Dagur - 23.06.1995, Síða 9

Föstudagur 23. júní 1995 - DAGUR - 9
Kerfí hf. hefur þróað Alvís Útveg - samhæfðan
m hugbúnað fyrir sjávarútveginn:
Oflugt stj ómunartæki í
sjávarútvegsfyrirtækjum
Hugbúnaðurinn Alvís Útvegur hefur verið reyndur hjá Útgerðarfélagi
Akureyringa með góðum árangri.
Alvís Útvegur, samhæfður hug-
búnaður fyrir sjávarútveginn, hef-
ur verið á markaðnum í um það
bil tvö ár, en hann var þróaður af
Kerfi hf. í náinni samvinnu við
tvö af stærstu útgerðarfyrirtækjum
landsins, Útgerðarfélag Akureyr-
inga hf. og Harald Böðvarson hf.
á Akranesi.
Að sögn Þrastar Guðmunds-
sonar, forstjóra Kerfis hf., er nýj-
asta tækni notuð til að hámarka
ujjplýsingaflæði í gegnum Alvís
Útveg og er kerfið miðað við að
uppfylla þarfir nútíma sjávarút-
vegsfyrirtækja um rauntíma upp-
lýsingar, sem er öflugt hjálpartæki
við eftirlit og ákvarðanatöku.
Þröstur nefndi að mikil vinna hafi
verið lögð í að rannsaka upplýs-
ingaflæði fiskvinnslunnar og
vinna að endurhögun vinnuferla,
þannig að Alvís Útvegur geti sem
best nýst stjórnendum til að taka
markvissari ákvarðanir. Endur-
högun vinnuferla byggir á því að
hagræða vinnslu og nýta sér afl
upplýsinga. Stjórnendur þurfa oft
á tíðum að taka ákvarðanir byggð-
ar á ófullkomnum upplýsingum,
þ.e. eitthvað vantar inn í heildar-
myndina. Þröstur fullyrðir að Al-
vís Útvegur minnki að mörgu leyti
bilið þarna á milli með því að
safna saman þeim upplýsingum
sem gefí raunsanna mynd af því
hvernig gangur fiskvinnslunnar
sé. Reynt sé að hafa sjálfvirkni
sem mesta í upplýsingaöflun og
koma þannig á móti þeim hagræð-
ingarmarkmiðum sem hafi verið
sett upp og því lögð áhersla á það
að skráning upplýsinga fari fram á
sama stað og tíma og vinnslan.
Þannig sé unnt að hafa upplýsing-
ar tilbúnar í Alv'ís Útvegi jafnóð-
um og þær verði til. Með þessum
verkfærum nýtist betur hyggjuvit
stjórnenda, þar sem þeir geti þá
betur einbeitt sér að ákvörðunum
sem byggi á þeirra reynslu og
þekkingu ásamt mati á mannleg-
um þáttum, sem engin tækni nái
yfir.
Alvís Útvegur er átta sam-
tengdar einingar og byggir hann
upp, ásamt öðrum Alvís kerfum,
svo sem fjárhagsbókhaldi, við-
skiptabókhaldi, vörukerfi og þjón-
ustukerfi, hið heildstæða upplýs-
ingakerfi.
Eins og hálfs árs
reynsla hjá ÚA
Nú eru um eitt og hálft ár síðan
Alvís Útvegur var tekinn í notkun
hjá Útgerðarfélagi Akureyringa.
Skráning upplýsinga hefst um leið
og skip leggja úr höfn til veiða, en
afli er skráður jöfnum höndum
þegar skipin gefa upp afla í land. í
kerfinu er einfalt reiknilíkan sem
áætlar afla fyrir þá daga sem eftir
eru af veiðiferðinni og með því er
mun auðveldara að skipuleggja
vinnslu og ráðstöfun afla, þar sem
ætíð er hægt að sjá hvers er að
vænta. Þegar að löndun kemur er
aflinn skráður að nýju og hægt er
að nota strikamerki til að merkja
hráefni. Með þessu er hvert bretti,
kar og/eða fiskkassi merktur og er
þá hægt að fylgjast með því í
hvaða framleiðslu hráefnið er not-
að. Strikamerkin eru ein forsenda
sjálfvirkni í framleiðslu. Eitt af
helstu markmiðum kerfisins er að
byggja rekjanleika í vinnsluna, en
rekjanleiki merkir það að hægt
verður að sjá hvaða afli fór til
vinnslu á hverjum tíma, hver var
aldur hans, gæðastig og fleira þess
háttar og í hvaða afurðum hann
endaði. Rekjanleiki er ein af meg-
in forsendum ISO 9000 gæðavott-
unar og því mikilvægt að hafa öfl-
ugt skráningarkerfi sem styður
hana. Rekjanleiki byggir á því að
allar upplýsingar eru samtengdar
og gefa því mynd af stöðu fram-
leiðslu á hverjum og einum tíma.
Flókinn ferill
Eftir að hráefni hefur verið ráð-
stafað til vinnslu er að mörgu að
huga. Safna þarf upplýsingum um
magn og þar með reikna út nýt-
ingu; notkun vinnuafls og véla og
meta þannig afköst, ásamt skipt-
ingu í vinnsluleiðir og afurðir,
þannig að ljóst sé að fiskurinn fari
í þær afurðir sem eru verðmestar.
Til þess að gera þetta kleift, teng-
ist Alvís Útvegur vogarkerfum,
svo sem frá Marel, til þess að taka
við upplýsingum sem þau safna,
og bæta í hina stóru mynd. í stóru
fyrirtæki eins og Útgerðarfélagi
Akureyringa hf., eru mikil afköst
og mikil verðmæti verða til á
hverjum degi. Því er hver aur sem
unninn er með aukinni hagræð-
ingu, eða aukinni verðmætasköp-
un, fyrir hvert kíló, fljótur að skila
sér í miklum verðmætum. Mikil-
vægi framleiðsluskipulagningar
og hámörkun framlegðar í vinnsl-
unni er því einn mikilverðasti
þáttur stjórnunar. Til þess að það
sé auðvelt viðureignar verður að
vera til staðar góður gagnagrunnur
og þægileg verkfæri til að beita.
Þegar kemur að geymslu afurða,
sér Alvís Útvegur um að prenta
kassamiða, sem eru notaðir sem
merking á ytri umbúðir afurðanna.
Bretti eru merkt með strikamerkj-
um sem auðkenna þau í flutninga-
ferlinum, allt til kaupanda.
Þegar vinnsla er hafin er gæða-
eftirlit mjög mikilvægur þáttur.
Erlendir kaupendur gera sífellt
auknar kröfur um stöðugleika í
gæðum og þeim verður að mæta.
Samviskusömum og traustum
framleiðendum, er treyst til þess
að sjá um þessi mál sjálfir og sí-
fellt verður algengara að erlendir
kaupendur treysti eftirlitskerfum
framleiðslufyrirtækjanna. ISO
9000 vottun er einn þáttur í þessu,
ásamt GAMES, eins og HACCP
hefur verið nefnt á íslensku.
í Alvís Útvegi er öflugur og
sveigjanlegur gæðagrunnur, sem
tekur til allra þátta vinnslunnar.
Þess má geta að nú er í gangi sam-
vinnuverkefni milli Útgerðarfé-
lags Akureyringa hf., Sölumið-
stöðvar hraðfrystihúsanna, Cold-
water og Kerfis, sem snýr að því
að efla gæðaþátt vinnslunnar og er
stefnt að því að gæðaeftirlit ÚA
verði hluti af gæðakerfi Coldwat-
er. Síðan verða notuð sjálfvirk
samskipti milli tölvu ÚA og Cold-
water um miðlun þessara upplýs-
inga. Sjálfvirk miðlun fram-
leiðsluupplýsinga, ásamt verð-
skrám og fleiri þáttum, eiga sér nú
þegar stað í kerfinu.
„Islenskur sjávarútvegur og
sérstaklega íslensk fiskvinnsla er
okkar stóriðja, hvergi í heiminum
er fiskiðnaður eins mikilvægur og
hér,“ segir Þröstur Guðmundsson,
forstjóri Kerfis hf. „Af þeim sök-
um verðum við að vera í farar-
broddi í því að innleiða nýja tækni
og nota bestu framleiðsluaðferðir
sem hægt er. Handafl er ekki allt,
heldur verðum við beita nútíma
stjórnunartækni og virkja þann
mannauð sem við eigum til þess
að iðnaðurinn nái að dafna og þró-
ast. Beiting nútíma upplýsinga-
tækni er það afl sem öll framsæk-
in atvinnustarfsemi byggir á. Þessi
markmið liggja að baki þróunar
og notkunar Alvíss Útvegs og er
þess að vænta að hann geti orðið
það bjarg sem traust ákvarðana-
taka stjórnenda innan íslensks
fiskiðnaðar geti staðið á og þannig
aukið arðsemi og verið liður í
framþróun og því að vegur fisk-
vinnslunnar getið orðið sem mest-
ur og bestur.“
Sumarblóm, fjölær blóm,
tré og runnar.
Bóndarósir, rósir.
Himalajaeinir 70-90 cm á hæð.
Blómstrandi gullregn 2 m á hæð.
Skógarplöntur í bökkum
og margt margt annað.
Sendum um allt land.
Gróðrarstöðin
Réttarhóll
Svalbarðseyri, sími 461 1660. Cfp
Klikla á leid um landið
Sýnum bílana frá:
VOLKSWAGEN, AUDI, MITSUBISHI og KIA ásamt SCANIA vörubíl
hjá Höldi hf., laugardaginn S4. júnf frá kl. 14-17.
HEKLA
fiíhei/fa hestf
Ein glæsilegasta bifreid sem komid hefur til landsins
„Álbíllinn Audi A-8“ med öllum búnadi
Reynsluakstur á AUDI A4 og fleiri bifreiðum " Wlefsí*