Dagur - 06.07.1991, Blaðsíða 8

8 - DAGUR - Laugardagur 6. júlí 1991

Tónlist
Sumartónleikar á
Norðausturlandi
Helgina 12.-14. júlí hefjast
Sumartónleikar á Norðaustur-
landi 1991. Þessi tónleikaröð á
nú fimm ára afmæii og sem
fyrr verða tónleikarnir haldnir
í Húsavíkurkirkju, Reykja-
hlíðarkirkju og Akureyrar-
kirkju.
Dagskráin í sumar verður fjöl-
breytt og með alþjóðlegu yfir-
bragði því óvenju mikið er um
erlent tónlistarfólk að þessu
sinni. Sumartónleikarnir verða
haldnir fimm helgar í júlí og
ágúst, í Húsavíkurkirkju á föstu-
dögum kl. 20.30, í Reykjahlíðar-
kirkju á laugardögum kl. 20.30
og í Ákureyrarkirkju á sunnu-
dögum kl. 17.00.
A fyrstu tónleikunum, 12.-14.
júlí, kemur Barokkhópur Akur-
eyrarkirkju fram. Hópurinn er
þannig skipaður: Margrét Bóas-
dóttir, sópran, Björn Steinar Sól-
bergsson, orgel, Lilja Hjaltadótt-
ir, fiðla, Sigríður Hrafnkelsdótt-
ir, fiðla, og Richard Korn, bassi.
Helgina 19.-21. júlí syngur
Kristina Stobæus, sópransöng-
kona frá Svíþjóð, við undirleik
Björns Steinars Sólbergssonar,
organista. Á tónleikunum 26.-28.
júlí syngur Kór Sankt Morten
kirkjunnar í Randers, vinabæ
Akureyrar. Stjórnandi er Ulrik
Rassmussen.
Þýskir listamenn koma í heim-
sókn 2.-4. ágúst, þau Barbara
Hinz, flautuleikari, og Stefan
Barscay, gítarleikari. Tónleika-
röðinni lýkur með tónleikum
Málmblásarasveitar Paul
Schemm frá Þýskalandi helgina
9.-11. ágúst.
Það eru sóknarnefndir kirkn-
anna sem standa fyrir tónleikun-
um en Björn Steinar Sólbergsson
og Margrét Bóasdóttir hrintu
Sumartónleikum á Norðaustur-
landi af stað fyrir fimm árum.
Þessir tónleikar hafa líkað vel og
er aðgangur ókeypis. SS
LETTIH
NyUtuava/
Hestamannafélagið Léttir
Félagsferð
Helgina 12.-14. júlí verður félagsferð
Léttis í Sörlastaði.
Farið verður frá Kaupvangsbakka kl. 18.00,
föstudaginn 12. júlí. Farangur verður tekinn fyrir
þá sem vilja við Skeifuna kl. 17.00 sama dag.
Nánari upplýsingar um ferðina gefa Jón í síma
21554, Björn í síma 24121 eða Jón Ólafur í síma
23435.
Ferðanefnd Léttis.
Útgerðarmenn
vélstjórar
bíleigrendur
Mælingar á skipum og bílum
síðustu tvö ár hafa sýnt að með
notkun
POWERPLUS/CLEANBURN
tækja verður:
ELDSNEYTISSPARNAÐUR . 7-15%
MENGUN MINNKAR UM . 50%
OG VÉLARAFL EYKST YFIR . 3%
Yfir 150.000 tæki eru í notkun í bílum
og skipum um allan heim.
Niðurstöður staðfestar af opinberum
aðilum og fyrirtækjum.
Gúmmívinnslan hf.
Réttarhvammi 1. Akureyri, s. 96-26776.
„Djasshátíð Egflsstaða"
Fimmta daginn í jazzhátíð,
sunnudaginn 30. júní, var boðið
upp á það, sem kalla mætti lands-
liðið í jazzleik á íslandi. Þetta var
kvartett Guðmundar Ingólfsson-
ar, píanóleikara. Með honum var
Björn Thoroddsen á rafmagns-
gítar. Þórður Högnason á raf-
magnskontrabassa og Guðmund-
ur Steingrímsson á trommur.
Þegar á leið leik kvartettsins
bættist Rúnar Georgsson saxa-
fónleikari í hljómsveitina, svo að
hún varð kvintett.
Ekki þarf að fjöiyrða um hæfni
og reyndar snilli þessara tónlist-
armanna allra á hljóðfæri sín.
Þeir eru svo til efalaust þeir fær-
ustu, sem kostur er á hér á landi
hver á sínu sviði.
Leikur hljómsveitarinnar byggir
mikið á yfirburða tæknilegri getu
hljóðfæraleikaranna, sem skipa
hana. Það væri þó alls ekki nóg til
þess að ná því stigi glæsileika,
sem leikur hennar hefur til að
bera. Til kemur einnig frjótt hug-
myndaflug í því að spinna saman
iðulega afar hraðar stefjahrynur
og þegar best lætur semja út frá
- fimmti dagur
þeim runur og tilbrigði. Þetta
tókst iðulega listavel, þó að hitt
kæmi vissulega fyrir, að sóló
leiddust út í til þess að gera sam-
hengislitlar trillur, sem ekki
byggðust á miklu öðru en mikilli
fimi og öryggi.
Of langt yrði upp að telja þau
einstöku glæsitök, sem fyrir
komu í leik fjór- til fimm-
menninganna. Nokkur eru þó
öðrum minnisstæðari. Svo er um
kynningu Guðmundar Ingólfs-
sonar í laginu Night Train, þar
sem hann notaði forslög af sér-
legri leikni og lék síðan glæsilegt
sóló. Þá má ekki láta ógetið stór-
kostlegs leiks hans í La Fiesta,
sem var ljóðrænn og hugljúfur
og nýtti fallega blæbrigði ásláttar
á flygilinn - eða glæsisólós hans í
„Set Call“.
»
Björn Thoroddsen var ekki
síðri. Hann átti framúrskarandi
Ieik í Softly, as in the Morning
Sunrise og í Night Train, þar sem
hann vann skemmtilega úr
stuttri, einfaldri stefahugmynd í
hluta sólós síns. Þá var mjög
gaman af sérkennilegri útsetn-
ingu lagsins Autumn Leaves, sem
líkja má við yfirgripsmikla og
fagurlega útfærða sýningu á fjöl-
breyttum möguleikum rafmagns-
gítarsins. í þessu lagi léku Guð-
mundur Ingólfsson og Björn
Thoroddsen skemmtilega pólí-
fóníska strófu, sem var nánast í
anda gamla Bachs.
Þórður Högnason var öryggið
uppmálað á hljóðfæri sitt, raf-
magnskontrabassann. Bassalína
hans var nánast undantekningar-
laust örugg og fumlaus og sóló
hans iðulega góð; ekki síst í lag-
inu St. Thomas, þar sem hann fór
á kostum.
Guðmundur Steingrímsson er
framúrskarandi jazztrommari.
Öryggi hans á skinnin er glæsi-
legt, slag hans fjölbreytt en aldrei
yfirþyrmandi og sóló hans
skemmtileg og talsvert slungin.
Rúnar Georgsson átti glæsileg-
an leik í nokkrum lögum. Þar má
nefna sóló hans í „Set Call“ og í
Sweet Georgia Brown en í báð-
um þessum lögum fór hann á
kostum í glæsilegum strófum og
tæknilega vel útfærðu spili.
Þessi fimmti dagur í jazzhátíð
var lokadagur hennar. Hún var á
flestan veg vel unnin og á allan
hátt hið besta framtak. Ekki síst
er lofsverð sú stefna, sem virðist
hafa verið fylgt af aðstandendum
hátíðarinnar, að bjóða einungis
upp á íslenska flytjendur. Þeir
hafa staðið vel fyrir sínu.
Vonandi hefur jazzhátíðin á
Egilsstöðum í kringum mánaða-
mótin júní/júlí fests í sessi sem
fastur liður í menningarlífi þjóð-
arinnar. Það er altént stefnt að
annarri að ári, svo nú liggur næst
fyrir hjá áhugamönnum um
góðan, íslenskan jazz að fara að
telja dagana fram að næstu
„Djasshátíð Egilsstaða“.
Haukur Ágústsson.