Dagur - 11.01.1990, Blaðsíða 4

4 - DAGUR - Fimmtudagur 11. janúar 1990
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, S(MI: 24222
ÁSKRIFT KR. 1000 Á MÁNUÐI
LAUSASÖLUVERÐ 90 KR.
GRUNNVERÐ DÁLKSENTIMETRA 660 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
ANDRÉS PÉTURSSON (íþróttir),
KARL JÓNSSON (Sauðárkróki vs. 95-35960),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, ÓSKAR ÞÓR HALLDÓRSSON,
STEFÁN SÆMUNUSSON, VILBORG GUNNARSDÓTTIR,
LJÓSMYNDARI: KRISTJÁN LOGASON
PRÓFARKALESTUR: SVAVAR OTTESEN
ÚTLITSHÓNNUN: RlKARÐUR B. JÓNASSON
AUGLÝSINGASTJÓRI: FRlMANN FRlMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: HÓRÐUR BLÖNDAL
PRENTUN: DAGSPRENT HF.
SÍMFAX: 96-27639
Skyldulesning hveijum
stjónunálamanni
Geysilegar breytingar hafa orðið á búsetu hér á
landi á þessari öld. Fyrst í stað var fyrst og fremst
um það að ræða að fólk flyttist „á mölina", þ.e. úr
sveitum landsins til þorpa og kaupstaða. Um miðja
öldina hófust hins vegar stórfelldir flutningar fólks
frá landsbyggðinni til höfuðborgarsvæðisins. Þeir
flutningar eru í algleymingi nú og eru oftast nefndir
einu orði byggðaröskun.
Vöxtur Reykjavíkur og nágrannasveitarfélaga
hefur verið mikill alla þessa öld. Sem dæmi má
nefna að árið 1940 bjuggu 37% þjóðarinnar í
Reykjavík og nágrannasveitarfélögum en árið 1987
var hlutfallið komið upp í 55%. Langmest hefur
fólksfjölgunin orðið í grannsveitarfélögum Reykja-
víkur en þar fjölgaði íbúum um hvorki meira né
minna en 700% á árunum 1940-1987. Þessi þróun
hefur verið nokkuð jöfn og samfelld og stjórnvöld
hafa ekki megnað að hægja á henni né stöðva, þrátt
fyrir margyfirlýst markmið um eflingu byggðar og
atvinnulífs um land allt. Það var einungis á miðjum
áttunda áratugnum sem íbúum Reykjavíkur fækk-
aði um nokkurra ára skeið en í lok hans tók íbúum
þar að fjölga á nýjan leik og sú fjölgun hefur tekið
mikinn kipp síðustu árin.
Þessar upplýsingar koma fram í inngangi nýút-
kominnar skýrslu Byggðastofnunar um kostnað
þéttbýlismyndunar og áhrif fólksflutninga á höfuð-
borgarsvæðið. Þær eru óyggjandi staðfesting þess
að byggðastefnan hefur brugðist. Þær byggðaað-
gerðir sem gripið hefur verið til á undanförnum
árum hafa ekki komið að tilætluðum notum. Þær
hafa alls ekki skilað þeim árangri sem búist var við.
Ef til vill hafa þær verið of handahófskenndar og
ómarkvissar til þess.
Um fyrrnefnda skýrslu Byggðastofnunar verður
fjallað ítarlega í Degi á næstunni, enda er skýrslan
hin gagnlegasta lesning. Ef vel ætti að vera þyrfti
að kynna efni hennar sérhverjum íslendingi sem
kominn er til nokkurs vits og þroska. Ekki síst ætti
skýrslan að vera skyldulesning hverjum stjórn-
málamanni.
Ljóst er að öflug höfuðborg er nauðsyn í nútíma-
þjóðfélagi. Öflugt þéttbýli er forsenda þess að fjöl-
þætt þjónustustarfsemi, menning, listir og vísindi,
geti dafnað. Ör vöxtur höfuðborgarinnar fram á síð-
ustu áratugi stuðlaði að þessu og var að því leyti
ómetanlegur. Nú eru hins vegar nokkur ár síðen
höfuðborgarsvæðið varð að þessu öfluga þéttbýli.
Áframhaldandi ör fólksfjölgun þar skapar nú dýran
vanda fyrir þjóðfélagið allt. í ljósi þess er meðal
annars með öllu óskiljanlegt ef ráðamenn þjóðar-
innar ljá máls á því að velja nýju álveri stað á
Reykjanesi, í næsta nágrenni við höfuðborgarsvæð-
ið. Þær fyrirætlanir mega ekki undir nokkrum kring-
umstæðum verða að veruleika. Undir það ætti sér-
hver maður að geta tekið, kynni hann sér innlenda
byggðaþróun síðustu áratuga og kostnaðinn sem af
hlýst, verði framhald á þeirri þróun. BB.
Það var mikið flör á
brenniiballi Þórs
Halli og Laddi fóru á kostum á brennuballinu og höfðu
greinilega mjög gaman af því sem þeir voru að gera.
Bjartmar Guðlaugsson söng nokkur af sínum bestu lög-
uni og naut aðstoðar þeirra Rafns Sveinssonar og Ólafs
Héðinssonar við undirlcikinn. Gestir í salnum tóku vel
undir nieð Bjartmari, enda kunna flestir landsmenn
textana hans.
Þórsarar héldu sitt árlega
brennuball síðastliðinn laugar-
dag, að lokinni þrettándagleði
félagsins. Mikill fjöldi félags-
manna var saman kominn í Húsi
aldraðra og var ekki annað að
sjá en að þeir skemmtu sér hið
besta.
Boðið var upp á fjölbreytta
dagskrá og fóru þrír af vinsælustu
skemmtikröftum landsins, þeir
Halli og Laddi og Bjartmar Guð-
laugsson, í broddi fylkingar. Þá
var eitthvað um það að félags-
menn reyndu fyrir sér á sviðinu.
Halli og Laddi hófu leikinn og
fóru svo sannarlega á kostum.
Þeir sungu nokkur lög og létu öll-
um illum látum á sviðinu. Síðan
tók Bjartmar við og söng nokkur
af sínu bestu lögum, með aðstoð
gestanna í salnum. Um miðnætti
bauð kvennadeild Þórs gestum
upp á miðnætursnarl, sem þeir
kunnu vel að meta.
Það voru svo þeir félagar Rafn
Sveinsson og Ólafur Héðinsson
sem sáu um danstónlistina og
dönsuðu Þórsarar af miklum móð
langt fram á nótt. -KK
myndum.