Dagur - 27.02.1993, Síða 24

Þormóður rammi:
Tveggja trolla rækju-
veiðar Sunnu ganga vel
„Fyrstu dagar Sunnu á veiðum
eftir þessar breytingar gefa til
kynna að búast megi við góð-
um árangri af þessu,“ sagði
Sigurður Stefánsson, útgerðar-
stjóri Þormóðs ramma á Siglu-
fírði, um tveggja trolla rækju-
veiðar Sunnu SI, en þær hafa
aldrei verið prófaðar hér við
land áður.
„Þetta virðist ekki vera eins
flókið eins og menn héldu, en
hins vegar er ljóst að í þessar
veiðar þarf öflug skip eins og
Sunnu. Grunnurinn að því að
þessar tveggja trolla veiðar séu
mögulegar, er að skipin hafi
þriðja togspilið, en það var ein-
mitt sett um borð í Sunnu um
daginn,“ sagði Sigurður. óþhj
Akureyri:
- um hegningarlagabrot að ræða
Um miðjan dag, sl. fímmtu-
dag, var slökkviiið Akureyrar
kallað til vegna eldsvoða í
Glerárhverfi. Um gabb var að
ræða og rannsóknarlögreglan
hefur málið til meðferðar.
„Slökkviliði Akureyrar barst
tilkynning um lausan eld í einbýl-
ishúsi við Reykjasíðu sl. fimmtu-
dag. Slökkvilið og lögregla brá
skjótt við, en er að var komið
reyndist um gabb að ræða. Mál
sem þetta er litið mjög alvarleg-
um augum og er nú til rannsókn-
ar hjá rannsóknarlögreglunni.
Um hegningarlagabrot er að
ræða og ákveðnar vísbendingar
eru komnar fram," sagði tals-
maður rannsóknarlögreglunnar á
Akureyri. ój
Svarfaðardalur:
Minkar í hænsnakofum
- hafa drepið um 40 hænur og endur
Minkar hafa heldur betur gert
usla í hænsnahópum í Svarfað-
ardal að undanförnu. Þegar
allt er talið hafa hátt í 40 hæn-
ur og endur legið í valnum. Frá
þessu er greint í Bæjarpóstin-
um á Dalvík.
Sérfræðingar telja að þarna
séu á ferðinni þrjú minka-
afbrigði, búrminkur, hreinn villi-
minkur og blendingur þarna á
milli.
Minkarnir hafa komið við sögu
á mörgum bæjum. Þeir drápu 11
hænur á Atlastöðum, 5 hænur og
5 endur á Melum og 15 hænur í
IDæli, sem var megnið af heimilis-
hænsnastofninum þar á bæ.
Minkaskyttur í Svarfaðardal
hafa að vonum haft nóg að gera
að undanförnu og náð nokkrum
dýrum. Flestir minkarnir hafa
verið skotnir, en einnig hefur
minkaboginn reynst þarft verk-
færi. óþh
Hvaða dekkjastœrð skyldi hann þurfa?
Atvinnuskapandi verkefni á Akureyri og Húsavík:
Loksins kom græna
ljósið frá Sighvati
- vinna hefst á Akureyri strax eftir helgina
Sighvatur Björgvinsson, heil-
brigðis- og tryggingamálaráð-
herra, skrifaði í gær undir bréf
til stjórnar Atvinnuleysistrygg-
ingasjóðs þar sem fram kemur
að hann gefí grænt Ijós á
jákvæða afgreiðslu sjóðs-
stjórnar á umsóknum frá
Akureyrarbæ, Reykjavík og
Húsavík vegna svonefndra
atvinnuskapandi verkefna.
Stjórn Atvinnuleysistrygginga-
sjóðs afgreiddi þessar umsóknir
fyrir nokkru, en áður en trygg-
ingmálaráðherra staðfesti þær
voru þær kynntar í ríkisstjórninni
og þar var samþykkt að skipa
starfshóp fulltrúa þriggja ráðu-
neyta til þess að kanna umsókn-
irnar betur. í starfshópinn voru
skipuð þau Dögg Pálsdóttir, full-
trúi heilbrigðis- og trygginga-
málaráðuneytisins, Bragi Guð-
brandsson, fulltrúi félagsmála-
ráðuneytisins og Ólafur Hjálm-
arsson, fulltrúi fjármálaráðuneyt-
isins.
Starfshópurinn fjallaði strax í
þessari viku um umsóknirnar og
sagði Dögg Pálsdóttir í samtali
við Dag í gær að hann hafi skilað
ráðherra áliti sl. fimmtudag. „í
niðurstöðum er bent á að ef til
vill séu ýmsir annmarkar á þess-
um verkefnum, en engu að síður
er mælt með að þau verði
samþykkt, en hins vegar hafi þau
ekki fordæmisgildi fyrir síðari
tíma afgreiðslur stjómar Atvinnu-
lleysistryggingasjóðs. Ég sé ekk-
ert því til fyrirstöðu að þetta
verkefni geti farið af stað, t.d. á
Akureyri, frá og með 1. mars,“
sagði Dögg.
Heimir Ingimarsson, formaður
atvinnumálanefndar Akureyrar-
bæjar, fagnaði því í gær að þetta
mál væri loksins í höfn. Hann
sagði að undirbúningur fyrir
þessa vinnu væri fyrir löngu
búinn og því myndi hún hefjast
strax „eftir helgina. Umsókn
Akureyrarbæjar var á sínum
tíma í þrem liðum og voru tveir
liðir hennar afgreiddir, það er að
segja er lýtur að verkefnum á
vegum bæjarins og ríkisstofnana
í bænum. Gert er ráð fyrir að 50
manns vinni í þessu verkefni á
vegum Akureyrarbæjar og 20
manns hjá ríkisstofnunum. óþh

Höfðahlíð 1 -(áður KEA-NETTO)- Sími 96 - 2 66 50
NÚ FYRST
Á AKUREYRI
áður en hann
er settur
upp f Reykjavfk
Bókin
Nú kr. 500 -
áður kr. 42íiQ
aðeins fá
eintök eftir
Síðasti Stóri
bókamarkaðurinn
fyrir
virðisaukaskatt
OPIÐ:
MÁNUD. TIL LAUGARD. KL. 10:00-19:00
SUNNUD. KL. 13:00-19:00 —