Dagur - 07.03.1995, Page 15

Þriðjudagur 7. mars 1995 - DAGUR -15
inn innan um fjórar stelpur. Þau
gáfu mér bílprófið í afmælisgjöf
og fjölskyldubíllinn stóð mér
ávallt til boöa hvort sem átti að
fara skottúr eða á rúntinn með
kunningjunum um helgar.
Raggi hafði brennandi áhuga á
íþróttum og fylgdist vel með á
þeim vettvangi. Þeir voru ófáir
laugardagamir sem viö sátum
saman fyrir framan útvarpstækið í
stofunni og hlustuðum á beinar
lýsingar á stuttbylgju frá leikjum í
ensku knattspymunni og spáðum í
spilin. Raggi var mikill aódáandi
Arsenal en ég fylgdi Manchester
United að málum. Auk áhuga
Ragga á fótbolta, golfi og bridge,
þá hafði hann ákaflega gaman af
aó fara í bíó. Oft bankaði hann á
herbergisdyrnar mínar og spurði
hvort ég kæmi ekki með og auð-
vitað var blankur námsmaðurinn
til í það.
Eftir að menntaskólanámi lauk
og ég fór alfarinn til Reykjavíkur
varð lengra á milli funda okkar.
En Raggi fylgdist grannt með því
hvemig mér vegnaði í námi og
síðar í starfi.
Þegar kom að því að ég festi
ráð mitt bað ég Ragga um að vera
svaramann minn. Auðvitað kom
enginn annar til greina. Hann var
sá karlmaður í fjölskyldunni sem
stóð mér næst. Hann var mín föð-
urímynd. Nú þegar komið er að
kveðjustund er mér efst í huga
þakklæti fyrir allt sem hann gerði
fyrir mig og mína fjölskyldu.
Elsku Lauga og dætur, missir
ykkar er mikill en minningin um
góðan dreng mun lifa með okkur.
Blessuð sé minning Ragnars
Steinbergssonar.
Guðmundur Ingi.
Kveðja
Skyndilega er dagur liðinn, vinur
og samstarfsmaður burtu kallaður.
Ragnar Steinbergsson vinnufélagi
okkar andaðist að hjúkrunarheim-
ilinu Seli þann 26. febrúar sl.
Rúmt ár er síðan hann fékk hjarta-
áfall, þá staddur á vinnustað sín-
um. Alla tíð síðan var heilsa hans
tæp og kallið kom því ekki alveg á
óvart. Dauðinn er þó það skref
sem við erum alltaf jafn óviðbúin
að mæta.
Ragnar var ráðinn til Sjúkra-
samlags Akureyrar árið 1970 og
veitti því forstöðu. Hann var virtur
af öllu samstarfsfólki fyrir ljúfa og
göfugmannlega framkomu. Allir
sem til hans leituðu fengu hjá
honum úrlausn og trausta þjón-
ustu. Hann, sem stjómandi, var
undirmönnum sínum sem jafningi
og gott var að starfa undir hans
stjóm. Við sem störfuðum með
Ragnari viljum senda þessa vinar-
kveðju og geymum í hjarta okkar
minningu um góðan dreng.
Vertu sœll vinur þér þökkum öll hér
þessar samverustundir.
Far þú ífriði ogfarnist vel þér
áferð þinni um ókunnar grundir.
(SÓ).
Eiginkonu, bömum svo og öðr-
um aðstandendum hans vottum
við okkar dýpstu samúð.
Starfsfólk vlð Sýslumanns-
embættið á Akureyri.
Genginn er góður vinur og félagi.
Eftir harða baráttu við erfið veik-
indi, sem varað hafa frá 24. janúar
1994, er Ragnar Steinbergsson
hæstaréttarlögmaður látinn.
Þótt vitað væri upp á síðkastið
að hverju stefndi með heilsufar
hans, verð ég að viðurkenna að
mér brá þegar Sigurlaug hringdi í
mig um hádegi sunnudaginn 26.
febrúar s.l. og sagði mér að Ragri-
ar hefði látist þá um morguninn.
Þaó er margs aö minnast og
margt að þakka. Fyrstu kynni voru
í bamaskóla. En þessi vel gefni
maður fór í langskólanám, nam
lögvísindi. Að námi loknu hófst
starfsæfin, á henni gegndi Ragnar
fjölmörgum trúnaðarstörfum. Auk
þess var hann liðtækur íþrótta-
maður. Sérstaklega um margra ára
skeið átti golfíþróttin mikil ítök,
þar náði hann mjög góðum ár-
angri. Það var sama hvort var í
hans fagi, við spilaborðið, í fé-
lagsmálum, allsstaðar var hann vel
látinn og falin forusta.
Eg kynntist Ragnari síðar og
mjög náið, er leiðir lágu saman, í
þeini félagsskap sem var honum
svo kær, Frímúrarareglunni. Hann
gekk Reglunni á hönd 16. febrúar
1955. Þar naut hann sín vel og
hæfileikar hans komu mjög í ljós.
Ragnari voru falin trúnaðarstörf
og varð hann æðsti maóur Regl-
unnar hér í bæ. Hann var fróður,
góður ræðumaður, í hvaða tilefni
sem var, og eins á öðrum tungum
ef svo bar undir.
Það kom sér vel á feróum okk-
ar, bæði innanlands og utan, oft
var ég búinn að tjá honum aðdáun
mína í þeim efnum.
Kærleikurinn, þetta æðsta og
mesta sem til er hér í heimi, kom
berlega fram í veikindum Ragn-
ars. Lengi var haldió í vonina um
einhvern bata. Sigurlaug og dætur,
með sínum fjölskyldum, eigin-
mönnum og bömum, voru óþreyt-
andi að heimsækja hann, sitja hjá
honum daglangt, taka hann heim
um stund, ef heilsan leyfði. Ég
veit aö hann var þeim mjög þakk-
látur, lengra varó ekki komist í
kærleika og umönnun.
Hafðu kæra þökk fyrir sam-
fylgdina kæri vinur, megi ljós
kærleikans fylgja þér.
Ég bið hinn hæsta Höfuðsmið
himins og jarðar, að halda sinni
almáttugu verndarhendi yfir þér
og ástvinum þínum.
Sigurlaugu, dætrunum og ást-
vinum öllum, sendi ég innilegar
samúðarkveðjur.
Hin langa þraut er liðin
nú loksins hlaustu friðinn,
og allt er orðið rótt,
nú sœll er sigur unninn
og sólin björt upp runnin
á bak við dintma dauðans nólt.
Fyrst sigur sá erfenginn,
Jyrst sorgar þraut er gengin,
hvað getur grœlt oss þá?
Oss þykir þungt að skilja,
en það er Guðs að vilja,
og gott er allt, sem Guði er frá.
(V. Briem).
Magnús Jónsson.
Ragnar Steinbergsson er látinn,
hann hefur fengið hvíldina eftir
mjög erfið veikindi.
Ragnar var um áratuga skeið
forstjóri Sjúkrasamlags Akureyrar
sem síðar breyttist í umboð
sjúkratrygginga Tryggingastofn-
unar ríkisins hér á Akureyri. Fáum
hef ég kynnst sem voru jafn vel að
sér í almannatryggingalögunum
og þróun sjúkratrygginga á Is-
landi. Hann var í einstaklega góð-
um tengslum við fólkið sem þjón-
ustunnar naut og gætti þess að sér-
hver fengi það sem honum bar.
Jafnframt var Ragnar mjög virkur
í samfélaginu og áhugasamur um
skipulag heilbrigðisþjónustunnar.
Hann vann ötullega að stofnun
Læknamiðstöðvarinnar á Akureyri
og varð framkvæmdastjóri hennar
í hlutastarfi. A Læknamiðstöðinni
batnaði starfsaóstaða heimilis-
lækna á Akureyri og seinna sam-
einuðust Læknamiðstöðin og
Heilsuverndarstöð Akureyrar er
Heilsugæslustöðin á Akureyri var
stofnuð árið 1985, en Ragnar var
jafnframt framkvæmdastjóri henn-
ar fyrstu árin.
Ég kynntist Ragnari fyrst þegar
hann kenndi mér bókfærslu í
Menntaskólanum á Akureyri.
Hann var afar skýr og skemmti-
legur kennari. Við vorum nokkrir
bekkjarfélagamir sem sóttum
aukatíma á heimili hans skömmu
fyrir vorprófið. Ég man hvað mér
fannst notalegt að kynnast Ragn-
ari, hlýju hans og ljúfmannlegri
framkomu en jafnframt var hann
hressilegur og snöggur upp á lag-
ió, og alltaf heilsaði hann mér á
löngu færi, glaðlegur á svip. Já,
hann vann öll sín störf af brenn-
andi áhuga, rösklega gekk hann
eða hálf hljóp við fót á milli staða
í miðbænum, alltaf að flýta sér, en
hafði samt alltaf tíma ef maður
átti við hann erindi.
Þaö var ánægjulegt að endur-
nýja kynni mín við Ragnar er ég
fluttist til Akureyrar árið 1972.
Við unnum mikið saman um dag-
ana á Læknamiðstöðinni, í stjórn
Heilsuverndarstöðvar Akureyrar, í
Heilbrigðismálaráði Norðurlands-
héraðs eystra og í Heilsugæslu-
stöðinni á Akureyri. Enn átti ég
eftir aó læra af Ragnari, er ég tók
við trúnaðarlæknisstarfinu af Þór-
oddi Jónassyni hjá Sjúkratrygg-
ingunum á Akureyri. Alltaf var
Ragnar jafn brennandi í andanum,
eldheitur áhugi og djúp réttlætis-
kennd einkenndi störf hans öll.
Hann var hafsjór af fróðleik um
heilbrigóis- og tryggingamál og
kunni einnig góð skil á öðru sem
var að gerast í þjóðlífinu.
Eins og hendi væri veifað, mitt
í önn dagsins, missti Ragnar hcils-
una fyrir rúmu ári síó^n. Við tóku
erfió veikindi, en í þeirri baráttu
naut Ragnar ástríkis og umhyggju
fjölskyldu sinnar. Ég sendi Sigur-
laugu, dætrunum og fjölskyldum
þeirra mínar innilegustu samúðar-
kveójur.
Guó blessi minningu Ragnars
Steinbergssonar.
Ólafur Hergill Oddsson.
Alþýðubandalagið vill
skattahækkanir!
- yfirlýsing Svavars Gestssonar í þættinum Siónarmið
í þættinum Sjónarmið með Stefáni
Jóni Hafstein miðvikudaginn 15.
feb. sl. voru umræður um yfirvof-
andi kennaraverkfall í algleym-
ingi. Gestir hans voru háttvirtir
þingmenn Ólafur G. Einarsson,
menntamálaráöherra og Svavar
Gestsson, alþingismaður.
Þar lýsti Svavar því yfir að
hann væri reiðubúinn til aó hækka
skatta og þaö fjármagn ætti aó
renna til menntamála. Það að
hækka skatta tel ég vera alveg út í
hött hjá Svavari.
Ég tel að Svavar verði að átta
sig á því að skattbyrði verði að
létta með því að draga markvisst
úr umsvifum hins opinbera.
Frekari skattahækkanir myndu
augljóslega hafa í för með sér letj-
andi áhrif á vinnuvilja einstak-
lingsins og að auki myndu enn
fleiri freistast til að svíkjast undan
skatti. Við verðum að hafa það
hugfast að tekjuskattshlutfallió er
nú þegar 41,84% hjá einstakling-
um. Finnst Svavari það ekki nóg?
Staðreyndin er
sú að skattar á
einstaklinga hafa
hækkað um
einungis 1 millj-
arð í tíð þessarar
ríkisstjórnar, en
9 milljarða í tíð
síðustu ríkis-
stjórnar.
Nei, honum finnst augljóslega
svo ekki vera. Hann vill halda
þeirri skattpíningarstefnu áfram
sem var algild í tíð síðustu ríkis-
Gunnar Már Sigurðsson.
stjómar, þar sem skattar á einstak-
linga voru auknir um 9 milljarða
og á fyrirtæki um 2 miljaróa.
Hinsvegar hefur núverandi ríkis-
stjóm stöðvað skattahækkunar-
skrióuna því hún hefur einungis
aukið álögur einstaklinga um 1
milljarð króna og að sama skapi
lækkað skattbyrói fyrirtækja um
hvorki meira né minna en 2 niilj-
arða á kjörtímabilinu. Þannig hef-
ur rekstrargrundvöllur fyrirtækja
batnað til muna. Auk þess hefur
núverandi ríkisstjóm fellt niður
ekknaskattinn sem síðasta ríkis-
stjóm kom á, ákveðið hefur verið
að fella niður tvísköttun lífeyris í
framhaldi af nýgerðum kjara-
samningum og ekki má gleyma
lækkun matarskatts. En sú aógerð
var mjög gagnrýnd af stjómarand-
stöðunni en nú hefur komið í ljós
að sú aðgerð skilaði tilætluðum
árangri. Svavar og hans fylgifiskar
ættu því að taka sig saman í and-
litinu gleyma Kaldastríðinu og
horfast í augu við þá staðreynd að
skattahækkanir eru úrelt fyrirbæri.
Gunnar Már Sigurðsson.
Höfundur er nemi í Menntaskólanum á Akur-
eyri og er félagi í Verði FUS Akureyri.
Sýslumaðurlnn á Akureyri
Hafnarstrætl 107, 600 Akureyrl,
sfmi 96-26900
Uppboð
Uppboð munu byrja á skrifstofu emb-
ættisins að Hafnarstræti 107, 3. hæð,
Akureyri, föstudaginn 10. mars 1995
kl. 10.00, á eftirfarandi eignum:
Aðalstræti 10, neðri hæð, Akureyri,
þingl. eig. Guðmundur Sigurjóns-
son, gerðarbeiðendur Akureyrar-
bær og Byggingarsjóður ríkisins.
Brekkuhús 1, norðurhluti, Hjalteyri,
þingl. eig. Árni Magnússon og
Kristbjörg Egilsdóttir, gerðarbeið-
andi íslandsbanki h.f.
Brimnesbraut 1, Dalvík, eignarhl.,
þingl. eig. Magnús I. Guðmunds-
son og Sólrún L. Reynisdóttir,
gerðarbeiðendur Byggingarsjóður
verkamanna og Vátryggingafélag
íslands.
Byggðavegur 97, Akureyri, þingl.
eig. Ragnheiður Árnadóttir, gerðar-
beiðandi Byggingarsjóður ríkisins.
Furulundur 1c, Akureyri, þingl. eig.
Arnfríður Róbertsdóttir, gerðarbeið-
andi Lífeyrissjóður verslunar-
manna.
Hafnargata 3, Grímsey, þingl. eig.
Sigfús Jóhannesson, gerðarbeið-
andi Sýslumaðurinn á Akureyri.
Hafnarstræti 97, hl. 2A, Akureyri,
þingl. eig. Bakkasel h.f., gerðar-
beiðandi Iðnlánasjóður.
Hólabraut 15, 2. hæð, Akureyri,
þingl. eig. Jakob Tryggvason og
Guðrún Andrésdóttir, gerðarbeið-
endur Akureyrarbær, Byggingar-
sjóður ríkisins, Lífeyrissjóður Norð-
urlands og Tryggingastofnun ríkis-
ins.
Karlsbraut 21, Dalvík, þingl. eig.
Guðrún Benediktsdóttir, gerðar-
beiðandi Lífeyrissjóður Austur-
lands.
Norðurgata 17, suóurhl. Akureyri,
þingl. eig. Jóna Ingibjörg Péturs-
dóttir, gerðarbeiðendur Akureyrar-
bær, Byggingarsjóður ríkisins,
Landsbanki Islands, Vátryggingafé-
lag Islands h.f. og íslandsbanki h.f.
Oddagata 1, efsta hæð, Akureyri,
þingl. eig. Auðunn Þór Maríusson
og Kristín M. Sigurðardóttir, gerðar-
beiðendur Byggingarsjóður ríkisins
og íslandsbanki h.f.
Rein 1, Eyjafjarðarsveit, þingl. eig.
Eiríkur Bóasson, gerðarbeiðandi
Kreditkort h.f.
Vestursíða 26, íb. 202 D, eignarhl.
Akureyri, þingl. eig. Ólafur Gunnar
Ivarsson, gerðarbeiðandi Vátrygg-
ingafélag Islands h.f.
Sýslumaðurinn á Akureyri
6. mars 1995.
Smáauglýsingar
Dags
Ódýrar og
áhrifaríkar
auglýsingar
® 96-24222