Þjóðviljinn - 30.08.1985, Síða 7

Fellahellir
Unglingur utan úr geimnum á fyrsta vinnslustiginu. Axel starfsmaður aðstoðar
krakkana við undirbúninginn. Ljósm. Sig.
Birgir 14 ára.
Ég er líka úr Árbænum. Mér
finnst æðislega gaman að undir-
búa Rykk Rokkið. Ég kem oft
hingað í Fellahelli og þá aðallega
til að dansa og skemmta mér.
Ætli maður komi ekki svona 3-4
sinnum í viku.
-Afhverju ertu íklœddur svört-
um plastpoka? Er það nýjasta
tískan?
Nei, þetta er ekki nýjasta tísk-
an sem betur fer. Ég er bara að
vinna við að búa til geimungling
fyrir tónleikana.
Birgir 14 ára. Kem hingað til að
dansa. Ljósm. Sig.
Þorkell 15 ára.
Ég bý í Árbæ en ég kem samt
oft hingað í Fellahelli. Það er
skemmtilegra hér en í Árseli.
Núna er ég að vinna við að undir-
búa Rykk Rokkið, ég er að búa til
haus á geimungling sem mun
skreyta svæðið á tónleikunum.
Nei, ég er ekki í hljómsveit sjálf-
ur en þess vegna verður gaman að
koma á Rykk Rokk og heyra í
hljómsveitunum.
Þorkell 15 ára. Kem oft í Fellahelli.
Ljósm. Sig.
RYKKROKK
Rætt við Margréti Sverrisdóttur forstöðumann í
félagsmiðstöðinni Fellahelli um Rykk Rokk og krakkana í
Fellahelli
Margrét Sverrisdóttir forstöðumaður í félagsmiðstöðinni Fellahelli. Rykk Rokk
er fyrir alla þá sem hafa áhuga fyrir góðum rokktónleikum. Ljósm. Sig.
RykkRokk. Hvaðer
nú það? Eitthvað sem
unglingarnireru að
tala um. En hvað er
það?
Margrét Sverrisdóttir for-
stöðumaður í félagsmiðstöðinni
Fellahelli í Breiðholti: „Rykk
Rokk er nafn á útitónleikum sem
haldnir verða fyrir utan Fellahelli
næsta laugardag frá 6-11.
Tónleikar þessir eru okkar
framlag í tilefni af ári æskunnar.
Það átti að gera svo stóra hluti á
ári æskunnar en það brást. Allt
hefur verið svo hástemmt í sam-
bandi við þetta ár, umræður o. fl..
Svo við ætlum að „flippa“ svolítið
í sambandi við þessa tónleika.
Yfirskriftin er: Bjóðum ung-
menni utan úr geimnum velkom-
in. Þetta er mótvægi við allt þetta
hástemmda sem hefur einkennt
ár æskunnar.
- Hvað verður á dagskrá á
Rykk Rokkinu?
Sex hljómsveitir munu koma
fram, bæði þekktar og óþekktar.
Þær heita: Dinamite, Sweet Pain,
Falskir tónar, The Voice, Tic
Tac, Elly, úr Q4U og hennar lið.
Einnig munu Megas og Kukl
flytja atriði sitt Kuklan Kuklan.
Þetta verða almennilegir tónleik-
ar. Við verðum með góð tæki,
þ.e. söngkerfi o.fl. sem við feng-
um að láni hjá borginni. Svo *
verður sviðið mjög flott. Þegar
hljómsveitirnar eru að koma sér
fyrir verður sko aldeilis ekkert
stopp og leiðindi heldur mun
tjald falla fram yfir sviðið og þar
verða bíósýningar. Upp á þakinu
verða Gógó Píur með sýningu og
áhugamenn um bardagalist þurfa
ekki að fara vonsviknir heim, því
upp á þakinu verður iðkuð bar-
dagalist af miklum eldmóði.
- Hverjir sjá um framkvœmd-
irnar?
Sjón er framkvæmdastjóri
Rykk Rokksins en krakkarnir sjá
um allan undirbúninginn. Lík-
lega eru það um 100 manns sem
koma nálægt þessu. Sumir selja
pylsur, sumir smíða sviðspallinn,
þeir sem eru með rafmagnsdellu
sjá um „ljósashow" o.s.frv.
Geimunglingar
úr vírneti
- Er einhver ákveðinn tilgangur
með Rykk Rokkinu?
Já, þetta er bæði gagn og gam-
an. Við erum að gefa krökkunum
tækifæri til þess að gera eitthvað
sjálf. Bílskúrsgrúppur fá þarna
tækifæri til þess að koma fram á
stóru sviði fyrir framan margt
fólk. Unglingamenning fær að
njóta sín. Svo má ekki gleyma því
að krakkarnir vinna með þessu
skapandi starf. Við erum að gera
stóra hluti úr litlum efnum. Við
starfsmennirnir reynum að kenna
þeim að búa til ýmis konar hluti,
t.d. búa þau til geimunglinga úr
vímeti, hugmyndaflugið fær að
ráða. Þau læra heimikið á þessu,
vona ég alla vega. Ég held líka að
það sé gott að byrja vetrarstarfið
hér í Fellahelli hressilega. Með
þessum tónleikum vekjum við
vonandi áhuga enn fleiri unglinga
á þessari félagsmiðstöð.
- Fyrir hvaða aldurshóp er
Rykk Rokkið?
Þessir tónleikar eru fyrir alla
þá sem hafa áhuga á þessu fyrir-
bæri Rykk Rokk. Svo vil ég endi-
lega hvetja þá sem halda að ekk-
ert skemmtilegt gerist í
Breiðholtinu að skella sér á Rykk
Rokk og sjá að það er margt
spennandi að gerast.
Bárujárn og diskó
- Margrét ertu mjög ung í anda
fyrstþú kýst að vinna svona mikið
með unglingum?
Ja, ég myndi segja að ég væri
unglingaorkusuga. Mér finnst
unglingar svo orkumikið fólk,
þeim fylgir svo mikill lífskraftur.
Maður fær heilmikla orku frá
þeim í þessu starfi.
- Hvernig krakkar scekia Fella-
helli?
Allar týpur. Hér eru nokkrir
„heavy metal gæjar“, einnig „fínt
diskó lið“. Krakkarnir sem hing-
að koma eru frá allavega heimil-
um, efnuðum og illa stæðum.
Þetta eru allt ágætis krakkar.
Auðvitað höfum við líka erfiða
krakka en ef við gætum ekki stað-
ið undir því að taka á mót þeim
værum við dauð Félagsmiðstöð.
Þá værum við bara eins og hvert
annað íþróttafélag. Þeir krakkar
sem koma frá heimilum þar sem
eru erfiðar heimilisaðstæður eru
stundum erfiðari heldur en þeir
sem fá allt á silfurfati. En það er
oft þannig að erfiðari krakkarnir
eru litríkari persónur. Þeir eru
vanir að taka af skarið og kanna
heiminn upp á eigin spýtur, sagði
Margrét að lokum.
En hvað segja krakkarnir í
Fellahelli um Rykk Rokkið?
-«A
Þórdís Ása og Maríanna. Við emm alveg á fullu. Ljósm. Sig.
Þórdís Ása 14 ára og Maríanna næstum 13.
Við búum í Breiðholti og komum hingað allavega 3 sinnum í viku.
Þetta Rykk Rokk er sko eitthvað spennandi, það er ég alveg viss um
sagði Maríanna. En báðar voru þær sammála um að skemmtilegast við
Rykk Rokk væri að undirbúa það. Við erum alveg á fullu sögðu þessar
lífsglöðu yngismeyjar.
- Hvernig er að vera unglingur í Breiðholti í dag?
Ha, ha, ha, asnaleg spurning. Við höfum aldrei prófað að vera
unglingar annarsstaðar eða á öðrum tíma. Að lokum vildu þær endi-
lega taka það fram að skemmtilegustu hljómsveitirnar um þessar
mundir eru: Mannakorn, Grafík og Oxsmá.
Föstudagur 30. ágúst 1985 ÞJÓÐVILJINN — SÍÐA 7