Þjóðviljinn - 12.08.1983, Síða 15

BLAÐAUKI
Föstudagur 12. ágúfst 1983 ÞJÓÐVILJINN—SÍÐA 15
Erum
áhuga-
menn
og
viljum
vera
það
áfram
Talstöðvaklúbburinn Bylgjan
heldurtil í Hamraborg 5 í Kópa-
vogi, áfjórðu hæð, og þarhitt-
ast félagarnir til skrafs og
ráðagerða. Opið er alla daga
milli kl. 20 og 22 og hægt er að
líta inn og fá sér kaffisopa og ef
áhugi er fyrir hendi, grípa í
hljóðnema eða láta kenna sér
sitthvað um þá bylgjuheima
sem fólk þar lifir og hrærist í.
Eitt rigningarkvöldið á dögun-
um héldu blaðamenn Þjv. á
fund Bylgjumanna og áttu við
þá örlítið spjall.
- Hver er aðdragandinn að fé-
laginu?
„Upphaflega er félagið stofnað
árið 1976 af hópi áhugafólks. Til-
gangur félagsins er: að stuðla að
auknum tengslum og kynnum
áhugafólks urn radíóviðskipti, að
veita félagsmönnum sínum aðstoð
við .uppsetningu og hagkvæm kaup
tækja, að stuðla að góðum og ör-
uggum viðskiptum manna í milli
ma. með fágaðri framkomu á
tíðnum félagsins og að koma á
góðu samstarfi við Póst og síma,
ma. með því að kynna reglur stofn-
unarinnar um fjarskipti og fjar-
skiptatæki fyrir félagsmönnum.
Við áttum öll sameiginlegt að vilja
ekki leggja útí alltof mikinn kostn-
að, bara til þess að fá stöðvarnúm-
er hjá Pósti og síma, til að geta
kjaftað saman. Einnig vildum við
hafa félagsskap til að ræða sam-
eiginleg áhugamál, ýmis vandamál
sem koma uppá og tækniatriði, og
einnig bara til þess að skemmta
okkur.“

í aðalbækistöðvum Talstöðvaklúbbsins Bylgjunnar. Lárus Bjarnason, Skúli Bjarnason formaður og Finnur Tómasson
Tækjakosturinn hjá þeim í Bylgjunni.- Myndir: -eik.
- Hvað eru magir félagar í klúbb-
num?
„Þegar síðasta félagaskrá var gerð
voru félagar um 700, en formlegir
stofnendur voru hins vegar ekki
mikið fleiri en 20. Það geta allir
sem vilja gengið í félagið, árgjaldið
er 200 kr. en vegna reglugerðar
hins opinbera um notkun almennra
talstöðva þá verða félagar yngri en
16 ára að hafa ábyrgðarmann."
- Hvaðan eru félagarnir?
„Þeir eru alls staðar af landinu, en
flestir þó af höfuðborgarsvæðinu,
og við höfum umboðsmenn í öllum
fjórðungum. Það er t.d. töluvert
um það að félagar utan af landi líti
við hjá okkur, þegar þeir eru í bæn-
um, og sumir leggja það meira
segja á sig að koma á árshátíðir."
- Hvað kostar nú svona sport?
„Það er erfitt að segja eitthvað
ákveðið um það. Fer allt eftir því
hversu mikinn pening rnenn vilja
leggja í þetta. Með því að kaupa
notaða stöð og loftnet er hægt að
sleppa með um 4-5 þúsund. Aðrir
kaupa allt nýtt og þá eru þetta mun
hærri upphæðir. Hægt er að sleppa
bara með árgjald félagsins, því
sæmilegasti búnaður er hér á skrif-
stofunni og er félögum frjálst að
nota hann. Það er heldur ekkert
vandamál að fá leiðsögn því eldri
og reyndari félagar eru boðnir og
búnir til aðstoðar.“
- Eitthvað að lokum?
„Við viljum eiga sem mest og best
samstarf við alla sem í þessum mál-
um standa og vinna að bættum
samskiptum allra talstöðva-
eigenda. Við vonum að hið opin-
bera endurskoði skiptingu tíðni-
sviðsins og tali þá við alla hagsmun-
aaðila en ekki bara einn ákveðinn
hóp!“
-áþj
Talstödvar
Áhugi áfjarskiptum er veru-
legur á íslandi, enda lifum við í
strjálbýlu og veðrasömu landi,
þar sem líf og afkoma getur
ráðist af því að þau mál séu í
lagi. Þegar farið er af stað til að
kanna hvaða möguleikar
standi almenningi opnirtil fjar-
skipta, vega þrjú atriði þyngst á
metunum: kostnaðurfjarskipt-
abúnaðarins, eiginleikar hans
og notkun.
Aðgengilegasti kosturinn eru
svo kallaðar almenningstíðnital-
stöðvar (CB-talstöðvar) sem kosta
á bilinu 5-7 þúsund krónur komnar
í bílinn. Geti einstaklingur eða
hópur einstaklinga, eða fyrirtæki,
réttlætt úthlutun á sérstakri tíðni til
eigin afnota hópsins, gefst mögu-
leiki til þess á metrabylgjusviðinu.
(Svokallaðar VHF-stöðvar).
Kostnaður við slíka stöð, komna í
bílinn, er frá 20 þúsund kr. Þriðji
möguleikinn eru svokallaðar Guf-
unestalstöðvar en sú nafngift hefur
komist á vegna staðsetningar fjar-
skiptastöðvarinnar í Gufunesi.
Rétt nafn á þannig stöðvum er
millibylgjustöðvar. Eins og er eru
slíkar stöðvar ekki fáanlegar undir
140 þúsund kr. en væntanlegar
munu á markaðinn, innan
skamms, stöðvar sem verða á
kostnaðarbilinu 50-60 þúsund
krónur.
Langdrægni CB-stöðvá er að
öllu jöfnu um 15-45 km miðað við
aðstæður hverju sinni, svo sem
byggingar, landslag og staðhætti.
Langdrægni VHF-stöðvanna svip-
ar að mörgu leyti til CB-stöðvanna,
nema hvað bein sjónlína hefur
meiri áhrif, svo og eiginleiki tíðni-
sviðsins til að mynda taplítil brot.
fyrir almenning
Staðhættir skipta mikiu máli við
notkun VHF-stöðva en mikill kost-
ur við þær er notkun endurvarps-
stöðva sem geta aukið þjónustu-
svæði stöðvanna margfalt. Gufu-
nesstöðvarnar gefa möguleika á
fjarskiptum um allt land og í tíðni-
sviðinu er rekin þjónusta á vegum
Pósts og síma.
CB-stöðvarnar eru kjörnar til
fjarskipta yfir styttri vegalengdir,
td. í og kringum þéttbýliskjarna,
því þær eru handhægar og auðveld-
ar í notkun og komast hæglega fyrir
í einkabílum. Sá galli er þó á gjöf
Njarðar, að rásirnar eru opnar og
geta allir sem eiga stöðvar hlustað á
samtölin, líkt og á gamla góða
sveitasímann í „den tid“. VHF-
stöðvarnar hafa oft verið kallaðar
„lokað kerfi“. Það er þó ekki að
öllu leyti réttnefni, vegna þess að
með sérstökum búnaði (scanner),
sem ekki er sérlega útbreiddur
vegna kostnaðar, er einnig hægt að
hlusta á þau samtöl. Samt sem áður
er þetta tíðnisvið einna best vernd-
að, séð frá notandans hlið, og mik-
ill kostur er að það er að öllu leyti
truflanafrítt, enda er það ein megin
forsendan fyrir bílsímaþjónust-
unni, sem er á sama tíðnisviði.
Fjarskipti á VHF henta best þegar
samtöl eru stutt og gagnorð, enda
er tíðnin nýtt af lögreglu, sjúkraliði
og ýmsum atvinnurekstri. Gufu-
nesstöðvarnar eru einu raunveru-
legu öryggistækin þegar inn á há-
lendið er komið auk þess sem þær
hafa til að bera kosti hinna
stöðvanna, sem að framan eru
taldir.
Ókostur við CB-stöðvarnar eru
truflanir frá rafkerfi bifreiðarinn-
ar, og ýmsar truflanir frá Ijósa-
skiltum svo og rafmagnstruflanir í
úrkomu. Gufunesstöðvarnar eru
truflanafríar meðan birtu nýtur en
þegar skyggja tekur berast truflan-
ir frá þjónustu erlendis frá. Hvað
millibylgjustöðvarnar varðar gildir
hið sama og með CB-stöðvarnar.
Allir sem hafa samskonar stöðvar
og sérhæfð viðtæki geta hlustað á
það sem þar fer á milli.
í lokin má geta þess að í öllum
fjarskiptum er hægt að beita sér-
stökum búnaði sem lokar fjar-
skiptum, nær algerlega, fyrir öðr-
um en þeim sem heyra á. Er búnað-
ur þessi (sem kallast scrambler)
mikið notaður erlendis, þar sem
leynd þarf að viðhafast, t.d. í við-
skiptum og öryggismálum. Bún-
aður þessi er ekki í umferð hér-
lendis en talað hefur verið um að
setja hann á fjarskiptabúnað Iög-
reglunnar.
-áþj