Dagur - 07.09.1991, Blaðsíða 6

6 - DAGUR - Laugardagur 7. september 1991
íslenska tónlistarsumarid einstakalega vel heppnað
- spjallað við Pétur W. Kristjánsson, hljómplötuútgefanda
Fyrir þeim sem eitthvað hafa fylgst með íslenskri dægurtón-
list í gegn um tíðina, þarf vart að kynna Pétur W. Kristjáns-
son. Pétur var um árabil í fremstu röð söngvara í poppbrans-
anum og gerði garðinn frægan í hljómsveitum á borð við
Svanfríði, Pelican, Paradís og Start m.a. Hin síðari ár hefur
hann hins vegar lítið komið við sögu sviðsljóssins, en þess í
stað verið virkur að tjaldabaki í útgáfumálum hjá Steinum
Skífunni og nú síðast ps músík, sem hann á sjálfur.
Ps músík
Pétur var nú fyrir skömmu
staddur hér á Akureyri í annað
sinn í sumar við sölu á hljómplöt-
um, geisladiskum o.fl. og tók
Dagur við hann spjall af því
tilefni.
Var fyrst forvitnast um það hjá
Pétri hvernig stæði á veru hans
hér við sölumennskuna.
Tilgangurinn að bjóða
landsbyggðarfólki upp á
það sama og íbúum
höfuðborgarsvæðisins
„Þetta kom þannig til að við kon-
an mfn vorum að kaupa húsnæði
og var þetta ein hugmyndin sem
kom upp til að fjármagna kaupin.
Eins og gert hafði verið áður þá
var talað um það hjá Steinum að
senda mann út á land, en bara á
þessa stærri staði, hingað, til
Eyja og til Keflavíkur m.a. Ég
mundi hins vegar eftir því að þeg-
ar ég var smápolli, 10-11 ára, þá
fór ég nokkur skipti með pabba
og mömmu hringinn í kringum
landið, en þau voru með verðlista
í boði. Voru það yfirleitt minni
staðirnir á Austfjörðum sem
reyndust bestir í þessum ferðum
og því ákvað ég með þetta í huga
að prófa hvort svo yrði ekki líka
nú. Það reyndist vera raunin og
t.d. gaf Djúpivogur, sem er um
400 manna bær, meira af sér en
Siglufjörður sem er margfalt
stærri.
Með þessu er verið að bjóða
landsbyggðarfólki upp á tónlist á
góðu verði líkt og er gert í
Reykjavík eftir jól, eða á vorin
og eftir sumarið."
- Borgar þetta sig svo:
„Já, a.m.k. hafðist fyrsta
afborgunin af íbúðinni.“
- Hvernig kom það til að þú
stofnaðir ps músík?
„Það var nú þannig að ég var
búinn að vera samtals í ellefu og
hálft ár í íslenska útgáfubransan-
um, fyrst hjá Steinum í níu og
hálft ár og síðan tvö ár hjá Skíf-
unni. Fannst mér því eftir allan
þennan tíma, að nú ætti ég að
fara að gera þetta upp á eigin
spýtur.
Ég hafði í nokkurn tíma verið
að hugsa um höfundarréttarmál
og ákvað því að stofna slíkt fyrir-
tæki. En á sama tíma var Steinar
einmitt líka að hugsa um að setja
slíkt fyrirtæki á stofn, þannig að
við ákváðum að stofna hlutafélag
saman ásamt Sigurjóni Sighvats-
syni og Jónatani Garðarssyni.
Eins og er er ég eini starfsmaður-
inn, sem er hálfgert brjálæði, því
þetta er mikið starf og þessar
söluferðir út á land eru einhvers
konar andleg upplyfting í
„sumarfrí“ frá þeim.“
Mikið að gerast þessa
dagana í útgáfu-
málum erlendis
- Nú ertu m.a. að reyna að koma
íslenskri tónlist á framfæri í
Skandinavíu. Hvernig gengur
það?
„í þeim málum er einmitt mik-
ið að gerast þessa dagana. Við
vorum búnir að gera samning við
Sonet um dreifingu í Skandi-
navíu á okkar efni, en nú hefur
það gerst að einn risinn í popp-
heiminum PolyGram keypti
Sonet fyrir skömmu. Þegar við
fréttum þetta vorum við í óvissu
hvað þetta þýddi fyrir okkur,
hvort PolyGram vildi þetta efni
okkar eða ekki og þar sem svör
um hvað yrði voru ekki fáanleg
fyrr en eftir tvo til þrjá mánuði
ákváðum við að hætta við samn-
inginn.
Hins vegar vissum við af áhuga
hjá öðru fyrirtæki CNR, sem er
hollenskt og er að setja upp útibú
í Skandinavíu. Yfirmaður þess
þar er gamall samstarfsmaður
Steinars sem áður hefur sýnt
íslenskri tónlist áhuga.
Nú hefur verið gerður samn-
ingur við þetta fyrirtæki um
útgáfu á fjórum til fimm plötum á
ári og það ekki bara í Skandi-
navíu, heldur einnig í Hollandi,
Belgíu og Lúxemborg, því móð-
urfyrirtækið hreifst líka af
íslenska efninu. Fyrstu útgáfurn-
ar verða með plötum Todmobile,
Sálarinnar, Friðriks Karlssonar
og að öllum líkindum Rikshaw.“
Það kom einnig fram hjá Pétri að
hér er um tvöhundruðföldun á
markaði að ræða eða 50 milljóna
íbúa svæði.
Þá mun framhaldið vera á þá
lund að nú þann ellefta munu
Todmobile, Friðrik og Sálin
koma fram í Kaupmannahöfn í
tengslum við mikla ráðstefnu sem
hagsmunaaðilar í Skandinavísku
poppi halda þar, og verður þetta
í fyrsta skipti sem íslendingar
taka þátt í slíkri ráðstefnu með
tilkomu ps músík. Síðan munu
Pétur og Steinar Berg halda til
Hollands þar sem þeir kynna
frekar það sem er á döfinni að
gefa út t.d. Stjórnina á ensku.
íslenska tónlistarsumarið
vel heppnað
- Svo aftur sé haldið heim.
Hvernig sýnist þér að hafi til tek-
ist með íslenska tónlistarsumar-
ið?
„Það hefur á allan hátt tekist
mjög vel og staðreyndin er sú að
þegar allir leggjast á eitt, út-
gefendur jafnt sem fjölmiðlar, þá
getur dæmið gengið upp eins og
raunin hefur orðið.
Það að um 95 til 98 prósent
útgefinna platna á ári hafa komið
út síðustu tvo mánuði ársins, hef-
ur reynst mjög óheilbrigt fyrir
markaðinn og löngu orðið tíma-
bært að breyta til. Ég ákvað því
að reyna að dreifa þessu meira og
á merki ps músík komu út fyrstu
þrjár plötur ársins, með Rocky
Horror söngleiknum, Tómasi R.
Einarssyni og Stjórninni.
Með tónlistarsumrinu hefur
þetta sem sagt gengið upp og er
ég sannfærður um að plötur
munu framvegis koma miklu
dreifðar út yfir árið. Til dæmis
mun ég sjálfur gefa út plötu með
Valdimar Flygenring nú í sept-
ember og væntanlega plötur með
Eyjólfi Kristjánssyni og KK
Band í október.
Það sem er svo skemmtilegast
við hversu tónlistarsumarið hefur
heppnast vel, er að spilunin í
útvarpi hefur stóraukist. Einn
dagskrárgerðarmaður á Rás tvö
tjáði mér að í samantekt fyrir
eina viku sem gerð var sýndi að
spilun á íslenskri tónlist væri yfir
80%, sem er hreint frábært í ljósi
þess að spilun á íslenskri tónlist
hefur verið 18-19% á ársgrund-
velli á Rás tvö. Með þessu endur-
speglast vilji hlustenda Rásar tvö
vel, því staðreyndin er sú að níu
af hverjum tíu óskalögum sem
beðið er um, eru íslensk. Hins
vegar hafa menn verið tregir að
spila svona mikið af íslenskri
tónlist vegna STEF-gjalda.“
Pétri varð tíðrætt um margt
fleira varðandi tónlistarsumarið
en í hnotskurn sagði hann að það
hefði skilað þeim árangri að lyfta
öllum þáttur poppstarfseminnar
upp, sem sæist á því að salan
hefði aukist og aðsókn á dans-
leiki og tónleika sömuleiðis.
Langslagið valið
á tónlistardaginn
Að lokum barst talið að Lands-
lagskeppninni sem haldin verður
í þriðja sinn í haust, en Pétur
kemur þar við sögu.
„Já, ég verð útgefandi ásamt
Axel Einarssyni á plötu með
lögunum tíu sem keppa til úrslita
í Landslagskeppninni, sem koma
mun út að henni lokinni. Þar af
leiðandi er ég sjálfskipaður í
dómnefndina, en auk mín í henni
eru Eyjólfir Kristjánsson, sigur-
vegari síðustu Landslags- og
Eurovisionkeppna, Snorri
Sturluson dagskrárgerðarmaður
á Bylgjunni og Þorkell Jensson,
mikill áhugamaður um íslenska
tónlist síðustu 25 árin.
Við erum búnir að velja lögin
tíu og eru höfundar þeirra m.a.
Pálmi Sigurhjartarson úr íslands-
vinum, Hörður G. Ólafsson,
Yngvi Þór Kormáksson og Frið-
rik Karlsson og Birgir Birgisson.
Úrslitakvöldið verður svo 25.
október og verður Landslagið
1991 valið kl. 12 á miðnætti, en
þá er runninn upp hinn íslenski
tónlistardagur 26. október, sem
þykir vel við tilefnisins hæfi.“
Þess má svo að lokum geta að
Pétur verður fertugur á næsta ári
og hyggst hann fagna þeim
áfanga m.a. með því að gera eina
veglega sólóplötu. Mun hann
með henni ætla að setja punktinn
yfir i-ið á glæstum söngferli.
Verður spennandi að sjá hvernig
til tekst.
BJÖRN SIGURÐSSON - HÚSAVÍK
Garöarsbraut 7 - 640 Húsavík - Sími 96-42200 - Fax 42201
VETRARAÆTLUN
HÚSAVÍK-AKUREYRI-HÚSAVÍK
Gildistími frá 2. september 1991
sun. mán. þri. mið. fim. fös.
Frá Húsavík 17.00 08.00 ★ 08.00 10.00 08.00
Frá Akureyri 19.00 16.00 ★ 16.00 16.00 16.00
★ Sérstök vöruferð á þriðjudögum áætluð brottför frá Akureyri kl. 14.30.
Afgreiðslur: Garðarsbraut 7, Húsavík, sími 42200,
Umferðamiðstöðin, Akureyri, sími 24442.
Geymiö auglýsinguna