Þjóðviljinn - 24.02.1984, Blaðsíða 6
6 SÍÐA - ÞJÓÐVILJINN Föstudagur 24. febrúar 1984
Sitt sýnist hverjum um
fyrirhugaða framkvcemd
í miðbœ Reykjavíkur
Söluskálar í
Austurstræti
Fyrirtækið Upplýsing h.f. hefur óskað eftir að fá að reisa
söluskála í Austurstræti. í glugga Reykjavíkurapóteks hefur
undanfarna daga verið til sýnis líkan og teikningar að hinum
fyrirhugaða söluskála sem verður í eigu Kristins Ragnars-
sonar, Grétars Bergmann og Gests Ólafssonar.
Sýnist sitt hverjum um byggingarnar, en það er að frum-
kvæði umhverfismálaráðs Reykjavíkurborgar að teikning-
arnar eru sýndar. Ákvörðun um söluskálana verður trúlega
tekin í næstu viku.
Þjóðviljinn spjallaði við þrjá vegfarendur í Austurstræti og
spurði þá álits í málinu. -jp.
■HfHteKÁtf
i n fjU .. • <
km m&a :'W,. í
Teikningar og líkan fyrirhugaðra söluskála í glugga Reykjavíkurapóteks í Austurstræti.
Vilborg Dagbjartsdóttir:
„Ég er á móti því að veitingaskáli
verði reistur hér í Austurstræti. Okkur
vantar víð torg t.d. fyrir útifundi og
hátíðahöld eins og 17. júní. Það er
alltaf verið að troða í þau smáu pláss
sem fyrir eru. Mér finnst meira að segja
að fjarlægja mætti eyjuna sem hér er
mynduð með upphækkun.“
Sverrir Porsteinsson:
„Ég sé ekkert því til fyrirstöðu að hér
í Austurstræti verði reistur veitinga-
skáli. Mér líst bara vel á þessa hug-
mynd sem auk þess verður til þess að
túnið hérna fer og er það til mikilla
bóta því það er eitt moldarflag á
sumrin.“
Axel Lárusson:
„Mér finnst full ástæða til að lífga
upp á Austurstrætið. Aftur á móti virð-
ist mér þessi skáli Ijótur og ekki til að
hressa upp á umhverfið. Annað er það
að ekki er víst að söluskáli fyrir veiting-
ar sé sniðugasta hugmyndin til að lífga
upp á umhverfið. Eg tel að mun
skemmtilegra væri að hafa hérna gall-
erí eða annað í þeim dúr.“
Sverrir Þorsteinsson.
Vilborg Dagbjartsdóttir.
Axel Lárusson.
Nýtt sjónvarpsleikrit eftir Andrés Indriðason frumsýnt á sunnudaginn:
Hugarheimur Bjössa
„Þessi blessuð börn“ verður
sýnt í sjónvarpi í Noregi,
Danmörku og Svíþjóð
Á sunnudaginn verður nýtt
leikrit sem ber heitið Þessi
blessuð börn frumsýnt í
sjónvarpinu. Höfundurinn,
Andrés Indriðason, sendi
það í samkeppni um barna-
leikrit sem boðað var til af
Ríkisútvarpinu í tilefni
Barnaársins.
Aðalhlutverkið er í höndum 8
ára drengs, Hrannars Más Sig-
urðarsonar, sem túlkar tilfinning-
ar jafnaldra síns eftir skilnað for-
eldranna. Steinunn Jóhannes-
dóttir leikur móður drengsins.
Faðirinn er leikinn af Sigurði
Skúlasyni sem er í verunni faðir
Hrannars Más. Önnur hlutverk
eru í höndum Margrétar Ólafs-
dóttur og Róberts Arnfinns-
sonar.
Á forsýningu leikritsins fyrr í
vikunni náði Þjóðviljinn tali af
þeim Andrési Indriðasyni höf-
undi leikritsins og Lárusi Ými
Óskarssyni leikstjóra. Þeir
sögðust telja leikritið skírskota til
allra aldurshópa. „Aðalatburðir
leikritsins gerast í hugarheimi
stráksins sem segir ekki mikið en
hugsar þeim mun meira“, sagði
Andrés. Þeir sögðu meiningar-
laust hjal fullorðna fólksins and-
stæðu hugarástandsstráks. „Orð-
in eru undirleikur við hans hugar-
heim og annar undirleikur er
fluttur og saminn af Hjálmari H.
Ragnarssyni“, sagði Lárus Ýmir.
Hann sagði upptöku hafa farið
fram í september og aðeins tekið
4 daga. Leikarar voru valdir af
höfundi og leikstjóra og voru
nokkrir strákar prófaðir áður en
Hrannar var valinn. Voru þeir
ánægðir með frammistöðu hans.
Sj ónvarpsstöðvar í Noregi,
Svíþjóð og Danmörku hafa
ákveðið að taka leikritið til sýn-
ingar.
-jP-
Hrannar Már Sigurðarson í hlut-
verki Bjössa.