Dagur - 18.12.1992, Page 4
4 - DAGUR - Föstudagur 18. desember 1992
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 96-24222
ÁSKRIR KR. 1200 Á MÁNUÐI
LAUSASÖLUVERÐ KR. 110
GRUNNVERÐ DÁLKSENTIMNETRA 765 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
BLAÐAMENN:
GEIR A. GUÐSTEINSSON, HALLDÓR ARINBJARNARSON (íþróttir),
INGIBJÖRG MAGNÚSDÓTTIR (Húsavík vs. 96-41585),
JÓHANN ÓLAFUR HALLDÓRSSON,
ÓLI G. JÓHANNSSON, ÓSKAR ÞÓR HALLDÓRSSON,
SIGRÍÐUR ÞORGRÍMSDÓTTIR (Sauöárkróki vs. 95-35960, fax 95-36130),
STEFÁN SÆMUNDSSON, ÞÓRÐUR INGIMARSSON
LJÓSMYNDARI: ROBYN ANNE REDMAN
PRÓFARKALESTUR: SVAVAR OTTESEN
ÚTLITSHÖNNUN: RlKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASÍMI25165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SfMFAX: 96-27639
EES skal í gegn
Ríkisstjórnin reynir nú að keyra samninginn um Evrópska
efnahagssvæðið með hörku í gegnum Alþingi. Forystu-
menn stjórnarflokkanna hafa jafnvel gengið svo langt að
hóta takmörkunum á ræðutíma og þar með að takmarka
umræður um eitt veigamesta mál, sem komið hefur til
kasta þingsins frá stofnun lýðveldisins, þótt miklar efa-
semdir séu um að málið sé í raun þingtækt.
Þegar Svisslendingar felldu EES-samninginn í þjóðar-
atkvæðagreiðslu fyrir skömmu breyttust forsendur fyrir
staðfestingarfrumvarpi því, sem nú liggur fyrir Alþingi.
Með brotthvarfi Svisslendinga standa EFTA-þjóðimar
ekki lengur allar að þessum samningi. Veigamikil rök
hníga því í þá átt að Alþingi geti ekki fjallað um málið á
þessu stigi og bíða verði niðurstöðu þeirra viðræðna sem
óhjákvæmilega verða að fara fram á milli EFTA-þjóðanna
og Evrópubandalagsins eftir niðurstöðu atkvæðagreiðsl-
unnar í Sviss.
í greinargerð sem Bjöm Þ. Guðmundsson, prófessor við
lagadeild Háskóla íslands, hefur lagt fram segir meðal
annars að íslensk lög leyfi ekki að það fmmvarp til stað-
festingar á samningnum um Evrópska efnahagssvæðið,
sem nú liggur fyrir Alþingi verði afgreitt óbreytt, hvorki
með samþykki eða synjun. Vegna synjunar Svisslendinga
á samningnum sé sá lagatexti er liggi fyrir þinginu ekki í
samræmi við þann raunveruleika er skapast hefur.
Á þessum forsendum krafðist Páll Pétursson, formaður
þingflokks Framsóknarflokksins, þess að utanríkismála-
nefnd Alþingis væri kölluð saman til að fjalla um þetta
álit. Þeirri beiðni hafnaði formaður utanríkismálanefndar.
Hann taldi óþarft að leita lagalegrar þekkingar á málinu
út fyrir veggi Alþingis - innan þeirra væri nóg af henni að
hafa.
Þá hafa ýmsar yfirlýsingar og ummæli utanríkisráð-
herra komið illa við menn og reitt þá til reiði. Ekki síst er
hann á sinn hátt niðurlægði Alþingi íslendinga á blaða-
mannafundi í Sviss fyrir nokkrum dögum og aftur í viðtali
við blaðamann DV eftir heimkomuna. Eftir slík ummæli
hljóta menn að staldra við og íhuga hvort sá er þannig
talar um æðstu stofnun þess ríkis, sem hann er fulltrúi
fyrir á alþjóðavettvangi, sé í raun þess umkominn að
gegna því starfi er hann hefur verið kjörinn til.
Með framgöngu sinni í EES-málinu hefur utanríkisráð-
herra í raun lagt pólitískt höfuð sitt að veði. Núverandi
formaður utanríkismálanefndar Alþingis hefur einnig
lagt sína pólitísku framtíð á vogarskálar í þessu máli.
Þeim er því í sjálfu sér nokkur vorkunn þótt spurningar
vakni um hvort framganga þeirra undanfama daga sé
þeim til nokkurs póhtísks framdráttar. Ríkisstjómin hefur
þegar sýnt að hún treystir íslensku þjóðinni ekki fyrir
þessu máli. Til þess er hún of hrædd um að við fetum í
fótspor Svisslendinga. í stað þess að leyfa landsmönnum
að tjá hug sinn í EES-málinu sakar hún stjórnarandstöð-
una um að efna til málþófs og upplausnar á Alþingi
vegna þess að hún vill ekki þurfa að ræða óþægileg mál.
Því skal staðfestingarfrumvarpið vegna samningsins um
Evrópska efnahagssvæðið keyrt í gegnum Alþingi með
góðu eða illu - jafnvel þótt efasemdir hafi skapast um
hvort lagalega sé unnt að afgreiða málið við núverandi
aðstæður. ÞI
Sjávarútvegsdeild Háskólans á Akureyri er til húsa að Glerárgötu 36. „Tveggja ára sérhæft nám í gæðastjórnun er
ekki kennt í neinum skóla landsins nema við Háskólann á Akureyri. Ef það er ekki nýjung í háskólanámi, þá veit
ég ekki hvað nýjung er!“ segir Erlingur m.a. í grein sinni. Mynd: Robyn
Sagnfræðitæknir eða hvað?
Þann 16. desember síðastliðinn
birtist grein í Degi eftir Bylgju
Bjömsdóttur sem bar yfirskriftina
„Háskóli Islands í svelti vegna
Háskólans á Akureyri?" Vegna
niðurskurðar íslenska ríkisins til
menntamála undanfarin misseri
varpar Bylgja fram þeirri spum-
ingu: „Hvort ekki hefSi verið
raunhœfara að efla þann háskóla
semfyrir var, í stað þess að stofna
nýjan?“ Tilgangur minn með
þessum skrifum er að leiðrétta
nokkur atriði sem komu fram í
greininni og gagnrýna hana.
Hugmynd Bylgju er ágæt og er
ég ánægður að einhver hafi áhuga
á að velta fyrir sér uppbyggingu
og þróun háskólanáms á Islandi.
En það hlýtur að vera lágmarks-
krafa þeirra sem ætla sér að skrifa
greinar í blöð að tileinka sér öguð
vinnubrögð og hafa staðreyndir á
hreinu.
Kalla þarf hlutina
réttum nöfnum
Bylgja segir í grein sinni, að flest
það nám sem boðið er upp á í
H.A. sé hægt að læra í öðmm
skólum landsins. Jafnframt segir
hún að „Það eina sem segja má
að sé nýtt í H.A. er sjávarútvegs-
deildin, en þó er boðið upp á sjáv-
arútvegstœkni í Tœkniskóla Is-
lands." Samkvæmt þessu hefur
H.A. ekkert nýtt upp á að bjóða
nema sjávarútvegsdeildina en ein-
hver sjávarútvegstækni er kennd í
Reykjavík fyrir þá sem hafa áhuga
þannig að þeir þurfí ekkert að
þvælast norður.
Námið sem kennt er í T.í. heitir
ekki sjávarútvegstækni. Það er
lágmarkskurteisi að kalla hlutina
réttum nöfnum. Bylgja, ert þú
sagnfræðingur eða sagnfræði-
tæknir? Reyndu nú hér eftir að
segja rétt og satt frá, Bylgja, ef þú
ætlar að skrifa framvegis í blöðin.
Námið í Tækniskólanum
undirbúningur undir
sjávarútvegsfræðinám
Námið í T.í. hófst árið 1977 og
tók eitt ár og nemendur útskrifuð-
Erlingur Amarson.
ust sem útvegstæknar. Árið 1990
var náminu breytt og nú útskrifast
nemendur sem iðnrekstrarfræð-
ingar af útvegsbraut eftir tveggja
ára nám. Sjávarútvegsfræðin í
H.A. tekur fjögur ár og nemendur
útskrifast sem sjávarútvegsfræð-
ingar með B.S. próf. Að voga sér
að gefa það í skyn að þessir tveir
námkostir séu sambærilegir er
bamalegt og lýsir fáfræði Bylgju.
,Nú kann einhver að spyrja hvað
ég hef fyrir mér í þessu máli. Það
vill nefnilega svo til að greinar-
höfundur er útskrifaður útvegs-
tæknir úr T.í. og að hans mati þá
er námið í T.í. ágætis undirbún-
ingur undir sjávarútvegsfræðina,
en að öðm leyti ólíkt.
Alger nýjung í háskólanámi
Bylgja segir ennfremur að eftir
tveggja ára nám í rekstrardeild, þá
sé boðið upp á viðbótamám í
gæðastjómun. Gæðastjómun tekur
tvö ár og er kennd sem sjálfstæð
braut við H.A. Tveggja ára sér-
hæft nám í gæðastjómun er ekki
kennt í neinum skóla landsins
nema við H.A. Ef það er ekki
nýjung í háskólanámi þá veit ég
ekki hvað nýjung er! Einnig er
vert að benda á það að til þess að
hefja nám í gæðastjómun þarf
ekki að klára rekstrardeildina við
H.A fyrst. Allir nemar sem hafa
uppfyllt ákveðin skilyrði geta haf-
ið þar nám, þ.e.a.s. lokið 60 ein-
inga fomámi. í dag er t.d. rekstr-
arfræðingur úr Samvinnuháskól-
anum, byggingartæknifræðingur
og útvegstæknir úr T.I. í gæða-
stjómunamáminu.
Hvar eru sjónarmið
Háskólans á Akureyri?
í grein sinni ræðir Bylgja við nú-
verandi og fyrrverandi rektor H.I.,
formann Stúdentaráðs H.I. og
endurmenntunarstjóra H.í. En
hvar em sjónarmið H.A.? Bylgju
til fróðleiks, þá vil ég upplýsa
hana að í H.Á. er líka starfandi
rektor, deildarstjórar og meira að
segja formaður Stúdentafélags
H.A.!!! Það er sannfæring mín að
þau hefðu góðfúslega svarað
spumingum Bylgju um málefni
H.A. Ekki hefði hún þurft að
leggja mikið á sig til að nálgast
þetta fólk nú á tímum fjarskipta. I
staðinn fyrir að leggja metnað
sinn í að fá sjónarmið flestra, þá
talar hún bara við einstaklinga
sem tengjast H.í. Til þess að kór-
óna greinina þá birtir hún „Col-
gate bros“ mynd og aðrar myndir
af viðmælendum sínum sem fylla
heila síðu, er þetta fólk að bjóða
sig fram til Alþingis, ég bara
spyr?
Það er mér hulin ráðgáta að
manneskja sem hefur lokið há-
skólaprófi í sagnfræði virðist ekki
vita að það em að minnsta kosti
tvær hliðar á öllum málum.
Spurningunni ósvarað
Þó Bylgja segi það aldrei beint, þá
má lesa úr greininni að hún hefur
myndað sér skoðun fyrirfram og
reynir að troða henni fram í grein
sinni. Samanber fyrirsögn greinar
hennar „Háskóli Islands í svelti
vegna Háskólans á Akureyri? og
„Er þöif fyrir tvo háskóla á Is-
landi? En það er ánægjulegt að
heyra að viðmælendur hennar
sýna H.A. mikinn skilning og em
almennt ekki á sömu skoðun og
hún. En þrátt fyrir langa og sam-
hengislausa grein þá svarar hún
ekki spumingunni sem hún setti
fram í upphafi: „Hvort ekki hefði
verið raunhœfara að efla þann há-
skóla sem fyrir var, í stað þess að
stofna nýjan." Eg spyr sjálfan
mig, hver var tilgangur greinar-
innar og hvar er svarið við spum-
ingunni?!!!
Erlingur Arnarson.
Höfundur er útgerðartæknir og er á 4. ári í
sjávarútvegsfræði við Háskólann á Akureyri.
Frá setningarathöfn sjávarútvegsdeildar Háskólans á Akureyri. Haraldur
Bessason, rektor skólans, flytur tölu. Mynd: kl