Þjóðviljinn - 07.05.1985, Síða 2

FRÉTTIR
Útvarpslögin
Hriktir í samstarfinu
Stjórnarliðar enn á öndverðum meiði. Eru Framsóknarmenn að leita
leiða út úr stjórnarsamstarfinu?
Ingvar Gíslason forseti neðri
deildar Alþingis gerði í gær til-
raun til að láta afgreiða hið marg-
umrædda útvarpslagafrumvarp.
Ekki tókst að afgreiða málið
vegna beiðni formanns þing-
flokks Framsóknarmanna (Páls
Péturssonar sem var erlendis) um
að umræðu yrði ekki lokið.
Stjórnarflokkarnir eru sem
áður á öndverðum meiði. Sagði
Halldór Blöndal talsmaður Sjálf-
stæðisflokksins að þingmenn
fiokksins myndu greiða atkvæði
með breytingartillögu Friðriks
Sófussonar, varaformanns
flokksins, þess efnis, að auglýs-
ingar yrðu heimilaðar í nýjum
útvarps- og sjónvarpsstöðvum án
takmarkana.
Taldi Halldór þessa afstöðu til
marks um að Sjálfstæðismenn
vildu orðið frjálst. Sagðist hann
ekki vita annað en að samkomu-
lag væri um það milli stjórnar-
flokkanna að þingmennirnir
hefðu frjálsar hendur í málinu.
Hjörleifur Guttormsson taldi
vinnulag ríkisstjórnarinnar með
miklu eindæmum . Því hefði í
upphafi verið lýst yfir af hálfu
menntamálaráðherra, á sl.
hausti, að frumvarið yrði afgreitt
fyrir 1. nóvember 1984. Nú væri
frumvarpið komið á dagskrá að
nýju eftir langt hlé. Hann taldi
ekki líklegt að málið yrði afgreitt
á þessu þingi, til þess væri tíminn
allt of naumur. Spurði Hjörleifur
hvað þeir Framsóknarmenn
hyggðust fyrir, hvort þeir ætluðu
að láta Sjálfstæðisflokkinn
beygja sig.
Vitnaði Hjörleifur til orða
Sverris Hermannssonar iðnaðar-
ráðherra, sem látið hefði að því
liggja að kosningar yrðu seinni-
hluta október mánaðar í haust.
Hér væri kannski komin út-
gönguleið úr stjórnarsamstarf-
inu, fyrir Framsóknarmenn, þar
sem samstarfsflokkurinn ætlaði
sýnilega að halda málinu til
streitu.
Fleiri tóku til máls, m.a. Svav-
ar Gestsson sem bar fram þá ósk
fyrir hönd Alþýðubandalagsins
að málinu yrði frestað. Kristín
Kvaran og Ellert Schram töldu
hins vegar enga ástæðu til að bíða
með afgreiðslu. Sagði Kristín
meðal annars að ef frumvarpið
yrði ekki afgreitt væri það vegna
hótana Framsóknar um stjórn-
arslit, ef Sjálfstæðisflokkurinn
fengi vilja sínum framgengt. Um-
ræðunni var síðan frestað.
Reiknað er með að neðri deild
afgreiði málið frá sér mjög fljót-
lega, jafnvel í dag eða á morgun.
-hágé.
Krían er komin. Tvær létu til sín heyra og sjá í gær niðri á hólmanum á Tjörninni. E. Olason var á staðnum á réttu
augnabliki.
Við lýsum eftir uppfinninga-
manni sem getur búið til plast-
poka úr Vökustaurum.
Verkalýðsmálaráð AB
Baráttan
framundan
Áríðandi fundur verkalýðs-
málaráðs Alþýðubandalagsins.
Umræðuefni á fundi verkalýðs-
málaráðs, sem verður klukkan 10
n.k. laugardag að Hverfisgötu
105, verður:
Baráttan framundan:
Bjamfríður Leósdóttir for-
maður stjórnar flytur framsögu:
Störf stjórnar og staða kjara-
mála.
Þrjú framsöguerindi verða
flutt um viðhorf ASÍ, BSRB og
BHM til stöðunnar og baráttunn-
arframundan. Stuttar fyrirspurn-
ir milli erinda.
Eftir hádegi verða almennar
umræður um efnið: Kröfur og
leiðir verkalýðshreyfingarinnar í
baráttunni framundan.
Stjórn Verkalýðsmálaráðs AB.
Opið
Ahugamenn um úrbætur í
húsnæðismálum sendu í gær
miðstjórn ASÍ opið bréf. Fer það
hér á eftir:
í fjölmiðlum hafa nú verið
kynntar ákveðnar aðgerðir til
jöfnunar á greiðslubyrði af hús-
næðisstjórnarlánum. Um þær
mun hafa verið samið af fulltrú-
um ríkisvaldsins og ASÍ. Þótt for-
seti ASÍ hafi sagt í útvarpsviðtali
að þetta væri aðeins hluti þeirra
úrræða sem á dagskrá væru, má
ráða af umsögnum hlutaðeigandi
aðila að ríkisvaldið ætli ekki að
teygja sig lengra til lausnar á
vanda húsnæðiskaupenda.
Af þessu tilefni teljum við
nauðsynlegt að benda miðstjórn
ASÍ á eftirfarandi:
Nái greiðslujöfnunin aðeins til
húsnæðisstjórnarlána, verður
hún léttvæg fundin. Því aðeins
leysir slík- aðgerð einhvem
vanda, að um hana verði einnig
samið við lífeyrissjóði og ríkis-
bönkunum jafnframt gert skylt
að bjóða upp á sömu kjör.
Þegar fulltrúar ASl gengu til
samninga við ríkisvaldið um
lausn á húsnæðisvandanum,
hafði myndast fjöldahreyfing
sem hugðist knýja á um raun-
verulegar úrbætur í þessum mál-
um og bent á raunhæfar leiðir til
lausnar vandanum. Sú hreyfing
spratt upp vegna þess að fjöldi
heimila var að komast á vonarvöl
og eygði þarna möguleika á að
geta með samtökum rétt sinn
hlut. Þetta fólk er enn þá stað-
ráðið í því að rétta sinn hlut og
fagnar stuðningi allra þeirra sem
leggja vilja þessu máli lið, þar á
meðal að sjálfsögðu ASÍ. Það er
hins vegar augljóst að ríkisstjórn-
Húsnæðishópurinn
bréf til miðstjómar ASI
in greip samningsvilja ASÍ fegins
hendi vegna komandi kjarasamn-
inga.
Það sem út úr þessum samning-
um eða samráði hefur komið
virðist harla lítils virði. Forsætis-
ráðherra hafði viðurkennt, að
lántakendur hefðu verið látnir
sæta ósanngjörnum kjörum um
árabil, og lýst vilja sínum til að
leiðrétta það misrétti. Hér hefðu
þurft að koma til endurgreiðslur,
og, úr því að ASl hóf sammnga-
viðræður á annað borð, hefðu
þær átt að snúast um á hvern hátt
slíkri leiðréttingu yrði við komið.
í viðræðum okkar við
stjórnmálaflokkana og fulltrúa
ríkisstjórnarinnar hafði komið
fram almennur vilji til þess að
leysa þessi mál og m.a. að fara
inn á braut greiðslujöfnunar svo
um þá leið þurfti ekki að semja.
I viðræðum okkar við fulltrúa
ríkisstjórnarinnar hafði einnig
komið fram að skattalækkunar-
leið væri að þeirra mati vænleg
leið til þess að leiðrétta þær um-
framgreiðslur sem húsnæðis-
kaupendur hafa þurft að bera á
undanförnum árum. Við lýstum
eindregnum óskum um að þetta
kæmi til framkvæma þegar á
þessu ári, en svo virðist sem þessi
leið hafi verið sett til hliðar er líða
tók á samninga- eða samráðsvið-
ræður ríkisstjórnarinnar og ASI.
Þessi afgreiðsla er óþolandi.
Húsnæðiskaupendur sem sætt
hafa afarkjörum um nokkurra
ára skeið eiga rétt á tafarlausum
úrbótum. Þetta hafa stjórnmála-
menn úr öllum flokkum viður-
kennt. Þess vegna er óþolandi ef
af sjálfsögðum og réttlátum kröf-
um er slegið.
Áhugamenn um úrbætur
í húsnæðismálum.
K ASI
Svar við opnu bréfi
Vegna bréfs áhugamanna um
úrbætur í húsnæðismálum vilja
undirritaðir taka fram eftirfar-
andi:
1. I bréfi áhugamanna segir, að í
viðræðum þeirra við fulltrúa
stjórnmálaflokka og ríkis-
stjórnarinnar „... hafi komið
fram almennur vilji til þess að
leysa þessi mál... “ og er þar átt
við endurgreiðslur til hús-
byggjenda. Sé þetta rétt ber að
fagna því, en spyrja verður hjá
hverjum, hvar og hvenær vilji
stjórnvalda í þessu efni hefur
komið fram. I þeim viðræðum
sem við áttum við nefnd
stjórnvalda um þessi mál var
þessari leið alfarið hafnað.
2. Ljóster, aðmargtvaróljóstog
ófrágengið í þeim drögum að
frumvarp til greiðslujöfnunar,
sem fyrir lágu þegar fulltrúar
ASÍ hófu viðræður við nefnd
stjórnvalda um þau mál. Sú
niðurstaða sem fékkst í þessu
máli var ekki óskaniðurstaða,
en þó tvímælalaust mun hag-
stæðari húsbyggjendum í
greiðsluvandræðum en
upphaflegu drögin. Fram hef-
ur komið að ASÍ hefði fremur
kosið, að viðmiðun greiðslu-
jöfnunar væri taxtakaup en
ekki hvorttveggja taxtar og
tekjur. Fulltrúar ASÍ hafa líka
beint því til ríkisstjórnarinnar,
að hún hlutist til um að hlið-
stætt fyrirkomulag verði tekið
upp hjá ríkisbönkunum. Jafn-
framt er ljóst, að fulltrúar
verkalýðsfélaga í stjórnum líf-
eyrissjóða hafa fullan vilja til
þess, að á þeim vettvangi verði
samsvarandi fyrirkomulag
tekið upp.
3. Við hljótum að andmæla því
harðlega, að af réttlátum kröf-
um húsbyggjenda hafi á ein-
hvern hátt verið slegið í við-
ræðum ASf við nefnd
stjórnvalda. Það hefur skýrt
komið fram, að á þann áfanga'
sem nú hefur náðst verður að
líta sem skref til réttrar áttar,
en engan veginn að einhverj-
um markmiðum hafi verið
náð. Fulltrúar ASÍ hafa t.a.m.
lagt áherslu á að vextir á verð-
tryggðum lánum yrðu þegar í
stað lækkaðir. Tafarlaus lækk-
un vaxta á þessum lánum er
hvað brýnasta hagsmunamál
húsbyggjenda. Því miður
nefna 'áhugamennirnir þennan
þátt ekki í bréfi sínu, en mikil-
vægt er að þrýstingur í þessu
efni komi sem víðast að.
4. Af hendi ríkisstjórnarinnar
hefur því verið lýst afdráttar-
laust yfir, að skattaafsláttur til
húsbyggjenda komi ekki til
greina á árinu 1985. Þessu
hefðum við kosið að þoka
áleiðis, en til þess skortir vilja
stjórnvalda.
5. Af hálfu ASÍ hefur ítrekað
verið bent á, að tilfærslur til
húsbyggjenda sem nú eru í
vandræðum mega alls ekki
verða á kostnað þeirra sem nú
hyggja á framkvæmdir. Ekki
má rýra ráðstöfunarfé bygg-
ingarsjóðanna. Því er
nauðsynlegt að nú þegar verði
gerðar ráðstafanir til þess að
afla aukins fjár til húsnæðisl-
ánakerfisins.
6. Úrbætur í málefnum
húsbyggjenda eru knýjandi.
Húsnæðismál eru ekkert
einkamál eins eða neins. Al-
þýðusambandið hefði kosið,
að sem víðtækust samstaða
tækist um þessi mál og að allir
aðilar legðust á eitt um að
þrýsta á aðgerðir af hálfu ríkis-
stjórnar og löggjafarvalds um
úrbætur í þessum málaflokki.
Alþýðusambandið hlýtur að
treysta því, að áhugamenn um
úrbætur í húsnæðismálum
kjósi fremur að leggjast á eitt
með Alþýðusambandinu um
skjótar aðgerðir stjórnvalda,
fremur en/ að reyna að ala á
tortryggni með þeim hætti sem
gert er í bréfi þeirra.
Reykjavík 6. maí 1985.
Björn Björnsson.
Grétar Þorsteinsson.

2 SÍÐA - ÞJÓÐVILJINN Þrlðjudagur 7. maí 1985