Þjóðviljinn - 24.02.1984, Síða 2

2 SÍÐA '- bJOÐVlL'JÍNM* í’ostudágur 24. íefiruár \9S4
Albert hœttir ekki
Ég átti
við allt
annan
ramma
- Launarammi ríkisstjórnarinn-
ar um 4% gilti fyrir ríkissjóð en
ekki hinn frjálsa markað, sem má
semja um hærri prósentu svo lengi
sem það kemur ekki niður á ríkis-
sjóði, sagði Albert Guðmundsson.
Þingmenn stjórnarandstöðunnar
höfðu gengið hart að honum og
spurt um fyrirheit hans um afsögn
ef sá margfrægi rammi yrði
sprengdur í samningum. Albert lét
hins vegar líka að því liggja að með
„rammanum" hefði hann átt við út-
gjöld ríkissjóðs en ekki prósentur
launahækkana.
Albert sagði að menn yrðu að
átta sig á því að því lengri tími sem
liði, þeim mun hærri mætti pró-
sentuhækkunin verða án þess að
markmiðum ríkisstjórnarinnar
væri raskað.
Aðrir ræöumenn bæði stjórnar
og stjórnarandstöðu voru ekki að
liggja á þeirri skoðun sinni að
ramminn hefði verið sprengdur
þrátt fyrir hin lágu umsömdu laun.
-óg
Ríkið á
ekki að
greiða
niður laun
Fyrirtækin eiga
sjálf að borga
Albert Guðmundsson fjármála-
ráðherra lýsti því yfir á Alþingi í
gær að það væri illa komið fyrir
íslensku þjóðfélagi þegar ríkið væri
farið að greiða niður kaupið fyrir
fyrirtækin.
Fjármálaráðherra sagðist vera
algerlega andvígur því að ríkið færi
inn á þá braut, eins og gert væri í
hinum nýju kjarasamningum, að
greiða niður kaupið. Fyrirtækin
ættu sjálf að borga kaupið án þess
að ríkið hlypi undir bagga.
Albert Guðmundsson lýsti sig
einnig ósammála ýmsu fleiru í af-
stöðu ríkisstjórnarinnar og yfirlýs-
ingu forsætisráðherra. Engu að
síður ætlar ráðherrann að sitja
áfram í ríkisstjórninni.
óg
undanþegnar
söluskatti
Tölvur
tolli og
Niðurfelling gjald-
anna látin virka
aftur fyrir sig
til 24. nóvember
Tölvur og tölvubúnaður allur
hefur verið undanþeginn bæði tolli
sem var 7% og söluskatti sem var
23.5% og er niðurfellingin látin
gilda aftur fyrir sig til 24. nóvember
sl. Þessi niðurfelling nær þó ekki til
tölvustýrðra leiktækja.
Ástæðan fyrir niðurfellingu
gjaldanna er fyrst og fremst sú að
samkeppnisiðnaðurinn þurfti ekki
að greiða gjöldin og því var orðið
mikið um misnotkun á þeirri und-
anþágu. Samkeppnisiðnaðar-fyrir-
tæki fluttu í stórum stíl inn tölvur
án þessara gjalda fyrir fyrirtæki og
einkaaðila sem þurftu að kaupa
tölvur.
Þjóðviljinn fékk þær upplýsing-
ar, að tölvur muni lækka um nær
25% vegna niðurfellingar þessara
gjalda. Sem dæmi nefndi sölumað-
ur hjá Radíóbúðinni að Apple 2
tölva með skjá, sem kostaði 64 þús-
und krónur færi niður í um 50 þús-
und krónur.
Þeir sem keypt hafa tölvur og
greitt af þeim toll og söluskatt eftir
24. nóvember, þurfa að fá staðfest-
ingu á því hjá söluaðila og fá síðan
gjöldin endurgreidd hjá tollinum.
-S.dór
Matthías Bjarnason
í umrœðum um
kjör ellilífeyrisþega
Finnur Birgisson skipulagsstjóri Akureyrar við tvö merk hús á skipulagssvæ'ðinu. Til vinstri er Höepfners-
hús (Hafnarstræti 20) sem er í eigu KEA og hefur verið gert upp fyrir nokkrum árum, en til hægri
Túliníusarhús (Hafnarstræti 18) scm er í einkaeigu og er verið að gera upp. Bæði húsin eru friðuð. Lengst til
hægri sér út eftir Hafnarstræti undir Brckkunni. Ljósm.: Atli.
Nýtt deiliskipulag Innbœjar og Fjörunnar á Akureyri
Einhver merkilegasti
bæjarhluti á landinu
segir Finnur Birgisson skipulagsstjóri Akureyrar
„Þetta er einhver merkilegasti
bæjarhluti sinnar tegundar á
landinu“, sagði Finnur Birgisson
arkitekt, skipulagsstjóri Akur-
eyrarbæjar, í samtali við Þjóðvilj-
ann, en skipulagsnefnd Akureyrar
hefur nú fjallað um tillögur að nýju
deiliskipulagi fyrir svonefndan Inn-
bæ og Fjöru sem er óvenjulega heil-
leg byggð frá gamalli tíð. Höfundar
tillögunnar eru þeir Hjörleifur
Stefánsson og Pétur Ottósson.
Finnur sagði að næsta stig væri
að ganga frá uppdráttum með
breytingunum sem tillögurnar gera
ráð fyrir en síðan yrðu þær væntan-
lega kynntar bæjarbúum áður en
leitað yrði samþykkis bæjarstjórn-
ar.
í aðalskipulagi Akureyrar er
gert ráð fyrir að Fjaran og Innbær-
inn ásamt Hafnarstræti undir
Brekku verði meðal þeirra svæða
sem afmörkuð eru til varðveislu og
eru tillögur að deiliskipulaginu
miðaðar við það.
Meðal þess sem gert er ráð fyrir
er að uppfyllta svæðið milli Drottn-
ingarbrautar og Aðalstrætis verði
að mestu leyti opið útivistarsvæði
en þó verði reist dálítil íbúðabyggð
syðst við Aðalstræti. Þar fyrir
sunnan komi svo akbraut upp á
brekkuna. Þá verði einhvers konar
atvinnusvæði á fyllingunni milli
Hafnarstrætis og Drottningar-
brautar norðan og austan Höepfn-
ershúss. Gert er ráð fyrir nokkuð
aukinni byggð í Búðargili og við
Spítalaveg sem falli vel að fyrri
byggð og eins á nokkrum óbyggð-
um lóðum við Aðalstræti. Talin er
ástæða til að varðveita 8 húsasam-
stæður með um 50 húsum. Nánar
verður sagt frá þessum tillögum
síðar í Þióðviljanum.
-GFr
Fólk veltist
um á veit-
ingahúsum
Nóg til af peningum
”Það hafa allir nóg til hnífs og
skeiðar á íslandi. Hér er, sem betur
fer, ekki um neina fátækt aðræða.
Ljósasti vitnisburðurinn um rétt-
mæti þessarar staðhæfíngar minn-
ar eru skemmtistaðirnir, sem alltaf
eru troðfullir um allar helgar. Þar
veltist fólk um allar helgar.“
Þessi spekinnar orð mælti Matt-
hías ráðherra Bjarnason á þing-
fundi sl. miðvikudagskvöld.
Ólafur Ragnar Grímsson dró í
efa auðsældina í garði almennings.
Fólk, með 8-12 þús. kr. laun á mán-
uði, einstæðir foreldrar, eliilífeyr-
isþegar og öryrkjar myndu fremur
hafa í önnúr horn að líta en að
sækja skemmtistaði. „Ég vil bjóða
Matthíasi Bjarnasyni að labba með
mér á morgun vestur í BUR, í fs-
björninn og spyrja konurnar þar
um hver kjör þeirra væru og hvort
ekki sé nú gaman á skemmtistöð-
unum. Slík heimsókn gæti e.t.v.
opnað augu þessa ráðherra fyrir
því hvernig hann og ríkisstjórn
hans hefur leikið þetta fólk og forð-
að honum frá því að láta sér öðru
sinni um munn fara þvílíkt
fáviskutal og hann hefurgert hér
í kvöld“.
-mhg
Albert enn:
BSRB fær ekki
sama og ASI
- Ég get ekki boðið BSRB uppá
sama samning og ASÍ/VSI býður
uppá, sagði Albert fjármálaráð-
herra í umræðunum í þingi í gær.
Albert sagðist ekki hafa haft að-
stöðu til að skoða þessa samninga
en hann myndi með aðstoð sér-
ffæðinga gefa sér tíma til þess. Síð-
an myndi hann leggja fram tilboð í
ljósi þessa.
-óg
Samningur Alusuisse og íslenska ríkisins:
Verkfall fellur undir
óviðráðanlegar orsakir
í hinum mjög svo umdeilda
samningi svissncska auðhringsins
Alusuisse og íslenska ríkisins um
Alvcrið í Straumsvík eru ákvæði
um að kaupskylda Álversins á
rafmagni falli niður ef fram-
leiðsla verksmiðjunnar stöðvast
af óviðráðanlegum orsökum.
Þessar óviðráðaniegu orsakir
geta auðvitað verið margar og
eru tilgreindar í samningnum.
Eitt þessara atriða, sem feilur
undir óviðráðanlegar orsakir, eru
verkföll, ef starfsmenn revna að
fá kjör sín bætt. Því er það að ef
verkfall starfsmanna í Álverinu
heldur áfram og rekstur verk-
smiðjunnar stöðvast mun kaup-
skylda verksmiðjunnar falla úr
gildi.
Að sögn Halldórs Jónatans-
sonar forstjóra Landsvirkjunar
kaupir Álverið rafmagn af
Landsvirkjun fyrir 1,1 miljón
króna á sólarhring utn þessar
mundir og vegna þessa einstaka
atriðis í samningnum ntun Lands-
virkjun tapa þessum tekjum ef til
lokunar verksmiðjunnar kemut,
meðan starfsmenn eru að bæta
kjör sín.
- S.dór