Þjóðviljinn - 30.04.1985, Blaðsíða 3

í
FRÉTTIR
Áþessari samsettu mynd af Sigtúnsreitnum má sjáfyrir miðju grunn Verkfræðingahússins. Vinstra megin við hann er gert ráð fyrir tveimur byggingarlóðum| og hægra megin fyrir fjórum. Gatan sem
mótar fyrir milli grunnsins og Suðurlandsbrautar verður samkvæmt tillögunni framlengd í austur að Reykjavegi. Ljósm. Einar.
Sigtúnsreitur
Ný gata milli Sigtúns og Suðurlandsbrautar og sex lóðir til viðbótar við Verkfrœðingahúsið
Ibígerð er að reisa sex bygging-
ar auk Verkfræðingahússins á
græna reitnum milli Sigtúns og
Hótel Esju. I tillögunni, sem lögð
var fyrir umhverfísmálaráð á
miðvikudaginn var og skipulags-
nefnd í gær er gert ráð fyrir sér-
stakri tengibraut fyrir þessi hús
milli Reykjavegar og Kringlu-
mýrarbrautar með innkeyrslu frá
Suðurlandsbraut.
Samkvæmt tillögunni verður
svæðinu skipt í tvennt. Á norður-
hlutanum á horni Sigtúns og
Kringlumýrarbrautar er 12000
fermetra lóð Heilsuræktarinnar,
þá kemur lóð Blómavals sem hef-
ur verið stækkuð um 600 fer-
metra, og gert ráð fýrir yfir-
byggðu útiveitingasvæði og
blómasölu á torgi sunnan versl-
unarinnar. Tónlistarskóla er ætl-
uð rúmlega 7000 fermetra lóð
milli Blómavals og safns Ás-
mundar Sveinssonar en lóð
safnsins hefur verið stækkuð um
2700 fermetra.
Á suðurhluta svæðisins, næst
Suðurlandsbraut verða sam-
kvæmt tillögunni 6 byggingar auk
verkfræðingahússins, tvær fyrir
vestan það og fjórar fyrir austan.
Framan við þessi hús verður
tengibraut sem nær milli Reykja-
vegar og Kringlumýrarbrautar en
milli hennar og Suðurlands-
brautar er sýnd græn ræma, sem
mun hverfa undir nýja Suður-
landsbraut samkvæmt skipulagi.
Gert er ráð fyrir göngustígum
um svæðið þvert og endilangt.
Lóðir húsanna eiga að vera opnar
almenningi og er gert ráð fyrir því
að höggmyndum Ásmundar
Sveinssonar verði dreift um
svæðið allt.
-ÁI
Mjölnisholti
SHA, Kúbuvinir og El
Salvadornefndin flytja í
nýtt húsnœði
Fyrir skömmu fluttu Samtök
herstöðvaandstæðinga, EI Salva-
dornefndin og Vináttufélag ís-
lands og Kúbu í sameiginlegt
húsnæði að Mjölnisholti 14, 3ju
hæð. 1. maí geta meðlimir og
stuðningsmenn þessara samtaka
slegið tvær flugur í einu höggi:
skoðað nýja húsnæðið og fengið
sér kaffí, fyrir eða eftir göngu.
Herstöðvaandstæðingar ætla
að hella upp á könnuna klukkan
10.30 f.h. Þá geta menn rætt mál-
in og safnað kröftum fyrir göng-
una. E1 Salvadornefndin og VÍK
ætla svo að sjá um síðdegiskaffí
strax að loknum útifundum. Ein-
stætt tækifæri til að fræðast um
starfsemi þessara samtaka, hitta
baráttuglatt fólk og halda upp á
daginn í góðum félagsskap!
Húsið er á homi Mjölnisholts
og Brautarholts, gengið inn frá
Brautarholti.
Verðkynning
Mikill verðmunur á brauði
Dýrustu brauðvörurnar á höfuðborgarsvœðinu. Ódýrast á Austur-
landi. Allt að 97% verðmunur á smábrauði.
Mestur verðmunur á brauð-
vörum og kökum er á höfuð-
borgarsvæðinu samkvæmt nýj-
ustu verðkönnun Verðlagsstofn-
unar, en þar var verðmunur á
sneiddu og ósneiddu brauði um
50% og á smábrauði yfir 90%.
Til að fá fram raunhæfa verð-
miðun setti verðlagsstofnun sam-
an fjórar innkaupakörfur og allt
verð umreiknað í kg-verð. Ef litið
er til alls landsins var mesti mun-
ur á brauði 56%, 72% á kökum
og 97% á smábrauði. Samanlagt
meðalverð allra brauðtegunda
var ódyrast á Austfjörðum en
dýrast á Suðurlandi og á Suður-
nesjum. Það vekur athygli að á
mesta þéttbýlissvæðinu þar sem
samkeppni er sögð mjög hörð er
verðið einna hæst.- Ödýmstu
brauðvörumar á Reykjavíkur-
svæðinu er að fá hjá Bakaranum
Leirubakka en þær dýmstu hjá
Sveini bakara.
Verðlagsstofnun gerði svipaða
verðkönnun fyrir tveimur áram.
Athyglisvert að bakarí sem þá
vora einna dýrast eru nú mörg
hver orðin með þeim ódýrari eins
og t.d. Gamla bakaríið á ísafirði.
Sérstaklega var kannað verð
fyrir brauðskurð. Kom í ljós að
skurðurinn kostar frá 4 krónum
uppí 12 og era dæmi þess að
brauðskurðurinn kostar allt að
40% af söluverði hvers brauðs.
-lg-
Athugasemd
frá Anders
Hansen
I klausu hér í blaðinu á sunnu-
dag segir, að fulltrúi frá blaðinu
Byggingamaðurinn sem Fjölnir
gefur út, hafí farið fram á
greiðslu frá fyrirtæki fyrir viðtal
um það sama fyrirtæki í blaðinu.
Út af þessu hafði Anders
Hansen frá Fjölni samband við
Þjv. og sagði að þetta mundi á
„einhverskonar misskilningi“
byggt. Anders Hansen lýsti því
yfir að það væri ekki til siðs í sínu
fyrirtæki að taka greiðslur fyrir
viðtöl heldur væri efni og auglýs-
ingar aðskilið með fullnægjandi
hætti.
Miðnesheiði
Eignamámsfféttur vefengdur
Ijanúarlok síðastliðin féll dóm-
ur fyrir aukadómþingi Gull-
bringusýslu um rétt ríkisvaldsins
til eignarnáms á beitarréttindum
nokkurra jarða á Miðnesheiði í
námunda við Keflavíkurflugvöll.
Mál þetta var höfðað af land-
eigendum og kröfðust þeir ógild-
ingar eignarnáms sem utanríkis-
ráðuneytið hafði lýst á beitarrétt-
indum umræddra jarða 13. des-
ember 1982 með tilvísun í lög nr.
17 frá 1982 um loftferðir. Töldu
landeigendur að umrædd lög
gæfu ekki tilefni til eignarnámsins
án frekari rökstuðnings og að
ekki hafi verið gerð sú grein fyrir
almenningsþörf, sem ákveðið er á
um í stjórnarskránni við eignar-
nám.
Hinir stefndu í máli þessu,
utanríkisráðherra og fjármála-
ráðherra, sögðu fyrir réttinum að
það væri ráðherra að meta þörf
eignamáms, sem í þessu tilfelli
væri nauðsynlegt vegna reksturs
Keflavíkurflugvallar.
Niðurstaða dómsins var sú að
umrætt eignamám hafi verið lög-
mætt þar sem utanríkisráðherra
hafi sýnt nægilega fram á nauðsyn
eignamámsins. Það voru þeir
Garðar Gíslason borgardómari
og Valtýr Sigurðsson héraðsdóm-
ari sem mynduðu meirihluta
dómsins, en Már Pétursson með-
dómari skilaði séráliti, þar sem
hann heldur því fram að eignarn-
ámið eigi ekki að ná fram að
ganga utan núverandi girðingar
um Keflavíkurflugvöll, þar sem
ekki hafi verið færð rök fyrir því
að almenningsþörf krefðist slíks,
auk þess sem uppdrættir sýndu að
núverandi og fyrirhugaðar flug-
brautir á Vellinum séu innan um-
ræddrar girðingar og að hin um-
deildu svæði séu ekki nær núver-
andi eða fyrirhuguðum endum
flugbrauta en meginbyggðir
Keflavíkurog Njarðvíkur.
Einn landeigenda á Miðnes-
heiði sagði í samtali við blaðið að
það sætti furðu að dómurinn gæti
með tilvísun í loftferðalög réttlætt
eignamám á landi sem augsýni-
lega væri svo fjarri öllum
flugbrautum að útilokað sé að
það þjóni flugumferðaröryggi.
Nefndi hann sem dæmi, að ef
gengið væri með ströndinni suður
fyrir Stafnes og Básenda þá mætti
mönnum hervörður sem aftraði
frekari för. Land þetta væri hins
vegar fjarri brautarendum og
allri flugumferð, og upptaka þess
gæti því ekki stafað af flugöryggi.
Hér hlyti land að vera tekið
eignamámi vegna hernaðarlegra
þarfa, en heimildir til slíks væra
ekki fyrir hendi innan ramma
loftferðalaga. 6jg
Þrlðjudagur 30. apríl 1985 ÞJOÐVILJINN - SÍÐA 3