Þjóðviljinn - 21.12.1985, Blaðsíða 12

Atli Heimur Sveinsson: svo vantaöi eitthvað nýtt til aö fara meö til Japan...
Hamrahlíðarkórinn
syngur Atla Heimi
Þriöja hljómplata Hamrahlíöar-
kórsins undirstjórn Þorgeröar
Ingólfsdóttur er komin út. Á henni
syngur kórinn eingöngu verk eftir
Atla Heimi Sveinsson. Platan
nefnist Haustmyndir.
Hamrahlíðarkórinn var stofn-
aður 1967 og hefur getið sér
mikið orð heima fyrir og á tón-
leikaferðum um heiminn fyrir
vandaða og fjölbreytta söngskrá.
Kórinn hefur áður gefið út plöt-
una Ljós og hljóma með helgi-
söngvum og Old hraðans sem á
eru mörg dæmi um íslenska
kórmúsík.
Mörg tónskáld hafa samið fyrir
Hamrahlíðarkórinn sérstaklega
og eitt þeirra er Atli Heimir.
Á þeirri plötu sem nú kemur út
eru fjögur verk. Haustmyndir eru
samdar við ljóðaflokk Snorra
skálds Hjartarsonar. Ég reyndi
að ná því, segir Atli Heimir,
hvernig hver hending þessara
tímalausu ljóðabarísér bergmál,
minnti á málverk. Hann bætir því
við að verkið hafi meðfram verið
hugsað sem brúðkaupsgjöf til
Þorgerðar og Knúts skálds Öde-
gárd.
Dansar dýrðarinnar eru
samdir fyrir kórinn og gít-
arsnillinginn Pétur Jónasson, en
Pétur leikur einnig í öðru verki á
plötunni, Japönskum Ijóðum.
Það verk er gert við ljóðaþýðing-
ar Helga Hálfdánarsonar. Atli
Heimir samdi það verk fyrir kór-
inn þegar hann bjó sig til Jap-
ansferðar, og það er haft eftir
Þorgerði söngstjóra, að Japanir
hafi kunnað vel að meta lögin og
jafnvel haldið að Atli Heimir hafi
dvalið í Japan.
Þá er á plötunni Haustljóð til
Maríu, sem samið er við ljóð eftir
próf. Einar Ólaf Sveinsson:
„Máría ljáðu mér möttul þinn“.
Þetta er, segir Atli, fagur vitnis-
burður um mikinn lærdómsmann
og skáld, vísurnar eru afrakstur
mikillar þekkingar á miðalda-
bókmenntum okkar og trú-
arljóðum - á innileika þeirra
ljóða og einfaldleika.
Verkin eru öll samin á síð-
astliðnum þrem árum.
- áb.
DÆGURMAL
Safn-
plöturnar
gleðja
(l)andann
Ragga Gísla slaer í gegn með Fegurðardrottningunni; góður söngur í góöu lagi,
en myndina tók Ari.
Það er óþarfi að tíunda hvaða
plötur „stela senunni“ á dægur-
tónlistarsviðinu um þessar mund-
ir og ganga best í landann; bless-
aðar safnplöturnar. Undirrituð
getur því miður ekki talist til
meirihlutans í þessum efnum þótt
ein, eða öllu heldur eitt lag á
slíkri skífu, hafi glatt hana um-
fram aðrar í öllu flóðinu; lag
Ragnhildur Gísla Fegurðar-
drottning kemur hér í fyrsta sinn
út á plötu. Dúndur nefnist sú og
hefur að geyma auk Fegurðar-
drottningarinnar 14 „smelli",
misvæna vitaskuld; bestir, auk
fyrrnefnds lags, Alive and kick-
ing með Simple Minds, When
love breaks down með Prefab
Sprout, Uncle Sam þeirra Mad-
nessdrengja og Don’t break my
heart með UB40. Þá má nefna að
annar íslenskur aðili á áður óút-
gefið lag á Dúndri, það er hljóm-
sveitin Bogart og ágætt lag þeirra
Sjá og sigra.
Perlur er einnig 14 laga safn-
plata gefin út af SPORI og/eða
Steinari einsog ofannefnt Dúnd-
ur og þær fjórar sem nefndar
skulu næst héreftir. En á Perlum
finnst mér gamla lagið hans
Sonnys Bono, I got you babe, í
flutningi UB40 og Chrissiar
Hynde huggulegast.
Ballöður, endurfundir tvö, er
eitt stýkki rólegheita plata með
gömlum og nýjum „ballöðum".
Margt ágætt hér þótt sumt mætti
gjarna missa sín. Bestu lög: Smo-
oth operator/ Sade, That old de-
vil called love/ Alison Moyet,
alltaf gaman að lagi Jóhanns G.
Don’t try to fool me, lag Friðriks
úr Mezzó er ljúft og svo syngur
Ellen Kristjáns ágætt lag nýtt af
nálinni, í felum.
Eigulegasta safnplatan að
þessu sinni er alíslensk, reyndar
tvær í albúmi með 28 lögum vin-
sælum síðustu tíu árin og nefnist
Með Lögum skal land byggja. í
lagabálknum má m.a. finná löger
varða Grýlurnar, Bubba Mort-
hens, Stuðmenn, Ljósin í bæn-
um, Þokkabót, Diabolus in mus-
ica, Spilverkið, Egó og Utan-
garðsmenn, Ladda og Bjögga
o.fl.ofl.. Sumsé hið vænsta safn
og útgáfa þess vel til fundin hjá
Steinari h/f.
Funkin Marvellous er níu laga
fönkplata, þ.e. ef fyrsta „lagið“
getur kallast lag, þar er nefnilega
um að ræða samansafn ágætra
laga í einni runu og er útsetning í
höndum Geoffs Calver, sem
reyndar kemur hvað mest við
sögu í útsetningum hér á plötu,
einnig Chris Cameron og þá
Mezzoforte. Mezzó á tvö heil lög,
Garðveislu þeirra er að finna í
áðurnefndri lagarunu, síðan This
is the Night og Blue Ice. Jack
Magnet alias Jakob Magnússon á
eitt lag hér, Morning Chess, sem
undirritaðri finnst besta lag
plötunnar, þótt ekki sé það
splunkunýtt, grípandi melódía.
Chris Cameron syngur sín tvö lög
sjálfur og meiraðsegja Shady
Ówens kemst að til að kyrja Get
right next to you.
Aðdáendur Mezzoforte fara
ekki í jólaköttinn í ár; saga þeirra
pilta í músíkformi er nú fáanleg,
ellefu bestu lög þeirra hér á The
saga so far ætti að ylja einhverj-
um. Greinilegt að Steinar gerir
vel við sína menn.
Skífan sendir frá sér safnplöt-
una 14 faðmlög, og ótrúlegt en
satt gengur væmnin ekki fram af
manni; lög eins og What a wond-
erful world með Louis Arms-
trong, My cherie amour með Ste-
vie Wonder, Love me tender
með Elvis Presley og reyndar
fleiri sjá fyrir því. Ágætlega lukk-
uð og heildarsvipur laglegur.
Einsog skepnan deyr er plata
sem kemur einsog þruma úr heið-
skíru lofti í ár, en hún ku standa í
sambandi við kvikmynd Hilmars
(fyrrum Melchiorsmann) Odds-
sonar Eins og skepnan deyr. Ekk-
ert slúður um þessa plötu hafði
borist oss til eyrna áður en hún
kom út og kemur því skemmti-
lega á óvart. Á henni er m.a. að
finna lagið sem Bubbi syngur svo
ágætlega og heyrist oftlega í loft-
inu um þessar mundir, Allur
lurkum laminn. Öll lögin á plöt-
unni eru eftir Hilmar og eru flest
bara skrambi góð. Edda
Heiðrún, Jóhann Sigurðarson og
Karl Roth syngja og hér og gera
það bara vel.
Smartband er fyndið tiltæki
þeirra Kjartans Ólafssonar sem
nú nemur tónsmíðar í Hollandi
og Péturs Grétarssonar tromm-
ara sem nýkominn er frá námi í
Bandaríkjunum. Texti við eitt
laganna er lunkin smíð Illuga
nokkurs Jökulssonar. Ég vil vera
bláu augun þín, og mætti gjarna
heyrast meira á Rás 2, sungið af
Magnúsi Ragnarssyni leikara.
Friðarjól er heiti á nýútkom-
inni jólaplötu feðganna Pálma
Gunnarssonar og Sigurðar Helga
Pálmasonar og syngja þeir ýmist
saman eða einir sér sígild jólalög,
utan eitt sem er nýtt eftir Magnús
Eiríksson, Gleði- og friðarjól.
Meðleikarar Pálma sem spilar á
bassa eru þeir Mezzofortepiltar
Eyþór, Friðrik og Gunnlaugur,
Gunni Þórðar á gítar, Óli Flosa á
óbó, Martial Nardeau á flautu og
Magnús Kjartansson á hljóm-
borð og útsetur hann jafnframt
öll lögin. Þá kemur einnig til sög-
unnar sönghópur frá Langholts-
kirkjukórnum og ljær plötunni
eilítinn helgiblæ en hann er ann-
ars ekki svo auðfundinn í sumum
laganna. T.d. finnst mér hljóð-
gerflalætin í laginu Jólanótt helsti
ósmekkleg. Heyrist mérekki bet-
ur en hér sé komin bein en verri
stæling á Boney M útgáfunni á
þessu lagi.
Samsöngur þeirra feðga er
ágætur, skemmta sér greinilega
ágætlega saman. En það er ekki
nóg. Það þarf meira til að gera
góða jólaplötu. Bestu lögin tví-
mælalaust þau minnst sölulegu,
þ.e. þau sem fá að halda eilítlum
hátíðleika og stemmningu, en
sannast sagna er lítill heildarsvip-
ur á plötu þessari. Oft hafa þessi
lög hljómað betur en á Friðarjól-
um, þó þessi plata sé síður en svo
verri en aðrar poppjólaplötur
sem koma nú út um hver jól og
við liggur að sérhver poppari gefi
út á ferli sínum.
Þá get ég ekki setið á mér að
nefna eitt atriði sem að mínu viti
kastar rýrð á útgáfufyrirtækið
kristilega Skálholt, en það eru
auglýsingar fyrir fatafyrirtæki og
óbeint fyrir Flugleiðir. Platan er
semsagt gefin út með hjálp
Mammons...
Þrjár æði athyglisverðar og
spennandi plötur bárust okkur
því miður heldur seint til að fá
dóm fyrir hátíðarnar og verður
það að bíða betri tíma en þær eru:
Sóleyjarkvæði í flutningi Háskól-
akórsins, í góðu geimi með Stuð-
mönnum, Stansað, dansað og
öskrað með Grafík og plata
kuklaranna holidays in europe.
Dægur mála- og máldægursíð-
an óskar svo öllum vinum og fénd-
um nær og fjær árs og friðar.
-2
12 SÍÐA — ÞJÓÐVILJINN Laugardagur 21. desember 1985