Þjóðviljinn - 12.04.1984, Page 2

2 SÍÐA — ÞJÓÐVILJINN Fimmtudagur 12. apríl 1984
Tillaga Guðrúnar Helgadóttur og
fleiri samþykkt á alþingi
Stefnumark-
andi könnun
samþykkt
Einsetinn skóli, samfelldur skóladagur og
skólamáltíðir orðið stefnumál alþingis
- Þingsályktunartillaga Guðrún-
ar Helgadóttur og fleiri um stefnu-
markandi könnun á vegum ríkis-
stjórnarinnar um skólamál var
samþykkt á alþingi i fyrradag. Til-
lagan kveður á um að metinn verði
kostnaðarauki ríkissjóðs og
sveitarfélaga við að samfelldur
skóladagur verði í öllum grunn-
skólum. Könnunin miðist við 1)
einsetinn skóla, 2) samfelldan
skóladag, 3) skólamáltíðir handa
nemendum og starfsliði.
Jafnframt verði kannað hvort
ekki minnki þörf fyrir skóladag-
heimili og athvarf ef samfelldum
skóladegi verði komið á og hverju
sá sparnaður kann að nema. Niður-
stöðurnar eiga að verða lagðar fyrir
næsta þing og kostnaðurinn af
könnuninni greiðist af ríkissjóði.
Einungis jákvæðar
umsagnir
Þingsályktunartillagan var til
meðferðar hjá allsherjarnefnd og
var hún send fjölmörgum aðiljum
til umsagnar. Umsagnirnar voru
allar jákvæðar. Tillagan var síðan
lögð fram með orðalagsbreyting-
um og samþykkt í sameinuðu al-
þingi í fyrradag.
Flutningsmenn með Guðrúnu
Helgadóttur voru þau Svavar
Gestsson, Kolbrún Jónsdóttir,
Karl Steinar Guðnason, Jóhanna
Sigurðardóttir og Sigríður Dúna
Kristmundsdóttir.
- óg/mhg.
Gu&rún Helgadóttir alþingisma&ur fyrsti flutningsmaður tillögunnar, sem er ein sú fyrsta sem samþykkt ér frá
stjórnarandstæðingum á þessu þingi.
„Tekur því ekki
að selja glerin“
Tónleikahald víða í kvöld:
„Helst ef maður er sjúkur í sælgæti
annars hendir maður glerjunum“,
segja unglingar
Sinfóníu-
hljómsveit Islands:
í minningu
Björns
14. áskriftartónleikar Sinfóníu-
hljómsveitar íslands í kvöld eru
helgaðir minningu Björns Ólafs-
sonar konsertmeistara. Á efnisskrá
er m.a. Sálmasinfónía fyrir kór og
hljómsveit eftir Igor Stravinsky og
aðstoða Hamrahlíðarkórinn og
Kór Menntaskólans við Hamrahlíð
við flutning hennar. Kórstjóri er
Þorgerður Ingólfsdóttir en stjórn-
andi tónleikanna er Jean-Pierre
Jacquillat.
Efnisskráin er sem hér segir:
Samuel Barber: Adagio fyrir
strengjasveit, op. 11. Franz Schu-
bert: Sinfónía nr. 5 íB-dúr. Þorkell
Sigurbjörnsson: Díafónía, frum-
flutningur. Igor Stravinsky: Sálma-
sinfónía fyrir kór og hljómsveit.
í Njarð-
víkurkirkju
í kvöld kl. 20 verða föstutón-
ieikar í Ytri-Njarðvíkurkirkju og
koma þar fram Kjartan Már Kjart-
ansson, víóluleikari, söngvararnir
Ragnheiður Guðmundsdóttir,
Helgi Maronsson og Guðmundur
Sigurðsson. Einnig munu söng-
nemar og Kór Tónlistarskóla
Njarðvíkur syngja undir stjórn
Gróu Hreinsdóttur og kór kirkj-
unnar undir stjórn Helga Braga-
sonar.
Drengjakór
í Kópa-
vogskirkju
f kvöld, fimmtudag 12. apríl kl.
20.30, heldur enskur drengjakór
Hampton School Choral Society
tónleika í Kópavogskirkju. I kórn-
um eru 38 drengir sem einnig koma
fram í kirkju Ffladelfíusafnaðarins
á laugardag kl. 17.
„Maður nennir ekki að burðast
með tóm glerin til að selja þau, fær
ekkert fyrir þetta, það er miklu
nær að fá útrás við að stúta þeim“,
sagði unglingur sem Þjóðviljinn
hitti í gær.
í síðustu viku hækkuðu gler frá
Sanitas úr 4 í 5 krónur fyrir litlar
flöskur. Aðrir gosframleiðendur
hafa ekki hækkað verð á glerjum
ennúerfrjáls álagning á þeim. Hjá
Vífilfell hf. var Þjóðviljanum sagt
að líta mætti á verð á glerjum sem
tryggingarverð til þess að neytand-
inn skili því til baka. Gler þarf að
endurnýja eftir vissan tíma og
reynt er að finna út eitthvað meðal-
verð sem jafnframt fælir fólk ekki
frá því að kaupa gos þótt það hafi
ekki glerin meðferðis.
„Það er helst ef maður er sjúkur í
sælgæti að maður nenni að selja
gler en annars hendir maður þeim.
Þetta eru orðin það sterk gler að
það þarf átak við að brjóta þau og
þess vegna fær maður meira út úr
því“, sögðu Bergur og Róbert ung-
lingspiltar sem við hittum í gær.
Strákarnir eru 15 ára gamlir,
annar þeirra er í 7. bekk en hinn
hættur í skóla. Þeir eyða tómstund-
um sínum í leiktækjasölum og voru
að koma úr einum slíkum. Sögðu
þeir að misjafnt væri hvað þeir færu
með mikinn pening þar á dag en að
ekki tæki því að selja gler til að
fjármagna það því ýmsar leiðir
væru til að ná í peninga á annan
hátt.
-J'P-
Jahn Teigen aðaldriffjö&rin í hljómsveitinni Prima Vera, Anita Skorgan þekkt dægurlagasöngkona í heimalandi
slnu og á milli þeirra Davíð Oddsson heiðursgestur og borgarstjóri. Þau Anita og Jahn giftu sig í febrúar og
„varð það brúðkaup frægt langt út fyrir landsteina Noregs“.
Mikið um dýrðir á afmæli Helgarpóstsins:
Borgarstjórinn
heiðursgestur
Norskt „stjörnupar“ skemmtir
í tilefni fimm ára afmælis Helg-
arpóstsins verður haldin vegleg af-
mælisveisla á Hótel Borg á morgun,
föstudag. Heiðursgestur á afmæli
blaðsins er Davíð Oddsson borgar-
stjóri og meðal skemmtikrafta er
Jahn Teigen og Anita Skorgan,
norskt par sem m.a. hefur keppt í
Eurovision-keppninni. Auk þeirra
koma Edda Björgvinsdóttir og
Helga Thorberg fram og kynna há-
tíðina.
í fréttatilkynningu frá Helgar-
póstinum er bent á að Jahn Teigen
hafi orðið heimsfrægur þegar hann
varð neðstur í söngvakeppninni tvö
ár í röð en þar segir einnig að hann
sé kunnur fyrir rokksöng sinn og
hafi lengi verið aðaldriffjöður í
hljómsveit sem heitir Prima Vera.
Þá hafi hann nýlega lokið gerð stór-
kvikmyndar um Ölaf helga Noreg-
skonung og fjallað þar um sögu
konungsins á óhefðbundinn hátt.
Anitu Skorgan er í fréttatilkynn-
ingunni getið sem þekktrar dægur-
lagasöngkonu í heimalandi sínu
sem skrifi flestöll lög sín sjálf og sé
að auki afburða píanóleikari.
Þá segir í fréttatilkynningunni:
„Jahn og Anita giftu sig s.l. febrúar
og varð það brúðkaup frægt langt
út fyrir landsteina Noregs.“
Skemmtunin hefst kl. 22 og
verður húsið opnað kl. 21.30.
Öllum er heimill aögangur.