Þjóðviljinn - 02.03.1985, Blaðsíða 16

MENNING
Á þriðjudaginn veröa af hent
við hátíðlega athöfn vestur í
Háskólabíói bókmenntaverð-
laun Norðurlandaráðs árið
1985. Sá sem þau hlýtur að
þessu sinni heitir Antti Tuuri
og er finnskur, fertugur að
aldriog lærðurverkfræðingur.
Verðlaunin fær hann fyrir bók-
ina Pohjanmaa sem á
sænsku útleggst Österbotten
og er nafn á héraði á vestur-
strönd Finnlands.
Tuuri er einmitt frá þessu hér-
aði, fæddur í bænum Kauhava
árið 1944. Faðir hans var verk-
fræðingur og Antti fetaði í fót-
spor hans. Að námi loknu var
hann framkvæmdastjóri bóka-
prentsmiðju, síðan sölustjóri
prentvélaverksmiðju, fram-
kvæmdastjóri veggfóðurfabrikku
og loks framkvæmdastjóri næst-
stærsta bókaforlags Finnlands.
Antti Tuuri kom hingað til lands í hópi norrænna rithöfunda fyrir réttu ári. Hér sést hann lengst til hægri á fundi í Norræna húsinu. (Mynd: -eik.)
Könnuður samtíðarinnar
Finnski ríthöfundurínn Anttí Tuurí tekur á þriðjudaginn'við bókmenntaverðlaunum Norðurlandardðs
Af því starfi lét hann árið 1982 til
að helga sig ritstörfum. Hann var
formaður finnska rithöfunda-
sambandsins árin 1980-82 og hef-
ur tvívegis hlotið bókmennta-
verðlaun finnska ríkisins.
Verðlaunabókin hefur enn
ekki komið út á öðru tungumáli
en finnsku. Úr því verður þó bætt
í þessum mánuði en þá kemur
hún út á sænsku. Og nú er verið
að þýða hana á íslensku. Setberg
hyggst gefa verðlaunabókina út á
hausti komanda.
Afkastamikill
Þýðandi bókarinnar er Njörð-
ur P. Njarðvík en honum og
Antti Tuuri hefur orðið vel til
vina. Við slógum á þráðinn til
Njarðar og báðum hann að segja
okkur eitthvað frá Antti Tuuri.
- Hann er afskaplega fjölhæfur
og afkastamikill höfundur. Hann
er fertugur og hefur lengst af unn-
ið fullt starf með skriftunum en
samt hefur hann gefið út um 20
verk, þ.á.m. 13 bækur, skáld-
sögur og smásögur. Hann hefur
einnig samið leikrit fyrir svið, út-
varp og sjónvarp, m.a. tvo eða
þrjá myndaflokka.
En þekktastur er hann sem
skáldsagna- og smásagnahöfund-
ur. í bókum sínum hefur hann
aðallega fengist við að kanna
samtíð sína. Hann lýsir fyrst og
fremst lífi millistéttarfólks en þó
eru persónur bóka hans breið
blanda úr þjóðfélaginu. Og þó
hann fáist mest við millistéttar-
fólk varpar hann alltaf á það ljósi
samfélagsins.
Verkfræðingum lýsir hann t.d.
í samskiptum þeirra við verka-
fólk og raunar í spegli alls þjóð-
félagsins.
Antti Tuuri er þekktur fyrir
málbeitingu sína, stíll hans er
mjög einfaldur, stuttar setningar,
svipað og í íslensku, en samt
mjög myndrænn og nákvæmur.
Hann hefur sjálfur sagt að hann
sé undir mestum áhrifum frá
rússneskum bókmenntum, eink-
um Tsékof, og íslenskum. Hann
er mikill aðdáandi íslensku forn-
sagnanna, ekki síst Laxdælu, og
Halldórs Laxness. Reyndar er
hann að læra íslensku um þessar
mundir.
Verðlaunabókin kom út árið
1982 og síðan hefur hann gefið út
bók sem nefnist Vetrarstríð og
fékk geysigóðar viðtökur í Finn-
landi þegar hún kom út í fyrra.
Og nú er hann að vinna að enn
einni skáldsögu. Á þessu sést enn
betur hve afkastamikill höfundur
Antti Tuuri er. Hann hefur hins
vegar lítið verið þýddar. Ég man
eftir einni bók á sænsku, An
strömmer genom staden heitir
hún. En eitthvað hefur verið þýtt
eftir hann á eistnesku og þýsku,
sagði Njörður.
Þess má geta að Antti Tuuri
dvelur hér á Islandi í nokkra daga
og kemur m.a. fram á bók-
menntakynningu sem haldin
verður honum til heiðurs í Nor-
ræna húsinu á mánudagskvöldið.
Þar mun Heimir Pálsson sem sæti
á í úthlutunarnefnd verð-
launanna fjalla um verk Tuuris
og höfundurinn les upp úr verk-
um sínum.
-ÞH

BQkamarkaour
Mals og Mennir^ar
Bókaveisla á
öllum hæðum
Islenskar og
erlendar bækur
• á gömlu veröi
• á tilboðsverði
• í tilboðspökkum
• með afborgunum
• með staðgreiðsluafslætti
Þrjú gramsborð
hlaðin bókum
á 25 krönur - 50 krónur
og 75 krónur
Bókaveisla f jölskyldunnar
ISókahúð
JVIÁLS &MENNINGAFL/
LAUGAVEG118-101 REYKJAVÍK SÍMAR: 24240 - 24242