Dagur - 09.01.1990, Síða 4

4 - DAGUR - Þriðjudagur 9. desember 1990
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 24222
ÁSKRIFT KR. 1000 Á MÁNUÐI
LAUSASÖLUVERÐ 90 KR.
GRUNNVERÐ DÁLKSENTIMETRA 660 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
ANDRÉS PÉTURSSON (íþróttir),
KARL JÓNSSON (Sauðárkróki vs. 95-35960),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, ÓSKAR ÞÓR HALLDÓRSSON,
STEFÁN SÆMUNDSSON, VILBORG GUNNARSDÓTTIR,
LJÓSMYNDARI: KRISTJÁN LOGASON
PRÓFARKALESTUR: SVAVAR OTTESEN
ÚTLITSHÖNNUN: RlKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: HÖRÐUR BLÓNDAL
PRENTUN: DAGSPRENT HF.
SÍMFAX: 96-27639
Dagur, dagblaðið
á landsbyggðiraii
Eins og flestum er kunnugt er Dagur eina dagblaðið sem gefið
er út utan höfuðborgarsvæðisins. Degi var breytt í dagblað fyrir
rúmum fjórum árum en áður hafði blaðið komið út þrisvar í viku
um nokkurra ára skeið. Það þótti miklum tíðindum sæta er
þessi ákvörðun var tekin enda var með henni brotið blað í
íslenskri fjölmiðlasögu. Margir fögnuðu því mjög að lands-
byggðin eignaðist með þessum hætti málsvara í hópi íslenskra
dagblaða, enda ekki vanþörf á. Fögnuðurinn var hins vegar
ekki eins mikill og einlægur hjá öðrum. Skýringanna er m.a. að
leita í því að Dagur hefur á sínu ríflega 70 ára aldursskeiði ávallt
verið málsvari landsbyggðarinnar, málsvari samvinnustefnu og
félagshyggju og þeirra hugsjóna sem þar liggja að baki. And-
stæð öfl í þjóðfélaginu hafa því ávallt séð ofsjónum yfir vel-
gengni blaðsins á sama tíma og önnur blöð, sem gefin hafa ver-
ið út á Akureyri, hafa dáið drottni sínum hvert á fætur öðru. Af
þessum sökum urðu margir til að spá Degi skammlífi, þegar
dagblaðaútgáfan hófst í lok september 1985. Þær spár hafa
ekki ræst. Þvert á móti hefur Dagur náð að festa sig í sessi og
sanna að grundvöllur er fyrir dagblaðaútgáfu utan höfuðborg-
arsvæðisins. Með því að opna skrifstofur og hafa blaðamenn í
fullu starfi bæði á Húsavík og Sauðárkróki hefur blaðið einnig
gengið mun lengra en stærri og fjársterkari fjölmiðlar í þeirri
viðleitni sinni að þjóna íbúum Norðurlands alls sem allra best.
Norðlendingar hafa sýnt í verki að þeir kunna vel að meta þetta
framtak blaðsins.
Þrátt fyrir góðar viðtökur Norðlendinga hefur Dagur og dótt-
urfyrirtækið Dagsprent hf. átt við umtalsverða rekstrarörðug-
leika að etja síðustu tvö árin. Þá má fyrst og fremst rekja til
þess að of geyst var farið við uppbyggingu fyrirtækisins, sér í
lagi við að stækka húsnæði undir starfsemina. Fjölmörg fyrir-
tæki í landinu hafa lent í hliðstæðum erfiðleikum, staðið í dýrum
fjárfestingum á tímum þegar lánsfjármagn er óheyrilega dýrt
og samdráttur ríkir á flestum sviðum þjóðlífsins. Forráðamenn
Dags og Dagsprents gripu til víðtækra aðhaldsaðgerða í árslok
1988 og þeim var haldið áfram allt síðasta ár. Þær aðgerðir
megnuðu hins vegar ekki að leysa vandann að fullu. Þess
vegna fóru fyrirtækin fram á greiðslustöðvun, og fengu, í byrjun
ágúst á síðasta ári.
Fimm mánaða greiðslustöðvunartímabil fyrirtækjanna
tveggja var notað til þess að reyna að selja eignir, með það í
huga m.a. að sameina rekstur Dagsprents og Prentverks Odds
Björnssonar á Akureyri. Þetta tókst ekki, fyrst og fremst vegna
þess að ekki tókst að selja eignir eða hluta af eignum fyrirtækj-
anna, en það var frumskilyrði fyrir sameiningu. Það er vissu-
lega umhugsunarvert hversu lítinn áhuga bæjaryfirvöld á
Akureyri sýndu þessu máli. Þau höfnuðu að því er virtist ágætu
tilboði Byggðastofnunar um að hún keypti eignir Dags og
Dagsprents við Strandgötu og seldi síðan eða leigði Akureyrar-
bæ. Atvinnumálanefnd bæjarins hafði heldur ekkert frumkvæði
að því að láta málefni þessara fyrirtækja til sín taka. Þetta er
umhugsunarvert í ljósi þess að þarna var um að ræða atvinnu
um 40 starfsmanna og raunar mun fleiri ef starfsmenn Prent-
verks Odds Björnssonar eru taldir með. Ef af sameiningu P.O.B.
og Dagsprents hefði orðið, hefði það tvímælalaust styrkt rekst-
ur beggja fyrirtækja mjög.
Á þessu tímabili hefur enn einu sinni komið í ljós að Dagur á
sér marga óvildarmenn sem vildu gjarnan sjá blaðið leggja upp
laupana. Þeim verður ekki að þeirri ósk sinni, eins og ítarlega
var greint frá í síðasta helgarblaði Dags. Dagur mun áfram
verða eina dagblaðið á landsbyggðinni og leitast við, hér eftir
sem hingað til, að flytja fréttir af því sem þar gerist og tala máli
þeirra sem þar búa. Því fagna vafalaust margir, mun fleiri en
þeir sem nú bíta á jaxlinn og bölva í hljóði. BB.
Þrettándagleði íþróttafélagsins Þórs haldin í 51. sinn:
MMl pdi fólks
saman kominn í góðu veðri
íþróttafélagið Þór hélt sína
árlegu þrettándagleði á svæði
félagsins við Glerárskóla síð-
astliðinn laugardag. Þessi
mikla hátíð var nú haldin í 51.
sinn og þótti hún takast mjög
vel. Mjög margt fólk var þarna
saman komið, enda veðrið eins
og best verður á kosið. Dag-
skráin var bæði fjölbreytt og
skemmtileg en gleðinni lauk
með glæsilegri flugeldasýn-
ingu, sem Þórsarar sáu sjálfir
um.
Eftir að kveikt hafði verið í
brettándabrennunni, hófst dag-
skráin á því að álfakóngur og
álfadrottning gengu inn á svæðið
ásamt fríðu föruneyti. Þarna
voru hefðbundnar kynjaverur á
ferðinni, m.a. púkar, álfar, tröll
og jólasveinar. Eftir að álfakóng-
urinn hafði talað til fólksins og
sungið áramótalög, sýndu dans-
arar úr Danskóla Sibbu nokkra
dansa. Því næst söng Jóhann Már
Jóhannsson nokkur ættjarðarlög.
Þá birtist Haraldur Sigurðsson,
öðru nafni Halli, upp á svið og
skömmu síðar Skúli Straumfjörð
rafvirki, fóstursonur Ladda og
spjölluðu þeir samán nokkra
stund. Þegar þeir höfðu lokið
máli sínu, tóku jólasveinarnir
Kertasníkir, Hurðaskellir og
Kjötkrókur öll völd á staðnum og
sungu jólalög við góðar undir-
tektir viðstaddra. Að því loknu
söng Bjartmar Guðlaugsson
nokkur lög. Bjartmar fékk einnig
Eirík Fjalar til liðs við sig og tóku
þeir félagar lagið saman. Síðan
kom Halli aftur á svið og spjall-
aði lítilega við Eirík Fjalar um
heima og geima.
Það var svo álfakóngurinn sem
átti síðasta orðið en dagskránni
lauk eins og áður sagði með flug-
eldasýnigu, sem þótti takast sér-
staklega vel. -KK
Dansarar úr dansskóla Sibbu sýndu nokkra dansa