Dagur - 18.07.1990, Side 5

Miðvikudagur 18. júlí 1990 - DAGUR - 5
---------------------------------\
Fyrstu nemendur
Flugskóla Akureyrar
sóttu tíma fram á
Melgerðismela
Flugið hefur löngum heillað,
og það hefur eflaust einnig
heillað þá Gísla Ólafsson
fyrrv. yfirlögregluþjón, Árna
Bjarnarson bókaútgefanda og
Steindór Hjaltalín útgerðar-
mann hinn 7. júní 1945 er þeir
félagar stofnuðu Flugskóla
Akureyrar.
Undirbúningur hafði þá staðið
um nokkurra ára bil hjá þeim
Gísla og Arna og meðal annars
hafði Árni Bjarnarson þá látið
þýða og gefa út fyrstu og einu
kennslubók í flugi sem komið
hefur út á íslandi. Var mikil
vinna lögð þar í hugtök og þýð-
ingar, og eru mörg hugtökin enn
í fullu gildi í fluginu í dag. Ýmsir
lögðu þessu útgáfumáli lið, og má
þar nefna Agnar Kofoed-Hansen
fyrrv. flugmálastjóra og Sigga
„flug“ sem er handhafi flugskír-
teinis nr. 1. Steindór bættist svo í
hópinn þegar nær dró stofndegi.
I upphafi var ákveðið að kaupa
tvær kennsluvélar, og urðu fyrir
valinu Tiger-Moth vélar frá Kan-
ada og komu þær til landsins 27.
ágúst 1945, og voru settar saman
á Reykjavíkurflugvelli. Sú fyrri
hlaut einkennisstafina KAE en
hin KAD, og voru þær teknar í
notkun í septembermánuði s.á.
Flugkennsla hófst þá strax með
nokkrum nemendum, og var.
Kristján Mikaelsson ráðinn flug-
kennari og Björgólfur Baldurs-
son vélamaður.
Vélamaðurinn var ekki stöðugt
hér fyrir norðan, og varð alloft að
fá hann norður til eftirlits með
vélunum þótt lágmarkseftirlit
væri í höndum flugkennara.
Árið 1948 fór Árni Bjarnarson
til Bandaríkjanna til að festa
kaup á tveimur Piper-Cub flug-
vélum sem komu til landsins það
sama ár. Um tíma hafði skólinn
umboð fyrir þessar vélar hér á
Norðurlandi fyrir Elding Trading
Co. í Reykjavík.
Síðar eignaðist skólinn 4ra
manna vél, Percival Proctor og
Fleet Finch, sem var 2ja manna.
Með tilkomu þeirra kom tals-
verður fjörkippur í flugnámið á
Melgerðismelum, og nýr flug-
kennari hóf að kenna flug hjá
Gömlu kempurnar Árni Bjarnarson
og Gísli Ólafsson við Tiger Moth
vélina í september 1945.
Texti:
Geir Guðsteinsson
skólanum, Njáll Guðmundsson
að nafni.
Síðla sumars 1948 hætti skól-
inn starfseminni að Melgerðis-
melum og voru vélarnar og bif-
reið sem skólinn átti einnig seldar
til Reykjavíkur. Það gefur auga
leið að erfitt var að fást við rekst-
ur flugskóla svo langt fra bænum,
eða í 20 km fjarlægð, og því lá
starfsemin niðri allt þar til
Sigurður Aðalsteinsson hóf
rekstur hans að nýju.
Eigi er hægt að skilja svo við
umfjöllun um þá félaga Gísla
Ólafsson og Árna Bjarnarson og
afskipti þeirra af flugmálum hér
norðan heiða, að ekki sé getið
þess brennandi áhuga sem þeir
höfðu á uppbyggingu flugvalla.
Voru þeir óþreytandi að ferðast
um og skoða hugsanlega lending-
arstaði fyrir flugvélar víðs vegar á
Norðurlandi. Sérstaklega var
áhugi og elja Árna við að koma
upp flugvelli í Grímsey eftirtekt-
arverður, en hann var að öðrum
mönnum ólöstuðum frumkvöðull
þess að flug til Grímseyjar varð
að veruleika.
10. nóvember 1954 var fyrsta
áætlunarflugið til Grímseyjar frá
flugvellinum á Melgerði með
DC-3 flugvél Flugfélags íslands,
Gunnfaxa. Fjórir Grímseyingar
með Magnús Símonarson hrepp-
stjóra í broddi fylkingar tóku sér
far með vélinni til eyjarinnar en
sex til baka og tók flugið 30
mínútur. Með flugvélinni fóru
einnig þeir Gísli Ólafsson og
Árni Bjarnarson ásamt Steindóri
Steindórssyni fyrrv. skólameist-
ara. Með þessu flugi var einangr-
un eyjarskeggja rofin, en
áætlunarflug til Grímseyjar hófst
þó ekki fyrr en ári seinna.
Starfsemin flyst á
Akureyrarflugvöll
í um 25 ár lá starfsemi Flugskóla
Akureyrar niðri, en þeir Tryggvi
Helgason og Jóhann Helgason
munu þó hafa haldið uppi ein-
hverri flugkennslu á þessu tíma-
bili, en það var ekki fyrr en
Sigurður Aðalsteinsson hóf flug-
kennslu, að flugkennsla undir
merkjum skólans byrjaði að
nýju. Síðan hefur flugkennsla
verið samfelld, en áhugi á því að
læra flug og svífa um loftin blá
eins frjáls og fuglinn virðist ekk-
ert dvína.
í dag á Flugskóli Akureyrar
tvær kennsluvélar, TF-JMB og
TF-JMF sem báðar eru af gerð-
inni Piper Tomahawk, 2ja sæta.
Skólastjóri Flugskólans er Ragn-
ar Ólafsson, kennarar Einar
Jónsson og Frímann Svavarsson,
en framkvæmdastjóri Sigurður
Aðalsteinsson.
í dag kostar flugtími 5.200
krónur, en hægt er að kaupa 10
tíma kort sem kostar 52.000
krónur. GG
Á Akureyrarflugvelli sumarið 1990. Gísli Ólafsson, Sigurður Aðalstcinsson framkvæmdastjóri, Árni Bjarnarson og
Frímann Svavarsson flugkennari.
r
AÐ H'OLAVATNI |j
Nokkur pláss laus fyrir:
Stúlkur, 20.-27. júlí.
Drengi 2.-9. ágúst.
Upplýsingar veitir Anna í síma 23929.-
___________________________________________________/
Til viðskiptamanna!
Vegna sumarleyfa verður skrifstofan
lokuð til 1. ágúst.
Fasteiganasalan verður þó opin á venjulegum tíma frá
kl. 14.00-18.30.
Vinsamlegast athugið breytt símanúmer
Fasteignasölunnar.
S11500
Málflutningsstofa
Benedikts Ólafssonar.
r----------------------------------------\
Húsmæðraorlof
Konur framan Akureyrar
Farið verður í orlofsferð til Austfjarða 8.
og 9. ágúst.
Gist verður á Reyðarfirði. Lagt af stað frá Hrafnagili
kl. 10.00 stundvíslega þann 8. ágúst.
Þátttaka tilkynnist til undirritaðra, sem veita nánari
upplýsingar.
Önnu Jónsdóttur í síma 31252,
Hildar Gísladóttur, í síma 31133.
Jónínu Þórðardóttur, í síma 31185 fyrir 25. júlí.
Orlofsnefndin.
Einingarfélagar
athugið!
Eins dags ferð aldraðra verður farin laugardaginn
18. ágúst n.k. Lagt verður af stað frá Alþýðuhúsinu á
Akureyri kl. 10.00 að morgni.
Farið verður austur um Víkurskarð og ekið inn Bárð-
ardal og snæddur hádegisverður að hótel Kiðagili.
Þá ekið áfram að Mýri og þaðan upp á Sprengi-
sandsleið, og sem leið liggur í Laugafell. Þaðan
verður svo farið niður í Eyjafjörð og til Akureyrar.
Fargjald verður kr. 1.000.-
Upplýsingar og skráning á skrifstofu félagsins að
Skipagötu 14, 2. hæð, sími 23503.
Ferðanefnd Einingar.
Verslunarhúsnæði
til leigu
Verslunarhús Kaupfélags Eyfirðinga, Hauganesi og
verslunarhúsnæði á neðstu hæð, Hafnarstræti 20,
Akureyri, er til leigu frá og með 1. október n.k. með
tilheyrandi innréttingum, áhöldum og tækjum.
Einnig kemur til greina sala á ofangreindum hús-
eignum.
Upplýsingar gefur Sigurður Jóhannesson, aðalfull-
trúi kaupfélagsstjóra í síma 30341.
Kaupfélag Eyfirðinga.