Þjóðviljinn - 03.04.1973, Blaðsíða 2
2 SÍÐA — ÞJÓÐVILJINN Þriöjudagur 3. apriT 1973.
MINNING
Björn Pálsson
flugmaður
I dag verður til moldar borinn
Björn Pálsson flugmaður. Þar til
fyrir fáeinum árum voru næstum
fifldjarfar flugferðir Björns til
flutninga á sjúklingum við verstu
hugsanleg skilyrði daglegt brauð.
Þá voru vinir Björn Pálssonar
undir þaö búnir að spyrja lát hans
i slysi eins og þvi sem varð honum
og fjörum mönnum öðrum að ald-
urtila mánudaginn 26. marz. En
þar sem Björn var mjög farinn að
draga úr þessum svaðilförum nú
siðustu árin, enda kominn á sjö-
tugsaldur, þá er missir hans fjöl-
skyldu og vinum óvænt áfall.
Björn Pálsson var einhver
mesti farsældar- og hamingju-
maöur sem ég hef kynnzt. Ég hef
þá trú aö fáir menn hverfi úr
þessum heimi jafnauðugir af
þeim verðmætum sem ein eru
þess virði að safna. Hann ávann
viröingu allra sinna samstarfs-
manna og samferðarmanna fyrir
hæfni og snilli i starfi sinu ásamt
þeirri makalausu blöndu gætni og
dirfsku, sem bezt nýtist til stórra
afreka. En Björn Pálsson var
ekki aðeins flughetjan, sem
geysilegur fjöldi tslendinga,
Grænlendinga og Dana eiga lif að
launa. Hann var gersemi af
manni, sem ekki stirnir siður af i
dagle^u lifi en starfi. Hjónaband
hans og Sveinu Sveinsdóttur, sem
lifir mann sinn, hygg ég að mörg-
um hljóti að verða minnisstætt
dæmi um fagurt samlif karls og
konu i fullkominni samstööu og
lifsgleði. Að rausnarheimili
þeirra hjóna hændist fólk á öllum
aldri. Þau Björn og Sveina eru
dæmalaust vinmörg, en auk þess
fór svo að flestir kunningjar
þeirra hafa bundið við þau hjón
ævilanga vináttu. Af öllum þeim
samskiptum sem ég átti við Björn
Pálsson á siðastliðnum 17 árum
þar sem hann birtist mér sem
faðir vinar mins, vinnuveitandi
tvö sumur, ferðafélagi hér á Is-
landi og i öðrum löndum og sem
traustur vinur — verður til mynd
sem ég mun alltaf varöveita i
huga minum, mynd af afreks-
manni sem aldrei treysti dóm-
greind neins nema sjálfs sin i
starfi, en var litillátur og dreng-
lundaður i samneyti við annað
fólk.
Ég votta Sveinu Sveinsdóttur
og börnunum fjórum dýpstu sam-
úð mina.
örnólfur Arnason.
Póstur og sími
undir þak
Fáskrúösfirði 29/3 — Póst- og
simahús, sem hér er verið að
byggja er nú komið undir þak og
tilbúið undir tréverk. Innrétt-
ingar koma frá trésmiðaverk-
stæðinu Brúnási á Egilsstööum og
eru þeir komnir og byrjaðir að
setja þær upp. Allt annað er unnið
af mönnum hér.
í skipasmiðastööinni er verið
að smiða tvo nýja 15 tonna báta,
annan fyrir Friðrik Stefánsson
hér á staðnum, hinn fer á Eski-
fjörð. Þá er unnið við viðgerðir á
bát frá Djúpavogi.
— K.G.
Andleg
hressing
Siglufirði 30/3 — Eftir nokkuð
langt árabil er nú farið að byggja
héribúðarhúsaðnýju. Var byrjaö
á byggingu 3ja einbýlishúsa i
fyrra á vegum framkvæmda-
nefndar verkamannabústaða og
verður þeim lokið á þessu ári, en
næsti áfangi,sem vonazt er til að
byrjað verði á í vor, er bygging
raðhúss.
Hafa þessar framkvæmdir haft
mjög jákvæð áhrif, bæði peninga-
lega fyrir iðnaðarmenn, en ekki
siður andlega fyrir bæjarbúa.
Þá er uþb. að hefjast hér
verksmiðjuframleiðsla á timbur-
húsum á vegum Húseiningar hf.
og er gert ráð fyrir, að þessi
timburhús verði alltað 30%
ódýrari en samsvarandi hús úr
steinsteypu.
Af annarri atvinnu hér, sem
ekki snertir fisk og útveg, er helzt
að segja frá Saumastofunni Salinu
þar sem 20 konur eru í vinnu við
að sauma kápur úr islenzkri ull á
Bandarikjamarkað.
—G.R.S.
Yon á skuttogara
frá Japan
SauOarkróki 30/3 —
Otgerðarhorfur eru fremur
slæmar sem stendur, vélarbilun i
togskipinu og kemst ekki i lag
fyrr en i næsta mánuði. Litið •
hefur komið á land af fiski, tveir
bátar að gutla með þorskanet, en
afli veriö sáratregur. En nú fara
menn Hka að hugsa til hreyfings
með grásleppuna, en á þær veiðar
fara margir smábátar og
dekkbátar.
Von er á öðrum skuttogara
hingað frá Japan I byrjun mai
— Hr.S.
Atvinnulítið, en
skuttogarakaup
í bígerð
Dalvik 30/3 Hér hefur verið
heldur atvinnulftið siðan i nóvem-
berbyrjun og alltaf dálítið á
atvinnuleysisskrá siðan. Þetta er
árstiðabundið atvinnuleysi, erfiö
sjósókn,en fleira kemur nú til,
þvi það stóð til að selja annan
togarann af tveimur hér, en svo
gekk kaupandinn úr skaftinu og
togarinn fór á veiðar um daginn
og hefur þetta lagazt siðan.
Þessi tvö togskip eru 250 tonna
tappatogarar, fengnir frá
Póllandi á vinstristjórnarárunum
fyrri og hafa verið hér siðan, en
við þurfum stærri skip, sem geta
sótt lengra, og fáum 500 tonna
skuttogara i plássið um næstu jól
og annan 800 tonna frá Póllandi
siðar. Það er einstaklingur hér,
sem kaupir þann stærri, hinn
kaupir útgerðarfélagið, sem er
hlutafélag hreppsins og kaup-
félagsins og var stofnað 1958,
þegar sildin brást okkur.
Nokkrir gera héðan út 10 — 20
tonna báta og salta sjálfir og hafa
þeir aflað sæmilega eftir þvi sem
netavertið getur verið hér. Einn
bátur héðan hefur verið á loðnu
og aflinn verið frystur, ýmist til
beitu eða útflutnings, á Akureyri,
hér er ekki aðstaða til þess.
—St. B
Þegar loks
kom laug,
urðu þær tvær
Garði Mývatnssveit, 30/3—Hér
er athafnasamt i vetury mörg hús i
byggingu og unnið við þau af
krafti, bæði i þorpinu við
Kisiliðjuna og hjá bændum, Er td.
verið að byggja þrjú hús á Skútu-
stööum, 2 til ibúðar og eitt
verzlunar- og þjónustuhús fyrir
gesti
Að Skútustöðum, þar sem eru
félagsheimili, kirkja og skóli,
stendur nú til að byggja sundlaug
við barnaskólann, og þegar við
loks fáum laug he'r i sveitina má
ekki minna vera en þær verði
tvær, þvi önnur verður byggð við
Reykjahlið. Þetta verða plast-
laugar, sú við barnaskólann 12
metra löng og rafhituö, hin verð-
ur með heitu hveravatni.
Bygging þessara plastlauga mun
vera furðu ódýr, miðað við þá
tima, sem við lifum við, kringum
plastið koma stálþil og svo er
sandur undir. Það er Ungmenna-
félag Mývatnssveitar, sem
Þessi mynd er tekin fyrir skömmu I Trésmiðju Austurlands á Fáskrúösfirði, en þar hafa um árabil veriö
smlðaðir smærri bátar, trillur og þilfarsbátar. Auk þess hefur fyrirtækið séð um smíði húsa og innrétt-
inga.
kaupir og kemur upp lauginni viö
skólann, en annað félag, iþrótta-
félag sem byggir þessa við
Reykjahlið.
— Starri
Þögli meirililutirm
Sigiufirði 30/3 — Meirihluti
bæjarstjórnar (Framsókn,kratar
og ihald) er nýbúinn að hækka
rafmagnsverðið um 13% og brá
svo 'til, þegar þetta var gert i
bæjarstjórninni, að þessi „þögli
meirihluti” ræddi málið ekki.
Minnihlutinn lagði hins vegar til,
að hækkunin yrði 5%
Samkvæmistimabilið er nú að
enda hér og flestar árshátiðir
búnar svo og nýliðið 100 ára af-
mæli elzta sparisjóðs landsins,
Sparisjóðs Siglurfjarðar, en uppá
siðkastið hafa dunið yfir heim-
sóknir allrahanda stjórnmála-
manna að sunnan.
Annars beinist félagslegur
áhugi nú helzt að undirbúningi
skiðalandsmótsins, sem haldið
verður á Siglufirði um páskana og
er unnið af miklum áhuga.
— G.R.S
Tvískipting í
félagslífi
og athöfmim
Tveir nýir
togarar
Siglufirði 30/3 —Hingað er von
á nýjum skuttogara i vor eða
sumar og er verið að smiða hann i
skipasmiðastöðinni Stálvik. Er
það fyrsti togarinn, sem smið-
aður er innanlands, og verður
kringum 450 tonn. Þá fáum við
annan frá Spáni næsta vetur,
svipaðan að stærð.
Þessir tveir togarar eru
keyptir á vegum hlutafélagsins
Þormóðs ramma, en hluthafar
þar eru rikissjóður með 70% og
aðrir aðilar, þám. bæjarsjóður
með 30%
Auk togarakaupanna ætlar
Þormóður rammi hf. aö hefja
byggingu á nýju frystihúsi hér i
vor, sem reiknað er með að kosti
um 180 miljónir. A allt þetta að
rétta viö atvinnulifið hér
— G.R.S
Garöi Mývatnssvcit, 30/3’—Við
höfum haft fremur góða veðráttu
i vetur, snjóþungt fyrri partinn,
en alveg snjólaust núna nema til
fjalla og hlíða.
Hjónaball var haldið i Skjól-
brekku um daginn, en nokkrar
slikar árvissar samkomur eru
hér á hverjum vetri, fyrst slægju-
fundurinn um veturnætur, siðan
jólaskemmtun, þorrablót, hjóna-
ball og loks skemmtun, sem
skólabörnin halda um sumar-
komuna og sjá alveg um sjálf,
venjulega mjög myndarleg
samkoma.
Þótt fjölgað hafi i hreppnum
með tilkomu Kisiliðjunnar hefur
það ekki eflt félagslifið, fólk i
kisilþorpinu hefur félagsíif útaf
fyrir sig, enda erfitt fyrir það
vegna vaktavinnunnar að vera
samtiða öðrum. Getum við ekki
séð að vaktavinnan sé framför i
vinnubrögðum, heldur fremur
ömurlegt hlutskipti.
Annars er þessi skipting i
tvennt að ýmsu leyti hættuleg
þróun, bæði félagslega i athöfn-
um, annars vegar er þorpið og
nágrenni þess, hins vegar sveita-
býlin, En við þessu má alltaf
búast, þar sem skyndilega
myndast þéttbýli f sveitabyggð og
vafasamur búhnykkur fyrir
hreppinn, þar sem sifellt rekast á
tviskipt sjónarmið og hagsmunir.
Starri.
13 — 14 þús.
tonn af loðnu
Fáskrúðsfirði 29/3 — Hingað
hafa borizt milli 13 og 14 þúsund
tonn af loðnu og eru óbrædd um
3000 tonn. Meirihluti loðnunnar
hefur farið i bræðslu, þó voru
fryst um 700 tonn fyrir Japans-
markað.
'Atvinna er hér mjög góð i vetur,
bæði i frystihúsunum tveim og i
bræðslunni, svo og kringum
útgerðina.
Þrir netabátar eru gerðir út
héðan og lönduðu allir i dag. Haf-
fellið 48 tonnum, Anna 15 og Þorri
milli 25 og 30. Annars hefur verið
fremur tregt í netin að undan-
förnu.
Einn bátur héðan er á loðnu,
Hilmir, og hefur fengið tæp 8000
tonn.
Hér hefur mönnum ekki fundizt
nógu vel á málum haldið við land-
helgisgæzluna meðan Bretar voru
hér alveg innvið landssteina og
ekki nægilega stuggað við þeim,
þétta virðist samt eitthvað vera
að lagast.
— K.G.
Kaupir
Keykjanesið?
Neskaupstað, — Að þvi er
blaðið Austurland segir frá hefur
skipasmiðastöðin þar, Dráttar-
brautin h.f., i hyggju að kaupa vs.
Reykjanes, sem fyrr i vetur
strandaði við Hvalbak. Segir
blaðið, að aðeins standi á
Fiskveiðasjóði um lán, en
ástæðulaust sé að ætla, að fyrir-
staða verði á þvi.
Dráttarbrautin hyggst láta
gera við skipið ef af kaupunum
verður og selja það siðan.
Skipuð
samstarfsnefnd
Neskaupstað 30/3 — Nýlega
hefur verið skipuð samstarfs-
nefnd bæjarstjórnar Neskaup-
staðar og hreppsnefndar Norð-
fjarðarhrepps til að fjalla um
sameiginleg málefni sveitarfé-
laganna og sérmál þeirra eftir
þvi sem efni standa til. Nefndin er
skipuöþrem mönnum frá hvorum
aðila, af hálfu Neskaupstaðar
þeim Ragnari Sigurðssyni, Reyni
Zoega og Sigurjóni Ingvarssyni
og af hálfu Norðfjarðarhrepps
Aðalsteini Jónssyni, Jóni Bjarna-
syni og Stefáni Þorleifssyni