Þjóðviljinn - 12.06.1987, Blaðsíða 9

ÖRFRÉTTIR
Býflugrtasveimur
batt enda á fótboltaleik í Tékkó-
slóvakíu í fyrradag, að sögn
fréttastofunnar Ceteka þar í
landi. Annar markmaðurinn sló
hælum í þjó þegar markið fylltist
af reiðum býflugum og fylgdu
aðrir leikmenn fordæmi hans og
létu sig hverfa af vellinum. Hafði
leikurinn aðeins staðið í tíu mínút-
ur þegar þetta gerðist. Tvisvar
var reynt að hefja leikinn að nýju
en fénaðurinn stöðvaði þegar þá
fótboltaviðleitni.
Dómstóll
í Frakklandi sýknaði nýlega
mann einn af morðákæru en
hann skaut föður sinn í höfuðið
með byssu þar sem hann lá á
spítala þungt haldinn af krabba-
meini. Rannsóknardómari segir
að sá ákærði hafi framið verkn-
aðinn fyrir ástar sakir á föður sín-
um. Navy, en svo heitirsonurinn,
sagði réttinum að faðir sinn hefði
grátbænt sig um að binda enda á
þjáningarnar: Láttu mig ekki
kveljast svona, sonur sæll.
Fræðimenn
við Hooverstofnunina í Kaliforníu
hafa komist í áður óþekkt skjöl og
Ijósmyndir úr fórum Leon Trot-
skís. Pappírar þessir eru frá árun-
um 1931-1938 og hafaaðgeyma
ýms pólitísk skrif auk sendibréfa
til fjölskyldumeðlima. Meðal ann-
ars er þarna um að ræða óbirtan
kafla úr hinu fræga riti Trotskís
um byltinguna 1917. Trotskí
hraktist í útlegð árið 1929 að
undirlagi Jósefs Stalíns og var
myrtur af flugumanni hans í Mex-
íkó ellefu árum síðar.
Brennisteinsdíoxíð
í andrúmslofti er yfir mörkum
þeim sem Alþjóðaheilbrigðis-
stofnunin miðar við í fjölmörgum
borgum heims og nær þessi
mengun til rúmlega 600 milljóna
borgarbúa vítt og breitt um jarð-
arkringluna. Verst er ástandið í
Mflanó en síðan koma borgirnar
Shenyang í Kína, Teheran, Seo-
ul, Rio de Janeiro, Sao Paulo,
Xian í Kína, París, Peking og Ma-
drid.
Nýr sjónvarpssími
kemur væntanlega á markaðinn í
Japan í næsta mánuði og vonast
framleiðendurnir til að háttvirtir
kaupendur hafi efni á nýjunginni
en veröið er áætlað í kringum 14
þúsund krónur. Þeir sjónvarps-
símar sem hafa verið á boðstól-
um hingað til kosta hátt í þrjár
milljónir íslenskra króna og eru
því sem næst eingöngu notaðir af
stórfyrirtækjum við símaráð-
stefnuhald.
Hafnarverkamenn
í júgóslavnesku borginni Rijeka
eru farnir í verkfall og krefjast
hærra kaups. Mikil óánægja
greip um sig meðal þeirra þegar
þeir fengu útborgað fyrir maí í síð-
ustu viku en kaupið hefur ekki
hækkað um dínar síðan í des-
ember, þrátt fyrir miklar hækkanir
á nauðsynjavöru. Síðan stjórn-
völd gripu til þess ráðs að frysta
kaupið hafa hundruð verkfalla
riðið yfir landið.
___________heimurinn________
Spánn
Sósíalistum refsað
Um 1,3 miljón kjósendur afþeim 8,9 sem greiddu Sósíalistaflokki Felipe
Gonzalezar atkvœði í þingkjörinu ífyrra sátu ýmist heima íþríkjörinu í
fyrradag eða kusu aðraflokka
Stór hluti fylgismanna Sósíal-
istaflokksins spænska frá því í
þingkjörinu á síðasta ári var
þeirrar skoðunar í fyrradag að
flokkurinn verðskuldaði ráðn-
ingu fyrir stefnu sína i atvinnu- og
efnahagsmálum sem valdið hefur
gífurlegri ólgu meðal alþýðu
manna. Þeir greiddu öðrum
flokkum atkvæði eða hreiniega
skrópuðu. Þrátt fyrir þetta segja
formælendur flokksins að hvergi
verði hvikað frá stefnunni óvin-
sælu.
Af þeim 8,9 miljónum atkvæða
sem flokkurinn hreppti í fyrra var
1,3 fjarri góðu gamni þegar talið
hafði verið upp úr kjörkössunum
í gærmorgun. Að vísu er flokkur-
inn enn sem fyrr langstærsta
stjórnmálaaflið á Spáni með 37,2
prósent kjósenda á bak við sig,
um sautján hundraðshlutum
meira en nærststærsti flokkurinn,
en tapið er engu að síður alvarleg
áminning til stjórnarinnar um að
breyta um stefnu í efna-
hagsmálum og sviptir að auki
flokkinn alræðisvöldum víða í
spænskum borgum og héraðs-
stjórnum.
Sósíalistaflokkurinn fékk 28
sæti á Evrópuþinginu af þeim 60
sem bitist var unt. Það er minna
en framámenn hans höfðu gert
sér vonir um en þeir höfðu sett
markið við 30 sæti. Fyrrum höfðu
þeir umráð yfir 36 sætum.
í borgarstjórnakjörinu glötuðu
sósíalistar hreinum meirihluta í
fjórum af fimm stærstu borgum
Suarez greiðir atkvæði en Gonzalez kreppir hnefann og hyggst halda sínu striki þrátt fyrir fylgistap. Suarez rær öllum
árum að því að hnekkja veldi Gonzalezar í þingkjörinu árið 1990. Hann þokaðist nær settu marki í fyrradag.
Spánar. Höfuðborgin Madrid,
Sevilla, Valencia og Saragossa
féllu. íbúar Barcelonu héldu
hinsvegar tryggð við flokkinn og
kann það að helgast af því að
ríkisstjórnin hefur nýskeð aflað
borginni réttarins til að halda Ól-
ympíuleika árið 1990.
Verst var útkoma flokksins í
héraðsþingskosningunum. Sósí-
alistar voru einráðir í ellefu hér-
uðum af þrettán á þriðjudag en
nú sitja þeir aðeins við stjórnvöl-
inn í tveim.
Það er huggun harmi gegn að
helsti stjórnarandstöðufíokkur-
inn, hið hægrisinnaða Alþýðu-
bandalag, tapaði einnig fylgi.
Hinsvegar má Adolfo Suarez,
fyrrum forsætisráðherra og for-
maður Lýðræðislega miðflokks-
ins, una vel við sinn hlut, en
flokkur hans er nú í lykilaðstöðu
víða í borgum og héruðum og
fékk sjö félaga kjörna á Evrópu-
þingið í Strassborg. Einnig hafa
félagar aðskilnaðarflokks Baska,
Henri Batasuna, verið karnpa-
kátir í gærmorgun þegar Ijóst var
að hann hafði fengið einn mann
kjörinn á Evrópuþingið, þvert á
spár manna sem gerst þóttust
vita.
-ks.
Leiðtogar Sandínista: Contadoraríkin taki þátt í friðarviðræðunum seinna í mánuðinum.
Nicaragua
Bandaríkin kynda undir ófriði
Ortega: Tómt mál að tala umfrið meðan Bandaríkin hlaða
fjármagni og vopnum á glæpalýð Kontranna.
Daniel Ortega, forseti Nicarag-
ua, sagði í gær að friðarvið-
ræður í Mið-Ameríku gætu eng-
an árangur borið ef ekki kæmi til
stefnubreyting Bandaríkjastjórn-
ar.
„Það er grundvallarskilyrði að
Bandaríkjamenn taki upp
breytta stefnu ef tryggja á frið í
Mið-Ameríku,“ sagði Órtega, og
vísaði til stuðnings Bandaríkja-
stjórnar við sveitir Kontra sem
berjast gegn stjórn Sandínista í
Nicaragua.
„Meðan Bandaríkin fjármagna
og hlaða vopnum á þennan glæp-
alýð er afskaplega ólíklegt að
friðarsamningum verði náð,“
sagði hann á blaðamannafundi
þar sem hann skýrði í grófum
dráttum frá afstöðu stjórnar sinn-
ar til friðarviðræðna sem hefjast
seinna í mánuðinum og þjóð-
höfðingjar nágrannalandanna
munu sitja.
Oscar Arias, forseti Costa
Rica, leggur nú áherslu á að afla
stuðnings við friðartillögur sínar,
en viðræðurnar hefjast í Guate-
mala hinn 25. júní. Tillögum Ari-
asar svipar til tillagna Contadora-
landanna, og er inntak beggja að
erlendum hernaðarráðgjöfum
verði vísað frá Mið-Ameríku,
samið verði um vopnahlé í skær-
uliðastyrjöldunum þremur sem
nú eru háðar á svæðinu, og að
skæruliðasveitir hætti að njóta
stuðnings erlendis frá.
Ortega lýsti því yfir í gær að
tillögur Aríasar stuðluðu að því
að tryggja friðinn í þessum
heimshluta, en sagði jafnframt að
Contadoraríkin ættu að taka þátt
í friðarviðræðunum, en með
Contadoraríkjunum er átt við
Mexíkó, Colombíu, Panama og
Venesúela.
Eins og kunnugt er hafa
Bandaríkjamenn sakað Conta-
doraríkin um að draga taum Nic-
aragua í væntanlegum friðarum-
leitunum.
Prestar í Noregi
Burt með
helgidagana
Prestar í Norcgi vilja nú fella
niður flmm helgidaga. Þeim
flnnst það ekki þjóna neinum til-
gangi lengur að halda hátíðlega
annan dag jóla, páska og hvíta-
sunnu, skírdag og uppstigningar-
dag. Við erum leiðir á að vinna
þegar allir aðrir hafa frí, segja
prestarnir.
Það er staðreynd að flestar
kirkjur eru hálftómar á þessum
helgidögum. Prestarnir telja að
boðskapurinn komist betur til
skila ef þeir geta einbeitt sér að
færri og stærri hátíðisdögum.
Þetta eru helstu rökin fyrir tillögu
þeirra. Ennfremur segja þeir litla
trúarlega ástæðu fyrir því að
halda annan jóla, páska- og
hvítasunnudag hátíðlegan.
Þó að fólk flest gangi ekki til
kirkju á þessum helgidögum, má
búast við að það mótmæli því
harðlega að þessir dagar verði
gerðir að virkum dögum. Því
hver vill ekki eiga frí þegar þess
er kostur? Þar að auki eru þetta
lögbundinir frídagar. Prestarnir
hafa því stungið upp á því að
þessum dögum verði safnað sam-
an í eina viku, sem verði almenn
frívika. Samtök vinnuveitenda
segjast hlynnt breytingunum, því
að afköst munu líklega aukast í
kjölfar þeirra. Tillaga prestanna
hefur að sjálfsögðu vakið athygli
fólks, en hvort hún nær fram að
ganga er annað mál.
Baldur Pálsson, Noregl
HS
Föstudagur 12. júní 1987 ÞJÓÐVILJINN - SÍÐA 9