Þjóðviljinn - 14.06.1984, Side 2

2 SÍÐA - ÞJÓÐVILJINN! Fimmtudagur 14. júní 1984
Varabœjarfulltrúi Sjálfstœðisflokksins í Eyjum og
formaður atvinnumálanefndar bœjarins úr flokknum
Allt of mikill
tvískinnungur
segir Sigrún Þorsteinsdóttir
„Það er siðlaust af ráðamönnum
að segja þjóðinni að herða sultaról-
arnar og gera síðan ýmsa hluti fyrir
sjálfan sig á sama tíma. Það er líka
siðlaust að segjast vinna að áfengis-
og fíkniefnavörnum með annarri
hendi en flytja síðan inn og græða á
sölu miðilsins með hinni hendinni.
Þetta er allt of mikill tvískinnung-
ur“, segir Sigrún Þorsteinsdóttir
formaður atvinnumálanefndar
Vestmannaeyjabæjar og varabæj-
arfulltrúi Sjálfstæðisflokksins í
Eyjum sem nú hefur sagt sig úr
Sjálfstæðisflokknum. Á síðasta
landsfundi Sjálfstæðismanna bauð
Sigrún sig fram í embætti varafor-
manns en fékk lítið fylgi flokks-
manna.
„Já, þetta uppgjör mitt við
flokkskerfið í landinu stendur að
sjálfsögðu í sambandi við starf mitt
í Samhygð", sagði Sigrún aðspurð
en hún hefur ásamt fleiri Samhygð-
arfélögum í hyggju að stofna til
nýrra stjórnmálasamtaka.
„Markmið okkar er að breyta
stefnu þjóðfélagsins og starfa í
sama anda og við höfum gert innan
Samhygðar. Ef þjóðfélaginu væri
líkt við járnbrautarlest þá má
hugsa sér að verið sé að gera ýmsa
góða hluti í hverjum vagni en þeir
sem eru í fremsta vagninum ráða
stefnunni og ætla sér vissa leið. Þar
sem við teljum nauðsynlegt að
breyta stefnunni þá ætlum við upp í
fremsta vagninn og freista þess að
breyta til.
Við höfum áhuga fyrir að reyna
að starfa á annan hátt en nú tíðkast
í pólitísku starfi hérlendis og þar
sem meginstefnan yrði andofbeldi,
raunveruleg samvinna, manngildi
ofar auðgildi, frjálst val einstakl-
ingsins og á móti allri einokun".
Sumum fínnst nokkuð mikil
framsóknarlykt af Samhygð, ætlið
þið að feta í það sporið?
„Finnst fólki það? Við mig er
sagt að þetta séu bara kommar í
Samhygð. Ég held að öllum flokk-
um finnist þetta sitt á hvað en heila
málið er að þetta er ekkert af
Sigrún Þorsteinsdóttir: Grætilegt
þegar maður finnur góðan vilja sem
aldrei nýtist neitt.
þessu. Ég get ekki séð að það sé
neitt framsóknarlegt við ando-
fbeldi eða frjálst val“.
Hver hafa viðbrögð fyrri
flokksbræðra þinna orðið við af-
sögn þinni úr flokknum?
„Þeir eru náttúrlega ekki
ánægðir með þetta en þetta er alls
ekki vegna slæmrar samvinnu,
síður en svo: Það er hins vegar
grætilegt að þegar maður finnur
góðan vilja og veit af góðum krafti
til að gera góða hluti þá skuli það
aldrei nýtast neitt. Menn eru ekki
tilbúnir að fara nógu djúpt í hlut-
ina. Þegar á að breyta er ekki hægt
að sleppa neinu og því ekki hægt að
gera neinar breytingar“.
Má eiga von á því að á næstu
mánuðum heyrist frá ykkur um
stofnun nýs stjórnmálaflokks?
„Það ætla ég svo sannarlega að
vona“, sagði Sigrún Þorsteinsdótt-
Skúlagötuskipulag:
Móralskur
stuðningur
segir formaður
Ibúasamtaka
Skuggahverfis
um fyrirvara
ráðherra
,4 tapaðri stöðu er jafntefli allt annað
en ósigur. Enda þótt ég hefði talið fylii-
lega verjandi að hafa fyrirvarann sterk-
ari og binda nýtingarhlutfallið við 1,5
þar til sýnt hefði verið fram á að annað
og meira væri verjandi, skil ég að ráð-
herra hafi ekki treyst sér til að ganga
frekar í berhögg við embættis- og fag-
mannaliðið“. Þetta sagði Geirharður
Þorsteinsson, formaður íbúasamtaka
Skuggahverfis í gær, en Alexander Stef-
ánsson, félagsmálaráðherra staðfesti
breytt nýtingarhiutfall og breytta land-
notkun á Skúlagötureit með þeim fyrir-
vara að gert yrði deiliskipulag áður en
farið yrði að byggja.
„Þetta er móralskur stuðningur og
gefur okkur kraft og von um árangur í
næstu lotu“, sagði Geirharður enn-
fremur. „Sigurvonin er fólgin í því að
ráðherra skikkar borgaryfirvöld til þess
að láta gera deiliskipulag að öllu svæð-
inu og leita aftur undir skipulagsstjórn
og ráðuneytið með staðfestingu á því.
Einhvers staðar á þeirri leið neyðast
þeir til að sýna almenningi og okkur
íbúunum hvað verið er að gera. Það eru
líka miklu meiri líkur á því að farið
verði í málin af skynsemi í stað glanna-
skapar, þegar borgaryfirvöld verða að
horfa á svæðið í heild í stað þess að taka
fyrir bút og bút í einu. Þá hljóta allir að
sjá að það þýðir ekki að láta sig dreyma
um endalaus háhýsi í svona hverfi“.
-AI
Væringarnar í Stúdentaráði
Atkvæðagreiðsla
reyndist ólögleg
Atkvæðagreiðslan í Stúdentaráði Há-
skólans á þriðjudagskvöld um van-
traust á formann félagsins og stjórn var
ólögmæt. Einn varamanna hafði ekki
atkvæðisrétt þegar betur var að gáð og
verða því greidd atkvæði á ný um til-
löguna á framhaldsfundi ráðsins nk.
þriðjudagskvöld.
Einsog Þjóðviljinn skýrði frá í gær
var á síðasta fundi Stúdentaráðs sam-
þykkt vantraust á stjórn ráðsins, sem nú
er skipuð hægrimönnum og umbóta-
sinnum, vegna aðgerðaleysis í kjara-
málum námsmanna. Samkvæmt band-
ormslögunum falla lán til námsmanna í
haust í 60% af áætluðum framfærslu-
kostnaði.
Vantrauststillagan var samþykkt
með 13 atkvæðum gegn tólf og var ljóst
að einn ráðsliði úr meirihluta greiddi
tillögunni atkvæði. Á fundi stjórnar
Stúdentaráðs í gær komust menn að því
að formgalli væri á kosningunni. Ráðið
er kosið í tveimur hluturn, helmingur
hvert ár, og skulu varamenn á ráðs-
fundum taka sæti aðaimanna á sama
lista. Á fundinn í fyrrakvöld vantaði
vinstrimenn aðalmenn frá síðustu og
næstsíðustu kosningum en varamenn
voru allir af þeim lista sem borinn var
fram í vor. Með samþykki flutnings-
manns hefur því verið ákveðið að
greidd verði atkvæði að nýju um van-
trauststillöguna.
Gagnrýnin bœði rétt og
ekki rétt
Stefán Kalmansson, formaður ráðs-
ins úr hópi Vöku (hægrimanna), sagði í
gær við Þjóðviljann að yrði tillagan
samþykkt enn einusinni teldi hann rétt
að stjórnin segði af sér. Stefán taldi ó-
líklegt að tillagan yrði samþykkt að
nýju. Fimm ntenn úr meirihluta hefði
vantað á fundinn á þriðjudagskvöld en
minnihluti vinstrimanna verið fullskip-
aður.
Stefán sagði að gagnrýni vinstri-
manna vegna lánamála væri bæði rétt
og ekki rétt. „Auðvitað hefði mátt beita
harkalegri aðgerðum í upphafi. Við
mátum stöðuna þannig að rétt væri að
fara útí hófsamar aðgerðir fyrst. Það
bar ekki árangur, því miður“.
69.3 miljóna gróði hjá Sambandinu
7.1 miljarða velta
• Starfsfólki fœkkaði á síðasta ári
• Fjárfestingar námu 175 miljónum
ir.
-*g-
Harmar aðild SIS að Isfilm
Aðalfundur Kaupfélags Stein-
grímsQarðar samþykkti sl. laugar-
dag ályktun þar sem samningi Sam-
bands íslenskra samvinnufélaga
um aðild að fjölmiðlunarfyrirtæk-
inu ísfilm er harðlega mótmælt.
Það var Jón Ólafsson í Hólmavík
sem bar upp ályktunina og var hún
samþykkt með 11 atkvæðum gegn
4. í ályktuninni er það harmað að
SÍS skuli án almennrar umræðu í
samvinnuhreyfingunni hafa tek
upp svo nána samvinnu við höfui
andstæðinga samvinnustefnunnai
landinu um fjölmiðlun. Nær hef
verið að hreyfingin hæfi reksti
eigin fjölmiðlunarfyrirtækis eða
samstarfi við samtök launafólks <
bænda. Var þess krafist að Sar
band íslenskra samvinnufélaj
endurskoðaði aðild sína að ísfilr
69.3 miljón króna hagnaður var
af rekstri Sambandsins sl. ár sam-
kvæmt ársskýrslu þess sem lögð var
fram á aðalfundinum á Bifröst í
gær. Heildarveltan nam 7.1 milj-
arði króna og hafði aukist um
95.3% frá árinu áður. Enginn sam-
dráttur varð í umsvifum Sam-
bandsins þrátt fyrir að starfsfólki
hafl fækkað og launin lækkað.
Velta Sjávarafurðadeildarinnar
jókst um 134% á árinu. Deildin
flutti út fyrir 2.834.1 milj. kr. sem
var aukning um 136% frá árinu
1982.
Starfsfólk Sambandsins var 1785
talsins árið 1983 en hafðiverið 1827
árið 1982. Stöðugildi í árslok voru
ekki nema 1552 segir í ársskýrsl-
unni. Laun lækkuðu sem hlutfall af
veltu Sambandsins úr 18% í 16%.
Fjárfestingar Sambandsins á ár-
inu námu 175 miljónum króna,
þaraf í fasteignum fyrir 90 miijónir
króna.
í formála sínum að ársskýrslu
Sambandsins segir Erlendur Ein-
arsson forstjóri m.a.: „f umræðum
erum við gjörn á að einblína á
vandamálin í stað þess að horfa á
tækifærin sem blasa alls staðar við
og bíða starfssamra handa. Þá eru
flokkadrættir hér meiri en með
öðrum þjóðum og árátta að ásaka
aðra fyrir alla möguleika og
ómögulega hluti, eins og við sam-
vinnumenn höfum kátbroslega
orðið varir við á síðustu misser-
um“. —óg
—v—■—-----------
Herferð gegn
álveri við
Eyjafjörð:
Landbúnaði stafar
hætta af álverinu
segir m. a. í ályktun fundar í Freyvangi í fyrrakvöld
Fjölmennur fundur íbúa sveita
innan Akureyrar, sem haldinn
var íFreyv.v si í fyrrakvöld, mót-
mælir hr< j.ga öllum hugmynd-
um um á >ið Eyjafjörð. Var
boðað til íin : -irins af starfshópi
gegn álvtr cg er fundurinn í
Freyvangi sá fyrsti af þremur sem
haldnir vetða í sveitum Eyjafj-
arðar.
í ályktun fundarins segir m.a.
að enn á ný hafi komið fram hug-
myndir um að reisa álver við
Eyjafjörð sem sé eins og kunnugt
er eitt besta matvæla- og fóður-
framleiðsluhérað landsins. Það
sé viðurkennt að þrátt fyrir
fullkominn iTreinsibúnað muni
loft mengast af flúor og tilkoma
álvers því vega að öllum landbún-
aði héraðsins. Bendir fundurinn
þess í stað á ónýtta möguleika í
matvælaframleiðslu, fiskirækt,
lífefnaiðnaði og rafeindaiðnaði.
í greinargerð frá fundinum í
Freyvangi í fyrrakvöld segir að
eins og mál standi nú hafi íslend-
ingar ekki efni á að byggja orku-
ver fyrir eigið fé. Til þess þurfi
erlend Ián og um helmingur er-
lendra skulda þjóðarbúsins sé
vegna orkuframkvæmda. Til að
byggja eitt til viðbótar þurfi að
auka það hlutfall en reynslan sýni
að eigendur álvers telji sig aldrei
geta greitt kostnaðarverð fyrir
raforkuna. MiSmuninn hafi
landsmenn hingað til greitt.
Starfshópurinn gegn álveri hef-
ur samhliða fundaherferðinni
hrint af stað undirskriftasöfnun
álversandstæðinga og mun verða
reynt að ná til sem flestra Eyfirð-
inga þannig að vilji heimamanna
komi skýrt í ljós. í dreifiriti sem
nýlega var dreift um Eyjafjörð og
undirritað er af þeim Erlingi Sig-
urðarsyni, Tryggva Gíslasyni,
Brynjari Skarphéðinssyni og ,
Gunnhildi Bragadóttur, segir
m.a.:
„Svo sem ykkur er kunnugt
hafa nú um skeið verið miklar
umræður um álver í Eyjafirði og
Iiggja fyrir áætlanir um að
minnsta kosti 13&.000 tonna
verksmiðju við Dysnes í Arnar-
neshreppi. Að mestu eru þetta
endurnýjaðar áætlanir sem
kveðnar voru niður árið 1977“.
í loka dreifibréfsins segir:
„Bygging áivers við Eyjafjörð
er dýr fjárfesting, sem einungis
erlendir aðilar ráða við, veitir fá
atvinnutækifæri fyrir hverja
krónu, einhæfir atvinnulíf hér-
aðsins, getur mengað umhverfið
og dregið þrótt úr öðrum at-
vinnurekstri í héraðinu. Við
hvetjum ykkur til að kynna ykkur
hvað er að gerast í þessu máli.
Dæmið sjálf og segið óhrædd
ykkar álit“.
Næstu tveir fundir í fundaröð-
inni gegn áiveri við Eyjafjörð
hafa verið ákveðnir í Barnaskóla
Svalbarðsstrandar 19. júní kl.
21.00 og í Hlaðarbæ 20. júní á