Dagur - 14.05.1992, Blaðsíða 6

6 - DAGUR - Fimmtudagur 14. maí 1992
Upplyfting
✓ /
Oskum Sigrúnu Evu Asgrímsdóttur
til hamingju með sjöunda sætið
í Eurovision
Húsið opnað kl. 23.00.
Kjallarinn:
Rúnar Þór - Steini Magg og félagar
leika fimmtudag,
föstudag og laugardag
„Nýir eigendur breyttu bragganum í fjárhús," segir Hóimfríður.
Mynd: GF
Hólmfríður Sigurðardóttir frá Fosshóli:
„í dag er verið að rífa braggann minn góða“
„Bragginn á Fosshóli átti Ianga i
og merka sögu og nú er verið
að rífann. Um langt árabil var
bragginn notaður sem sam-
komuhús og löngu síðar sem
fjárbús. I þessum bragga á
bökkum Skjálfandafljóts var
stofnað til fjölda hjónabanda
og pabbi, Sigurður Lúther Vig-
fússon, var „prímus mótor“
þessa alls. Æskuminningar
mínar eru samofnar þeim
atburðum sem tengjast bragg-
anum. Þar dansaði ég lengst til
klukkan átta að morgni. Pabbi
var dans- og gleðimaður
mikill. Margar sögur hafa ver-
ið sagðar af honum bæði sann-
ar og lognar,“ segir HóImKður
einkadóttir Sigurðar Lúthers.
„Bragginn var fluttur frá Mel-
gerðismelum að Fosshóli árið
1945. Pabbi keypti braggann af
hernum í því augnamiði að koma
upp dansstað í sveitinni. Á þess-
um árum var töluvert um að fé-
lagasamtök og hreppsfélög
keyptu slíka bragga af hernum til
SJALLINN
Föstudags- og laugardagskvöld:
„Æskuminningar mínar eru samofnar þeim atburðum sem tengjast bragganum,“ segir Hólmfríður.
samkomuhalds, en að einn mað-
ur gerði slíkt er einsdæmi.
í lok apríl 1946 var bragginn
tekinn í notkun. Kvenfélag
Ljósavatnshrepps hélt þá sam-
komu til ágóða fyrir Húsmæðra-
skólann á Laugum þar sem
leikritið „Hreppstjórinn á
Hraunhamri" var á fjölunum.
Jafnframt var efnt til bögglaupp-
boðs þar sem pabbi var uppboðs-
haldari. Síðan var dansað til
klukkan fjógur um nóttina og
trúlega hafa þeir Halldór heitinn
Sigurgeirsson frá Arnarstapa og
Sigurður Sigurðsson frá Landa-
móti þanið harmoníkurnar.
Fosshóll var og er í alfaraleið.
Ég er alin upp á Fosshóli af
alnöfnu minni og ömmu sem ann-
aðist veitingareksturinn er þar
hófst 1930. Pabbi var póst- og
símstöðvarstjóri og rak braggann
góða með reisn. Að vísu hagnað-
ist hann ekki af rekstrinum því
Sigurður Lúther var gjafmildur.
Þegar hann dó var vart til fyrir
útförinni. Pabbi var maður er
lifði fyrir líðandi stund. Hann var
mikiil bóhem sem margt af mínu
fólki. Þannig er ég gerð einnig.
Ég tók margt í arf frá pabba
sáluga.“
Mynd: GF
Hólmfríður Sigurðardóttir.
í afmælisveislunni var
stofnað til fjögurra
hjónabanda
„Já, lífið á Fosshóli var leikur og
söngur, en amma var ströng.
Hún hélt um þræðina frá degi til
dags. Efnt var til dansleikja í
bragganum góða aðra hvora
helgi. Hina helgina var dansleik-
ur í Brúarlundi í Vaglaskógi hjá
Ragnari Jónssyni. Þegar dans-
leikir voru að Fosshóli dreif að
fólk frá Húsavík og Akureyri
jafnt sem úr sveitum Suður-Þing-
eyjarsýslu. Akureyringar og
Húsvíkingar slógust mikið. Þegar
ég var ung stúlka var mikill rígur
milli þessara tveggja staða. Vínið
flaut og blóðið einnig. Amor
kom einnig við sögu. Á þessum
tíma blómstraði ástin á bökkum
Skjálfandafljóts. Bekkir voru
með veggjum og þar sátu stúlk-
urnar og vonbiðlarnir stóðu í
röðum þar til nikkan var þanin.
Þessi tími var sérstakur. Margir
komu og léku fyrir dansi, jafnt
dragspilsleikarar úr sveitinni sem
hljómsveitir úr Reykjavík. Júlíus
Hafstein, sýslumaður, gaf leyfi
fyrir samkomunum, sem var auð-
sótt. Ekki var lögregla á staðnum
heldur einn maður með hrepps-
stjórahúfuna er fengin var að láni
hjá Sigga gamla Geirfinns.
Mannflesta samkoman var
þegar pabbi varð fimmtugur.
Gestirnir voru hátt í 700. Já,
Sigurður Lúther var vinamargur.
í afmælisveislunni var stofnað til
fjögurra hjónabanda. Stúlkurnar
voru allar símastúlkur frá Akur-
eyri og piltarnir frá Húsavík.“
Nýir siðir koma
með nýjum herrum
„Ekki man ég eftir þorrablótum í
bragganum góða, en öðrum sam-
komum af öllum gerðum. Jóla-
böllin voru víðfræg og samkomur
fyrir börnin voru haldnar reglu-
lega. Leiklistaráhugi var mikill í
sveitinni og sveitungar mínir
færðu upp mörg stykkin við góð-
ar undirtektir. Síðast var efnt til
samkomu þegar ég varð tvítug.
Það var 23. september 1959.
Pabbi dó tæpum tveimur mánuð-
um síðar og við amma fluttumst
til Akureyrar. Dagar braggans
sem samkomuhúss voru taldir.
Nýir eigendur breyttu braggan-
um í fjárhús. Já, nýir siðir koma
með nýjum herrum og öldur-
húsamenningin var orðin önnur.
Allt er breytingum háð. Sigurður
Lúther var annars heims og
dragspil var ekki þanið í braggan-
um góða á bökkum Skjálfanda-
fljóts. Nú er langt er um liðið og
ég sakna gömlu góðu daganna. í
dag er verið að rífa braggann
minn góða.“ ój