Þjóðviljinn - 31.05.1986, Blaðsíða 13

KOSNINGAR ‘86
14%
ákváðu sig
á kjördag
ÓlafurP. Harðarson: Samkvæmt
niðurstöðum kosningarannsóknar 1983 tóku
14% kjósenda ákvörðun á kjördag um hvað
skyldi kjósa. 40% ungafólksins óráðið
síðustu vikunafyrir kjördag. Sýnirað
kosningabaráttan skiptir málifram á síðasta
dag og mikilvœgi þess að ná til ungafólksins
Ólafur Þ. Harðarson: Flokkstryggðin virðist fara minnkandi. Hin fjölmörgu
óháðu framboð bera t.d. vott um það.
Vegir kjósenda eru ekki með
öllu órannsakanlegir, þ.e.a.s.
ekki eftir að skoðanakannanir
komu til sögunnar jafnvel þó
þær gefi aðeins vísbendingu.
Undanfarnar vikur hefur niður-
stöðum skoðanakannana
rignt yfir þjóðina og menn
dunda sér við að spá um úrslit
kosninganna á grundvelli
þeirra. Það sem einkennir
flestar þessar niðurstöður er
hversu hátt hlutfall þeirra sem
óákveðnir eru er, þrátt fyrir
það að kosningar séu á næsta
leiti þegar skoðanakönnunin
er gerð. I leit að frekari upplýs-
ingum um hóp hinna óá-
kveðnu hittum við að máli Ólaf
Þ. Harðarson stjórnmálafræð-
ing, en hann hefur staðið að
framkvæmd skoðanakannana
um kosningahegðun fólks. Við
spurðum hann fyrst hvort
nokkrar upplýsingar lægju
fyrir sem gæfu vísbendingu
um það hvenær hinir óá-
kveðnu tækju ákvörðun um
hvað þeir ætluðu að kjósa.
- í kosningarannsókn sem ég
stóð fyrir eftir Alþingiskosning-
arnar 1983 spurðum við rúmlega
1000 kjósendur um ýmis atriði
varðandi stjórnmál. Við spurð-
um m.a. hvenær þeir hefðu
ákveðið hvað þeir þeir ætluðu að
kjósa. í ljós kom að um 14%
sögðu að þeir hefðu ákveðið sig á
kjördag en samtals voru það 30%
sem sögðu að þeir hefðu tekið
ákvörðun um hvað þeir ætluðu að
kjósa síðustu 7-8 dagana fyrir
kosningar. Þetta þýðir ekki
nauðsynlega að fólk sé algjörlega
óráðið fram á síðasta dag. Margir
eru að velta vöngum yfir 2-3
flokkum, hvort þeir eigi að kjósa
sinn gamla flokk eða kannski
skipta.
Það er afskaplega athyglisvert
að skoða hvernig ólíkir aldurs-
hópar svara þessari spurningu.
23% yngstu kjósendanna (20-23
ára) sögðust hafa ákveðið sig á
kjördag og samanlagt yfir 40%
kjósendahóps sögðust hafa tekið
Daaskrár-
Sjónvarp.
Við leitum að þáttagerðarfóikí Fóiki
sem getur komið fram á skjánum, í
beinni og óbeinni útsend/ngu samið
kynningar og unnið að gerð sjónvarps-
þátta bœði eftir eigin handriti og
annarra. Efþú hefur trú á sjáifum þér
í þetta starf, getur unnið sjáifstœtt og
ert drífandi og dug/egur sendu okkur
þá uþþiýsingar um þig. Ef við teijum
að þú komir tii greina sem dagskrár-
gerðarmaður, eftir að hafa skoðað
þœr uppiýsingar og efni sem þú
sendir inn, þá munum við ka/ia á þig
í prufutöku og gefa þér kost á að
spreyta þig tii reynsiu.
Óskað er eftir að menn útbúi um-
sóknir um þetta starf eftir eigin höfði,
t.d. á myndsnœ/dum. Umsóknum skai
sk/iað fyrir6. júní t/i sjónvarpsins.
Umsóknum veitt móttaka á símaaf-
greiðs/u Sjónvarpsins, Laugavegi 176.
R/kiSUTVARP/Ð
ákvörðun í síðustu vikunni fyrir
kosningar.
Ef við lítum hins vegar á elsta
aldurshópinn (70-83 ára) þá
sögðust 2Vi% þessara kjósenda
hafa ákveðið sig á kjördag og
samtals eru það rúm 5% í þessum
hópi sem segjast ákveða hvað
Íeir ætla að kjósa síðustu vikuna.
þessum aldurshópi sögðu 87%
að þeir hefðu ekki hugleitt að
kjósa aðra flokka en þann sem
þeir kusu, þetta gilti einungis um
þriðjung yngstu kjósendanna.
Þetta sýnir okkur kannski ekki
síst að kosningabaráttan skiptir
auðvitað heilmiklu máli og að
það gildir alveg fram á síðasta
dag. Þetta sýnir líka að flokkarnir
ættu ekki hvað síst að reyna að ná
til unga fólksins þar sem það er
miklu óráðnara en það eldra.
Er munur á kosningahegðun
fólks í sveitarstjórnarkosningum
og Alþingiskosningum? Er t.d.
hreyfanleiki milli flokka meiri í
sveitarstj órnarkosningunum?
- Það eru ekki til nákvæm
gögn um það en þó er ýmislegt
sem gefur vísbendingu um það.
Við þykjumst vita að almennt tal-
að hafi flokkstryggð minnkað.
Það er ljóst að fólk hefur alltaf
gert talsvert af því að kjósa öðru-
vísi í sveitarstjórnarkosningum
en Alþingiskosningum. Kosn-
ingaúrslit borgarstjórnarkosn-
inganna í Reykjavík er ljóslifandi
dæmi um það en þar hefur Sjálf-
stæðisflokkurinn yfirleitt haft
meira fylgi en í Alþingiskosning-
unum.
Hins vegar þykir mér ekki ólík-
legt að flokkstryggðin fari enn
minnkandi, en fjölgun óháðra
framboða í fjölmörgum kaup-
stöðum ber kannski vott um það.
Fyrir fáeinum árum taldist óháð
framboð til undantekninga. Þetta
bendir til þess að tök flokkanna
séu veikari en áður og er kannski
til marks um það að vaxandi
brestir séu að koma fram í núver-
andi flokkakerfi.
—K.Ól.
VEGAGERÐIN Utboð
Vegagerð ríkisins óskar eftir tilboðum í eftirtalin
verk:
1. Styrking Siglufjarðarvegar í Skagafirði
1986. (50.000 m3, 5 km). Verki skal lokið 10.
september 1986.
2. Héraðsdalsvegur um Stapasneiðing 1986.
(7000 m3, 0,8 km). Verki skal lokið 30. sept.
1986.
3. Mölburður á Skagavegi í Skagafirði. (2000
m3, 6 km). Verki skal lokið 30. júní 1986. Útboðs-
gögn verða afhent hjá Vegagerð ríkisins á
Sauðárkróki og í Reykjavík (aðalgjaldkera) frá og
með 2. júní nk.
Skila skal tilboðum á sömu stöðum fyrir kl. 14:00
þann 16. júní 1986.
Vegamálastjóri.
Útboð
Innkaupastofnun Reykjavíkurborgar fyrir hönd
Skólaskrifstofu Reykjavíkur, óskareftirtilboðum í
eftirfarandi:
1. Viðgerðir á Réttarholtsskóla, tilboðin verða
opnuð miðvikudaginn 11. júní n.k. kl. 11.
2. Viðgerðir á Tjarnargötu 12, tilboðin verða
opnuð miðvikudaginn 11. júní n.k. kl. 14.
Útboðsgögn eru afhent á skrifstofu vorri, Frí-
kirkjuvegi 3, Reykjavík, frá og með þriðjudegin-
um 3. júní n.k. gegn kr. 5.000.- skilatryggingu fyrir
hvort verk fyrir sig.
INNKAUPASTOFNUN REYKJAVÍKURBORGAR
Frikirkjuvegi 3 — Simi 25800
Útför fööur okkar
Kristjáns Júlíussonar
fv. vigtarmanns við Reykjavíkurhöfn
sem andaöist 25. maí sl., fer fram mánudaginn 2. júní kl.
10.30 frá nýju kapellu í Fossvogi.
Þeir sem vildu minnast hans eru beðnir að láta Hjúkrunar-
heimilið Sunnuhlíð í Kópavogi njóta þess.
Börnin