Þjóðviljinn - 11.06.1986, Síða 14

FRA LESENDUM
Byggingaframkvœmdir
r á Dalbrautarreitnum
Olögmætar
framkvæmdir
Lágmarkskrafan hlýturað verasú, að ólögmœtar
byggingaframkvœmdir áfriðuðu útivistarsvœði verði
stöðvaðar hið fyrsta á meðan borgaryfirvöld hafa
ekki gert grein fyrir fyrirœtlunum sínum og kynnt
öllum hagsmunaaðilum, þ.e. einkum
íbúumhverfisins, hvað vakirfyrir borgarstjórn
varðandi Dalbrautarreitinn
Bréf frá íbúa á Kauðalæk,
Laugarneshverfi
Enn einu sinni hefur borgar-
stjórn Reykjavíkur uppi tilburði
við að brjóta landslög, að þessu
sinni skipulags- og byggingarlög,
og sýna íbúum borgarinnar van-
virðu, að þessu sinni íbúum
Laugarneshverfis norðan Sund-
laugavegar.
Skömmu fyrir kosningar
mættu verktakar til staðar og
hófu að girða af u.þ.b. 5000 fer-
metra grasi gróið útivistarsvæði á
horni Dalbrautar og Sundlauga-
vegar. Eldsnemma morguns
mættu síðan stórar vinnuvélar á
svæðið og hafa nú grafið stóra og
djúpa grunna á svæðinu.
Um er að ræða útivistarsvæði,
samkv. staðfestu aðalskipulagi
enda svæðið hluti af svæði fyrir
opinbera þjónustu og útivist í
tengslum við mjög þéttbýlt og
fjölmennt íbúasvæði norðan
Sundlaugavegár, sem að öðru
leyti afmarkast af umferðaræðum
og iðnaðarhverfum. Á svæðinu
eru m.a. há fjölbýlishús við
Kleppsveg og Laugarnesveg og
skiptir fjöldi íbúa á svæðinu þús-
undum.
Hvergi annars staðar á þessum
hluta Laugarneshverfis er gert
ráð fyrir óbyggðum útivistar-
svæðum nema á Dalbrautar-
reitnum ef undan eru skildir
nokkrir illa búnir leikvellir í
órækt innan um fjölbýlishús.
Brjóta staðfest
skipulag
Eftirgrennslan mín hefur leitt
eftirfarandi í ljós og er það
skýring á hinum ólögmætu fram-
kvæmdum sem áður er um getið:
Ákveðið hefur verið af hálfu
Reykjavíkurborgar að brjóta
staðfest aðalskipulag og þar með
skipulags- og byggingarlög með
því að samþykkja og heimila
framkvæmdir við byggingu
tveggja fjölbýlishúsa á horni Dal-
brautar og Sundlaugavegar og
eru húsin ætluð öldruðu fólki.
„Ákveðið" var að gefa skít í úti-
vistargildi svæðisins og sniðganga
lögboðna kynningu á tillögu að
breyttu skipulagi gagnvart íbúum
hverfisins skv. 17. gr. Skipulags-
laga, þá að gerð yrði ný tillaga að
deiluskipulagi og kynna þá til-
lögu sérstaklega með opinberum
hætti, eins og segir í skipulags-
reglugerð.
Núer ljóst að gæðingafyrirtæk-
inu Ármannsfelli var úthlutuð
5000 m2 lóð af útivistarsvæði okk-
ar til byggingar tveggja stórhýsa í
gróðaskyni. Húsin verða samtals
á 13. þúsund rúmmetrar á stærð
og allt upp í 5 hæða há, svo eigi er
um að ræða hús, sem falla hið
minnsta að því umhverfi, sem
þau koma til með að standa í.
Húsin eiga að standa þétt við
umferðargöturnar Dalbraut og
Sundlaugaveg þannig að umferð-
arhávaði verður ærandi á efri
hæðum þess.
Þótt enn liggi ekki fyrir frá
hendi borgarinnar tillaga að nýju/
breyttu deiliskipulagi Dal-
brautarreitsins í heild, hvað þá
tillaga að breyttu aðalskipulagi
svæðisins hafa framkvæmdir nú
þegar hafist að fullu hjá verk-
takagæðingum íhaldsins.
Heyrst hefur að Reykjavíkur-
borg ætli sér alls ekki að kynna
umræddar breytingar fyrir íbúum
hverfisins, eins og lagaskylda
kveður á um, hvað þá að auglýsa
tillögu að breyttu aðalskipulagi
með lögformlegum hætti.
Minnt skal á, að vegna þrýst-
ings frá íbúum var Reykjavíkur-
borg knúin til þess að láta auglýsa
álíka breytingu á aðalskipulagi á
síðasta kjörtímabili, þegar annar
gæðingur, eigandi Kjötmiðstöðv-
arinnar, átti að fá úthlutað „undir
borðið" annarri sneið af Dal-
brautarreitnum. Hundruð mót-
mæla streymdu þá rétta boðleið
frá íbúum hverfisins og umræddri
árás á skólalóð Laugalækjar-
skólans var hrundið af íbúunum
sjálfum.
Að þessu sinni er lengra gengið
í ósvífninni. Því ekki hafa enn
verið gerðar tillögur að breyttu
skipulagi, hvað þá að borgin láti
sér í hug koma að auglýsa það
sem nú stendur til, eins og henni
ber þó tvímælalaus lagaskylda til.
Aldrað fólk
velkomið
Hér er ekki ýjað að því, að
óhugsandi sé að finna lóðir fyrir
byggingar aldraðra á Laugarnesi,
enda aldrað fólk sannarlega
jafnvelkomið í hverfið okkar og
aðrir.
Það sem hér er á ferðinni er
miklu fremur sýnidæmi um mjög
forherta afstöðu núverandi borg-
aryfirvalda gagnvart hagsmunum
fólksins í íbúðahverfum og ekki
eingöngu siðferðisbrot heldur
opinbert lögbrot, framið fyrir
augum okkar allra.
Tekið skal fram, að fyrir utan
umrætt grænt útivistarsvæði á
Dalbrautarreitnum er svæðið að
langmestu leyti ætlað undir bygg-
ingu opinberra þjónustustofnana
og er því skipt milli
Laugalækj arskólans/Fósturskól-
ans, Dagvistunarstofnana, Vist-
unarheimilis Reykjavíkurborgar
og Barnageðdeildar Hringsins
við Dalbraut. Engin trygging er
fyrir því að innan umræddra lóða
komi ekki fleiri mannvirki og til-
heyrandi malbik. Gefið hefur
verið í skyn, sem svar við
gagnrýni á háhýsabyggingar áð-
urnefndar á útivistarsvæði okkar,
að stækkað verði útivistarsvæði
austan við Barnageðdeildina, frá
því sem nú er skv. aðalskipulagi.
Og þar verði tryggðir möguleikar
á skíðabrekku í framtíðinni. En
þetta eru aðeins munnleg fyrir-
heit, sem borgin neitar að láta
staðfesta.
Greiningastöðin
sem aldrei kom
Ýmsar merkilegar hliðar fleiri
virðast vera á hinu furðulega
svindlbraski Reykjavíkurborgar
og Ármannsfells hf. í þessu til-
viki.
Þótt skipulagi hafi aldrei verið
breytt af því tilefni var fyrir
nokkrum árum teiknuð
Greiningarstöð fyrir fötluð börn
á horni Dalbrautar og Sund-
laugavegar. Frestað var að
byggja það hús, sem féll mjög vel
að umhverfinu. Þó var ljóst, að ef
til alvöruákvörðunar hefði komið
um byggingu þess húss hefði aðal-
skipulagi verið breytt með
lögformlegum hætti. Nú er Ijóst,
að engin greiningarstöð verður
byggð fyrir fötluð börn á næstu
árum og verður sú starfsemi víst
áfram rekin í einbýlishúsi úti á
Seltjarnarnesi!
Reykjavíkurborg hefur nú
rækilega undirstrikað afstöðu
sína til fatlaðra með því að svipta
stöðina fyrirheiti um lóð í ná-
grenni barnageðdeildar, eins og
um var sótt. En úthluta gæðing-
unum, Ármannsfelli, lóð
Greiningarstöðvarinnar undir
borðið til byggingar forljótra,
klossaðra fjölbýlishúsa, svo
einkabraskarar megi hagnast
rækilega á húsnæðiseklu gaml-
ingja. (Dæmi eru um að 50 m2
„þjónustuíbúðir“ kosti á fjórðu
milljón kr. eftir að Ármannsfell
hefur skilað þeim af sér. - Dýr
biti fyrir launafólk á eftirlaunum.
Raunar eru bollaleggingar að
taka auk umræddra 5000 m2 lóðar
undir Ármannsfellströllin aðra
rúmlega 3000 m2 af staðfestu úti-
vistarsvæði okkar undir heilsu-
gæslustöð án þess að nokkuð
komi fyrir.
Utursnuningur
Öllum, sem komið hafa nálægt
umhverfismálum í Reykjavík,
hlýtur að blöskra hversu illa er
víða farið með land. Stórir ógrón-
ir og óbyggðir flákar lands liggja
eins og tilviljanakennt innan um
hverfi borgarinnar, engum til
ánægju eða gagns.
Þetta hefur verið til leiðinda og
því kom upp stefnan: Þétting
byggðar.
En það er hreinasti út-
úrsnúningur að kalla það því sak-
lausa nafni „þétting byggðar“
þegar gróið útivistarsvæði í
hjarta mjög fjölmenns íbúða-
svæðis, er beinlínis tekið til ann-
arra nota, t.d. úthlutað
byggingabröskurum, jafnvel þótt
staðfest aðalskipulag eigi að vera
öllum aðilum trygging fyrir því,
að slíkar breytingar fari eingöngu
eftir opinberum löglegum leiðum
og séu rækilega rökstuddar af
Borgaryfirvöldum, séu þær á
annað borð taldar æskilegar og
nauðsynlegar.
8000 fermetrar af grænu grasi
með möguleikum til trjáræktar
m.m. þykja kannski engin ósköp
hjá aðilum, sem standa í jarða-
kaupum austur í sveitum og líta
því stórt á sjálfa sig og heiminn.
En ég hygg að mörgum sé líkt
farið og mér af íbúum hverfisins
okkar norðan Sundlaugavegar.
Hver fermetri af opnu útivistar-
svæði er okkur mikiívægur og ætti
ekki að fórna neinum grænum
bletti á svæðinu, án þess að mjög
alvarlegar og brýnar þarfir séu á
því.
Þegar við bætast 5 hæða háir
steypuklossar fyrir aldrað fólk
(eins og slíkt byggingarlag hæfi
því sérstaklega) og ótaldir fer-
metrar af malbiki og bílastæðum
á útivistarsvæði okkar, þá hlýtur
fleirum en mér að blöskra.
Framkvæmdir
verði stöðvaðar
Lágmarkskrafan hlýtur að vera
sú, að ólögmætar byggingafram-
kvæmdir á friðuðu útivistarsvæði
verði stöðvaðar hið fyrsta á með-
an Borgaryfirvöld hafa ekki gert
opinberlega grein fyrir fyrirætl-
unum sínum og kynnt öllum
hagsmunaaðilum, þ.e. einkum
íbúum hverfisins, hvað vakirfyrir
borgarstjórn varðandi Dal-
brautarreitinn.
Verði gerð um það tillaga, að
skipulagi Dalbrautarreitsins
verði breytt á annað borð verði
gerð tillaga að breyttu aðalskipu-
lagi reitsins, þ.e. tillaga að
breyttri landnotkun og hún aug-
lýst á grundvelli 17. gr. skipulags-
laganna, eins og venja er til og lög
mæla fyrir um að gert sé í tilviki
sem þessu.
í öðru lagi verði hið fyrsta
gengið frá deiliskipulagi að Dal-
brautarreitnum í heild, þar sem
fram komi einnig hvaða hugsan-
legar breytingar á skipulagi liggja
í loftinu, hverjar byggingarfyrir-
ætlanir eru á svæðinu og hvort
útiloka eigi alla útivistarmögu-
leika á svæðinu eða ekki. Slík til-
laga verði kynnt íbúum opinber-
lega í 4 vikur, skv. skipulagsreg-
lugerð frá 1985.
Þorir Þjóðviljinn ekki?
Sigríður Halldórsdóttir skrifar
nú vikupistil um sjónvarpið.
Þann 26. apríl harmar hún að fólk
sé neytt til að háma í sig TV-
supper meðan það glápir á barna-
tíma. Ennfremur orðar hún ósk
sína um barnatíma í sjónvarpinu
á sunnudagsmorgnum.
Auðvitað leyfist hverjum og
einum að hafa sína skoðun.
Mönnum er í lófa lagið að telja
sjónvarpsgláp og TV-supper til
heppilegrar andlegrar og líkam-
legrar fæðu börnum til handa. í
Bandaríkjunum t.d. glápa börn 4
stundir og 10 mínútur á dag
(þetta er landsmeðaltal í því
landi). Samt tekst þessari þjóð að
koma sér upp svo myndarlegum
forseta sem Reagan er. Það sann-
ast því vel, hve góð áhrif sjón-
varpið hefur á andlegan þroska
heillar þjóðar.
Hitt er svo annað mál, hvort
skoðanir af því tagi, að íslensk
börn ættu að fá aukaskammt af
sjónvarpsnæringu, eigi erindi inn
í fastan Þjóðviljadálk. Væri ekki
réttara að vísa höfundum eins og
S.H. til annarra fjölmiðla, þar
sem skoðanir um ágæti sónvarps-
ins falla eins og flís við rass að
stefnu viðkomandi miðils.
Mig langar að lokum að spyrja
ritstjóra Þjv. hvort þeir hafi í
hyggju að sitja aðgerðarlausir
andspænis árás vitundariðnaðar-
ins gegn fólkinu (auglýsingar,
gervihnettir, vídeó, kapalsjón-
varp ofl.), árás sem beinist ekki
síst gegn eðlilegum þroska barn-
anna? Eða þora þeir bara ekki að
hafa skoðun á málinu til að
styggja ekki háttvirta lesendur?
Elías Davíðsson
2.5. 1986
14 SÍÐA - ÞJÓÐVILJINN