Dagur - 26.04.1990, Blaðsíða 4

4 - DAGUR - Fimmtudagur 26. apríl 1990
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 24222
ÁSKRIFT KR. 1000 Á MÁNUÐI
LAUSASÖLUVERÐ 90 KR.
GRUNNVERÐ DÁLKSENTIMETRA 660 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
JÓN HAUKUR BRYNJÓLFSSON (íþróttir),
KÁRI GUNNARSSON (Sauöárkróki vs. 95-35960),
INGIBJÖRG MAGNÚSDÓTTIR (Húsavik vs. 41585),
JÓHANN ÓLAFUR HALLDÓRSSON, ÓLI G. JÓHANNSSON,
ÓSKAR PÓR HALLDÓRSSON, STEFÁN SÆMUNDSSON,
VILBORG GUNNARSDÓTTIR. LJÓSMYNDARI: KRISTJÁN LOGASON
PRÓFARKALESTUR: SVAVAR OTTESEN
ÚTLITSHÖNNUN: RlKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SÍMFAX: 96-27639
Sameigiiileg baráttu-
mál þriggja landshluta
Fulltrúar landshlutasamtakanna á Norðurlandi,
Austurlandi og Vestfjörðum héldu samstarfsfund í
byrjun þessarar viku til að ræða áherslur í byggða-
málum landshlutanna þriggja. Á fundinn mættu
einnig þingmenn þessara landshluta. Á fundinum
kom fram eindreginn vilji til að vinna sameiginlega
að stærstu hagsmunamálum landshlutanna þriggja
í byggðamálum. Á fundinum voru þrjú atriði sér-
staklega nefnd í því sambandi: Gerð jarðganga
milli byggðarlaga á norðanverðum Vestfjörðum,
stórvirkjun í Fljótsdal í samræmi við ákvörðun
Alþingis um virkjanaröð og bygging álvers við
Eyjafjörð eða Reyðarfjörð.
Ljóst er að ef stjórnvöld tækju um það ákvörðun á
næstu vikum að ráðast í þessar þrjár stórfram-
kvæmdir í náinni framtíð, myndu þær marka upphaf
nýs tíma í byggðamálum hér á landi. Með jarðgöng-
um á norðanverðum Vestfjörðum myndi skapast
þar stórt og samfellt þjónustu- og atvinnusvæði.
Slík bylting í samgöngumálum Vestfirðinga myndi
binda enda á langt byggðaröskunartímabil þessa
byggðarlags og leggja grunninn að nýju framfara-
skeiði þar vestra. Stórvirkjun í Fljótsdal yrði á sama
hátt mikil lyftistöng fyrir Austurland og undirstaða
margs konar uppbyggingar og framþróunar þar.
Það þarf heldur ekki að fjölyrða um áhrif þess á
byggðaþróun í landinu að velja nýju álveri stað við
Eyjafjörð. Slíkt stórfyrirtæki myndi valda straum-
hvörfum í atvinnumálum héraðsins, en hefði auk
þess margfeldisáhrif langt út fyrir Eyjafjarðarsvæð-
ið, meðal annars veruleg áhrif á höfuðborgarsvæð-
inu.
Tveir þingmenn Norðurlandskjördæmis eystra,
ráðherrarnir Guðmundur Bjarnason og Steingrímur
J. Sigfússon, létu á fundinum í ljós þá skoðun sína
að það væri mikið álitamál hvort borgaði sig að
reisa stóriðju, þrátt fyrir umræðu um ábata og hag-
vöxt fyrir þjóðarbúið, ef kaupa ætti þann hagvöxt
fyrir það gjald að landið sporðreistist í byggðalegu
tilliti. Formenn landshlutasamtakanna þriggja eru
sama sinnis, því í bréfi sem þeir sendu ríkisstjórn-
inni eftir fundinn segir orðrétt: „Það er ekkert sem
réttlætir uppbyggingu stóriðju á íslandi, þrátt fyrir
að iðjuverið leiði til aukins hagvaxtar, ef öðrum
meginhagsmunum þjóðarbúsins er jafnhliða stefnt
í hættu." Þetta eru orð að sönnu og ættu að vera öll-
um þingmönnum þjóðarinnar verðugt umhugsun-
arefni.
Það er ánægjulegt að forsvarsmenn landshluta-
samtakanna þriggja, Norðurlands, Austurlands og
Vestfjarða, skuli hafa ákveðið að snúa saman bök-
um og vinna sameiginlega að framgangi helstu
hagsmunamála sinna, því nýrrar baráttuaðferðar er
þörf til að stöðva yfirstandandi byggðaröskun.
Þessir landshlutar hafa átt undir högg að sækja um
langt skeið og eiga sameiginlegra hagsmuna að
gæta. Ef íbúar landsbyggðarinnar leggjast á eitt
geta þeir áorkað miklu. Oft var þörf en nú er nauð-
syn. BB.
Nemendur Barnaskólu Bárðdæla hafa verið afkastamiklir á listasviðinu á skólaárinu. Á menningarvöku fyrr í vetur
settu þeir m.a. upp dagskrá til heiðurs bárðdælska skáldinu, bóndanum og kcnnaranum Kára Tryggvasyni frá Víði-
keri. Hér eru nokkrir verðlaunahafanna í hlutverkum sínum í leikgerð sögunnar um Svartskegg greifa eftir Kára.
Á myndinni eru, talið frá vinstri: Ásta, Haukur, Hörður, Árni, Sigurlína og Gulla.
Nemendur í Barnaskóla
Bárðdæla verðlaunaðir
- fyrir flölbreytileg og vönduð verkefni í móðurmálsnámi
Úr leikritinu „Ása“. Leikendur: Árni, Sigurlína, Ketill, Hörður, Ella Sigga,
Þura, Berglind, Gulla, Ásta, Óli, Kósa, Haukur.
Mál og menning auglýsti á síð-
astfiðnu hausti eftir efni sem
hefði það að markmiði að
sameina lærdóm og skemmtun
í móðurmálsnáminu. Óskað
vtir eftir „fjölbreytilegum
verkefnum, æfingum, þraut-
um, s.s. krossgátum, mynda-
sögum, gátum, skopsögum og
vísum, sem eflt gætu málskiln-
ing, aukið orðaforða og hætt
málfræðikunnáttu.“ Ætlast var
til að verkefnin yrðu unnin í
skólunum og að nemendur og
kennarar ynnu saman að smíði
þeirra. Samkeppnin vakti tölu-
verða athygli meðal skólafólks
og margir höfðu samband við
forlagið, þannig að Ijóst er að
áhugi fyrir móðurmálsefni af
þessu tagi er mikill.
Af því efni sem barst, þóttu
skara fram úr fjölbreytileg og
vönduð verkefni seni 12nemend-
Korinn: Berghnd, Haukur, Oh, Ketill
urlína, Árni, Gulla, Ella Sigga, Kósa.
ur úr Barnaskóla Bárðdæla höfðu
unnið undir stjórn kennara síns,
Eddu Eiríksdóttur. Börnin nýttu
(a bakviö), Þura, Asta, Hörður, Sig-
kvöldin og aukatímana á heima-
vistinni til að smíða spil, kross-
gátur, málsháttaþrautir, vísur og
sögur, sem bera þeim og skólan-
unt fagurt vitni. Sem dæmi um
hugmyndaauðgi nemendanna má
nefna að þeir bjuggu m.a. til
námsspil sem þeir kölluöu
„Flakkað um Fljótsheiði". Um er
að ræða keppnisspil þar sem ten-
ingur kentur keppendum í gegn-
um spilið. Börnin tóku ýmis
örnefni úr nágrenninu og nýttu
sem uppistöðu í spilið. Þeir sem
spila þetta spil lenda í ýmsum
ævintýrum og þrautum á heiðinni
og meðal þeirra sem koma við
sögu í spilinu eru Elvis Presley og
Madonna. Eins og nærri má geta
verður spilarinn svo dolfallinn
við að hitta þessi goð að hann
gleymir sér í svo sem eins og tvær
umferðir!
Nentendurnir 12 sem unnu til
verðlaunanna eru: Árni Her-
mannsson, Ásta Skarphéðins-
dóttir, Berglind Helgadóttir,
Elín Sigríður Ingvarsdóttir, Guð-
laug M. Steinsdóttir, Haukur
Baldursson, Hörður H. Tryggva-
son, Ketill Sigurðarson, Ólafur
Hjörtur Ólafsson, Rósa Tryggva-
dóttir, Sigurlína Tryggvadóttir og
Þuríður Jónasdóttir.
Hópnum hafa verið send pen-
ingaverðlaun, en auk þeirra fékk
hver nemandi eintak af safninu
Islcnskar þjóðsögur og ævintýri,
sem Einar Ólafur Sveinsson tók
saman.
I frétt frá Máli og menningu er
nemendum og kennurum Barna-
skóla Bárðdæla óskað innilega til
hamingju með árangurinn. Dag-
ur tekur undir þær hamingjuósk-
ir. BB.
Kattadansinn! Berglind, Sigurlína, Rósa.