Þjóðviljinn - 02.09.1986, Side 13

Flugmála-
sérfræðingar
í Bandaríkjunum leita nú skýr-
inga á því hvers vegna tvær
flugvélar rákust á í góðu
skyggni yfir úthverfum Los
Angeles borgar með þeim af-
leiðingum að þær hröpuðu
niður í íbúðahverfi og alit að 77
manns létust. Það voru DC 9
þota frá mexíkanska flugfé-
laginu Aeromexico, og lítil Pip-
er Archer skrúfuvél sem rák-
ust á í fyrradag. í þotunni sem
var að koma til Los Angeles frá
Mexíko, voru 58 farþegar,
flestir mexíkanskir, og sex
manna áhöfn. Einn karlamað-
ur og tvær konur voru í einka-
flugvélinni. Allir létust. Björg-
unarmenn sögðu að minnsta
kosti 10 manns hafa látist þeg-
ar heimili þeirra urðu fyrir
flugvélaeldsneyti og braki úr
flugvélunum. Mexíkanskir
embættismenn lýstu því yfir í
gærkvöldi að mögulegt væri
að slysið hefði orðið fyrir
mannleg mistök hjá stjórnend-
um vélanna. Kassinn með
samtölum flugmanna þotunn-
ar og flugturns fannst í gær.
Enn er ófundinn kassi með
öðrum upplýsingum sem
skráðar eru í vélinni.
íranir
hófu í gær nýja sókn gegn her-
sveitum íraka á norðurvíg-
stöðvunum í þeim tilgangi að
ná aftur mikilvægum fjallahé-
ruðum. írakar segjast hafa
hrundið þessum árásum. Tals-
maður írakska hersins í Bag-
dað sagði að hersveitir íraka
hefðu stöðvað það sem hann
nefndi stórtæka árás írana. ír-
anska fréttastofan Irna til-
kynnti hins vegar í gær að
sókn írana stæði enn og
hundruðir írakskra hermanna
hefðu verið drepnir, særðir
eða teknir til fanga.
Tveir
andstæðingar alkóhólneyslu í
Póllandi sem stóðu fyrir utan
áfengisverslun í Varsjá í síð-
ustu viku og auglýstu herferð
kirkjunnar í Póllandi gegn of-
notkun áfengis, voru hand-
teknir í gær. Astæðan fyrir
handtöku gærdagsins var sú
að þeir neituðu að greiða sekt
fyrir að efna til mótmælastöðu-
nnar. Þeir voru dæmdir i 60 og
40 daga fangelsi.
Nashyrnings-
bjöllur
áttu stóran þátt i að seinka
fréttamannafundi sem Jacqu-
es Chirac ætlaði sér að halda
eftir komuna til Papeete, einn-
ar eyjunnar í Frönsku Polynes-
iu. Chirac var drifinn í gegnum
tollinn við komuna til Papeete í
gær en heilbrigðisfulltrúar
heimtuðu að fá að sótthreinsa
farangur hans og 20 frétta-
manna sem hafa fylgt honum í
Kyrrahafsferð hans. Ástæðan
fyrir þessu háttalagi embætti-
smannana mun vera sú að
fyrrnbefnd bjalla mun vera
mjög skæð gagnvart gróðri á
eyjunum.
Bandarískur
fréttaritari vikuritsins „U.S.
News and World Report“,
Nicholas Daniloff var um helg-
ina settur í fangelsi í Moskvu
eftir að KGB menn gripu hann
þegar hann hafði nýlega feng-
ið í hendur pakka frá sovésk-
um vini sínum sem innihélt
skjöl merkt „Trúnaðarmál“.
Hann verður hafður í haldi í tíu
daga áður en sovésk yfirvöld
ákveða hvort þau sleppa hon-
um eða kæra hann fyrir njósn-
ir.
HEIMURINN
Skipskaðinn í Svarta hafinu
Óvíst um fjölda látinna
Sovéskafarþegaskipið sem sökk í Svartahafinu ífyrrakvöld gatflutt 1000farþega, ekkivar vitað
ígærkvöld hversu margirfórust en sovéskir embœttismenn segja skipskaðann mikinn harmleik
Moskvu - Sovéskt farþegaskip
sökk í Svarta hafinu í fyrra-
kvöld eftir árekstur við stórt
sovéskt flutningaskip. Ekki er
Ijóst hversu margir fórust en
sovéskur fulltrúi lýsti í gær
slysinu sem miklum harmleik,
skipið mun geta tekið 1000
manns.
Fulltrúinn, Igor Averin, sagði
við fréttamann Reuters að far-
þegaskipið, „Nakhímof aðmír-
áll“ sem er 17,053 tonn, hefði far-
ið úr höfn í Novorossiysk í fyrra-
kvöld og sokkið stuttu eftir miðn-
ætti eftir árekstur við sovéska
flutningaskipið Pyotr Vaséf.
Fulltrúinn sagði ekki hversu
margir hefðu farist, „Þetta er
mikill harmleikur, það er alveg
ljóst að margir hafa farist", sagði
hann. Tass fréttastofan sagði í
gær að mannskaði væri nokkur.
Averin sagði í gær að enn væri
mikill fjöldi manna sem ynni
hörðum höndum við að bjarga
fólki og væri vonast til að fjöl-
margir hefðu komist af í heitum
sjónum í Svartahafinu. Hins veg-
ar hefðu líkurnar á því að komast
af ekki verið miklar þar sem fólk
hefði farið snemma til náða og
skipið hefði sokkið mjög snögg-
lega. Averin sagði einnig að
skipið hefði getað tekið 1000 far-
þega og verið væri að rannsaka
hversu margir hefðu verið um
borð. Starfsfólk á skipinu mun að
jafnaði hafa verið um 340 manns
en ekki er ljóst hvort það telst til
þeirra þúsund manna sem skipið
mun hafa tekið.
Hjá Lloyds í London fengust
þær upplýsingar að skipið hefði
verið byggt árið 1925. Averin
sagði að flutningaskipið sem lenti
í árekstrinum hefði lítið skaddast
og hefði ekki orðið þar mann-
skaði.
ERLENDAR
FRÉTTIR
INGÓLFUR ,.ri,.rn
HJÖRLEIFSSON R E Ul E R
Kekkonen látinn
Mikill Finni horfinn
Uhro Kekkonen sem lést á aðfaranótt sunnudags, 85 ára að aldri
Helsinki- Uhro Kekkonen, leið-
togi Finnlands í 30 ár, lést á
laugardaginn á sveitasetri
sínu, 85 ára að aldri eftir iang-
vinna baráttu við sjúkdóm i
tengslum við blóðrennsli tii
heilans sem hann átti við að
stríða frá árinu 1981.
Starfskraftar Kekkonen fóru
að mestu í að gera Finnaland að
sjálfstæðu ríki við hlið stórveldis,
Sovétríkjanna, eftir langa óvin-
áttu en hann byggði um leið upp
traust milli ríkjanna sem enn
stendur. Einnig verður hans
minnst sem mikils talsmanns
friðar og öryggis í Evrópu. Það er
litið á það sem viðurkenningu á
starfi Kekkonens að þessum mál-
um að síðasti hluti ráðstefnu um
öryggi og samvinnu í Evrópu var
haldinn í Helsinki í Finnlandi.
Þar var árið 1975 samþykktur
„Helsinki sáttmálinn“, eins og
hann er yfirleitt nefndur nú.
Sáttmálinn var samþykktur af 35
ríkjum í Evrópu og lagði grund-
vallarreglurnar að samstarfi Evr-
ópuríkja.
Kekkonen var hins vegar ekki
alltaf í góðu sambandi við Sovét-
ríkin. Hann var einn fárra finn-
skra embættismanna sem var
andvígur þeim friði sem var
saminn eftir „finnska vetrarst-
ríðið“ gegn Sovétríkjunum, 1939
til 1940. Það var í síðari
heimsstyrjöldinni þegar Finnland
sem barðist með Þjóðverjum
gegn Sovétmönnum og var að
tapa því stríði, að Kekkonen
gekk í lið með því fólki sem talaði
fyrir samningum við Sovétríkin.
Eftir það einbeitti Kekkonen sér
að því að sannfæra Sovétmenn
um að Finnar myndu ekki stríða
gegn þeim.
Uhro Kaleva Kekkonen fædd-
ist í Pielavesi, 3. september árið
1900. Faðir hans, Juho Kekkon-
en, var verkstjóri í skógarhöggi,
móðir hans hét Emilia (Pylvana-
inen). Kekkonen vann á unga
aldri sem blaðamaður, tók lög-
fræðipróf frá Helsinki háskóla og
doktorspróf í lögfræði í Þýska-
landi. Hann giftist Sylvi Salome
Uino árið 1926. Tveimur árum
síðar áttu þau saman tvíbura,
Matti Kaleva og Taneli Kaleva.
Sylvi Salome lést árið 1974.
Kekkonen var fyrst kjörinn á
þing árið 1936 sem fultrúi „Land-
búnaðarflokksins“ sem nú nefn-
ist „Miðflokkurinn". Hann var
þá settur dómsmálaráðherra og
varð síðar ráðherra í fjölmörgum
ríkisstjórnum. Hann varð utan-
ríkisráðherra árin 1952-53 og
1954. Hann varð fimm sinnum
forsætisráðherra og forseti
finnska þingsins frá 1948 til 1950.
Árið 1956 var hann kjörinn fors-
eti finnska lýðveldisins og síðan
endurkjörinn í það embætti árin
1962 og 1968. Með sérstakri lög-
gjöf árið 1973 var kjörtímabil
hans sem forseta framlengt til
1978. Þá voru haldnar venjulegar
kosningar og hann var endur-
kjörinn. Hann sagði af sér emb-
Uhro Kekkonen heilsar Kristjáni Eld-
járn fyrrum forseta íslands við eina af
fjölmörgum komum sínum hingað til
lands.
ætti árið 1981 vegna veikinda og
núverandi forseti dr. Mauno Koi-
visto, var kjörinn í janúar árið
1982.
Koivisto sagði um Kekkonen í
ávarpi á sunnudaginn:„Við höf-
um misst mikinn Finna og leið-
toga á alþjóðavettvangi“...
„Hans helsta takmark í utanríkis-
málum var að byggja upp traust í
samskiptum okkar við Sovétríkin
og styrkja það. Á þessum grund-
velli byggði hann einnig upp gott
samstarf við Vesturlönd".
Þing breska alþýðusambandsins
Eining um Verkamannaflokkinn
Brighton - Leiðtogar breskra
verkalýðssamtaka hófu í gær
árlegt þing sitt og þykir ríkja
mikil eining meðal þátttakenda
um að fylkja liði með Verka-
mannaflokknum til að ná völd-
um við næstu þingkosningar.
Norman Willis, aðalritari
breska alþýðusambandsins
(TUC), sagði nú um helgina að
þetta 118. þingt samtakanna yrði
„stökkbretti fyrir breytingar“.
Hann sagði á fréttamannafundi á
sunnudaginn að samtökin væru
ákveðin í að sannfæra bresku
þjóðina um að það fyrirfyndust
skýrir og ákveðnir valkostir aðrir
en íhaldsstefna forsætisráðherr-
ans Margaretar Thatcher og
íhaldsflokksins. „Við verðum að
gera okkur grein fyrir að þetta
kann að verða eitt síðasta tæki-
færið til að hafa áhrif á þjóðina
áður en hún kýs næstu ríkis-
stjórn“, sagði Willis. „Næstu
fimm dagar verða ákall um
breytingar, breytingar á efna-
hagsstefnu, breytingar á sam-
skiptum og almennri gerð iðnað-
arins og breytingar á stefnu okkar
gagnvart umheiminum“, sagði
Willis.
Neil Kinnock hélt ræðu á þing-
inu í gær og sagði m.a. að hann
litið á þetta þing sem upphaf
kosningabaráttu flokks síns. Þá
hvatti hann einnig stríðandi fylk-
ingar hægri og vinstri innan sam-
bandsins til að ná sáttum.
ÞJÓÐVILJINN - SÍÐA 17
Verkalýðsleiðtogar hafa und-
anfarið átt í miklum viðræðum
innbyrðis til að sætta ólíka hópa
innan sambandsins. Leiðtogar
hafa deilt harkalega um setningu
reglugerðar um að haldin skuli
leynileg atkvæðagreiðsla um það
hvort farið skuli í verkfall. Á
fyrsta degi fundarins, í gær, voru
síðan samþykkt ný lög sem
íhaldsstjórnin setti nýlega um
þessi mál. Þykir sú samþykkt
mikill sigur fyrir þá sem beittu sér
fyrir því að hægri og vinstri menn
innan TUC leggðu niður deilur
sínar. Thatcher hefur undanfarin
ár beitt sér mikið fyrir því að
draga úr samtakamætti TUC. Nú
er aðeins 41 % vinnufærra manna
í TUC miðað við 50 % þegar
Thatcher komst til valda árið
1979.
Verkalýðsleiðtogum tókst á
fimmtudaginn í síðustu víku að
komast hjá miklum klofningi
innan samtakanna þegar þeir á-
kváðu að leggja til hliðar tillögu
leiðtoga innan samtaka prentara
um að fordæma rafvirkja fyrir að
taka við störfum prentara hjá
blaðakóngnum Rupert Murdoch
þegar hann rak rúmlega 5000
prentara úr starfi. Prentararnir
neituðu að vinna í nýrri, tækni-
væddri verksmiðju Murdochs
þegar ljóst var að hann ætlaði að
fækka starfsfólki að mun.
Á síðasta þingi samtakanna var
mikil hætta á klofningi þegar
harðlínumenn innan samtakanna
vildu að verkalýðsfélag vélvirkja
yrði rekið úr TUC fyrir að taka
við fé frá ríkisstjórn Thatcher til
fjármögnunar atkvæðagreiðslu
um hvort farið skyldi í verkfall.
S-Afríka
Ný sprengjuherferð?
Um það bil 18 manns sœrðust í mikilli sprengingu
sem varð í vörumarkaði í Durban í S-Afríku ígœr
Durban - Mikil sprenging varð í
vörumarkaði í Durban í S-
Afríku í gær með þeim afleið-
ingum að 18 manns særðust.
Er nú ekki talið ólíklegt að ný
sprengjuherferð sé í undirbún-
ingi í iandinu.
Fulltrúi Upplýsingastofnunar
stjórnvalda í S-Afríku sagði í gær
að sprengingin hefði orðið í há-
deginu, stuttu eftir að pakki var
afhentur til geymslu í vörumark-
aði í verkamannahverfi hvítra
manna í Durban. 18 manns særð-
ust, þar af ein þriggja ára hvít
stúlka og tíu svartir menn.
Durban er ein fimm borga í S-
Afríku sem hafa orðið illa úti í
sprengjuherferðum eftir að ríkis-
stjórn landsins lýsti yfir neyðará-
standslögum í landinu í júní síð-
astliðnum. Ekki er vitað hverjir
hafa staðið fyrir þessum spreng-
ingum en stjórnvöld hafa sakað
Afríska þjóðarráðið (ANC) um
þær. Fjórir hafa látist í þessum
sprengingum og um það bil 100
manns hafa særst.