Þjóðviljinn - 27.10.1985, Blaðsíða 9

Hversýning eins
og hreingerning
rœtt við Björgu Porsteinsóóttur, myndlistarmann
sem var að opna sýningu \ Gallerí Borg
Björg Þorsteinsdóttir mynd-
listarmaður opnaði í vikunni 9.
einkasýningu sína í Gallerí
Borg með 30 krítarmyndum.
Björg hefurtekið þátt ífjölda
samsýninga hér heima og er-
lendis og fengið viðurkenn-
ingu fyrir list sína á íslandi,
Frakklandi og á Spáni. Verk
hennar eru í opinberri eigu
víða um heim. Að þessu sinni
sýnirBjörg myndirunnars.l.
sumar með svartkrít og litkrít.
Þegar blaðamaður heimsótti
Björgu á vinnustofuna við
Laugaveginn í vikunni gat að líta
stórar og glaðlegar myndir, sem
voru á leiðinni niður í Gallerí
Borg, þar sem þær verða komnar
upp á veggi þegar þetta birtist.
„Litkrítin er ný aðferð fyrir
mig, en svartkrítina hef ég haldið
mikið upp á allt frá því ég var í
námi. Þessi sýning er að ýmsu
leyti ólík fyrri sýningum, en þó
finn ég ákveðinn skylduleika við
pappírsverkin sem voru á sýning-
unni á Kjarvalsstöðum. Maður
tjáir sig á mismunandi hátt með
mismunandi efni.“
Krystallar
og drekar
„Eru ákveðin mótíf að baki
myndum þínum?“
„Það er alltaf ákveðin hug-
mynd eða kveikja að baki, þótt
útkoman virðist vera abstrakt og
erfitt að greina kveikjuna þegar
verkið er fullunnið. En grunn-
hugmynd verður að vera fyrir
hendi til þess að hægt sé að þróa
verkið. Eg vann lengi með krys-
talla í ýmsum myndum, en nú eru
það drekarnir, - flugdrekarnir -
sem hafa verið myndefni mitt.
Formið, hreyfingin, litirnir eru
ótæmandi uppspretta.“
„Hvað með nátturuna, - hefur
hún ekki veitt þér innblástur?“
„Jú, birtan og náttúran er eitt
þýðingamesta forðabúr mynd-
listarmannsins. Hins vegar sæki
ég ekki mikið í jarðlitina. Er-
lendis heyri ég þó oft að litasam-
setning mín sé mjög íslensk. Ég
nota sterka og tæra liti og ákveðin
litasamsetning kemur fram aftur
og aftur í verkum mínum. Ég
held að sérhver einstaklingur hafi
meðfæddan litaskala, sem hann
sækir aftur og aftur í hvort sem
honum er það ljúft eða leitt.
Þennan litaskala er hægt að
þroska og rækta á sama hátt og
aðra eiginleika.“
Samsvörun
og sjólfstœði
„Ertu með margar myndir
undir í einu, þegar þú ert að
vinna?“
„Stundum. Ég legg myndir oft
til hliðar og tek þær svo aftur
fram eftir nokkurn tíma. Þá bæti
ég kannski við þær. Stundum
eyðileggur maður myndir með
því að hætta ekki við þær á réttu
augnabliki.“
„Hvað gerirðu þá, - byrjarðu
aftur á sömu myndinni?“
„Þegar ég vinn með krít og
pappír, geri ég það sjaldnast.
Mynd verður aldrei alveg eins
tvisvar - þetta er allt einhver þró-
un. Ég finn ákveðna samsvörun í
þeim myndum sem ég vinn á
hverjum tíma, en um leið er hver
og ein sjálfstæð, hefur eigið líf og
lögmál.“
Vinnustofa Bjargar er mjög
rúmgóð og birta á báða vegu, en
af Laugaveginum heyrist umferð-
argnýr og bílflaut. Ég spyr hvort
það sé ekki truflandi að vinna við
hávaðann.
„Ég er farin að venjast þessu. í
rauninni er ágætt að finna fyrir
iðandi mannlífi í kringum sig,
þegar maður er einn að vinna.
Það er verst um helgar þegar mik-
ill hávaði er í skellinöðrunum.“
„Er ekkert einmanalegt að hafa
enga samstarfsmenn, - mála einn
ailan daginn?“
„Jú, en maður verður að vera
einn við slíka vinnu. Auðvitað
hefur maður alltaf einhvern sam-
starfsmann en þörfin fyrir að vera
einn er þýðingarmeiri í þessari
vinnu en þörfin fyrir félagsskap."
Happdrœtti
„Hvernig er að iifa af myndlist
á Islandi?"
„Ég get aðeins talað fyrir sjálfa
mig. Ég hef undanfarin ár haft
aðra vinnu með myndlistinni
þangað til í fyrra. Ég sá um Lista-
safn Ásgríms Jónssonar, en fékk
launalaust ársleyfi og mér hefur
gengið allvel að lifa af myndlist-
inni þetta ár. Ég ætla því að reyna
það annað ár til viðbótar. Það er í
rauninni munaður að stunda
myndlist á fslandi og algjört
happdrætti. Það er ekki nóg að
mála, maður verður líka að selja.
Efniskostnaðurinn er svo mikill;
miklu meiri en fólk almennt gerir
sér ljóst. Og þegar að kreppir í
þjóðfélaginu, er hætt við að al-
menningur neiti sér um „munað“
eins og myndverk.“
„Er ekkert erfitt að skipuleggja
tímann þegar maður er sjálfs sín
herra og enginn til að reka á
eftir?“
„Það gefur manni aðhald að
hafa sýningu að stefna að. Hver
sýning er nýtt skref, maður rær á
ný mið og það fylgir ákveðin
spenna hverri nýrri sýningu.
Maður fær svörun og viðbrögð
við verkefni sem maður hefur
verið meira eða minna enn að
glíma við og skoða.“
„Skipta viðbrögð við sýningum
þínum þig miklu máli?“
„Bæði og. Maður hefur sína
eigin dómgreind og hún verður
að vera leiðarljósið. En auðvitað
á maður vini sem maður tekur
mark á. Mínir bestu gagnrýnend-
ur eru oft myndlistamenn, sem
koma til mín á vinnustofuna og
segja mér hvað þeim finnst. Mér
finnst líka gaman að fá viðbrögð
fólks sem kemur „af götunni" inn
á sýningu hjá mér. En það breytir
ekki mínu eigin mati. Heldur
ekki gagnrýnendur. Það fer ekki
hjá því að skoðanir þeirra vega
þungt í litlu samfélagi eins og hér.
Huglægt mat segir oftast mest um
þann sem setur það fram og það
er erfitt að segja hvort það er
rangt eða rétt.“
Sama menntun
og markmið
„Finnst þér myndlistargagn-
„Gagnrýnendur fjalla á annan hátt um verk kvenna en karla,“ segir Björg
Þorsteinsdóttir.
rýnendur fjalla öðru vísi um verk
kvenna en karla?“
„Já, ég er ekki frá því. Það er
einkennilegt því sjálf hef ég ekki
fundið þennan mun á kynjunum.
Við setjum okkur sömu markmið
sem listamenn og göngum í sömu
skólana.
Konum hefur fjölgað mikið á
sviði myndlistar eins og sást best
t.d. á sýningunni á Kjarvalsstöð-
um. Konur eru ólíkar innbyrðis
og tjá sig á mjög mismundandi
hátt rétt eins og karlmenn.
Fólk túlkar sína eigin mann-
gerð, sinn eigin persónuleika í
myndlist og það eru gæðin sem
skipta máli, ekki kynið. Við vilj-
um láta fjalla um okkur sem ein-
staklinga, en ekki sem hóp. Okk-
ur konum í myndlist finnst gagn-
rýnendur hafa meiri tilhneigingu
til að blása upp stóra listamenn úr
röðum karla. Ég veit ekki hvort
það er vegna þess að flestir mynd-
listargagnrýnendur eru karl-
menn.“
„Og að lokum, nú þegar þú ert
búin að opna þessa sýningu, byrj-
ar þú þá á einhverju enn nýju?“
„Það er ekki gott að segja.
Hver sýning er eins og hreingern-
ing; maður skoðar hvar maður
stendur, gerir hreint fyrir sínum
dyrum. Endurmetur sjálfan sig
og verkin í nálægð gesta og gang-
andi. Maður lærir mikið af að
sýna og sjá verkin saman á einum
stað. Eg hef aldrei sýnt í Gallerí
Borg áður, en mér finnst galleríið
hæfilega stórt fyrir þessi verk, og
mjög vel í sveit sett.
Það fer mikil orka í hverja sýn-
ingu og oftast verður dálítið
spennufall hjá manni fyrst á eftir.
En ég hlakka til að takast á við ný
verkefni þegar þessi sýning er á
enda.“
Og við þökkum Björgu fyrir
kaffisopann og spjallið og bíðum
eftir að sjá verk hennar uppá
vegg við Austurvöllinn. Sýningin
í Gallerí Borg var opnuð s.l.
fimmtudag, en hún verður opin
virka daga frá 12.00 til 18.00 og
frá 14.00 til 18.00 um helgar fram
til 5 nóvember. ÞS
ÞJOÐVILJINN - SÍÐA 9
GM
□PEL
n
ISUZU
VETRARSKOÐUN -1985
Gildistími 10. okt. - 1. des.
1. Mótorþvottur 2. Viftureim athuguð 3. Hleðsla og rafgeymir
mæld 4. Rafgeymasambönd hreinsuð 5. Skipt um kerti 6. Skipt
um platínur 7. Loftsía athuguð 8. Skipt um bensínsíu 9. Mótor-
stilling 10. Kælikerfi athugaðH. Frostþol mælt12.Ljós yfirfarin
og stillt 13. Rúðuþurrkur athugaðar- settur á frostvari
14. Hemlar reyndir 15. Bifreið smurð og skipt um olíu á vél.
VERÐ: (m/söluskatti)
4 cyl. kr. 2.598,-
6 cyl. kr. 3.352,-
8 cyl. kr. 3.882,-
INNIFALIÐ I VERÐI:
Vinna
Kerti
Platínur
Bensínsía
Frostvari fyrir rúðusprautu
Bifreið smurð og olía á vél
BiLVANGUR st=
HÖFÐABAKKA 9 SÍMI 687300