Þjóðviljinn - 09.04.1976, Blaðsíða 6

6 SlftA — ÞJOÐVILJINN Föstudagur 9. april 1976.
Breytingar á bretastjórn:
Anthony Crosland
utanríkisráðherra
LUNPÚNUM 8/4 — Anthony
Crosland var i dag skipaður utan-
rikisráðherra Bretlands i stað
James Cailaghan, sem nú tekur
við cmbætti forsætisráðherra og
formennsku i Verkamanna-
flokknum. Michael Foot, helsti
leiðtogi vinstriarms flokksins og
skæðasti keppinautur Callaghans
um forsætisráðherrastdlinn,
lætur nú af embætti atvinnumála-
ráðherra og verður leiðtogi þing-
flokksins. Crosiand var áður
umhverfismálaráðherra.
Af öðrum breytingum á bresku
stjórninni má nefna að við
atvinnumálaráðherraembættinu
af Foot tekur lítt þekktur maður,
Albert Booth. Peter Shore, áður
viðskiptamálaráðherra, tekur við
af Crosland sem umhverfismála-
ráðherra, David Ennals, fyrrum
aðstoðarutanrikisráðherra, verð-
ur nú félagsmálaráðherra og
Bruce Millan, nýr maður i stjórn,
verður skotlandsmálaráðherra.
En sagt er að það komi i hlut
Foots að stjórna þeirri þróun til
sjálfstjórnar til handa Skotlandi
og Vels, er nú stendur til.
Hinn nýi utanríkis-
ráðherra Bretlands:
Háskólaður
yfirstéttar-
maður
Anthony Crosland
Hinum nýja utanrikisráð-
herra Bretlands, Anthony Cros-
land, er lýst sem fremur kuida-
legum, rólegum og kyrrlátleg-
um menntamanni. Hann hefur
ýmist verið kailaður miðju-
maður i Verkamannaflokknum
eða i hægri arminum. Hugsjónir
kváðu ckki iiggja honum ýkja
þungt á hjarta, en þar á móti '
hefur hann orð á sér fyrir
skarpa greind og er snjall i
kappræðum.
Crosland er 57 ára. Hann var
kosinn á þing 1950, varð
aðstoðarefnahagsmálaráðherra
1964, kennslumálaráðherra 1965
og forseti verslunaráðsins 1967.
t siðustu stjórn Wiisons var
hann umhverfismálaráðherra.
Hann gegndi herþjónustu i
fallhlifaliðinu og varð þar
höfuðsmaður. Menntun hlaut
hann i Trinity College i Oxford,
sem þykir ákaflega fint i Bret-
landi, og var um skeið háskóla-
fyrirlesari um hagfræðileg efni.
Jafnframt hefur hann verið einn
af leiðandi hugmynda-
fræðingum Verkamanna-
flokksins. í lifsháttum er hann
dæmigerður yfirstéttarmaður
og vinsældir hans meðal hins
harða kjarna almennra flokks-
manna, sem einkum eru af
efnaminni stéttunum, að þvi
skapi takmarkaðar. Umdeildur
hefur hann þó ekki orðið i
flokknum, þar eö hann hefur
tamið sér fremur væga afstöðu
til mála, sem deilur hafa risið út
af. Til dæmis tók hann ekki
ákveðna afstöðu i deilunum út
af aðild Bretlands að Efnahags-
bandalagi Evrópu. Hann studdi
James Callaghan 1963, þegar
hann sótti um formennsku
flokksins á móti Wilson. Þar
áður var hann náinn fylgis-
maður Hughs Gaitskell, fyrrum
flokksleiðtoga.
Baskneskir kommúnistar
Fordæma manndráp
MADRID 8/4 — Spænska rikis-
stjórnin hefur hótað sjálfstæðis-
hreyfingu baska, ETA, hörðu
vegna drápsins á iðnrekanda að
nafni Angel Berazadi, sem fannst
i skurði skammt frá San
Sebastian, skotinn gegnum
höfuðið. Berazadi var numinn á
brott 18. mars s.l. og lausnar-
gjalds krafist fyrir hann, en yfir-
völdin bönnuðu venslamönnum
iðnrekandans að semja við brott-
námsmennina. ETA er sakað um
brottnámið og drápið.
Ýmis vinstrisamtök i Baska-
landi, þar á meðal kommúnistar
og sósiaiistar, hafa einnig for-
dæmt drápið. t yfirlýsingu frá
Kommúnistaflokki baska er
drápið kallað „villimannlegur
glæpur, sem baskneska þjóðin
hefur andstyggð á.” Þá segir i
yfrirlýsingunni að aðgeröir af
þessu tagi séu ekki rétta leiðin til
að tryggja böskum lýðræði og
frelsi, og er heitið á sérhvern
baska að sýna andstyggð á þessu
drápi á saklausum manni.
Finnar
sækja
takmarkað
t
í utanferðir
HELSINKI 8/4 - Samkvæmt
rannsóknum, sem gerðar hafa
verið á vegum ferðaskrifstofu
finnska rikisins, vilja flestir
finnar fremur verja friinu i eigin
landi en erlendis. Þeir, sem
erlendis ferðast, fara flestir til
annarra Noröurlanda. Af öörum
löndum eru Spánn og ttalia
vinsælust hjá finnskum ferða-
mönnum.
Spinola rekinn
frá Sviss
BERN 8/4 — Antonio de Spinola
fyrrum Portúgalsforseta hefur
verið visað úr landi i Sviss. Til-
kynnti svissneska stjórnin i dag
að hann hefði ekki virt þau skil-
yrði, sem sett voru fyrir þvi að
hann fengi dvalarleyfi i landinu.
Eins og kunnugt er Ijóstraði hinn
kunni þýski vinstrisinni og biaða-
maður Giinter Wallraff fyrir
fáum dögum upp um leiðangur
Spinola til Vestur-Þýskalands, en
þangað fór hann þeirra erinda að
afla vopna og fjármagns til
valdaráns i Portúgal.
Spinola hefur dvalist i Sviss
siðan 7. febrúar s.l. 1 tilkynningu
svissnesku stjórnarinnar segir,
aö rannsóknir hafi leitt i ljós að
Spinola hafi starfað á vegum
Lýðræðishreyfingarinnar til
frelsunar Portúgal (MDLP), sem
Spinola
er hægri sinnuö öfgahreyfing.
Það fylgir með fréttinni að
Spinoia ætli nú til Brasiliu ásamt
ritara sinum, sem einnig hefur
verið gerður landrækur i Sviss.
Erlendar
fréttir í stuttu
máli
Nató háfnar tillögu um minnkun
herja
Vin 8/4- Nató-rikin hafa hafnað tillögu frá Varsjárbandalags-
rikjum um jafna minnkun á herstyrk bandalaganna tveggja i Mið-
Evrópu. Litur Nató svo á að eftir þá minnkun herja yrðu Nató-rikin
eftir sem áður veikari hernaðarlega á þessu svæði. Samningaum-
leitanirnar um minnkun herbúnaðar i Mið-Evrópu hafa staðið yfir i
Vin i meira en 30mánuði og hafa yfir 100 fundir verið haldnir. Báðir
aðilar eru sammála um að viðræðurnar hafi verið gagnlegar, enda
þótt enginn beinn árangur hafi náðst. Fulltrúar á ráðstefnunni
munu mú taka sér páskafri til 20. mai.
Pundið sigur enn
LUNDUNUM 8/4 - Sterlingspundið er farið að hrapa á ný eftir að
hafa risið smávegis i nokkra daga. A gjaldeyrismarkaðnum i
Lundúnum seig pundið niður i tæplega 1.85 dollara og hefur aldrei
komist lægra gagnvart þeim gjaldmiðli. Sama er að segja um stöðu
pundsins gagnvart vestur-þýska markinu. Ástæðan til þessa nýja
sigs pundsins kvað vera uggur um það að bresku verkalýðssam-
tökin taki ekki tilboði rikisstjórnarinnar um lækkaðan tekjuskatt i
skiptum fyrir að verkalýðssamtökin heiti þvi, að sætta sig við að
laun hækki i mesta lagi um þrjú prósent. Reuter.
Ekki búist við breytingum á
utanrikisstefnu Kína
PEKING 8/4 — Hundruð þúsunda manna fóru i dag um götur Pek-
ing til að fagna þvi að Teng Hsiaó-ping hefur verið vikið úr embætt-
um og skipun Húa Kúó-fengs i embætti forsætisráðherra. Vestrænir
fréttamenn segja að enn gæti beskju eftir deilurnar milli róttækra
og hægfara i kinverska kommúnistaflokknum undanfarið og kemur
það fram i nýjum veggáletrunum, þar sem Teng er harðlega gagn-
rýndur. Ekki er búist við neinni breytingu á utanrikisstefnu Kina i
sambandi við nýorðnar breytingar á æðstu stjórn, en sumum frétta-
skýrendum er spurn hvernig Húa, sem hefur ekki mikla reynslu i
utanrikismálum svo vitað sé, gangi að fara með þau mál sem arf-
taki þeirra Sjú En-lais og Tengs, sem báðir höfðu mikla reynslu á
þeira vettvangi.
Sósialistaflokkurinn setur
kristilegum úrslitakosti
ROM 8/4 — Sósialistaflokkur Italiu lýsti þvi yfir i dag, að ef flokkur
kristilegra demókrata féllist ekki á sameiginlegar aðgeröir allra
stjórnmálaflokka i þeim tilgangi að ráða fram úr þeirri efnahags-
legu og stjórnmálalegu kreppu, sem Italia nú er stödd i, væri ekki
um annað að ræða en efna til nýrra þingkosninga. Er litið á þetta
sem úrslitakosti af hálfu Sósialistaflokksins. öeirðasamt er nú i
Róm eftir að lögregla skaut ungan vinstrisinna til bana i átökum i
nótt. Reuter.
Líbanskir assýringar flýja
til Svíþjóðar
STOKKHÓLMI 8/4 — Sænska stjórnin hefur ógilt allar vegabréfsá-
ritanir, sem ræðismaður hennar i Beirút hefur gefið, vegna mikils
straums flóttamanna til Sviþjóðar frá Libanon og orðróms um að
fleiri séu á leiðinni. Siöan i janúar hafa komið til Sviþjóðar um 800
assýringar — en þeir eru kristinn trúflokkur i Vestur-Asiu — auk
1500 frá Tyrklandi siðan á siðastliðnu ári. Þá hefur heyrst að von sé
á 1500 libönskum assýringum i viðbót til Sviþjóðar, og verði þeim
flogið þangað með sovéska flugfélaginu Aeroflot með millilendingu
i Moskvu. Reuter.
Höll Laoskonungs
þj óðminjasafn
VIENTIANE 8/4 — Sisavang Vatthana, fyrrum konungur i Laos,
hefur gefið lýðveldinu Laos höll sina i Luang Prabang, sem áður var
aðsetursborg konungs. Höllin verður nú tekin undir þjóðminjasafn
landsins. Sisavang Vatthana iét af konungdómi i desember s.l. og
var þá útnefndur æösti ráðunautur lýðveldisins, sem þá var stofnað.
Reuter.
Stúdentar drepnir i Ankara
ANKARA 8/4 — Þrir vinstrisinnaðir stúdentar voru dreDnir i
Ankara i dag i bardögum við lögreglu og hægrisinnaða stúdenta.
óeirðasamt hefur verið milli hægri- og vinstrisinnaðra stúdenta i
Tyrklandi um langt skeið.og siðustu fimm mánuðina hafa 37 manns
verið drepnir I þeim átökum i Ankara. I þinginu fékk varaforsætis-
ráðherrann, Turhan Feyzioglu, blóðnasir er nokkrir þingmenn úr
stjórnarandstöðunni veittust að honum. Astæðan var sú að ráð-
herrann neitaði að taka þátt i umræðum um eftirlaunamál.