Þjóðviljinn - 16.04.1982, Blaðsíða 10

Þjóðviljinn - 16.04.1982, Blaðsíða 10
10 StÐA — ÞJÓÐVILJINN Föstudagur 16. april 1982 um helgina Ijóðlist Kynning á ljóðum Laxness ttilefniaf 80 ára afmæli Hall- dórs Laxness flytja nemendur 3. bekkjar Leiklistarskóla tslands. i samvinnu við Norræna húsið, samfellda dagskrá úr ljóðum skáldsins i Norræna húsinu kl. 17.00 sunnudaginn 18. april. Dagskráin, sem ber heítið ,,ó, hve létt er þitt skóhljóð",er að mestu byggð á Kvæðakveri Halldórs, sem kom fyrst út árið 1930 og olli miklu fjaðrafoki og hneykslan. Kvab þar við nýjan tón, þar sem hefðbundnum kveðskap var varpað fyrir róða, bæði hvað varðar yrkisefni og form. Þá eru einnig flutt Ijóðin úr skáldsögunum sem skáldiö prentaði i siðari útgáfum Kvæðakversins. Brotum úr blaðagreinum og öðrum verk- um skáldsins er skotið milli ljóðanna og sungin eru lög eftir Jön Ásgeirsson, Jón Þórarins- son, Jón Laxdal, Askel Másson og Eyþór Árnason, en hann er úr hópi nemenda. Flytjendur auk hans eru: Edda Heiðrún Backmann, Helgi Björnsson, Kristján Franklin Magnús, Maria Sigurðardóttir, Sigurjóna Sverrisdóttir og Vilborg Halldórsdóttir. Þórhallur Sig- urðsson hefur tekið dagskrána saman og stjórnar flutningi ásamt Fjólu Ólafsdóttur, sem æft hefur söngva. Undirleik annast Páll Eyjólfsson, gitar- leikari. Leiklistarnemar munu endur- taka flutninginn i Norræna hús- inu næstkomandi mánudags- kvöld kl. 20.30 og i ráði er að heimsækja nokkra staði utan Reykjavikur. tónlist_____ Frum- flutningur Concord- sónötunn- ar Breski pianóleikarinn John Lewis heldur tónleika að Kjar- valsstöðum laugardaginn 17. april klukkan fimm og mun þar leika „Concordsónötuna" eftir Charles Ives. Er þetta I fyrsta skipti sem þessi sónata er flutt hér á landi. Sónatan er samin á árunum 1908-1915 og daga kaflaheitin nöfn af þeim rithöfundum og heimspekingum sem bjuggu i Concord, Massachusetts, um miðja siðustu öld, Emmerson, Hawthorne, Alcotts og Thoreau. A tónleikunum mun John Lewis einnig spjalla um sónötuna. John Lewis hefur i vetur verið kennari við Tónlistarskólann i Stykkishólmi. Tónleikar í Austurbæj arbíói Tónlistarfélagið gengst fyrir tónleikum n.k. laugardag, 17. april, klukkan 2.30 i Austurbæj- arbiói. Þar koma fram William Parker, baritonsöngvari, og William Huckaby, pianóleikari. A efnisskránni eru verk eftir Beethoven (Adelaide), Poulenc (Banalités), Rorem (War Scenes) og Schumann (Dichter- liebe). Hösktildur Björnsson, listmálari, (1907-1963) dvaldist lengst af I Austur-Skaftafellssýslu, þar til hann flutti búferlum til Hvera- gerðis, þar sem ekkja hans, Hallfrlður Pálsdóttir, býr enn, en hún hefur breytt vinnustofu listamannsins þar I notalega kaffistofu. „Höskuldur átti bæði hagar og hlýðnar hendur er gerðu honum hvert verk létt og hann átti óvenju skarpa sjón á töfra umhverfis sins i náttúru og mannllfi. Hvort tveggja var forsenda þeirra lista- verka er eftir hann liggja. Viö sjáum nokkur af þeim hér." — (Cr sýningarskrá — Kristján frá Djúpalæk). Úr fórum f jölskyldunnar Laugardaginn 17. april verður opnuð sýning á verkum Höskiildar Björnssonar, þeirra er enn eru i eigu fjölskyldu hans. Sýningin verður að Kjar- valsstöðum og opnar klukkan tvö. Ails verða um 150 myndir á sýningunm. í ár verða 75 ár liðin frá fæðingu Höskuldar og af þvi til- efni er efnt til þessarar sýningar. Höskuldur fæddist 26. júli 1907 að Dilksnesi i Horna- firði og lést 2. nóvember 1963. Hann lærði teikningu hjá Rik- harði Jónssyni, myndhöggvara yeturinn 1925-26 og naut einnig tilsagnar Jóns Stefánssonar, listmálara, 1928-31. Þaö sem helst einkenndi verk Höskuldar Björnssonar v'oru rómantiskar fugla- og lands- lagsmyndir auk mynda af göml- um byggingum, svo nokkuð sé nefnt. Tónleikar á Akureyri og í Reykjavík Sextlu og þriggja manna hljómsveit heldur tónleika á Akureyri og i Reykjavik um næstu helgi. Er hér um aö ræða nemendur fjögurra tónlistar- skóla, Tónlistarskólans I Reykjavik, Tónskóla Sigur- sveins, Tónmenntaskólans og Tónlistarskóla Akureyrar. Hljómsveitarstjóri er Mark Reedman og einleikari á fiðlu verður Guðný Guðmundsdóttir, konsertmeistari Sinfóniuhljóm- sveitar tslands. Tónleikarnir á Akureyri verða i Iþróttaskemmunni á laugardag klukkan fimm, en i Reykjavlk i sal Menntaskólans við Hamrahlið á sunnudaginn klukkan fimm. Sala aðgöngumiða fer fram i bóka- búöinni Huld á Akureyri og við innganginn á báðum stöðunum. Egó ó Lækjartorgi á morgun kl. 14.00: Rokk gegn banni Bubbi Morthens og félagar hans i Egó halda hljómleika á Lækjartorgi á morgun, laugar- dag kl. 2. e.h. Með hljóm- leíkunum er Egó að mótmæla þvi uppátæki kvikmyndaeftir- litsins, að banna fólki innan 14 ára aðgang að kvikmyndinni „Rokk I ReykjavflV'.Líklegt er að sá hópur f jölmenni á Torgið á morgun, auk hinna „hólpnu", hvort sem 'ann hangir þurr eður ei....

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.