Dagur - 08.03.1996, Side 6
6 - DAGUR - Föstudagur 8. mars 1996
i
i
Afslöppun í lauginni á Hveravöllum. Sigurkarl og félagar njóta afslöppunar eftir keyrsluna, enda segja jeppamenn
það misskilning að halda að fjallamennskan snúist eingöngu um keyrsluna.
íshellirinn í Kverkfjöllum skoðaður.
Eyjafjarðardeild ferðaklúbbsins 4x4:
Snýst um fleira en það
sem er undir vélarhlífínni
- segir Sigurkarl Aðalsteinsson, formaður
Uppi á háiendi. Vegvísirinn nánast í kafi og virðist lítill í samanburði við jeppana.
Eyjafjarðardeild ferðaklúbbsins
4x4 hefur verið starfandi um fimm
ára skeið og er félagið angi af
Ferðaklúbbnum 4x4, sem starfar á
landsvísu. Eins og nafnið bendir
til er þetta félagsskapur áhuga-
manna um fjórhjóladrifsökutæki
og í meirihluta eru jeppaeigendur,
sem útbúa bíla sína til ferðalaga,
jafnt á sumrum sem vetrum. Mik-
ill kraftur er í starfi Eyfirðinga og
formaður deildarinnar er Sigurkarl
Aðalsteinsson, rakari á Akureyri.
Hann segir mikið lagt upp úr að
ná til sem flestra jeppamanna og
ferðaáhugamanna til að sýna fram
á að félagsskapurinn sé til muna
meira en klúbbur tækjadellu-
manna. Stór liður í þessu sé
Jeppadagur fjölskyldunnar, sem
deildin heldur í annað sinn næst-
komandi sunnudag. Góð þátttaka
var í jeppadeginum í fyrra og sú
ætlan félaga í klúbbnum tókst að
ná til jafnt þeirra sem eru á útbún-
um bílum og þeirra sem eru á
óbreyttum fjölskyldujeppum en
geta engu að síður hleypt úr
dekkjunum og fylgt dekkjastærri
bílunum eftir.
Viljum breyta viðhorfinu
„Við höfum skráða og virka fé-
laga á bilinu 60-70 en við getum
sagt að 30-40 manns af þessu taki
þátt í nánast öllu sem deildin
stendur fyrir,“ segir Sigurkarl
fyrst um þennan félagsskap. „Við
höldum fundi á Furuvöllum 3 á
Akureyri fyrsta þriðjudagskvöld í
hverjum mánuði og þar eru
fræðsluerindi um hin ýmsu mál
sem varða ferðamennskuna. Ég
get til dæmis nefnt Hjálp í viðlög-
um, notkun á staðsetningarbúnaði,
kynningu á hellum landsins,
fræðsluerindi jarðfræðinga um
einstök svæði landsins og svo
framvegis.“
- Þetta er með öðrum orðum
félagsskapur sem snýst um fleiri
atriði en bílana?
„Já, þetta snýst sannarlega um
fleira en það sem er undir vélar-
hlífinni. Raunar er það bara auka-
atriði hjá okkur,“ svarar Sigurkarl
og hlær við. „Jú, ég viðurkenni að
við verðum vör við þennan mis-
skilning að 4x4 sé bara félags-
skapur tækjadellumanna. Okkur
þarf að takast að breyta þessu við-
horfi vegna þess að við viljum ná
til þess fólks sem hefur áhuga á
ferðalögum almennt. Okkur vant-
ar fleira fólk og það er hægt ef við
miðum við hversu algent er að
fólk velji jeppa sem fjölskyldubíl.
Og mér finnst ástæða til að taka
skýrt fram að jeppi er ekki nauð-
synleg eign fyrir þá sem vilja vera
með því félagsskapurinn er öllum
opinn og öllum frjálst að koma á
fundina og sjá starfsemina. Ég vil
því hvetja sem flesta til þess.“
Sigurkarl segir að félagar borgi
3000 króna árgjald í félaginu en
fái á móti afsláttarkort, sem gildi á
mörgum þeirra staða sem bifreiða-
eigendur þurfi að leita til, svo sem
varahlutaverslana, bensínstöðva
og smurstöðva. Á þann hátt fái fé-
lagar strax þetta árgjald til baka.
Konurnar og börnin með
Eins og áður segir eru fundir
haldnir í hverjum mánuði og starf-
semi ferðaklúbbsins 4x4 því í full-
um gangi allt árið. Sigurkarl við-
urkennir að meiri kraftur sé í
starfinu á vetuma enda dreifist
hópurinn meira yfir sumarið. „Við
höldum þó sumarhátíð fjölskyld-
unnar eina helgi yfir sumarið og
famar eru alls konar ferðir á okkar
vegum að sumrinu líka. Við leggj-
um mikið upp úr því að þetta sé
fjölskylduáhugamál en ekki
„pabbasportið" eins og margir
halda. Auðvitað fara konumar og
bömin síður í erfiðustu vetrarferð-
imar en þegar aðstæður gefa og
leyfa eru heilu fjölskyldumar
með.“
Stærð hópanna í ferðum getur
takmarkast af skálaaðstöðu á há-
lendinu, þ.e. í þeim ferðum þegar
lengra er farið inn á hálendið. Sig-
urkarl segir að þessar ferðir séu
alltaf vel undirbúnar og stór þáttur
í undirbúningnum er að tryggja
gistiaðstöðu í fjallaskálum. Hann
segir að milli þeirra aðila sem eru
í ferðamennsku á fjöllum sé gott
upplýsingastreymi og þannig losni
menn við óþarfa árekstra. „Við er-
um líka að ljúka við byggingu á
skála á Réttartorfu en sá skáli er í
eigu 4x4 landsklúbbsins en þetta
verður skáli sem Norðlendingar
koma til með að nota mikið enda
t.d. ekki nema í tveggja tíma akst-
ursfjarlægð frá Akureyri," segir
Sigurkarl.
Hættulítil ferðalög ef farið
er varlega
Félagar í Eyjafjarðardeild 4x4
hafa ferðast víða um landið þó
Sigurkarl segi að á vetuma vinnist
ekki tími til að fara í langar ferðir
á suðurhluta hálendisins. „Okkar
ferðasvæði spannar allt frá Snæ-
felli í austri og vestur fyrir Lang-
jökul. Á sumrin stækkar svo
svæðið og þá veljum við okkur
gjarnan einstök svæði til að skoða
nánar. Um leið og við kynnumst
náttúrunni að sumarlagi söfnum
við staðarpunktum og kynnum
okkur landið þannig að við getum
farið um sömu svæði áhyggjulaust
á vetuma. Með þessu móti getum
við komist hjá því að lenda óvænt
í giljum eða sprungum.“
- Nú kann einhver að spyrja
hvort þið séuð ekki að leika ykkur
að hættunum með þessum vetrar-
ferðum? Er þetta hættulegt fyrir
menn og bíla?
„Þessi hópur okkar í Eyjafjarð-
ardeild ferðaklúbbsins 4x4 hefur
ekki lent í slysum en auðvitað er
slysahætta alltaf fyrir hendi.
Áhættan er til staðar en þegar við
erum kunnugir landinu, þekkjum
svæðin og notum staðarákvörðun-
arbúnaðinn án þess að keyra í
blindni eftir honum þá getum við
komist áfram án slysa. Þama kem-
ur sterkt inn þessi nauðsynlegi
þáttur að hafa kynnt sér landið og
gefa sér tíma til að læra á það.
Margir halda að á jöklum séum
við í mikilli hættu á að fara niður í
sprungur en svo er ekki. Við
kynnum okkur jöklana og vitum
að þeir springa á vissum stöðum
sem em þekktir en komi sprungur
á nýjum svæðum eru upplýsingar
um það fljótar að berast milli há-
lendisferðamanna. Þessi svæði eru
þá sniðgengin. Við emm þarna
líka að nýta okkur þekkingu á
landinu, þó að uppi á jöklum sé,
og ég fullyrði að slysin væru tíðari
ef menn færu ekki svona varlega
eins og raun ber vitni,“ segir Sig-
urkarl.
Áhugamál og
tómstundagaman
Staðsetningar- og fjarskiptabúnað-
ur er jafnan í góðum ferðajeppum
og sú spurning er áleitin hvort
þetta sé ekki búnaður sem margir
ráði ekki við að kaupa. Sigurkarl
segir að svo þurfi alls ekki að
vera. Símar séu mjög algengir í
bflum í dag og ódýr GPS-tæki fást
fyrir 30-40 þúsund krónur. „Þetta
er því orðið á því verði sem flestir
geta ráðið við. Bflamir nýtast líka
sem fjölskyldubflar en standa ekki
ónotaðir milli ferða heima í skúr.
Þannig stendur jeppamennskan
undir nafni sem fjölskylduáhuga-
mál og tómstundagaman,“ segir
Sigurkarl Aðalsteinsson. JÓH
Hestamenn
v Hestamenn
Sætaferðir á órshátíð hestamanna í Laugarborg laugar-
daginn 9. mars verða sem hér segir:
Frá Sunnuhlíðarplani kl. 20.00.
Frá Hrísalundsplani kl. 20.10.
Frá Kaupangsplani kl. 20.20.
Frá Fiölaraplani kl. 20.30.
Verð kr. 500,-
Hestamenn, höfum hugfast: Eftir einn ei aki neinn.
«V*W,V fM/fJJJbl
tliili
WAV/iW/W
.* L