Þjóðviljinn - 02.10.1985, Blaðsíða 16

Aðalsími: 81333. Kvöldsími: 81348. Helgarsími: 81663.
MðDVIUINN
Miðvikudagur 2. október 1985 226. tölublað 50. órgangur
Seltjarnarnes
Innbrot og íkveikja
Barnaheimilið Sólbrekka nœr eyðilagðist íbruna í gœrmorgun.
Helgi Daníelsson RLR: Talið að um íkveikju hafi verið að ræða. Edda Margrét
Jónsdóttir forstöðukona: Verðum í bráðabirgðahúsnœði þar til viðgerðum lýkur
Barnaheimilið Sóibrekka við
Suðurströnd á Seltjarnarnesi
brann nánast til kaldra kola
snemma í gærmorgun. Talið er
að um innbrot og íkveikju hafi
verið að ræða.
Tilkynning um eldsvoðann
barst um fimmleytið og var
slökkvilið þegar kvatt á staðinn.
Mikill eldur var þá kominn í hús-
ið, en tiltölulega skamman tíma
tók að ráða niðurlögum hans.
„Það er álitið að brotist hafi
verið inn um glugga á suðurhlið
hússins og innbrotsþjófarnir síð-
an kveikt í því. Þess má geta að
fyrir tæpri viku var brotist þarna
inn og þá var stolið þaðan 10 þús-
und krónum,“ sagði Helgi Daní-
elsson hjá Rannsóknarlögreglu
ríkisins í samtali við Þjóðviljann í
gær.
„Það fer ekkert á milli mála að
þarna er um íkveikju að ræða, og
það er alveg hryllilegt, að svona
nokkuð skuli gerast. Við höfum
ákveðið að flytja starfsemina til
bráðabirgða í félagsheimili og
leikskóladeildum verður komið
fyrir á gæsluvelli hér í bænum. En
það er vonast til að starfsemin
geti hafist að nýju að Sólbrekku
innan tveggja mánaða. Við höf-
um ákveðið að láta gera við húsið
og það verður líklega boðið út
fljótlega,“ sagði Sigurgeir Sig-
urðsson bæjarstjóri á Seltjarnar-
nesi í samtali við blaðið í gær.
„Við munum hefja störf aftur í
bráðabirgðahúsnæði á morgun,
en það verður mikið rót á börn-
unum og það mun ekki fara mikið
fyrir markvissu uppeldisstarfi
þennan tíma þar til við komumst
aftur í okkar gamla húsnæði. Það
eru tæplega hundrað börn sem
koma hingað yfir daginn,“ sagði
Edda Margrét Jónsdóttir for-
stöðukona Sólbrekku í gær.
Húsið sem brann er fjögurra
ára gamalt einingahús úr timbri.
Verðmæti þess með innbúi, sem
eyðilagðist í brunanum, er metið
á um 12 miljónir króna. gg
Kosið á
landsfund
í kvöld, miðvikudag, kl. 20.30
verður framhaldsaðalfundur Al-
þýðubandalagsins í Reykjavík
haldin að Hverfisgötu 105. Auk
lagabreytinga og annarra aðal-
fundarstarfa verða þar kjörnir
fulltrúar á landsfund flokksins í
nóvember og umræður um hugs-
anlegt vinstra samstarf í átökun-
um sem framundan eru.
Mikill eldur var kominn í húsið þegar slökkviliðsmenn komu á vettvang. Slökkvistartið gekk með ágætum. Ljósm. E.ÓI.
Sóttvarnalög
Kanakjöti brennt
Sögulegur viðburður í samskiptum Islendinga og hersins
' jötið sem kom með Reykja- ég geri ráð fyrir að því verði
l fossi er enn í okkar vörslu, en brennt, sagði Kristinn Ólafsson
Ríkisstjórnin
Tvær nýjar stofnanir
Framkvæmdastofnun var
formlega lögð niður í fyrradag
og í gær tóku til starfa Byggðast-
ofnun og Framkvæmdasjóður,
sem koma í stað Framkvæmdast-
ofnunar og taka við hlutverki
hennar.
Starfsmenn hinna nýju stofn-
ana eru heldur færri en voru í
Framkvæmdastofnun og 9 starfs-
menn þeirrar gömlu voru ekki
endurráðnir í þær nýju. Yfir-
mönnum hefur þó ekki fækkað.
en nokkrar tilfærslur hafa orðið á
embættum og nú eru menn titlað-
ir með öðrum hætti en áður. í
Framkvæmdastofnun voru tveir
forstjórar, þeir Gunnlaugur Sig-
mundsson og Kristinn Ziemsen,
og þrír framkvæmdastjórar. For-
stjóri Byggðastofnunar heitir nú
Guðmundur Malmquist og er
hann einn um þann titil eftir
breytingu. En aðstoðarforstjóri
er Bjarni Einarsson og fulltrúi
forstjóra heitir eitt embættið sem
Benedikt Bogason gegnir. Fram-
kvæmdasjóður hinn nýi hefur
engan forstjóra, en Guðmundur
Ólafsson er forstöðumaður hans.
Þá er ótalinn væntanlegur for-
stjóri Þróunarfélagsins sem enn
hefur ekki verið komið á fót. Það
á að vera hlutafélag og mun ríkið
eiga þar rúmlega helming. Fram-
kvæmdastofnun hefur sumsé ver-
ið skipt upp í þrennt; Byggða-
stofnun, Framkvæmdasjóð og
Þróunarfélag. gg.
tollgæslustjóri í samtali við Þjóð-
viljann í gaer.
Kjötið sem Kristinn talar um
kom með Reykjafossi til Reykja-
víkur 11. september sl. og mun
vera ættað úr Danaveldi og ætlað
bandaríska hernum. Að sögn
Kristins eru þetta um 280 kfló af
alls kyns unninni munaðarkjöt-
vöru, pylsur og því um líkt.
Tollgæslan lagði hald á kjötið
þegar það kom til landsins og er
það í fyrsta sinn sem íslendingar
taka kjötvöru hermannanna á
vellinum í sína vörslu. Eins og
áður hefur komið fram í Þjóðvilj-
anum hefur tollgæslan fyrirmæli
um það frá fjármálaráðherra að
leggja hald á alla kjötvöru sem
kemur hingað til lands og er ætl-
uð hernum.
gg
Securitas
passar
borgarstofnanir
í gær var undirritaður samn-
ingur milli Reykjavíkurborgar og
Securitas um vörslu á 48 skólum,
dagvistarstofnunum, sund-
laugum og félagsheimilum í borg-
inni. Samningurinn gildir frá 1.
október til 1. júní 1986 og kostar
borgina 2 miljónir og 240 þúsund
krónur. Securitas hefur annast
þessa vörslu í tilraunskyni frá því
1. mars á þessu ári og þykir hún
hafa borið mikinn árangur. Tala
menn jafnvel um algjör umskipti
því innbrot í þessar borgarstofn-
anir hafa engin verið á þessum
tíma en voru áður 4-5 á ári og tjón
mikið. í þessum borgarstofnun-
um hefur engin næturvarsla ver-
ið, þannig að engum næturvörð-
um verður sagt upp vegna
samningsins.
Aldraðir
í Versló?
Verslunarskóli íslands hefur
boðið Reykjavíkurborg hús-
eignir sínar við Grundarstíg og
Þingholtsstræti til kaups en Guð-
rún Jónsdóttir arkitekt, sem nú
vinnur að endurskoðun skipulags
í Þingholtunum hefur varpað
fram þeirri hugmynd að þær gætu
hýst íbúðir og dvalarheimili fyrir
aldraða. Var tilboði Verslunar-
skólans vísað til nefndar sem ann-
ast framkvæmd bygginga í þágu
aldraðra.
Ragnheiður
ráðin
Ragnheiður Helga Þórarins-
dóttir var í gær ráðin borgarminj-
avörður í Reykjavík með 4 sam-
hljóða atkvæðum Sjálfstæðis-
manna og fulltrúa Framsóknar-
flokksins. Áheyrnarfulltrúi Al-
þýðuflokksins í borgarráði lýsti
stuðningi við Ragnheiði, en full-
trúar Alþýðubandalags og
Kvennaframboðs sátu hjá og vís-
uðu í tillögur sinna flokksmanna í
umhverfismálaráði, annars vegar
um Gunnlaug Haraldsson og hins
vegar um Guðnýju Gerði Gunn-
arsdóttur.
Nýtt tæki til
æðarannsókna
Borgarspítalinn hefur fengið
grænt ljós hjá borginni og fjár-
veitingavaldi ríkisins til að kaupa
nýtt æðarannsóknatæki sem kost-
ar 12,4 miljónir í innkaupi. Spíta-
linn er nú að endurnýja allan
búnað á 18 ára gamalli æðarann-
sóknastofu sinni og er nýja tækið
ætlað til almennra æðarannsókna
og rannsókna á æðum í heila, auk
mænugangarannsókna. Þá eru
möguleikar á að kaupa viðbóta-
rbúnað til hjartarannsókna ef
þær yrðu teknar upp á Borgar-
spítala. Á fjárlögum í ár eru 8,8
miljónir til þessa verks og hefur
heilbrigðisráðuneytið ábyrgst af-
ganginn á næsta ári.
ðldungadeild
í Iðnskólann
Menntamálaráðuneytið hefur
fyrir sitt leyti samþykkt að heirn-
ila stofnun öldungadeildar við
Iðnskólann í Reykjavík þar sem
hægt yrði að leggja stund á ýmsar
greinar bókagerðar. Borgarráð
fjallaði um þetta á fundi sínum í
gær og var ákveðið að bíða með
afgreiðslu þar til við gerð fjár-
hagsáætlunar fyrir næsta ár.