Þjóðviljinn - 23.12.1983, Blaðsíða 3
Föstúdagur 23. desember 1983 ÞJÓÐVILJINN — SÍÐA 3
Hefst vetrarvertíð ekki fyrr en í febrúar?
Hlýt að álykta sv o
Rekstrargrundvöllur útgerð-
arinnar er í skoðun og alls ekki
lokið, fiskverði verður haldið
óbreyttu fram til 1. febrúar
n.k. og sett verður kvótakerfi á
hvert skip. Þess vegna hlýt ég
að álykta að vetrarvertíð hefjist
ekki fyrr en einhverntíma í
febrúar, sagði Kristján Ragn-
arsson framkvæmdastjóri LIU
í samtali við Þjóðviljann í gær.
Að auki má svo bæta við að
netaveiðar verða ekki leyfðar að
þessu sinni fyrr en 15. febrúar.
Kristján var spurður að því
segir Kristján
Ragnarsson
formaður LÍÚ
hvort útgerðarmenn og sjómenn
tækju því þegjandi að nýtt fisk-
verð kæmi ekki fyrr en 1. febrúar í
stað 1. janúar:
Ja, menn hafa unað þessari
lagasetningu og ég hef ekki orðið
var við nein samtök meðal útgerð-
armanna til að mótmæla þessu,
sagði Kristján.
Varðandi kvótaskiptinguna
sagðist Kristján ekki hafa trú á því
að hún yrði tilbúin fyrir áramót,
en aftur á móti yrði ráðherra að
leggja fram skýrar línur um hvern-
ig fiskveiðistefnan verður í fram-
kvæmd, þótt kvóti á hvert skip
verði ekki tilbúinn, sagði Kristján
Ragnarsson að lokum.
Ljóst er að ef vetrarvertíð hefst
ekki fyrr en í febrúar er hætt við að
hið hrikalega atvinnuleysi sem nú
er í mörgum útgerðarbæjum á
landinu minnki ekki í bráð.
-S.dór
Kristján Ragnarsson.
Þúsundum hefur verið sagt upp störfum á undanförnum vikum og eru verkakonur í
frystihúsum í stærstum hópi. Þessar myndir voru teknar í Bæjarútgerð Hafnarfjarðar í
gær en þar hefur öllu starfsfólki verið sagt upp störfum frá og með n.k. þriðjudcgi.
Síðasti vinnudagur í dag. Mynd - Magnús.
Hafnarfjörður
135 sagt upp
hjá BUH
Öllum starfsmönnum Bæjarútgerðar
Hafnarfjarðar 135 að tölu hefur verið sagt
upp störfum frá og með n.k. þriðjudegi,
en öllu starfsfólkinu var sagt upp
kauptryggingu 16. desember sl. Langflest-
ir starfsmanna eru konur en sjómönnum á
þremur togurum BÚH hefur ekki verið
sagt upp störfum.
Tveir af togurum útgerðarinnar hafa
stöðvast vegna bilunar, b/v Júní og b/v
Apríl. Þriðji togarinn b/v Maí landaði í
fyrradag í síðasta sinn á þessu ári en óvíst
er hvenær togararnir halda til veiða að
nýju.
Sverrir Guðmundsson verkstjóri í fisk-
iðjuveri BÚH sagði í samtali við Þjóðvilj-
ann í gær, að mjög lítill afli hefði borist í
hús nær allt þetta ár og síðustu mánuði
hefði vinna verið mjög skrykkjótt þótt
ekki hefðu fallið úr dagar, en lítið hefði
verið um að starfsfólk næði bónus við
vinnu sína.
Undanfarið þrjú ár hefur Bæjarútgerð
Hafnarfjarðar verið lokað frá jólum og
fram yfir áramótin og tvö undanfarin ár
hefur vinna ekki hafist að nýju fyrr en 12.
febrúar. Enn er alls óvíst hvenær vinna í
húsinu mun hefjast að nýju.
-lg-
Húsavík
Tœplega 200
á skrá
„Hér á Húsavík er allt of mikið atvinnu-
leysi og sumir sem eru án atvinnu sjá því
miður ekki fram á að ástandið lagist
næstu vikurnar að minnsta kosti“, sagði
Kári Arnór Kárason starfsmaður Verka-
lýðsfélagsins á Húsavík er Þjóðviljinn sló á
þráðinn í gær.
„í desember hafa 58 manns verið á
atvinnuleysisskrá og tvo síðustu daga hafa
bæst við 130 konur úr frystihúsinu hér á
staðnum“, sagði Kári ennfremur. Hann
sagði að af hinum 58 atvinnuleysingjum
væru flestir verkamenn en þar væri einnig
að finna nokkra iðnaðarmenn, skrifstofu-
fólk og opinbera starfsmenn. Þá væru ó-
komnir 10-15 vörubifreiðastjórar sem
væntanlega tilkynntu sig atvinnulausa
innan tíðar, en það hefði verið venjan um
þetta leyti undanfarin ár.
„Nei, hér er atvinnuástand afar bágbor-
ið og þá er ég ekki að tala um tímabundið
atvinnuleysi. Fólk hefur líka flutt héðan
frá Húsavík í miklum mæli undanfarin
misseri og það segir líka meira en margt
annað“, sagði Kári Arnór Kárason á
Húsavík. - v.
Akureyri
Aldrei fleiri
án atvinnu
Um síðustu mánaðamót voru 194
atvinnulausir á Akureyri og hefur sú tala
heldur hreyfst uppá við það sem af er
mánuðinum. Að sögn starfsmanna Vinnu-
miðlunarinnar á Akureyri er þetta hæsta
tala sem skráð hefur verið til þessa en
atvinnuleysisdagar í nóvember jafngiltu
því að 142 hefðu verið án atvinnu allan
mánuðinn.
Tölur um atvinnuleysi eru ekki teknar
saman fyrr en við mánaðamót á Akureyri,
en í lok nóvember voru þar 129 karlar og
65 konur á skrá. Flestir voru verkamenn,
77 talsins og 42 verkakonur, en aðrir voru
úr öllum starfsgreinum. Uppsagnirnar hjá
Slippstöðinni á Akureyri, sem mikið hafa
verið til umræðu, koma ekki til fram-
kvæmda fyrr en í mars á næsta.ári.
Njarðvík
70 á skrá
Þjóðviljinn fékk þær upplýsingar á bæj-
arstjóraskrifstofunni í Njarðvík að þar
væru um 70 manns á atvinnuleysisskrá og
að ekki væri búist við að margt fólk bættist
við alveg á næstunni a.m.k. Þetta atvinnu-
lausa fólk er nær allt af bátunum og úr
frystihúsinu.
Reykjavík
635 atvinnu-
, lausir - mest
fiskvinnslufólk
I gær voru 635 á atvinnuleysisskrá í
Reykjavík og hafði fjölgað úr 351 frá 1.
desember s.l. Langstærsti hópurinn eru
starfsmenn ísbjarnarins og Hraðfrysti-
stöðvarinnar, rúmlega 210 manns þar af
48 sjómenn, en öllu þessu fólki var sagt
upp nú um miðjan mánuðinn.
Gunnar Helgason forstöðumaður
Ráðningarstofu Reykjavíkurborgar sagði
að fjöldi atvinnulausra nú væri svipaður
og á sama tíma í fyrra, en þá var í gildi
róðrarbann. Á skránni eru 369 karlar og
266 konur úr öllum starfsgreinum, þó er
minna um iðnaðarmenn en oft áður á
sama árstíma, en sem dæmi má nefna að
48 verslunarkonur eru atvinnulausar og
27 verslunarmenn.
-ÁI.
Siglufjörður
30 án atvinnu
„Sem betur fer er þetta þokkalegt hér á
Siglufirði, aðeins 30 konur frá Siglósíld á
atvinnuleysisskrá en þær komu inn um
miðjan desember“, sagði Þórólfur Tómas-
son á bæjarskrifstofunum á Siglufirði.
„Hinir nýju eigendur Siglósíldar taka
við húsinu um áramótin og það er reiknað
með að framleiðsla þar geti hafist um
miðjan janúar. Frystihúsið hér er í fullum
gangi, var m.a. að fá rækju í nótt og því
ekki útlit fyrir stöðvun þar á næstunni“,
sagði Þórólfur ennfremur.
Hann kvað ástæðuna fyrir allgóðu at-
vinnustigi á Siglufirði m.a. vera þá að nýj-
um stoðum hefði verið skotið undir iðn-
aðinn á staðnum og því verið hægt að
forða hinu árstíðabundna atvinnuleysi
sem víða sækti nú að.
Keflavík
Um 200 eru
án atvinnu
Hér í Keflavík eru nú 170 manns á
atvinnuleysisskrá og við vitum að það á
eftir að bætast töluvert við, þannig að ég
tel að um helgina verði talan komin yfir
200 manns, sagði félagsmálafulltrúinn í
Keflavík í samtali við Þjóðviljann í gær.
Hann sagði að hér væri urn fólk úr frysti-
húsunum, bátasjómenn og iðnverkafólk
að ræða.