Dagur - 13.07.1995, Blaðsíða 5

Fimmtudagur 13. júlí 1995 - DAGUR - 5
Það er óneitanlega svipur meO þeim félögunum!
Hluti hópsins. Guðmundur Karlsson í fararbroddi.
Myndir: BG
Hott hott á hesti
- sex daga ferð á hestbaki
Eiga íslenskan hest
Mæðgurnar Annchristin og Cecil-
ia Norling frá Tallásen f Norður-
Svíþjóð eru miklir aðdáendur ís-
lenska hestsins og er þetta í annað
sinn sem þær fara ferð sem þessa.
í fyrra fóru þær í með Eldhest-
um um Snæfellsnes og líkaði svo
vel að þær ákváðu að koma aftur
til íslands. „Okkur fannst mjög
gaman í fyrra og langaði að fara
aftur. Þess vegna fannst okkur góð
hugmynd þegar við fréttum af
þessari ferð hjá Eldhestum að
skoða annan landshluta í sumar,“
sagði Annchristin. Það eru sjálf-
sagt margir krakkar sem vildu
vera í sporum Ceciliu, en hún er
bara tólf ára og hefur þegar eign-
ast sinn fyrsta hest sem að sjálf-
sögðu er íslenskur, tíu vetra og
heitir Roði, en hann keypti fjöl-
skyldan í maí.
Aðspurðar höfðu þær ekki
miklar áhyggjur af að verða sárar f
svo langri ferð, sögðust bara
plástra aumustu staðina. shv
Varla er til betri aðferð til að
kynnast landinu en af hestbaki, í
það minnsta voru níu Svíar sem
lögðu í’ann frá Akureyri á leið í
Mývatnssveit á föstudaginn síð-
asta á þeirri skoðun. Svíarnir njóta
leiðsagnar sex Eyfirðinga og eins
fararstjóra frá Eldhestum og eru
Guðmundur Karlsson og Ármann
Ólafsson í forsvari.
Farið var frá hestaleigunni í
Litla-Garði um hádegi á föstudag
og komið til baka í gær. Förinni
var heitið í Fnjóskadal fyrsta dag-
inn, þar sem gist var í Lundi, ann-
an daginn yfir Vallafjall og niður í
Bárðardal, þriðja daginn í Skútu-
staði í Mývatnssveit, fjórða daginn
niður Laxárdal og í Köldukinn,
fimmta daginn var riðið í Lund í
Fnjóskadal og þann sjötta, í gær,
lauk ferðinni með því að riðið var
í gegnum Bíldsárskarð til Akur-
eyrar.
Ferðin var sú fyrsta af fjórum
sem farnar verða í sumar; tvær
verða til viðbótar í júlí og ein í
ágúst. Ekki er uppbókað í ferðirnar
en töluvert hefur selst í þær, auk
þess sem mikið hefur verið spurst
fyrir um þær. Ekkert skilyrði er að
vera þaulvanur hestamaður, því
eins og einn fararstjóranna sagði:
„Ef þú ert ekki vanur þegar þú
ferð þá verðurðu það alveg örugg-
lega eftir þessa sex daga!“ shv
Dagskrá laugardaginn 15. júlí
Kl. 13.00-16.00 Tröllaskagatvíþraut. Hlaupið og hjólað um fjöll frá
Dalvík til Ólafsfjarðar.
Kl. 13.00-18.00 Dagur dýranna í hesthúsahverfi. Húsdýrin sýnd og
fólki boðið í stutta reiðtúra.
Kl. 13.00-18.00 Útimarkaður við Tjarnarborg.
Kl. 13.00-18.00 Opið hús hjá Laxeldisstöðinni í Hlíð.
Kl. 16.00-18.00 Blönduð dagskrá við Tjarnarborg: Stutt ávörp,
kórsöngur, útitafl, létt tónlist, gamanmál, Skralli trúður.
Kl. 18.00-20.00 Útigrill á vegum brottfluttra Ólafsfirðinga.
Kl. 20.30-21.45 „Horfðu glaður um öxl". Söguannáll Ólafsfjarðar
sýndur í Tjarnarborg.
Kl. 23.00-03.00 Stórdansleikur í Tjarnarborg.
Sýningar í Náttúrugripasafni, Barnaskóla og Oagnfræðaskóla og
gallerí handverksfólks í Tjarnarborg. Opið frá kl. 13.00-18.00.
Annchristin og Cecilia.
Mynd: BG
51ARAIS95
Jörð til sölu!
Til sölu er jörðin Bræðraá í Slcttuhlíð, Skagafjarðarsýslu.
Á jörðinni er 131 fermetra íbúðarhús sem hefur verið endur-
nýjað verulega, m.a. klætt að utan með timbri og einangrað.
Önnur nothæf hús eru ekki á jörðinni. Réttur til silungsveiða
í Hrolleifsá fylgir. Til greina kemur að selja einungis íbúðar-
húsið og landspildu með því. Bræðraá er í Hrolleifsdal, fal-
legu landslagi sem er sérlega vel fallið til gönguferða og úti-
vistar.
Nánari upplýsingar gefur Ágúst Guðmundsson Suðurgötu 3,
Sauðárkróki, sími 453 5900.
LÓNSBAKKA • 601 AKtlREYRI
■zr 463 0321, 463 0326, 463 0323
FAX 462 7813