Þjóðviljinn - 17.08.1975, Blaðsíða 11

Sunnudagur 17. ágúst 1975 WÓÐVIL.IINN — StÐA 11
LOKSINS!
Fyrsta breiöskífa
Spilverks þjóöanna
væntanleg bráölega
Stuðmannaplatan „Sumar á
Sýrlandi” hefur nú selst i
fimmþúsund eintökum, að sögn
útgefanda, og er það nokkuð
gott á islenskum markaði.
Steinar Berg er útgefandi
Stuðmannaplötunnar ásamt
fleirum. Hann sagði ennfremur
að von væri á fleiri plötum, sem
hann stæði að. Þar er fyrst að
nefna það sem er mest spenn-
andi, það er fyrsta plata Spil-
verks Þjóðanna, stór plata, en
hún kemur væntanlega eftir um
það bil mánuð.
Aðrar plötur eru svo ný stór
plata frá Þokkabót og stór plata
frá Hljómsveit Ingimars Eydal.
Er greinilegt að hér er komin
sterk hljómplötuútgáfa, sem á
vonandi eftir að lifga enn meir
upp á þlötumarkað okkar, sem
blómstrar þessa dagana.
NY PLATA FRA MEGASI
1 lok ágúst er væntanleg breiðskífa með trúbadornum Megasi.
Plata þessi mun heita „Millilending” og gefur Demant h.f. hana út. A
henni eru þessi lög: hlið I: Jónas Ólafur Jóhannesson frá Hriflu /
Súlnareki / Ég hef ekki tölu / Erfðaskrá / Ég á mig sjálf (söngurinn
hennar Diddu) og hlið II: Ragnheiður biskupsdóttir / Sennilega það
siðasta (víkingurinn um og eftir fráfall sitt) / (fjögurmiljóndollara-
ognlutíuogniusenta) Mannúðarmálfræði / Silfurskotturnar hafa
sungið fyrir mig. Og um það bil mánuði eftir mun koma út önnur
plata frá Megasi, litil plata með lögunum „Spáðu I mig” og „Komdu
og skoðaðu i kistuna mina”. „Spáðu i mig” var reyndar á fyrri plötu
Megasar, en þeir sem hafa heyrt útkomuna á þvi lagi þar skilja út af
hverju það kemur aftur. „Komdu og skoðaðu...” er ekki sama ljóðið
og i þjóðvisunni! Annars verður meira um plötu þessa í næsta blaði,
en þá mun Megas sjálfur ræða um hana. Að lokum skulum við birta
sýnishorn úr einu ljóðanna á plötunni, annað erindið úr „Ragnheiði
biskupsdóttur”:
i skammdeginu vildi henda’ að viiltust bestu menn,
og var oft fyrir kvenlikami I rúminu,
en milli draums og veru þeir vissu óglögg skil
og voru sist að kanna þau i húminu.
Framhaldið geta menn svo heyrt þegar platan kemur út. Og eitt
enn: Undirleik á plötunni annast hljómsveitin Júdas, með ágætum.
(Mikið var sjónvarpsþátturinn annars leiðinlegur). Ljóðlinurnar hér
að ofan eru birtar með leyfi höfundar.
(Copyright 1972 & 1973 Magnús Þór Jónsson).
MEIRI PLOTUR!
Tii viðbótar við þær aðrar
plötufréttir hér á siðunni er svo
sem hér segir:Bjarki Tryggvas.
er á plötu sem Demant gefur út
bráðum, og eru lögin „Wild
Night” (Van Morrisson) og
„Hver ert þú” (Tequila Sunrise
Eagles). Demant hf vildi einnig
að ég kæmi þvi á framfæri að
enginn slagur hafi átt sér stað
um útgáfu á væntanlegri breið-
skifu frá Þokkabót, heldur hefðu
þeir (Demant) einfaldlega gert
Þokkabót tilboð. Demant gáfu
út Borgis-plötuna i siðustu viku.
Jóhann G. Jóhannsson er að
byrja að taka upp litla plötu og
stóra i Hljóðritun. Aðrir sem
hafa tekið þar upp eða eru búnir
að panta tima eru Pálmi
Gunnarsson og hljómsveit hans,
Litið Eitt, Dögg og Brimkló,
sem eru svona að dunda við að
taka upp stóra plötu. Annars er
enski upptökumaðurinn
Anthony Cooke ennþá hjá þeim
og mun vera áfram aö sögn
Sigurjóns Sighvatssonar eins af
eigendum Hljóðritunar.
CHANGE
Þó að Demant hafi auglýst
Change i siðasta sinn að Festi
nú um helgina, verða þeir fram
til 1. septemver. Reyndar er það
ekki full sök Demants að aug-
lýsa svona, þvi að framlenging-
in var ekki á hreinu fyrr en i lok
vikunnar. Change-platan „Ruby
Baby” virðist ekkert hreyfast til
ÁFRAM!
vinsælda. Af þeim poppblöðum
sem ég er áskrifandi að, hefur
ekkert þeirra minnst hið
minnsta á plötuna og hún hvergi
dæmd. Þvi er varla við þvi að
búast að Change verði heims-
frægir af þessari plötu. 1 næsta
eða þarnæsta sunnudagsblaði
verður ættartré Change.
Önnur Lónlí
blú bojs plata?
Hljómar eru um þessar
mundir að gefa út syrpu af plöt-
um. Fyrir nokkru kom út breið-
skifa með 14 fóstbræðrum, og i
þessari viku er væntanleg plata
frá Haukum, litil, með laginu
„Return to Sender” (Presley-
lag) i islenskri þýðingu
Þorsteins Eggertsssonar og ber
islenska heitið „Þrjú tonn af
sandi”, og á hinni hliðinni er svo
lag eftir hljómborðsleikara
hljómsveitarinnar. Svo kemur
plata með söngsveit sem nefnir
sig Randver. Eru þeir
kumpánar frá Hafnarfirði, og
verður plata þeirra með
islenskum textum. Er hér um að
ræða breiðskifu. Lónli Blú Bojs
platan „Stuð, stuð stuð” hefur
nú selst i vel rúmlega fimm þús-
und eintökum að þvi er mér
skilst. Sögusagnir herma lika
það að þeir séu i London að taka
upp aðra breiðskifu, svona i
skömmtum. Ég vona að það sé
satt. Annars er einn af eigend-
um Hljómafyrirtækisins nú bú-
settur i London einsog flestir
vita og er að taka upp sólóplötu
ásamt öðru.
SUPERMAN
Nú i vikunni mun Paradis
gefa út fyrstu plötu sina. Er hér
um að ræða tveggja laga plötu
með lögunum „Superman” sem
er eftir einhverja Vidalis og
Haubrick, og „Just Half Of
You”. Platan verður gefin út af
þeim sjálfum, enda er Pétur
Kristjánsson hinn eldri kominn
með eigin skrifstofu i nýja æf-
ingaplássinu. Annars er Pétur
nýkominn að utan með nýjar
græjur upp á 2 miljónir! Skyldi
bransinn bera sig? Paradis er
svo að fara i allsherjar lands-
reisu á næstunni, en ég bara
náði ekki i neinn i tæka tið til
þess að fá upplýst hvar og
hvenær þeir leika.
Kobbi
kominn
aftur!
Jakob Magnússon er kom-
inn til Islands á ný, nú með
White Bachman Trio ásamt
fylgdarliði. Þeir sem er með
honum að þessu sinni eru:
John Gibling, bassaleikari,
Preston Ross Hayman,
trommuleikari, Ron Mason,
gitarleikari, og söngkonurnar
Diane Stewart og Gloria
Jones. John Gibling og
Preston voru með Jakobi i
hljómsveitinni Flash ásamt
Peter Banks og Sidney
Jordan en Preston kom einnig
til landsins með Jakobi i
siðustu ferð, er hinn frábæri
Long John Baldry og River
Band komu. Um Ron Mason
veit ég hins vegar ekkert enn,
en ef þetta eru þær sömu
Gloria Jones og Diane Stewart
og ég held, þá eru þær þekkt-
astar af liðinu. Gloria Jones
var til dæmis i T. Rex og hefur
auk þess gefið út stóra sóló-
plötu. Diane Stewart var til að
byrja með i Airforce og hélt
svo áfram i hljómsveitum með
Graham Bond og var svo smá-
tíma i Gong. Báðar stúlkurnar
eru svartar.
River Band-ið hinsvegar
virðist vera i dái eftir hina
hálfmisheppnuðu Islands-
reisu. Ég hef hvergi rekist á
auglýsingu i enskum popp-
blöðum þess efnis að River
Band eða Long John komi
fram.
White Bachman hljómsveit-
in verður hérna eitthvað fram
i september. Er þegar búið að
ákveða hvar spilað verður um
helgar, og er það sem hér seg-
ir: (15/8) föstudag, Höfða-
borg, Hofsósi, (16/8) laugar-
dag, Skjólbrekku, Mývatns-
sveit, (17/8) sunnudag, Sjall-
anum, Akureyri, (22/8) föstu-
dag, Neskaupstað, (23/8)
Yalaskjálf Egilsstöðum,
(24/8) Hótel Saga, Reykjavik
og (30/8) laugardag, Festi.
Grindavik. Inn i þetta eiga svo
eftir að bætast rúmhelgir
daga, en ekkert er ákveðið
með þá enn. I næsta blaði
verður svo vonandi nánari
kynning á liðinu og myndir.
Með hljómsveitinni i þessari
reisu verða t.d. Steinunn
Bjarnadóttir, reviusöngkona,
en það var hún sem söng
„Strax i dag” á „Sumar á
Sýrlandi”.