Dagur - 18.10.1990, Blaðsíða 5

Fimmtudaaur 18. október 1990 - DAGUR - 5
Bréfaskólinn 50 ára: ^
Hefur gefið tugþúsundum Is-
lendinga tækifæri til menntunar
Bréfaskólinn hefur nú starfað
óslitið í 50 ár og var haldið upp á
þessi merku tímamót í sögu
skólans, mánudaginn 15. október
í Listasafni ASÍ.
Samvinnuhreyfingin á Islandi
stofnsetti skólann í október 1940
og hét hann þá Bréfaskóli SIS og
rak Sambandið hann eitt í 25 ár,
þá gerðist ASÍ eignaraðili og
ráku þessi samtök skólann saman
um skeið. Síðar urðu fleiri sam-
tök í landinu eignaraðilar að
skólanum og reka hann nú helstu
fjöldasamtökin, sem eru Alþýðu-
samband íslands, Bandalag
starfsmanna ríkis og bæja, Far-
manna- og fiskimannasamband
íslands, Kvenfélagasamband
íslands, Samband íslenskra sam-
vinnufélaga, Stéttarsamband
bænda, Ungmennafélag íslands
og Öryrkjabandalag íslands.
Bréfaskólinn varð sjálfseignar-
stofnun á liðnum vetri og er enn
eini skólinn á landinu sem ein-
göngu hefur fjarkennslu á sinni
könnu. Fyrirmyndin að þessari
sérstæðu fræðslustofnun á íslandi
var sótt til norrænna bréfaskóla
sem þá voru komnir til vegs og
virðingar. í Svíþjóð hóf Brev-
skolan starfsemi sína árið 1919 og
var hann fús til að styðja tilraun
íslensku samvinnufélaganna til
að starfrækja bréfaskóla hér á
landi, m.a. með því að láta þeim
í té námsefni og hljómplötur.
Tilgangurinn var „að gefa
námfúsu fólki, ungu sem gömlu,
tækifæri til að afla sér fróðleiks í
frístundum". Þannig voru mark-
miðin orðuð 1940.
Óhætt er að segja að Bréfa-
skólinn hefur í hálfa öld gefið
tugþúsundum íslendinga tækifæri
til menntunar sem þeir annars
hefðu ekki haft aðgang að. Fólk
úr öllum helstu stéttum og starfs-
greinum alls staðar á landinu
sækir Bréfaskólann nú eins og
áður. Þrátt fyrir stórbættar sam-
göngur og gífurlega aukið náms-
framboð víða um landið hefur
aðsókn að Bréfaskólanum verið
stöðug í mörg ár. Árlega skrá sig
um 800-1200 nemendur. Fyrir
utan fólk sem býr í strjálbýli er
enn margt fólk í landinu sem ekki
á heimangengt á venjulegum
kennslutíma, t.d. þeir sem vinna
vaktavinnu, þeir sem eru bundnir
yfir börnum, sjúkum eða öldruð-
um. Sjómenn eru líka stór hópur
manna sem getur ekki sótt venju-
leg námskeið. Fyrir þetta fólk
getur fjarkennsla verið góð lausn
og Bréfaskólinn kappkostar að
liðsinna því.
Bréfaskólinn á sér djúpar ræt-
ur í íslensku þjóðfélagi og hann
hefur sannað tilverurétt sinn,
m.a. með því að laga sig að
breyttum þörfum þjóðfélagsins
fyrir fræðslu og þjónustu. Tækm-
búnaður sem nú er völ á gerir
bréfanám auðveldara og
skemmtilegra. Hljóðbönd og
myndbönd eru nú notuð í kennsl-
unni auk kennslubréfanna og
fleiri og fleiri kennarar bjóða
nemendum leiðsögn í síma.
Símabréf eru líka notuð í sam-
skiptum nemenda og kennara.
Námsráðgjöf er fastur liður í
starfsemi skólans sem mjög
margir notfæra sér, einkum í
tengslum við innritun.
Samstarf við aðra fræðsluaðila
hefur eflst mikið á undanförnum
árum. Þeir helstu eru nú: Banka-
mannaskólinn, Ferðaþjónusta
bænda, Iðntæknistofnun Islands,
Námsflokkar Reykjavíkur, bóka-
fulltrúi ríkisins, menntamála-
ráðuneytið, Blindrabókasafnið
og í undirbúningi er samstarf við
bændaskólana. Ásókn í ýmiss
konar starfsmenntun fer nú vax-
andi, t.d. í bókavarðarnám, sigl-
ingafræði, landbúnaðarhagfræði,
bókfærslu, vaxta- og verðbréfa-
reikning o.fl.
Bréfaskólinn hefur fært starf-
semi sína út fyrir landsteinana
með því að bjóða upp á íslensku
fyrir útlendinga. Nú eru 68
nemendur, frá ýmsum löndum
heimsins, innritaðir í það nám og
hefur þetta námskeið vakið
ánægjuleg viðbrögð, bæði hér á
landi og erlendis.
lesendahornið
Jóhann Skírnisson, flugmaður:
Lístaháskóli á Akureyri
Jóhann Skírnisson, flugmaður á
Akureyri hringdi: „Ég hef tölu-
verðan áhuga á hugmyndinni um
Listagil á Akureyri og þá sérstak-
VöruMar
í Önguls-
staða-
hreppi
lega, að á Akureyri rísi listahá-
skóli.
Þegar Eyfirðingum varð ljóst
að ekkert varð úr áldrauminum,
lögðust sumir í þunglyndi og
töldu endalok byggðar í Éyjafirði
skammt undan. Sem betur fer
halda flestir sönsum og eru þegar
farnir að leita annarra leiða. Það
hefur verið bent á, að verði rétt á
málum haldið næstu ár, muni Há-
skólinn á Akureyri veita milljörð-
um inn í eyfirska hagkerfið og
standa undir að minnsta kosti 100
beinum störfum auk ótalinna
margfeldisáhrifa.
Nú er róið stíft að stofnun lista-
háskóla hérlendis og hefur lík-
lega fáum dottið í hug að hann
rísi í Grófargilinu. Verði rétt á
málum haldið gæti þetta orðið
eitt okkar besta sóknarfæri í
atvinnumálum. Þessi stofnun
mundi veita tugum manna beina
atvinnu og laða hingað hundruð
íslenskra og erlendra stúdenta,
sem þyrftu mikla þjónustu.
Óbeinu áhrifin gætu meðal ann-
ars birst í auknum feröamanna-
straumi til Akureyrar. Þó held ég
að sálartetrin hér norðan heiða
högnuðust mest og er þá til-
ganginum náð, háu atvinnustigi
og sálarró.“
Aðalfundur F.H.U.E.
verður haldinn laugardaginn 27. 10. kl. 14.00 í
Lundarskóla.
Venjuleg aðalfundarstörf.
Lagabreytingar.
Veitingar.
Stjórnin.
Dansleikur
Fögnum vetri í Lóni v/Hrísalund laugardaginn
27. 10. frá kl. 22.00 til 03.00.
— Allir velkomnir.
Harmonikuunnendur.
Munurinn er augljós!
Kona í Öngulsstaðahreppi
hafði samband:
„Ég vil koma á framfæri athuga-
semd vegna vörubíla, sem aka
með möl og grjót frá Þveráreyr-
um. Keyrslan á þessum bílum er
þannig, að börnin sem standa á
veginum á morgnana og bíða eft-
ir skólabílnum, eiga fótum sínum
fjör að launa. Ekki bara það,
heldur sér stundum ekki í fötin
þeirra fyrir drullu. Hér er um að
ræða leiðina frá gatnamótunum,
fram að Þveráráeyrum. Ég tel
stórhættu stafa af þessum bílum,
og akstursmáta þeirra. Bílstjór-
arnir ættu að taka tillit til barn-
anna, þau eru allt niður í sex ára
gömul.“
Dysjanes það
datt úr leik
Eldri maður, sem kýs að kalla sig
TJ, hringdi á ritstjórn Dags og
vildi koma eftirfarandi ljóðmæli á
framfæri.
Nú er úti vonin veik
vart mun álver rísa hér.
Dysjanes það datt úr leik,
Drottni góðum þakka ber.

IHÆSTA.
GÆÐAFL0KKI
• SKÍÐAGALLAR
• ÚLPUR
• GALLAR
• SKÓR
• TÖSKUR
• BOLIR
• HÚFUR
ÍÞRÓTTAVÖRUVERSLUN
Strandgötu 6, sími 27771.
Opiö frá kl. 9.30-18.00, laugard. kl. 10.30-12.30.
• LÚFFUR
• SOKKAR
• INNISKÓR
• STUTTBUXUR
• SUNDFATNAÐUR
• SKAUTAR
• BOLTAR O.FL.