Þjóðviljinn - 16.05.1974, Qupperneq 10

10 SÍÐA — ÞJÓÐVILJINN Fimmtudagur 16. maí 1974.
Hér hafa
allir meira
en nóg
að starfa

— Þaö er alveg það
sama hér og annars staðar
á Snæfellsnesi, við vinnum
dag og nótt, ef svo má
segja, yfir vetrarvertiðina,
varla minna en 14 stundir á
sólarhring í eina 3 mánuði,
sagði Sigurvin Bergsson
hreppsnefndarmaður Al-
þýðubandalagsins á
Grundarfirði er við hittum
hann síðla dags þar sem
hann var að hyggja að
kindum sínum, en Sigurvin
á stóran kinda- og hrossa-
hóp.
— Þú hefur samt tima til að
sinna skepnunum, þrátt fyrir
annrikið á vertiðinni?
— O, já, ég hef það, en ég er nú
lika þriskiptur i vinnunni. Ég vinn
fyrir hádegið i frystihúsinu, en
eftir hádegið fer ég og sinni
skepnunum en verð svo að vera
kominn niður á bryggju þegar
bátarnir fara að koma að, þvi að
ég starfa lika i ferskfiskeftirlit-
inu. Og á bryggjunni verð ég að
vera þar til siðasti bátur er kom-
inn að.
— Það getur þá dregist fram á
nóttina að þú komist i rúmið?
— Já, blessaður vertu, stund-
um kemur siðasti bátur ekki að
fyrr en kl. 1 til 2 um nóttina. Fyrr
en um miðnættið þýðir ekki fyrir
mig að fara að hugsa til hvildar.
En ef vel veiðist koma þeir seinna
að en þegar aflinn er litill.
— Kanntu ekki illa við að þri-
skipta þér svona til vinnu?
— Nei, ekki get ég sagt það,
mér likar þetta bara vel.
— Þú ert hér með nokkuð af
hrossum. Eru þetta allt reiðhest-
ar?
— Nei, ekki er það nú. Ég er að
burðast við að reyna að hrein-
rækta hér reiðhesta, hvort sem
það nú tekst eða ekki. Þessi bú-
skapur minn er nú meira af göml-
um vana og mér til ánægju en al-
vöru.
— En svo við snúum okkur þá
að öðru Sigurvin, hvaða fram-
kvæmdir eru á döfinni hér i
Grundarfirði á þessu ári?
— Það er nú sitt af hverju. Við
getum byrjað á að nefna varan-
lega gatnagerð sem fyrirhuguð er
i sumar. Það hefur verið unnið við
undirbyggingu þeirra gatna sem
fyrirhugað er að leggja varanlegt
slitlag á. Einnig er fyrirhuguð ný
holræsalögn og verður unnið við
hana i sumar.
Þá er að nefna hafnargerð, en i
ár verður varið 18 milj. kr. til
smiði bátabryggju, en mikil þörf
er orðin á að ljúka þvi verki, enda
hefur útgerð héðan aukist mjög
undanfarin ár og á enn eftir að
aukast verulega á þessu ári.
— Nýir bátar?
— Já, og það meira en bátar.
Nú er i smiðum hjá Stálvik i
Garðahreppi nýr skuttogari sem
vonast er til að verði tilbúinn
seint á þessu ári. Einnig er i
smiðum á Akranesi 100 tonna bát-
ur. Nú sem stendur eru gerðir út
héðan 16 bátar, þar af eru 6 stórir
bátar á netum en 10 minni bátar á
rækju.
Nú, ef við svo höldum áfram
með opinberar framkvæmdir, þá
átti ég eftir að nefna að i bygg-
ingu er skólahús sem vonast er til
að lokið verði á þessu ári, en
bygging þess hófst 1972, svo þú
sérð að hér verður þó nokkuð um
að vera á árinu. Þá er verið að
taka i notkun nýja hafnarvog og
er verið að löggilda hana einmitt i
dag.
— Hvað eru ibúar margir i
Grundarfiröi?
— Þeir eru um 700 og fer sifellt
fjölgandi. Unga fólkið er hætt að
flytjast burt eins og var hér fyrir
fáum árum, enda eins og ég sagði
áðan næg atvinna, sem auðvitað
er fyrir mestu. Hér hefur verið ó-
venju mikið byggt af ibúðarhús-
um á sl. ári. Byggingarfélag hér á
staðnum byggði 6 raðhús sem
seldust á svipstundu tilbúin undir
tréverk eða þvi sem næst. Þá
reisti kaupfélagið tvö ibúðarhús
sem einnig seldust strax. Þar
fyrir utan mun hafa verið byrjað
á 14 húsum, sem einstaklingar
eru að byggja, og ég á von á þvi
að i annað eins verði ráðist á
þessu ári, og mér er sagt að bygg-
ingarfélagið ætli að byggja rað-
hús aftur, enda er húsnæðisleysi
hér mikið og stendur okkur fyrir
þrifum. Hér vantar fólk til allra
starfa og við getum ekki fengið
fólk hingað vegna húsnæðisleys-
isins. Þetta er orðið dálitið öðru
visi en á „viðreisnarárunum”
þegar fólkið fluttist héðan i hóp-
um og ibúðarhúsabyggingar voru
nær óþekktar hér, og margir
fluttust burt frá nýbyggðum hús-
um.
— Hvernig er það á haustin, er
þá ekki minna um atvinnu i
Grundarfirði en á öðrum árstim-
um?
— Jú, þvi er ekki að neita að
haustin hafa verið daufasti tim-
inn hjá okkur. En með tilkomu
skuttogarans mun þetta breytast
mjög til batnaðar, þá hygg ég að
atvinna verði meiri en nóg yfir
haustið. En þó ber þess að geta að
við erum alluggandi um okkar
hag vegna friðunaraðgerðanna i
Breiðafirðinum. Þar með er búið
að loka miðum trollbátanna okk-
ar og það getur vissulega haft al-
varlegar afleiðingar. Við i
Grundarfirði höfum sérstöðu i
þessu máli vegna þess hve
margir báta okkar hafa stundað
veiðar með troll yfir sumarið og
haustið. Þeir á Rifi og Sandi voru
mjög hlynntir þessari friðun en
við vorum á móti henni. Mér
skilst að það verði alls engar
undanþágur veittar i þessu efni
og því erum við mjög svo uggandi
um framtiðina, nema eitthvað
nýtt komi til. Að visu vona menn
að skuttogarinn leysi mikinn
vanda, en ég er ekki viss um að
hann leysi hann allan.
— Hvernig er með aðdrætti hjá
ykkur i Grundarfirði?
— Flutningabilar ganga á milli
Grundarfjarðar og Reykjavikur
tvisvar eða þrisvar i viku allt árið
og einnig kemur flóabáturinn
Baldur stöku sinnum hingað til
okkar, þannig að við erum allvel
sett i þeim efnum.
— Og félagslifið, er það blóm-
legt hjá ykkur?
------------------N
GRUNDAR-
lFJÖRÐUR
— Eg má segja að það sé nokk-
uð gott. Hjónaklúbbur starfar hér
og hér er einnig liflegt ung-
mennafélag. Að visu er ekki um
neitt félagslif að ræða yfir vertið-
ina vegna hins langa vinnudags,
en sumar haust er oft lif i tuskun-
um hér. Það sem háir okkur mest
i þeim efnum er að samkomuhús-
ið okkar er orðið gamalt og heldur
lélegt og mikil þörf á að hefjast
handa um byggingu nýs sam-
komuhúss.
— Er nokkur annar atvinnu-
rekstur hér en fiskvinnslustöðv-
arnar?
— Já, hér er trésmiðaverk-
stæði og einnig hefur verið rekin
hér mjólkurstöð, en hún var ný-
lega lögð niður og flutt i Búðar-
dal. 1 mjólkurstöðinni unnu 8
manns, sem verða nú að snúa sér
að fiskvinnslunni. Annars eru það
bara frystihúsið og fiskvinnslu-
stöðvarnar sem veita atvinnu.
— Að lokum Sigurvin, þér
finnst bjartsýni rikja hjá fólki
hér?
— Já, það er alveg vist að hér
rikir bjartsýni. Unga fólkið er
hætt að flytjast burtu, ibúum
fjölgar og ibúðarhúsin þjóta upp.
Þetta er eitthvað annað en var
fyrir nokkrum árum.
—S.dór.
Orðsending frá
Lífeyrissjóði Austurlands
Stjórn Lifeyrissjóðs Austurlands hefur á-
kveðið að veita sjóðsfélögum lán úr sjóðn-
um i sumar.
Umsóknareyðublöð fást hjá formönnum aðildar félaga
sjóðsins Egilsbraut 11 Neskaupstað. Nauðsynlegt er að
umsóknareyðublöðin séu fyllt útog að umbeðin gögn fylgi.
Umsóknir um lán skulu hafa borist skrif-
stofu sjóðsins fyrir 20. mai n.k.
Stjórn Lifeyrissjóðs Austurlands.
V ísindastyrkir
Atlantshafsbandalagsins 1974
Atlantshafsbandalagið leggur árlega fé af mörkum til að
styrkja unga visindamenn til rannsóknastarfa eða fram-
haldsnáms erlendis. Fjárhæð sú, er á þessu ári hefur kom-
ið i hlut Islendinga I framangreindu skyni, nemur um
einni milljón króna, og mun henni verða varið til að
styrkja menn, er lokið hafa kandidataprófi I einhverri
grein raunvisinda, til framhaldsnáms eða rannsókna við
erlendar visindastofnanir, einkum I aöildarrikjum
Atlantshafsbandalagsins.
Umsóknum um styrki af þessu fé — „NATO Science
Fellowships” — skal komið til menntamálaráöuneytisins,
Hverfisgötu 6, Reykjavik, fyrir 10. júni n.k. Fylgja skulu
staðfest afrit prófskirteina, svo og upplýsingar um starfs-
feril. Þá skal og tekiö fram, hvers konar framhaidsnám
eða rannsóknir umsækjandi ætlar að stunda, við hvaða
stofnanir hann hyggist dveljast, svo og greina ráðgerðan
dvalartima. — Umsóknareyðublöð fást i ráðuneytinu.
Menntamálaráöuneytið
9. mai 1974.
Frá Tækniskóla íslands
Skráning umsókna fyrir
skólaárið 74/75 er hafin.
Umsækjendur þurfa að hafa lokið við eða
vera langt komnir með viðeigandi iðnnám
— eða hafa öðlast sambærilega starfs-
reynslu og almenna menntun.
Eftir nám i undirbúningsdeild og/eða
raungreinadeild eru námsáfangar:
TÆKNIR i byggingum, rafmagni, vélum
eða útgerð — auk þess i meinatækni.
TÆKNIFRÆÐINGUR i byggingum, raf-
magni, vélum, rekstri eða skipum.
Þessi menntun býr menn undir að takast á við flest vanda-
mál i atvinnulifinu.
Nánari upplýsingar eru veittar i Tækniskóla Islands i
Reykjavik, á Akureyri og á Isafirði.
UMSÖKNARFRESTUR RENNUR ÚT 15. JÚNI N.K.
Rcktor.