Þjóðviljinn - 30.04.1985, Blaðsíða 14

HEIMURINN
Hlutafjárútboð
Nýlega var stofnað í Hafnarfirði almenningshlutafé-
lagið Útgerðarfélag Hafnfirðinga h.f. Tilgangurfélags-
ins er að reka útgerð og fiskverkun í Hafnarfirði.
Félagið áformar að kaupa frystihús B.Ú.H. og togar-
ana Apríl og Maí, en hlutafélagið mun einungisyfirtaka
hluta af skuldum B.Ú.H.
Það er von þeirra, sem standa að stofnun Útgerðarfé-
lags Hafnfirðinga h/f, að félaginu takist að tryggja
arðbæran rekstur og atvinnuöryggi starfsmanna fyrir-
tækisins.
Almenn hlutafjársöfnun er nú hafin og stendur þessi
áfangi til 11. maí 1985. Þeir sem gerast hluthafar fyrir
1. júlí n.k., teljast stofnendur félagsins.
Þeim, sem áhuga hafa á að gerast hluthafar í félaginu,
er bent á að áskriftarlistar fyrir hlutafjárloforðum liggja
frammi á eftirtöldum stöðum í Hafnarfirði:
Bæjarskrifstofu Hafnarfjarðar, Strandgötu 6.
Skrifstofu B.Ú.H., Vesturgötu 11-13.
Sparisjóði Hafnarfjarðar, Strandgötu 8-10.
Iðnaðarbanka (slands h.f., Strandgötu 1,
Útvegsbanka íslands, Reykjavíkurvegi 60.
Samvinnubankanum, Strandgötu 31.
Nánari upplýsingar um hlutafjárútboð þetta veitir
Ólafur örn Ólafsson, bæjarskrifstofu, Strandgötu 4,
sími 53444.
Bráðabirgöastjórn
Útgerðarfélags Hafnfirðinga h.f.
Tilkynning til
skattgreiðenda
Dráttarvextir vegna vangreiddra þinggjalda verða
reiknaðir að kvöldi föstudagsins 3. maí n.k.
Vinsamfegast gerið skil fyrir þann tíma.
Fjármálaráðuneytið,
29. apríl 1985.
Veiðifélag Elliðavatns
Stangveiði á vatnasvæði Elliðavatns hefst 1. maí.
Veiðileyfi eru seld á Vatnsenda, Elliðavatni og Gunn-
arshólma. Á sömu stöðum geta unglingar (12-16 ára)
og ellilífeyrisþegar úr Reykjavík og Kópavogi fengið
afhent veiðileyfi án greiðslu.
Veiðifélag Elliðavatns.
Fangavarsla -
sumarvinna
Ráðgert er að ráða fólk til starfa við fangavörslu í
fangelsunum að Litla-Hrauni og í Reykjavík í um 3-4
mánuði frá 20. maí nk. vegna sumarleyfa.
Umsóknir um þessi störf skulu berast dómsmálaráðu-
neytinu, Arnarhvoli, fyrir 10. maí nk. og skulu umsækj-
endur gera grein fyrir menntun og fyrri störfum.
Dóms og kirkjumálaráöuneytið,
26. apríl 1985.
Frá menntamálaráðuneytinu
Lausar stöður
Við Verkmenntaskólann á Akureyri eru lausar til um-
sóknar kennarastöður í íslensku, erlendum tungumál-
um, stærðfræði, eðlisfræði, líffræði, sögu, viðskipta-
greinum, hjúkrunargreinum, faggreinum rafmagns-,
tré-, og málmiðna.
Umsóknir ásamt upplýsingum um menntun og fyrri
störrf sendist menntamálaráðuneytinu, Hverfisgötu 6,
fyrir 17. maí næstkomandi.
Menntamálaráðuneytið.
Um næstliðna helgi fóru
fram kosningar í Perú sem
urðu mikill ósigur fyrir
hægriöflin, þau öfl sem
hafa í reynd ráðið mestu um
stjórnmál í landinu, einnig á
þeim árum þegar herfor-
ingjar hafa haldið pólitísk-
um flokkum utan við stjórn-
sýslu.
Kosið var bæði til þings og for-
setaembættis og hlaut APRA,
„Byltingarsnnað amrískt alþýðu-
bandalag“ um helming atkvæða.
Sá flokkur, sem er orðinn nokk-
uð gamall í landinu, hefur nú lýst
sig sósíaldemókrataflokk, en hef-
ur verið einskonar sameiningar-
öfl fyrir miðjuföl og þá sem eru
nokkuð til vinstri við miðju. Hin
sameinaða vinstrifylking, IU
(Izquierda Unida) hlaut svo um
fjórðung atkvæða.
Úrslit virt
að þessu sinni
APRA er hreyfing sem stofnuð
var fyrir sextíu árum, en fær nú í
fyrsta sinn tækifæri til að taka
stjórnartauma sér í hönd án þess
að herinn eða borgaralegir flokk-
ar reyni beinlínis að koma í veg
fyrir það. Pað hefur tvisvar gerst
áður að APRA hefur unnið sigur
í kosningum, en í bæði skiptin
hefur herinn og íhaldsöflin komið
í veg fyrir að flokkurinn tæki við
stjórn.
Stuðningsmenn Alans Garcia og flokks hans, APRA, fagna sigri á götum Lima.
Vinstrísigur
í Pení
Hœgriöflinfengu háðulega útreið - Vandamálin hrikaleg
Nú bendir ekkert til þess að
reynt verði að koma í veg fyrir að
núverandi leiðtogi APRA, Alan
Garcia, 35 ára gamall lögfræðing-
ur, taki við forsetaembættinu af
Fernando Belaúnde Terry.
Ástæðan er sú að borgaraflokk-
arnir - og þar með fráfarandi
stjórnarflokkur AP (Accion Pop-
ular) hafa beðið hrikalegan
ósigur og herinn er ekki búinn að
jafna sig enn eftir þau innri átök
sem fylgdu valdaskeiði hans á ár-
unum 1868-1980.
Allt í hnút
Fréttaskýrendur ýmsir vara þó
við of mikilli bjartsýni á vinstri-
þróun í Perú. Þeir telja kosning-
arnar miklu frekar ósigur fyrir
hægriöflin en sigur fyrir vinstri-
menn. Fólk hafi refsað stjórn sem
síðan hún komst til valda árið
1980 hefur ekki tekist að leysa
eitt einasta af þeim vandamálum
sem að landinu steðja. Og ekki
heldur dregið úr nokkrum vanda.
Stjórnartíð Belaundes forseta
hefur einkum einkennst af þessu
hér:
* efnahagskreppan með at-
vinnuleysi og mikilli skulda-
söfnun hefur magnast
* skæruhernaður byltingarsinna
í hreyfingunni „Sendero Lumi-
noso“ hefur leitt til vaxandi
hefndaraðgerða og kúgunar af
hálfu stjórnvalda
* ekki hefur verið fylgt neinni
ákveðinni stefnu heldur stjórn-
að með bráðabirgðaráðstöfun-
um.
Vont versnaði
Niðurstaðan er sú að enginn
hefur haft hugmynd um það,
hvorki almenningur né heldur
innlendir og erlendir atvinnurek-
endur, hvernig menn ættu að
verjast áhrifum þeirrar kreppu
sem yfir landið gengur. Afleið-
ingarnar eru hinar herfilegustu.
Síðan 1980 hefur hundruðum fyr-
irtækja verið lokað og verkafólki
sagt upp í þúsundatali. Atvinnu-
leysið er 30-50% - kannski enn
meira. Skuldir við útlönd nema
13,5 miljörðum dollara. Pað er
að sönnu ekki met í þeirri skuld-
ugu álfu, Rómönsku Amríku, en
færri stoðir renna undir útflutn-
ing Perúmanna en ýmissa
grannþjóða og því er kannski enn
erfiðara fyrir þá að brölta upp úr
skuldafeninu.
Stjórn Belaúndes hefur ekki
tekið upp þá lýðræðislega stjórn-
arhætti, sem Perúmenn vonuðust
til að verða aðnjótandi eftir tólf
ára herforingjastjórn. Pess í stað
hefur kúgun magnast, ekki síst á
Indjánum þeim sem byggja há-
lendi landsins. Með tilvísan til
þess, að verið sé að berja á bylt-
ingarsinnuðum skæruliðum og
stuðningsmönnum þeirra, hafa
Indjánar orðið fyrir barðinu á
morðum, fjöldaaftökum og
mannránum, sem skrifast á
reikning dauðasveita þeirra sem í
raun eru ekki annað en her eða
lögregla í dularbúningi.
Fögur fyrirheit
Samkvæmt stjórnarskrá þarf
aðra umferð í forsetakosningun-
um en ekki er talinn vafi á að
Alan Garcia fari þar með sigur af
hólmi. í anda þess málflutnings
sem einkennir APRA, hefur
hann í kosningaslag sínum ráðist
bæði á heimsvaldasinna og
kommúnisma, hann hefur og gef-
ið almennt orðuð loforð um að
vernda hagsmuni þjóðarinnar,
byggja upp aftur landbúnaðinn í
fjallahéruðunum og kreppu-
hrjáðan iðnað í strandhéruðum,
einnig kveðst hann ætla að af-
hjúpa ljósfælið spil erlendra
auðhringa og banka í Perú.
Og víst er að margar vonir eru
tengdar hinum nýja forseta.
Jafnvíst og það, að hans bíður
erfitt verk. Hann neyðist til dæm-
is að semja við erlenda lánar-
drottna um hinar miklu skuldir
landsmanna - um leið og hann
þarf að koma til móts við ýmsar
frumþarfir landsmanna sjálfra.
Hér kann að vera um að ræða
verkefni sem reynist hinum nýja
forseta óleysanlegt. Önnur ríki
sem mikið skulda hafa í samning-
um við erlent peningavald orðið
að taka á sig niðurskurð ríkisút-
gjalda og annað það sem kemur
verst við þá sem fátækastir eru
fyrir. Og í Perú eru hinir verst
settu svo margir og hafa þegar
orðið fyrir svo mörgum skakka-
föllum að erfitt er að ætlast til
þess að þeir herði enn sína sultar-
ól.
Vinstrifylkingin hlaut nú
nokkru minna fylgi en 1980. Hún
er ekki talin til stórræða fallin
vegna þess, hve margklofin hún
er í flokka og hópa, sem eru ó-
sammála um margt.
APRA er stór hreyfing og hef-
ur fengið ótvírætt umboð til að
stjórna næstu fimm árin. En
vandamálin eru svo hrikaleg í
landinu, að engan mun undra,
þótt hreyfingin koðnaði niður
undan fargi. Og þá er samkvæmt
dapurlegri suður-amrískri hefð,
ekki langt í að hægriöflin beiti
fyrir sig hernum og taki enn á ný
úr sambandi þau lýðræðisrétt-
indi, sem nú hafa skilað af sér
nokkurri vinstrisveiflu í Perú.
ÁB endursagði.
18 SÍÐA - ÞJÓÐVILJINN Prlðjudagur 30. apríl 1985