Þjóðviljinn - 15.01.1986, Qupperneq 3

FRETTIR
Eldvarnir
Lokum ekki sjúkrahúsi
Gunnar Ólafsson íeldvarnaeftirlitinu: Eldvörnum og viðvörunarútbúnaði víða ábótavant
en skilningur á nauðsyn þessafer vaxandi
„Eldviðvörunarkerfum er víða
ábótavant í sjúkrahúsum, eink-
um í eldra húsnæði þeirra og við
getum lítið meira gert en að
benda á þetta og fara fram á úr-
bætur. Við lokum ekki sjúkra-
húsum og sendum sjúklinga
heim, til þess höfum við ekki
vald“, sagði Gunnar Olafsson hjá
eldvarnaeftirlitinu í samtali við
Þjóðviljann í gær.
Miklar umræður eiga sér nú
stað um þessi mál vegna slyssins á
Kópavogshælinu í fyrradag.
Varðandi það sagði Gunnar að
margsinnis hefði verið búið að
kvarta vegna þess að þar var ekki
eldviðvörunarkerfi, en því hefði
ekki verið sinnt og ástæðan,
skortur á peningum.
Annars sagði Gunnar varðandi
eldvarnir yfirleitt, þá væri vax-
andi skilningur hér á landi í fyrir-
tækjum og á heimilum á nauðsyn
þess að hafa þessa hluti í lagi. Það
hefði hvatt menn til að kippa
þessum málum í lag, að trygg-
ingafélögin veittu þeim afslátt á
iðgjöldum sem væru með eld-
varnir í fullkomnu lagi. Aftur á
móti sagðist hann telja að sá af-
sláttur mætti vera meiri til að
hvetja menn til úrbóta í eldvörn-
um yfirleitt.
Loks sagði Gunnar að hvers-
konar stofnanir, einsog sjúkra-
hús, elliheimili og dagvistunar-
stofnanir og allt það húsnæði sem
byggt hefur verið eftir 1979 væri
með fullkomnum eldvarnarbún-
aði, enda ekki leyft að byggja
húsnæði án þeirra eftir 1979.
- S.dór.
Hjúkrunarfrœðingar
Úrbóta
krafist í
brunavörnum
Félag háskólamenntaðra
hjúkrunarfræðinga hefur beint
þeirri áskorun til stjórnvalda og
yfirmanna stofnana að þegar
verði gert átak í brunavörnum.
Segir í ályktun hjúkrunarfræð-
inganna að vegna þeirra válegu
atburða sem urðu á Kópavogs-
hæli hinn 13. janúar vilji stjórn
félagsins krefjast þess að öryggi
sjúklinga og starfsmanna varð-
andi brunavarnir á heilbrigðis-
stofnunum í landinu verði betur
gætt. Skora hjúkrunarfræðing-
arnir á stjórnvöld að veita
fullnægjandi fjármagni í þessu
skyni þar sem þess er þörf.
Eldviðvörunarkerfum er víða ábótavant á sjúkrahúsum, segir fulltrúi Eldvarna eftirlitsins. Viðvörunarkerfi var ekki til staðar á Kópavogshæli þegar eldsvoðinn
varð í fyrrinótt og einn vistmaður lét lífið. Ljósm.: E.Ol.
Framtíðarspá
300 manns burt á ári
Mannfjöldaspánefnd segir aðfrjósemi minnki á nœstu árum en að auki
flytjistmunfleirifrá landinuen til. Islendingum fer aðfœkka upp úr2020
Fjölgun íslendinga hefur dreg-
ist mjög mikið saman á und-
anförnum þrem árum. 1983 fjölg-
aði landanum um 1,16% en árið
1985 var fjölgunin komin niður í
0,68%. Aðeins þrisvar sinnum
hefur fjölgunin verið minni síðan
1918. 1941, en þá var einsog les-
endur vita mjög ófriðvænlegt í
heimi, nasistar f sókn á flestum
vígstöðvum og svo árin 1969 og
1970, þegar mikill fólksflótti var
frá landinu í lok viðreisnarstjórn-
arinnar. I framtíðarspá er gert
ráð fyrir að 300 flytjist frá
landinu árlega umfram aðflutta.
Það er einkum tvennt sem hef-
ur haft áhrif á þennan mikla sam-
drátt fjölgunarinnar undanfarin
ár, að sögn Bjarka Bragasonar,
sem var ritari svokallaðrar
mannfjöldaspárnefndar, en hún
vann að framtíðarspá um fólks-
fjölgun fram til ársins 2020. Það
er í fyrsta lagi að um 500 fleiri
fluttust burt frá landinu en til þess
í fyrra og árið þar áður 300. Á
árunum 1981-1983 fluttust hins-
vegar um 1000 fleiri til landsins
en frá því.
Hinn þátturinn í minnkuninni
er að frjósemin hefur stöðugt far-
ið lækkandi og lenda íslendingar
þar í sama ferli og nágranna-
löndin, bara tíu árum seinna.
Árið 1960 þegar frjósemin var í
hámarki, eignaðist hver kona um
4 börn en sú tala er komin niður
fyrir tvö börn núna. Ástæðan
fyrir því að við höldum þó í horf-
inu, er sú að mjög fjölmennir ár-
gangar eru nú að komast á barn-
eignaaldurinn.
Bjarki sagði, að samkvæmt
spánni væri gert ráð fyrir að frjó-
semin lækki niður í 1,7% á konu á
allra næstu árum. Samkvæmt því
nær fjöldi íslendinga hámarki um
2015, eða um 275.000 manns og
er gert ráð fyrir að sá fjöldi standi
í stað fram til ársins 2020, en þá
fer okkur aftur að fækka. í þeim
forsendum sem gefnar eru fyrir
þessa spá, er gert ráð fyrir að um
300 fleiri flytji árlega frá landinu
en til þess.
Bjarki var spurður að því hvort
ekki væri gert ráð fyrir því að
svipuð þróun ætti sér stað á fs-
landi og í nágrannalöndum okk-
ar, að straumur flóttamanna
myndi sækja hingað, einkum í
ljósi þess að nágrannalöndin hafa
nú sett mjög strangar reglur um
innflytjendur. Hann sagði svo
ekki vera, enda taldi hann litlar
líkur á því að innflytjendur
streymdu til landsins. Ástæðan
fyrir því er sú að hér gilda strang-
ar reglur um innflytjendur.
- Sáf.
LIN
Konur fordæma niðirskurðinn
Samtök kvenna á vinnumarkaði: Aðför Sverris aðsjóðnum er ógnun við jafnrétti tilnáms
Samtök kvenna á vinnumark-
aði hafa sent frá sér ályktun þar
sem vinnubrögð Sverris Her-
mannssonar menntamálaráð-
herra varðandi Lánasjóð náms-
manna eru fordæmd og talið að
aðför ráðherrans að sjóðnum sé
ógnun við jafnrétti til náms.
Konurnar funduðu á Hótel
Borg um síðustu helgi og álykt-
uðu þar m.a. um LÍN og upp-
sagnirnar hjá Granda hf. fálykt-
un þeirra um lánasjóðinn segir:
„Það skal ekki við námsmenn
sakast þótt lán til þeirra hafi á
síðastliðnu ári náð 100% fram-
færslukostnaði. Heldur ber að
víta ríkisvald, verkalýðsforystu
og atvinnurekendur sem láta það
viðgangast að samið hefur verið
um laun sem eru langt undir
viðurkenndum framfærslu-
kostnaði. Og er þá ekki verið að
tala um neinn lúxus.
Loddaraskapur menntamála-
ráðherra felst ekki eingöngu í því
að reka framkvæmdastjóra Lána-
sjóðsins fyrirvaralaust og með
skömm, heldur og í því að breyta
reglugerð sjóðsins á þann veg að
námslán verða skorin niður um
allt að 33%.
Fundurinn bendir á að stór
hætta er á því að skerðing náms-
lána verði einnig til að í þeim til-
vikum sem bæði hjóna stunda
nám muni það verða konan sem
hættir námi til þess að sjá fyrir
karli sínum og börnum þeirra.“
-gg-
Grandi hf.
Stjóm
ABR mót-
mælir
Á fundi stjórnar Alþýðubanda-
lagsins í Reykjavík í gær var sam-
þykkt cftirfarandi ályktun um
deilur starfsmanna og forráða-
manna Granda hf.:
Stjórn Alþýðubandalagsins í
Reykjavík fordæmir harðlega
framkomu ráðamanna Granda
hf. gagnvart starfsfólki fyrirtæk-
isins. Óll loforð um samráð við
starfsfólk vegna hugsanlegra
breytinga á störfum hafa hingað
til verið að engu höfð.
Greinilegt er að samruni
Bæjarútgerðar Reykjavíkur og
ísbjarnarins hefur ekki tryggt at-
vinnuöryggi starfsfólks. Þvert á
móti hefur meirihluti borgar-
stjórnar tekið hagsmuni eigenda
ísbjarnarins fram yfir hagsmuni
verkafólks. Þannig hafa yfirlýs-
ingar borgarstjóra um að verka-
fólk haldi vinnu sinni ekki heldur
staðist.
Þessir atburðir sanna enn
hversu brýnt það er að tryggja
atvinnuöryggi verkafólks með
lagasetningu, eins og hefur ítrek-
að verið lagt til á Alþingi.
Miðvikudagur 15. janúar 1986 ÞJ(!tf)VILJINN - SIÐA 3