum sungið með svona
stórum hóp af góðu og skemmti-
legu fólki. í kórstarfinu hefur
engan skugga borið á.
Eitt það ánægjulegasta á þessu
fjörutíu ára tímabili er að ég hef
kynnst mörgum af bestu söngvur-
um landsins. Ég hef haft tækifæri
til að taka á móti þeim, kynna þá
og leyfa Húsvíkingum að hlusta á
söng þeirra. Ég hef haft ánægju
af að hitta svona margt, gott,
íslenskt söngfólk og hljóðfæra-
leikara. Hér fyrr á árum þótti
lélegt ef ekki mættu 100 manns á
konsert á Húsavík, en aðsóknin
er oft minni í dag. Ótrúlega
margt fólk hefur komið til Húsa-
víkur til tónleikahalds, m.a. man
ég eftir hljóðfæraleikurum úr
íslensku sinfóníunni og hóp
úr Bostonsinfóníunni. Mjög
ánægjulegt hefur einnig verið að
kynnast mörgum tónlistarkenn-
urum sem hér hafa starfað."
Ingvar segir að ánægjulegt sé
að starfa með Thompsonhjónun-
um sem séu mjög samhent, og
það leyndi sér ekki á æfingunni á
Gloría, þar var unnið af kappi,
með glaðværð, og gott andrúms-
loft réði ríkjum í kirkjunni.
í Húsavíkurkirkju hefur alltaf
verið leyft að klappa fyrir lista-
mönnum og ef heldur sem horfir
með æfingarnar á Gloría, munu
Húsvíkingar verða þakklátir fyrir
það frjálslyndi þann 3. desember.
IM