Þjóðviljinn - 31.01.1987, Blaðsíða 7

Umsjón:
Ólafur
Gíslason
Vænkast hagur Rympu
Nýtt
barnaleikrit
eftir Herdísi
Egilsdóttur
frumsýnt um
næstu helgi í
Þjóðleik-
húsinu
Þótt óvenju mikið og gott
framboðhafi veriðá
leiksýningum í höfuðborginni í
vetur verður ekki annað sagt
en að yngsta kynslóðin hafi
verið afskipt hvað varðar
leikhúsefni við hæfi, og er það
miður, þvíleikhúsmenning
okkar byggist ekki hvað síst á
því að unga fólkið sé alið upp
við leikhúsið sem sjálfsagðan
og nauðsynlegan hlut.
Rympa á ruslahaugnum með sambýlismanni sínum, Sexvolta, sem stundum fær óblíða meðhöndlun.
En nú getur unga fólkið séð
fram á betri daga, því um næstu
helgi frumsýnir Pjóðleikhúsið
nýtt barnaleikrit eftir Herdísi
Egilsdóttur, sem vafalaust á eftir
að njóta vinsælda. Það er leikritið
Rympa á rauslahaugnum, en
okkur gafst kostur á að sjá hluta
úr verkinu á æfingu nú í vikunni.
Rympa á rauslahaugnum er
ærslaleikur með fjörlegum
söngvum og dönsum og
alvarlegum undirtón sem gefur
ungum sem öldnum tilefni til
umhugsunar. Leikurinn ber allt
yfirbragð ævintýrisins, og við
spurðum Herdísi Egilsdóttur
hvort hún hefði leitað sér
fyrirmynda í gömlum ævintýrum
við gerð þessa verks?
- Ég hef haft þá atvinnu að
kenna börnun á aldrinum 5-9 ára
í yfir 30 ár og ég veit það af langri
reynslu að allt sem verða á
börnum til íhugunar og þroska
verður að hafa á sér blæ ævintýris
og skemmtunar, því leikurinn er
einu sinni svo stór þáttur í Iífinu.
En í rauninni fjallar þetta um
brýnan þjóðfélagsvanda, sem
felst í því hvernig börn og aldrað
fólk er haft utangarðs í okkar
þjóðfélagi. Ég er í þessum leik að
benda á hættuna sem stafar af
þessum aðskilnaði, þar sem börn
og aldrað fólk er útilokað frá
þátttöku í þjóðfélaginu vegna of
mikillar vinnu og eftirsókn eftir
efnislegum gæðum.
Rympa býr á ruslahaugnum,
hvað táknar hún í þessum leik?
- Hún er persónugervingur
óæskilegs félagsskapar, en ég hef
hana viljandi skemmtilega og
spennandi vegna þess að
freistingarnar eru allltaf
spennandi, annars væri lítill
vandi að forðast þær.
Ég veit það af eigin reynslu sem
kennari og einstæð móðir að það
er tilviljunum háð í hvaða
félagsskap börnin lenda ef þau
eru látin afskiptalaus og án
handleiðslu, en í leikritinu velti
ég líka upp þeirri spurningu,
hvers vegna þessi vondi
félagsskapur er til kominn, því
hann er ekki til kominn fyrir
tilviljun, og Rympa á sér líka sína
sögu og sínar manneskjulegu
hliðar. Hún hafnaði á
ruslahaugnum af því að henni
hafði verið hafnað af samfélaginu
á sínum tíma. Þannig myndar
sagan eins konar vítahring, og í
leikritinu kemur það í hlut
barnanna að rjúfa hann.
Annars er ég ekki að leysa
vandann með þessari sögu,
heldur deili ég á aðstæðurnar og
vonast til að vekja fólk til
umhugsunar. Leikritið er fullt af
söngvum og dönsum, því ég veit
það að börnin upplifa hljóð og
takt mun sterkara en við, og þau
njóta þess að lifa sig þannig inn í
söguna. Ég held að ég geti líkt
þessu leikriti við tertu: yngstu
börnin njóta þess að borða berin
sem eru ofaná í söngvum,
dönsum og ærslafullum leik, en
ég vona að leikritið eigi erindi til
allra aldurshópa og veki fólk til
umhugsunar.
- Eins og áður segir þá hefur
Herdís Egilsdóttir samið bæði lög
og ljóð við leikinn, en tónlistin er
leikin af 6 manna hljómsveit á
sviðinu undir stjórn Jóhanns G.
Jóhannssonar. Leikstjóri er
Kristbjörg Kjeld, en Messíana
Tómasdóttir hefur gert
sviðsmynd og búninga af mikilli
list. í sýningunni koma fram 21
dansarar, flestir ungir nemar úr
Listdansskóla Þjóðleikhússins,
og stjórnar Lára Stefánsdóttir
Laugardagur 31. janúar 1987 ÞJÖÐVILJINN - SÍÐA 7
dönsunum. Sigríður Þorvalds-
dóttir leikur Rympu, Gunnar
Rafn Guðmundsson leikur Skúla
og Sigrún Edda Björnsdóttir
leikur Boggu. Margrét
Guðmundsdóttir leikur
ömmuna, en Viðar Eggertsson
leikur leitarmann. Aðrir leikarar
eru Ásgeir Bragason, Hjördís E.
Lárusdóttir og Sólveig Arnars-
dóttir.
ólg.
Ránka
í Ný-
lista-
safninu
í gær opnaði listakonan Ránka,
sem heitir fullu nafni Ragnheiður
Hrafnkelsdóttir-sýningu ámál-
verkum, skúlptúrum og krítar-
myndum í Nýlistasafninu, Vatns-
stíg3B.
Málverkin eru unnin úr
blönduðu efni og sækir Ránka
efnisviðinn gjarnan beint til nátt-
úrunnar og nýtirsérfiður, skeljar
og önnur náttúruleg efni. Myndir
Rönku bera dökkt yfirbragð og
leiða hugann að ragnarökum og
mörkum lífs og dauða. Aðspurð
sagðist Ránka ekki vilja tjá sig
um myndirnar, því það sem skipti
máli væru hin sjónrænu hughrif.
Myndirnar eru flestar unnar í
Hollandi, þar sem Ránka hefur
verið búsett undanfarið, en hún
lauk námi frá Gerrit Rietveld Ac-
ademie í Amsterdam 1984. Sýn-
ingin er opin kl. 14-20 um helgar
en kl. 16-20 virka daga.
ólg.