Þjóðviljinn - 15.04.1965, Qupperneq 2

2) — ÞJÓÐVILJINN — Fimmtudagur 15. apríl 1965
HVERT ER
FERÐINNI
HEITIÐ?
Þjóðviljinn átti tal við forstjóra nokkurra helztu ferða-
skrifstofa borgarinnar og bað þá að svara eftirfarandi
spurningu: Hvert verður aðalverkefni — helzta ferðalagið
hjá ferðaskrifstofu yðar í sumar?
Rúmenía og Rúss
land heimsótt
Hjá ferðaskrifstofunni ,,L5nd
og leiðir“ varð Ingólfur Blön-
dal fyrir svörum. — Það eru
einkum þrjár ferðir í sumar
sem ég vil vekja athygli á. Sú
fyrsta er 8 daga laxveiðiferð
til írlands, sem farin verður
12. júní. Síðan er 22ja daga
ferð til Norðurlanda og Rúss-
íands. Lönd og leiðir fóru sl.
sumar mjög vel heppnaða ferð
til Norðurlanda þar sem höfð
var þriggja daga viðdvöl í
Leningrad. Þessi stutta heim-
sókn austur fyrir tjald þótti í
senn forvitnileg og skemmti-
leg. Aðdáun þátttakenda á
ballettsýningum, byggingum og
annarri menningu Rússa hefur
ekki aðeins orðið okkur hvatn-
ing til að endurtaka ferðina,
heldur og til að gera hana að
alvöru Rússlandsferð með
heimsókn til sjálfrar höfuð-
borgarinnar, Moskvu.
Síðast en ekki sízt eru svo
Rúmeníuferðir, sem verðafjór-
ar í sumar. Rúmenía var fyr-
ir nokkrum árum alveg óþekkt
ferðamannaland. Þetta hefur
gjörbreytzt og í dag hafa Rú-
menar manna mestan áhuga á
að auka ferðamannastrauminn
til lands síns. Þetta er þeim
auðvelt þar sem náttúra lands-
ins er fjölbreytt og fögur en
loftslagið einkar hentugt og
stöðugt. Ströndin við Mamaia
er fjögurra kílómetra löng og
talin ein bezta baðströnd í álf-
unni. Lofthiti er venjulega um
30 gráður, en sjávarhiti um
25, en seltan minni en í Mið-
jarðarhafinu. Allt tryggir þetta
að jafnt börn sem fullorðnir
geta verið þess fullvissir að
koma sólbrúnir og úthvíldir
heim. Hótelin á Mamaia liggja
við ströndina sjálfa og þar
eru matsalir, barir og sund-
laugar en útikvikmyndahús,
verzlanir og næturklúbbar eru
í næsta nágrenni. í flestum
hótelunum er líka dansað
hvert kvöld. Við höfum sér-
stakan íslenzkan fararstjóra,
sem tekur á móti hverjum hóp
í Rúmeiiíu og annast hann
meðan á dvölinni stendur.
Ævintýraferð til
Austurlanda
Guðni Þórðarson varð fyrir
svörum hjá Ferðaskrifstofunni
Sunnu:
Við höfum ýmsar nýjungar
á prjónunum í sumar, en sum-
aráætlunin er því miður ekki
fullfrágengin ennþá, svo að ég
get lítið um þetta .sagt. Á veg-
um Sunnu verða farnar fjöl-
margar ferðir til útlanda, eins
og verið hefur undanfarin ár.
Hinn 26. ágúst n.k. verður far-
in þriggja vikna ferð til Par-
ísar, Rínarlanda og Sviss. 22.
ágúst verður efnt til ferðar á
Edinborgarhátíðina og svo eru
hinar vinsælu ítalíu- og Norð-
urlandaferðir. Allar þessar
ferðir hafa verið farnar lítið
breyttar í 4—5 ár.
í fyrra efndum við til ferðar
til hinna nálægari Austur-
landa, þátttakendur voru 35 og
þótti ferðin takast með af-
brigðum vel. Þess vegna höf-
um við ákveðið að efna til
annarrar slíkrar ferðar í haust
og verður að líkindum lagt af
stað hinn 1. október. Þá verð-
ur flogið til Amsterdam og
þar dvalizt í einn sólarhring.
í Egyptalandi verður dvalið í
viku. í Kairó verður búið á
hóteli sem áður var ein af
viðhafnarhöllum Farúks kon-
ungs. Þarna gefst fólki kostur
á að komast á úlfald.abaki út
í eyðimörkina. Síðan verður
farið til Suður-Egyptalands og
stórfenglegar konungagrafir í
„Dauðadalnum“ handan Nílar
skoðaðar. Síðan getur fólk val-
ið um dvöl á glæsilegu bað-
strandarhóteli við Miðjarðar-
hafið eða ferðalag til Biblíu-
landanna, Jordaníu, Sýrlands
og Líbanons. Á heimleiðinni
verður höfð viðdvöl í London.
Þessi ævintýraferð til Austur-
landa mun taka um 20 daga
og er einstaklega ódýr vegna
þess að Sunna hefur gert
samning við enskt-egypzkt
fyrirtæki sem skipuleggur í
stórum stíl ferðalög Evrópu-
búa til landanna fyrir botni
Miðjarðarhafsins. í þessa ferð
geta 32 þátttakendur komizt
auk fararstjóra.
Guðnl Þórðarson — Sunna.
Ferðamálaráðstefna
á Þingvöllum
Geysir í Haukadal — þangað Ieggja flestir útlendir ferðamenn, sem hingað koma á sumrin, leið sína.
Þjóðviljinn hefur fengið þær
upplýsingar hjá form. Ferða-
málaráðs að það hafi ákveðið
að hafa forgöngu um að boða
til ferðamálaráðstefnu á Þing-
völlum á vori komanda.
Ætlazt er til, að ráðstefnu
þessa sæki fulltrúar þeirra að-
ila, sem ætla má, að hag hafi
af auknum ferðamannastraumi
til landsins og um landið svo
og fulltrúar frá bæjarfélögum
og byggðarlögum, sem hug
hefðu á að stofna hjá sér sam-
tök (ferðamálafélög), sem
vildu vinna að bættum skil-
yrðum til móttöku ferðamanna
í sínu byggðarlagi.
Ferðamálaráð hefur þegar á-
kveðið að ráðstefnan hefjist
í Valhöll á Þingvöllum föstu-
daginn 7. maí n.k. kL 3 e.h.
og standi til jafnlengdar laug-
ardaginn 8. maí.
Þessum aðilum hefur verið
boðin þátttaka í ferðamálaráð-
stefnunni:
Samgöngumálaráðherra
Ráðuneytisstj. samgöngumála
Flugmálastjóra
Vegamálastjóra
Bankastjóra Seðlabankans
Forstj. Ferðaskrifstofu ríkisins
Forstj. Eimskipafélags íslands
Forstj. Skipaútgerðar ríkisins
Formanni Sambands veitinga-
og gistihúsaeigenda
Formanni Ferðamálaráðs og
ráðsmönnum .
Forstjórum ferðaskrifstofa
Formanni Félags sérleyfishafa
Form. Verzlunarráðs íslands
Blaðafulltrúa ríkisstjórnar
Blaðamönnum
Ritstjóra Iceland Review
Formönnum ferðamálafélaga
Ferðafélagi íslands
Húsameistara ríkisins
Fr æðslumálast j óra
Félagi ísl. bifreiðaeigenda
Sambandi ísl. samvinnufélaga
Landssambandi stangveiðifél.
Fulltr. bæjar- og sveitarfélaga
Alþýðusambandi íslands.
Framangreinda aðila hefur
Ferðamálaráð beðið að íhuga
málið og senda ráðinu síðan
svar um þátttöku fyrir 20. þ.
m. Þeim tilmælum fylgja m.a.
þessar línur:
Hlutverk Ferðamálaráðs er
m.a. að gera tillögur um end-
urbætur og skipulagningu allr-
ar ferðamannaþjónustu í land-
inu svo og að taka þátt í land-
kynningarstarfseminni. Þetta
er mikið verkiefni og verður
ekki unnið, svo vel sé, án
skilnings og þátttöku þjóðar-
innar allrar. Ferðamálaráð
leyfir sér þess vegna að leita
til yðar með ofangreint erindi
og vonar, að skilnings og á-
huga sé að vænta frá yður.