Þjóðviljinn - 10.10.1986, Blaðsíða 2

P—SPURNINGIN
FRÉTTIR
íbúar Þinholtanna spurö-
ir:
Hvernig leggst þaö um-
sátursástand í þig sem
hér mun ríkja um helg-
ina?
Sigurður Björnsson,
danskennari:
Mér finnst það slæmt mál. Ég er
svo hræddur við að vera skotinn ef ég
fer órakaður og ógreiddur út í búð.
Auk þess hef ég ekki þorað að fara í
Ijós uppá síðkastið. Gæti verið mis-
tekinn fyrir Araba.
Þorsteinn Þorsteinsson,
kaupmaður á horninu:
Ég verð ekkert hræddur við þetta
fyrr en eftir á. Forðast að vera með
vangaveltur fyrr.
Laufey Jensdóttir,
húsmóðir:
Þetta leggst ekkert illa í mig. Ég er
alveg hlutlaus.
Kjartan Jónsson:
Ég veit það ekki, ég bý einn hjá
sjálfum mér og þarf ekki að sýsla svo
mikið úti fyrir. Má maður annars fara
út?
Eriingur Gíslason,
leikari:
Ég býst ekki við neinum óþægind-
um af þessu núna. Þegar að Nixon og
Pompidou voru hér um árið urðum
við fyrir smá óþægindum, en þá héld-
um við uppá fjögurra ára afmæli
sonar okkar úti í garði og nokkrir fílefl-
dir komu og afvopnuðu börnin. Tóku
hvellettubyssurnar eignanámi.
Intelsat
Mínútan á 3 þúsund
Jóhann Hjálmarsson: Verðlagning á þjónustu Pósts ogsíma þannig að
stofnunin verði ekkifyrirfjárhagslegu áfalli
Fj ölþj óðafy rirtækið Intelsat,
sem á gervitunglin sem yfir
okkur sveima, hefur gefið út
gjaldskrá fyrir sjónvarpsssend-
ingar um gervitungl og segir þar
að fyrstu tíu mínúturnar í útsend-
ingu skuli kosta sem svarar tæp-
lega 30 þúsund krónur íslenskum.
Hver mínúta umfram það kostar
um 1000 krónur íslenskar.
Gjaldskráin er gefin út fyrir
þær erlendu sjónvarpsstöðvar
sem vilja senda fréttir af leiðtog-
afundinum til sinna heimalanda
og var tekið mið af sambærilegri
gjaldskrá sem gilti þegar Reagan
og Gorbatsjof funduðu í Genf.
Aðurnefnt gjald gildir fyrir
hverja sendingu fyrir sig, þannig
að lengri sendingar koma betur
út en þær styttri.
Jóhann Hjálmarsson hjá Pósti
og síma sagði í samtali við Þjóð-
viljann í gær að þetta gilti jafnt
um þá sem senda um Skyggni og
eigin jarðstöðvar. „Verðlagning
á allri þjónustu Pósts og síma
vegna leiðtogafundarins er mið-
uð við að stofnunin og þar með
íslenskir neytendur verði ekki
fyrir fjárhagslegu áfalli af því sem
hér er að gerast,“ sagði Jóhann.
Póst og símamálastofnun er
aðili að Intelsat ásamt yfir hundr-
að öðrum þjóðum. Hluti gjald-
sins sem tekið verður af sjón-
varpsstöðvunum rennur beint til
stofnunarinnar.
-gg
Þjóðviljahappdrœttið
Veglegir
vinningar
Dregið á 50 ára afmœlinu
Þessa dagana eru happdrættis-
miðar Þjóðviljans að berast les-
endum blaðsins okkar. Að sögn
Oiafs Þ. Jónssonar, starfsmanns
happdrættisins eru vinningar nú
enn veglegri en áður og má þar á
meðal nefna glænýja bifreið,
Lada Samara, vídeótæki, ferða-
vinningar og margt fleira.
„Við treystum því að fólk
bregðist fljótt og vel við og kaupi
heimsendu miðana, enda eru
kosningar og mikill baráttuvetur
framundan þannig að það er
brýnt að Þjóðviljinn hafi fjár-
hagslegan grundvöll til þess að
geta tekið þátt í baráttunni af full-
um krafti“, sagði Ólafur. Dregið
verður í happdrættinu á 50 ára
afmæli blaðsins þann 31. október
og lesendum er bent á að snúa sér
til umboðsmanna eða afgreiðslu
Þjóðviljans og skrifstofu AB á
Hverfisgötu til þess að fá nánari ----
upplýsingar. -vd. Ólafur Þ. Jónsson: Það er margt veglegra vinninga í boði í Þjóðviljahappdrættinu á afmælisárinu. Mynd Sig.
Einvígið
Viröulegt jafntefli
Kasparoffvann einvígið I2V2-IIV2 eftir jafntefli í 100. skákþeirra
Karpoffs
Kasparoff og Karpoff sömdu
um jafntefli í síðustu skákinni
í heimsmeistaraeinvíginu. Hún
fór í bið á miðvikudag og var ekki
tefld áfram. Skák númer 24 var
formsatriði, Kasparoff tryggði
sér titilinn með sigri í 23. skák-
inni, en lokastaðan í viður-
eigninni er 12V2-11 '/2, og Garí
Kasparoff endurkrýndur.
Sennilegt er að næsta stórverk-
efni þeirra félaga verði ólympí-
uskákmótið í Dubai í nóvember,
en eftir það fer Karpoff væntan-
lega að undirbúa næsta einvígi,
við Sókóloff um áskorendarétt-
inn á fyrri hluta næsta árs.
Menn telja að Karpoff hafi
„haldið andlitinu" í þessu einvígi
þrátt fyrir ósigurinn, sérstaklega
vegna ágætrar sigurhrinu í 17.,
18. og 19. skák þegarhann breytti
stöðunni úr 9'/2-6'/2 í 9'/2-9/2.
Karpoff vann alls fjórar skákir í
einvíginu, Kasparoff fimm. Síð-
asta skák einvígisins var jafn-
framt 100. skák þeirra Karpoffs
og Kasparoffs. Aður en
heimsmeistaraátökin hófust
höfðu þeir jafna vinninga úr fjór-
um skákum. í langa einvíginu ó-
fullgerða vann Karpoff fimm
skákir og Kasparoff þrjár af 48,
Kasparoff varð síðan
heimsmeistari með 13-11 og er
vinningi yfir nú, þannig að
heildarstaðan milli þeirra félaga
er 50'/2-49'/2 Kasparoff í hag. Og
margir spá því að þeir kljáist
áfram um titilinn næstu árin.
„Ég hef verið sannfærður um
sigur frá upphafi einvígisins“
sagði heimsmeistarinn í Leníng-
rad í gær „og sú sannfæring hagg-
aðist ekki einu sinni á þeim erfiða
tíma þegar ég hafði tapað þrisvar
í röð.“ Hann sagðist ekkert of
ánægður með lokastöðuna í ein-
víginu, en mun hressari með tafl-
mennsku sína.
El Salvadornefndin
Reagan fær
motmæla-
bréf
E1 Salvador nefndin á íslandi
hefur ákveðið að koma mót-
mælabréfí til Reagans bandaríkj-
aforseta vegna svívirðilegrar
fhlutunar Bandaríkjannna um
málefni Nicaragua og grimmdar-
aðgerða þeirra gegn þessari smá-
þjóð, eins og segir í frétt frá nefn-
dinni.
Gengið verður að bandaríska
sendiráðinu eftir friðarstundina á
föstudagskvöldið, eða eins ná-
lægt sendiráðinu og komist verð-
ur, til að afhenda fulltrúa banda-
ríkjastjórnar bréfið.
-gg
Fallega gert af blaðinu að1 ^Ég var eindregið hvattu? ^Eitt undarlegt samt: aö'j P
r'rtn/ln mln ih ■ * l \ L . . n Jiml/ríftn Univ .IJ. . £2 I I I
senda mig hingað til
Miðjarðarhafsins að dóla
mér á ströndinni
og veiða
til að fara, undirskrifta:
söfnun meira að segja, -
ég er hrærður yfir
þessari hlýju
>2 SÍÐA - ÞJÓÐVILJINN Flmmtudagur 9. október 1986