Þjóðviljinn - 10.04.1984, Blaðsíða 8

eyri. Telja þeir sig hafa gert góða
för. Þau fyrirtæki, sem við var rætt,
voru Skretting as. í Noregi og Evos
ab. í Svíþjóð tvö stærstu fyrirtæki.
á þessum vettvangi í Evrópu. Svo
er sagt að Krossanesverksmiðjan
sé eina fiskimjölsverksmiðjan hér-
lendis sem framleiðir nægilega gott
mjöl í laxafóður. Talað er um að
Krossanes annist rekstur fyrirtæk-
isins en annar hvor hinna erlendu
aðila sjái um tæknihliðina.
Að því er stefnt að undirbún-
ingsathugunum verði lokið með
haustinu þannig að byggingarfram-
kvæmdir geti hafist á næsta ári.
Ætti verksmiðjan þá að geta tekið
til starfa síðla næsta árs. Gert er ráð
fyrir að verksmiðjan kosti um 40
milj. kr. og að þar muni, til að
byrja með, vinna 5-6 manns auk
þeirra, sem starfi að stjórn, sölu og
dreifingu.
Riðuveiki
í Kelduhverfi
Riðuveikin hefur nú verið
landlæg í Kelduhverfi á annan ára-
tug. Viðbrögð hafa verið þau að
fyrir tveimur árum var fé lógað á
tveimur bæjum þar sem ástandið
var verst en síðan hefur verið reynt
að halda veikinni í skefjum með því
að lóga sýktu fé jafnótt og á því sést
að reyna að hindra samgang
sauðfjár. Væri horfið að allsherjar
niðurskurði sauðfjár í sveitinni
yrðu bændur að vera fjárlausir í
þrjú ár. Þrátt fyrir hugsanlega
möguleika á að taka upp aðrar bú-
greinar óttast bændur að fjárleysið
ylli fólksflótta úr sveitinni og eru
því ekki ginnkeyptir fyrir niður-
skurði.
Sparisjóður
Vestmannaeyja
Fyrir allnokkru var haldinn aðal-
fundur Sparisjóðs Vestmannaeyja
fyrir árið 1983. í árslok námu
heildarinnstæður 85,9 milj. kr. og
jukust um rúm 80% milli ára. Út-
lán í árslok námu 59,2 milj., 88%
aukning frá fyrra ári. Eigið fé nam
8 milj., 90% aukning.
Á síðasta ári hóf Sparisjóðurinn
samvinnu við Visa Island um út-
gáfu á greiðslukortum og mun
fljótlega hefja gjaldeyrisviðskipti.
Verða þau til að byrja með tengd
útgáfu ferðatékka og innlögum á
gj aldeyrisreikninga.
Á fundinum var samþ. tillaga frá
sjóðstjórninni um að styrkja
Knattspyrnuráð íþróttasambands
Vestmannaeyja með allt að 100
þús. kr.
Stjórn Sparisjóðsins skipa þeir
Sigurgeir Kristjánsson, Arnar
Sigurmundsson, Jóhann Björns-
son, Þorbjörn Pálsson og Ragnar
Óskarsson. Sparisjóðsstjóri er
Benedikt Ragnarsson og skrif-
stofustjóri Guðjón Hjörleifsson.
Um sl. áramót voru starfsmenn
sjóðsins 11 að tölu. -mhg
8 Sfe)A - ÞJÓÐVILJINN Þriðjudagur 10. aprfl 1984
Frá Sauðárkróki. Bygglngu Mjólkursamlagsins ber yfir húsln á miðri mynd. í baksýn er nýbyggðin á Sauðárhæðum.
Héðan og þaðan
I þeim pistlum, sem hér
fara á eftir, er minnst á búfjár-
eign Skagfirðinga, vörusölu
K.S., mjólkurframleiðslu í
Skagafirði, nýtt skrifstofu-
húsnæði hjá Kaupfélagi Hér-
aðsbúa, mjólkurframleiðslu
og refarækt á Héraði, laxa-
fóðurverksmiðju á Akureyri,
riðuveiki í Kelduhverfi og
Sparisjóð Vestmannaey-
inga.
Mjólkurframleiðslan
í Skagafirði
Nokkru meira barst af mjólk til
Mjólkursamlagsins á Sauðárkróki
á sl. ári en á árinu 1982, eða
8.167.791 1 á móti 7.575.369 I árið
áður. Nemur aukningin 7,82%.
Meðalfita mjókurinnar lækkaði
lítillega. Mjólkurinnleggjendur
voru í árslok 160, fjölgaði um 2 á
árinu.
Af einstökum mjókur-
innleggjendum lagði Pálmar Jó-
hannesson á Egg í Hegranesi inn
mesta mjólk, 150.310 1. Þá kom
Ragnar Gunnlaugsson á Hátúni í
Seyluhreppi með 145.1931.1 þriðja
sæti var félagsbúið á Laufskálum í
Hjaltadal með 135.991 1. Fimmtán
innleggjendur lögðu inn meira en
100 þús. 1, voru 11 árið áður, og 34
yfir 70 þús. 1. 17 innleggjendur
lögðu inn minna en 20 þús. 1, en
voru 23 árið áður.
Leitast hefur verið við að dreifa
mjólkurframleiðslunni sem jafnast
á árið og hefur nokkuð miðað í þá
átt.
Refarœkt á
Fljótsdalshéraði
Nokkur refabú eru nú risin á
Fljótsdalshéraði. Til tals kom að
reisa fyrir þau fóðurstöð á Reyðar-
firði en varð ekki úr. Tóku þá
bændur að blanda fóðrið heimafyr-
ir en það gafst illa. Loðdýrabændur
á Jökuldal og í Jökulsárhlíð fengu
þá aðstöðu til fóðurblöndunar í
sláturhúsinu á Fossvöllum þegar
það var ekki í annarri notkun. Síð-
an tóku málin þá stefnu, að bænd-
urnir stofnuðu hlutafélag um fóð-
urstöð, Loðmund hf. og á hún að
rísa í Fellabæ. Kf. Héraðsbúa
útvegaði á sínum tíma tvo frystig-
áma til þess að geyma í hráefni í
refafóður, en félagið hefur annast
útvegun á kjöti og fiskúrgangi og
innfluttu kolvetnafóðri. Kjötú-
rgangurinn er hakkaður í slátur-
húsinu á haustin en fiskúrgangur-
inn kemur frá frystihúsum kaupfél-
agsins og Hraðfrystihús Eskifjarð-
ar hleypur undir bagga ef á þarf að
halda.
Vörusala K.S.
Brúttósala í verslunum Kaupfé-
lags Skagfirðinga 1983, að áburði
meðtöldum, varð tæpar 296 milj.
kr. á móti tæpum 159 milj. 1982.
Var söluaukningin þannig um
86%. Mest var aukningin hjá fóð-
urvörudeild, 114% og í bílabúð
111%. í útibúi Kaupfélagsins á
Ketilási varð söluaukningin 91%
og í kjörbúðinni við Skagfirðinga-
braut 89%.
Nýtt skrifstofu-
húsnœði
Kaupfélag Héraðsbúa á Egils-
stöðum er nú að innrétta nýtt skrif-
stofuhúsnæði. Þóttiekkiorðin van-
þörf á. Félagið er enn með skrif-
stofur sínar í sama húsnæði og fyrir
20 árum þótt öll umsvif hafi að
sjálfsögðu stóraukist. Starfsað-
staða er því slæm og þrengsli mikil.
Þegar flutt verður í hið nýja hús-
næði, sem ætla má að verði með
vorinu, verður tölvuvinnsla
heimafyrir aukin að mun.
Frá Mjólkur-
samlagi KHB
Innvegin mjólk hjá Mjólkurbúi
Kaupfélags Héraðsbúa á sl. ári var
2.598.2671. Er það 3% aukning frá
árinu áður. Mest var mjólkurfram-
leiðslan í ágústmánuði en minnst í
íebrúar. í einstökum sveitum var
framleiðslan mest í Skriðudals-
hreppi en af einstökum búum var
Egilsstaðabúið hæst. Aðalfram-
leiðsluvaran er gerilsneydd ný-
mjólk en Mjólkursamlagið fram-
leiðir 16 vörutegundir.
Búfjáreign
Skagfirðinga
Framleiðsla á kindakjöti hefur
verið of mikil að undanförnu mið-
að við sæmilega sölumöguleika.
Þessvegna hefur verið að því unnið
að fækka sauðfénu. Verður ekki
annað sagt en að vel hafi miðað í þá
átt.
Skagfirðingar sýnast hafa tekið
fullkomlega sinn þátt í þessum að-
gerðum. Þar hefur sauðfé fækkað
um fjórðung síðan 1977. Mjólkur-
kýr í Skagafirði eru einnig færri en
þær voru 1977. Þá voru þær 2645 en
nú 2522. Fæstar voru kýrnar 1981
eða 2287 og hefur því fjölgað nokk-
uð síðan. Hinsvegar hefur kálfum
og geldneytum fjölgað því nær um
helming síðan 1977, úr 1274 í 2473.
Kelfdar kvígur eru nú álíka margar
og þá. Samtals voru 5396 nautgrip-
ir settir á í vetur í Skagafirði í haust.
Hrossatalan breytist lítið frá ári til
árs.
Laxafóðurverksmiðja
í vetur fóru þeir Finnbogi Jóns-
son hjá Iðnþróunarfélagi Akur-
eyrar og PéTur Antonsson, fram-
kvæmdastjóri Krossanesverk-
smiðjunnar til Noregs og Svíþjóðar
þar sem þeir ræddu við fulltrúa
tveggja fyrirtækja um að koma á
fót laxafóðurverksmiðju á Akur-
Athugasemd
Minningarorö
Ingólfiír
Einarsson
F. 18. 4. 1894
D. 2. 4. 1984
í Þjóðviljanum þriðjudaginn 3.
apríl, s.l., er á baksíðu grein með
tilvitnunum í viðtal við undirritað-
an undir fyrirsögninni „Lögreglan
brást hlutverki sínu“. Þar sem í
greininni er ekki rétt eftir mér haft,
auk þess sem blaðamaður sleppir
öðrum þýðingarmiklum atriðum til
skýringar úr viðtalinu, vil ég leyfa
mérhr. ritstjóri, að óska birtingará
eftirfarandi:
Undirritaður fullyrti ekkert um
hlutverk lögreglunnar í Reykjavík
þegar um bilanir á raforkukerfinu
er að ræða.
Tæknilegar bilanir á raforku-
kerfinu sem ekki verða vegna nátt-
úruhamfara eða af annarri vá, eða
sem og ekki leiða til neyðarástands
vegna þess hversu þær eru
skammvinnar, krefjast ekki við-
bragða af hálfu Álmannavarna
ríkisins. Sagði ég blaðamanninum
aðspurður, að mér væri ekki kunn-
ugt um að upplýsingaskylda hvfldi
á einstökum stofnunum þ.á.m. lög-
reglunni í Reykjavík, um tækni-
Jegar orsakir rafmagnsbilana og
ráðlagði blaðamanni að hafa sam-
band við Landsvirkjun þar sem
helst væri að fá upplýsingar um
slíkar reglur, ef einhverjar væru.
Varðandi fyrirspurn blaða-
manns um hvers vegna fjarskipta-
kerfi Almannavarna ríkisins var
ekki notað til að kotna upplýsing-
um um orsakir bilunarinnar á fram-
færi, var upplýst að bein símalína
er á símakerfi Almannavarna ríkis-
ins milli fréttastofu og útsendingar
ríkisútvarps annars vegar og lög-
reglunnar í Reykjavík hins vegar,
og að hún vaktaði einnig talstöðv-
arkerfi Almannavarna ríkisins,
sem tengist tugum stöðva þ.á.m.
Geithálsi. Var tæknibúnaður þessa
fjarskiptakerfis tafarlaust prófaður
þegar rafmagnið fór af og reyndist
allt kerfið vera starfhæft.
Hins vegar var blaðamanni bent
á, að Almannavarnir ríkisins gerðu
strangar kröfur um að talstöðvar-
kerfi þeirra væri eingöngu notað í
neyð, eða til mjög brýnna við-
skipta. En slíkar kröfur eru
nauðsynlegar vegna vöktunar kerf-
isins á tugum stöðva, til að halda
því friðhelgu fyrir neyðarfjarskipti
hvers konar. Hugsanlegt væri því,
að umræddar kröfur hafi hamlað
því, að kerfið væri notað til upplýs-
ingamiðlunar af þessu tagi.
I kjölfar þessara atburða hafa
Almannavarnir ríkisins bent hlut-
aðeigandi aðiium á, að þeir hafi
heimild til að nota fjarskiptakerfið,
ef atburðir af þessu tagi endurtaka
sig, en engin fyrirmæli verið gefin
um slíkt enda upplýsingaskylda að-
ilanna óljós.
Jafnframt mun kannað nánar
hvort Almannavarnir ættu að ann-
ast upplýsingaþjónustu eða aðstoð
við slflct ef atburðir af þessu tagi
endurtaka sig, án þess að neyð
fylgi.
Með þökk fyrir birtinguna.
Guðjón Petersen
Athugasemd Guðjóns Petersen
staðfestir í einu og öllu frétt Þjóð-
viljans frá 3. aprfl sl. Eini munur-
inn er sá að í fréttinni var haft eftir
honum að lögreglunni hefðu nú
verið gefin skýr fyrirmæli um að
nota fjarskiptakerfi Almannavarna
ef stórvœgileg rafmagnsbilun eins
og varð um daginn endurtæki sig,
en nú segir hann að hlutaðeigandi
aðilum hafi verið bent á, að þeir
hafi heimild til að nota það. -JP
Ingólfur Einarsson bjó lengst af
á Bakka á Eskifirði. Margar minn-
ingar mínar eru tengdar þessum
mæta frænda mínum og eru spila-
kvöldin okkar ofarlega í huga mín-
um þegar ég minnist hans. Ófá
kvöld sátum við og spiluðum og
höfðum báðir mjög gaman af þó
aldursmunurinn væri mikill. Iðu-
lega sat ég fyrir honum þegar hann
kom heim úr vinnunni og alltaf
hafði hann tíma til að taka slag.
Sögurnar sem frændi sagði mér
voru orðnar margar, enda var hann
gædddur mikilli frásagnargáfu svo
unun var að hlýða á.
Ingólfur var alltaf hress og
skemmtilegur og átti það sinn þátt í
því að ég sóttist eftir nærveru hans.
Hann átti auðvelt með að koma
fólki til að hlæja og í kunningjahópi
var hann manna kátastur og stór-
skemmtilegur og mikill söngmað-
ur.
Fyrir fimmtán árum flutti frændi
suður á dvalarheimili aldraðra,
Hrafnistu. Oft saknaði ég hans þá
og hugsaði til hans.
Með þessum fátæklegu orðum
kveð ég Ingólf afabróður minn, en
eftir lifir minningin um mætan
mann. Guðjón Ingi.