Dagur - 03.01.1991, Qupperneq 2

2 - DAGUR - Fimmtudagur 3. janúar 1991
ÖxarQarðarhreppur og Presthólahreppur:
Ósk um sameigin-
legan flárhag frá
og með áramótiun
- formleg sameining og kosningar
um næstu mánaðamót
frétfir
Oddvitar Presthólahrepps og
Öxarfjarðarhrepps undirbúa
nú sameiningu hreppanna í
samvinnu við félagsmálaráðu-
Leikfélag Akureyrar:
Mjög góð
aðsókn að
Ættarmótinu
Uppfærsla Leikfélags Akur-
eyrar á Ættarmótinu, þjóðleg-
um farsa eftir Böðvar Guð-
mundsson, hefur fengið fljúg-
andi start og var uppselt á
fyrstu fjórar sýningarnar milli
jóla og nýárs.
Að sögn Rögnu Garðarsdótt-
ur, miðasölustjóra, voru um 200
manns á frumsýningunni og 230-
240 á hinum þremur sýningunum
og var uppselt á þær allar. Eftir
aðeins fjórar sýningar hafa því
um 900 manns séð Ættarmótið.
„Við erum auðvitað afskaplega
ánægð. Petta er mjög góð aðsókn
og getur raunar ekki verið betri,“
sagði Ragna.
Ekki verða sýningar á Ættar-
mótinu um næstu helgi en helgina
11.-13. janúarverða þrjár sýning-
ar og sagði Ragna að þegar hefði
borist mikið af miðapöntunum á
þær sýningar. SS
Norðurland vestra:
Friðsæl
áramót
- ölvun svipuð
og vanalega
Rólegheit voru hjá lögreglu á
Norðurlandi vestra um ára-
mótin. Lítið var um að menn
lentu í fangageymslum hjá lög-
regiu. Að sögn Bjöms Mikaels-
sonar yfirlögregluþjóns á Sauð-
árkróki voru áramótin með
rólegra móti, þó hafði lögregla
afkipti af nokkrum vegna ölv-
unar.
Rólegt var hjá lögreglumönn-
um í Húnavatnssýslum, þó þurfti
að hafa afskipti af nokkrum dans-
leikjagestum en þrír dansleikir
voru vestra á nýársnótt. „Þetta
var frekar rólegt hjá okkur,
menn voru frekar seinir að fara
heim af dansleikjum eins og
gjarnan vill verða á nýársnótt.
Einn ökumann stöðvuðum við
vegna gruns um ölvun við akstur,
annars voru áramótin frekar
róleg hjá okkur,“ sagði Sigurður
Sigurðsson lögreglumaður á
Hvammstanga.
Dansleikir í Skagafirði fóru vel
fram að sögn lögreglu á Sauðár-
króki og ölvun var ekki meiri en
almennt gerist á dansleikjum um
áramót. „Ég held við hljótum að
vera ánægðir, það er óhætt að
segja að þetta hafi verið með
rólegri áramótum," sagði Björn
Mikaelsson yfirlögregluþjónn á
Sauðárkróki. kg
neytið en búist er við að sam-
einingin gangi formlega í gildi
um næstu mánaðamót. Hrepp-
arnir hafa hins vegar óskað eft-
ir því að fjármál þeirra verði
sameiginleg frá og með ára-
mótum.
Ingunn St. Svavarsdóttir,
oddviti Presthólahrepps, sagði að
það væri mjög heppilegt fyrir
hreppana að hafa sameiginlegan
fjárhag frá og með áramótum og
ósk þar að lútandi hefði verið
lögð fyrir félagsmálaráðuneytið.
Þessi tímasetning er heppilegri
með tilliti til uppgjörs en ýmsa
lausa enda þarf að hnýta áður en
hið sameinaða sveitarfélag,
Öxarfjarðarhreppur, verður
formlega stofnað.
Ekki hefur borist svar frá fé-
lagsmálaráðuneytinu um það
hvort mögulegt sé að miða sam-
eiginlegan fjárhag við áramót en
ekki þann tíma er sameining
hreppanna gengur formlega í
gildi.
Pegar öllum formsatriðum hef-
ur verið fylgt verður efnt til sveit-
arstjórnarkosninga í hinum nýja
Öxarfjarðarhreppi. Rætt hefur
verið um laugardaginn 2. febrúar
sem hugsanlegan kjördag en
tímasetningin hefur þó ekki verið
ákvéðin endanlega. SS
Mynd: Golli
Akureyri:
Hélt upp á 100 ára afinælið
Jónína Sigríður Magnúsdóttir, nú til heimilis að
Dvalarheimilinu Hlíð á Akureyri, hélt upp á
hundrað ára afmæli sitt 30. desember sl. Jónína
tók á móti gestum á Hlíð á afmælisdaginn. Hún
las fyrirhafnarlaust heillaskeyti, sem henni
bárust, og ræddi við gesti sína um daginn og
veginn.
Jónína Sigríður fæddist 30. desember 1890 að
Saurbæ í Kolbeinsdal. Eiginmaður hennar (1924)
var Jón Sigfússon. Þau bjuggu í Langhúsum í
Viðvíkursveit á árunum 1924-1927. Það ár keyptu
þau hálflendu Ytri-Hofdala í Hofsstaðaplássi og
bjuggu þar á móti Guðrúnu Bergsdóttur, móður
Sigríðar og s'einni manni henriaf, Sigtryggi Guð-
jónssyni, sem var hálfbróðir Jóns, sammæðra.
Árið 1945 fluttu þau hjón til Akureyrar. Þar hefur
Sigríður dvalist síðan. Á Akureyri vann hún í
Súkkulaðiverksmiðjúnni Lindu til 88 ára aldurs.
Jón eiginmaður Sigríðar lést í byrjun árs 1969.
Síðan hefur heimili hennar lengst af verið á
Grenivöllum 26 hjá syni hennar Þorsteini ög konu
hans Elínu Halldórsdóttur. En eins og áður segir
býr Sigríður nú á Dvalárheimilinu Hlíð á Akur-
eyri.
Börn Sigríðar og Jóns eru Þorsteinn Björn f.
1925, Margrét f. 1927, Magnús Guðberg f. 1929,
og Sigurlína f. 1930. Afkomendur Sigríðar og
Jóns, börn, barnabörn, barnabarnabörn og
barnabarnábarnabárn éru nú‘50. óþh
Húsavík:
íslandsbanki kaupir Samvinnubankaútíbmð
Islandsbanki hefur keypt útibú
Samvinnubankans á Húsavík,
húseignir og rekstur, af Lands-
banka Islands. Þeir sem um
áramót áttu inni eða skulduðu
Samvinnubankanum eru nú
orðnir viðskiptavinir íslands-
banka á Húsavík. I dag verður
bankinn að Stóragaröi 1 opn-
aður sem Islandsbanki og einn-
ig verður Islandsbanki að
Garðarsbraut 26 opinn þar til
eftir miðjan janúar að starf-
semi hans verður alfarið flutt
að Stóragarði 1. Starfsmönn-
um verður ekki sagt upp þrátt
fyrir sameiningu bankanna.
Alls hafa níu konur starfað hjá
Samvinnubankanum á Húsavík
og fimm starfsmenn hjá íslands-
banka og verða þau öll starfs-
menn Islandsbanka. Örn Björns-
son verður áfram útibússtjóri
íslandsbanka á Húsavík en Lára
Júlía Kristjánsdóttir sem verið
hefur útibússtjóri Samvinnu-
bankans verður þjónustustjóri
íslandsbanka.
„Ég vona að þessar breytingar
hafi sem minnst óþægindi í för
með sér fyrir viðskiptavini bank-
anna. Okkur starfsfólkinu líka
þessar breytingar ágætlega, við
verðum áfram í sama húsnæði
og það er engin óvissa lengur, við
vitum hvernig þetta verður og
erum ánægð,“ sagði Lára í Sam-
tali við Dag í gær.
„Við munum hraða samruna
bankanna eins og hægt er og
þetta leggst vel í okkur öll. Ég
held að það sé ákaflega gott fyrir
okkar samfélag að fá stóran og
öflugan íslandsbanka. Það gefur
okkur möguleika á að horfa
björtum augum til framtíðar því
það er ákaflega þýðingarmikið að
vera með öflugar bankastofnanir.
Það er mjög góður hópur á báð-
um stöðunum og ég hlakka mjög
til að fara að starfa með honum.
Við stefnum að sjálfsögðu enn á
það að auka markaðshlutdeild
nýja fslandsbanka á Húsavík,"
sagði Örn í samtali við Dag.
Svæðisskrifstofa Vátrygginga-
félags íslands hf. er að Stóragarði
1, og er nú verið að leita að nýju
húsnæði fyrir starfsemina.
Umræður munu vera í gangi um
að tryggingarnar fái húsnæði
íslandsbanka að Garðarsbráut
26. IM
Útgerðarfélag Akureyringa hf.:
Ársaflinn varð 22.570 tonn
Togarar Útgerðarfélags Akur-
eyringa hf. öfluðu vel á sl. ári.
Utgerðarfélagið gerði út 7
togara á árinu og þeir lönduðu
22.570 tonnum, sem er um 500
tonnum meiri afli en á árinu
1989.
Að sögn Einars Óskarssonar
hjá ÚA, varð ársafli Sléttbaks
EA 304 4566 tonn að aflaverð-
mæti 420 milljónir. Togarinn er
gerður út sem frystitogari sem og
Sólbakur EA 307. Sólbakur EA
307 var keyptur til félagsins á
árinu og fór sína fyrstu veiðiferð
Akureyri:
Innbrot í KA heimilið
Innbrot var framið í KA heim-
ilinu í fyrrinótt að sögn rann-
sóknarlögreglunnar á Akur-
eyri.
„Innbrotsþjófurinn eða þjóf-
arnir fóru inn um opnanlegt
gluggafag. Engar skemmdir voru
unnar, en 5000,00 kr. var stolið
úr peningakassa í afgreiðslunni.
Við erum að vinna i málinu,“
sagði Daníel Snorrason, rann-
sóknarlögreglumaður. ój
undir nýjum merkjurn í byrjun
september. Sólbakur EA 307
veiddi 900 tonn. Ársafli Sólbaks,
EA 305, sem gerður er út á sókn-
armarki er 2695 tonn og Hrím-
bakur EA 306, sem einnig er gerð-
ur út á sóknarmarki, veiddi 2503
tonn. „Aflamarkstogararnir Sval-
bakur, Kaldbakur og Harðbakur
öfluðu mjög vel. Kaldbakur EA
301 landaði 4290 tonnum, Harð-
bakur EA 303 landaði 4198 tonn-
um og Svalbakur EA 302 3420
tonnum. Útgerð togaranna sjö
gekk með ágætum. Kaldbakur
fer út í kvöld og við erum að
landa úr Svalbak og Harðbak,“
sagði Einar Óskarsson. ój
Kópasker:
„Galdrabreima“ á gamlárskvöld
Á Kópaskeri var kveikt í
brennu á gamlárskvöld eins og
víðast hvar á Norðurlandi en
bálkösturinn þótti mjög
óvenjulegur. Höfðu sumir á
orði að þetta væri galdra-
brenna.
Bálkösturinn var að mestu
leyti byggður upp af gömlum
hliðgrindum sem voru umhverfis
kirkjugarðinn, en þær voru fjar-
lægðar síðastliðið sumar. Efst var
sjálfu sáluhliðinu komið fyrir
með krossi og öllu tilheyrandi og
þótti mönnum brennan líta ansi
draugalega út. Fóru þá hugtök
eins og galdrabrenna á kreik.
Heimildir okkar frá Kópaskeri
herma að það hafi logað glatt í
„galdrabrennunni“ og eftir að
éljagangurinn fauk út í hafsauga
var ágætis veður á gamlárskvöld
og notuðu íbúar það óspart til að
brenna gamla árið. SS