Þjóðviljinn - 04.07.1987, Blaðsíða 3
Torfæruhjól
Burtræk
úr borgar-
landinu
Borgarráð ákveður að
banna umferð torfœru-
hjóla í borgarlandinu.
Ákvœði í nýja lögreglu-
samþykkt. Á við bœði
fjórhjól og önnur tor-
fœrutæki
Borgarráð ákvað á fundi sínum
í vikunni að leggja almennt bann
við umferð torfærubjóla í borgar-
landinu. Þar er átt við hvers kyns
torfæruhjól, hvort sem þau eru á
tveimur, þremur eða fjórum hjól-
um.
Ákveðið var að setja ákvæði
um þetta í nýja lögreglusam-
þykkt, en hún á eftir að fá stað-
festingu dómsmálaráðherra og
því tekur bannið ekki gildi strax.
Reykjavíkurborg bætist með
þessari samþykkt í hóp fjölmar-
gra sveitarfélaga sem hafa lagt
bann við umferð fjórhjóla á sínu
yfirráðasvæði. Samþykkt borg-
arráðs gerir þó ráð fyrir að veittar
verði undanþágur frá banninu á
ákveðnum svæðum eða brautum.
-gg
Lögreglan
Lýst eftir
stúlku
Lögreglan í Reykjavík lýsir
eftir Píu Jespersen, 15 ára gamalli
danskri stúlku, sem ekkert hefur
spurst frá því miðvikudaginn 1.
júlí sl. Vitað var um ferðir Píu í
Reykjavík milli kl. 15.00 og 16.00
þann dag.
Pía var klædd í strigaskó, bláar
gallabuxur, gallajakka, bláan að
lit með hvítu loðfóðri og loð-
kraga. Hún var með svarta hand-
tösku og notar ýmist gleraugu
eða sjónlinsur.
Pía er 165 sm á hæð, þybbin,
með ljóst stutt hár.
Þeir sem gefið geta upplýsingar
um ferðir Píu frá því kl. 16.00 sl.
miðvikudag, eru beðnir um að
snúa sér til lögreglunnar.
T
FRETTIR
Skinna- og prjónaiðnaður
Fyriitækin gefast upp
Dúkur h/fhefur sagt upp 30 manns. Selurframleiðslutækin og leigir húsnœðið.
Skinna- og saumastofa Sambandsins á Akureyri hefurþegar lokað og sagði upp 35 manns.
Formaður Iðju á Akureyri: Fyrirtœkiíþessari iðngrein flytja starfsemina erlendis
Fyrirtækið Dúkur h/f hefur
sagt upp öllu starfsfólki sínu,
um 30 manns, og ætlar að selja
framleiðslutækin og leigja út
húsnæði sitt. Skinna- og sauma-
stofa Sambandsins á Akureyri
hefur þegar lokað og mun vera
byrjað að selja vélar og tæki verk-
smiðjunnar. Þar misstu 35 manns
atvinnuna. En velflestir þar
nyrðra munu þó vera búnir að fá
aðra vinnu við sitt hæfi.
Að sögn Kristínar Hjálmars-
dóttur, formanns Iðju, félags
verksmiðjufólks á Akureyri, eru
þar engar áætlanir uppi um að
reyna fyrir sér á nýjan leik í þess-
ari iðngrein og mun að líkindum
Við Bíldshöfða: Margir voru á síðustu stundu með bílinn sinn í skoðun fyrir sumarleyfið. Mynd: Loftur Atli.
Bifreiðaeftirlit
Betra seint en aldrei
Einar Torfason: Mér leist bara ekkert áþetta. Um500 bílar skoðaðirsíðasta
daginn. Klippum ekki á bíla sem eru ílagi. Ástand bifreiða lakara en oft
áður
Skoðun bifreiða liggur niðri frá
og með mánudeginum og allt
til 10. ágúst vegna sumarleyfa
starfsmanna Bifreiðaeftirlitsins. í
gær mynduðust langar raðir bfla
og manna fyrir utan stofnunina
þar sem allir vildu fara með skoð-
aðan bfl í sumarleyfið.
Að sögn Einars Torfasonar bif-
reiðaeftirlitsmanns voru þetta
mest bflar með fjögurra og fimm
stafa númerum sem voru boðaðir
í skoðun í febrúar og mars í vetur.
„Mér leist bara ekkert á þetta í
morgun þegar ég mætti til vinnu.
Við höfum afgreitt um 450 bfla og
höfum opið til kl. 3. Fólk verður
látið eiga sig ef bílar þess eru í
lagi. Það er hins vegar staðreynd
að bílar eru í lélegra ásigkomu-
lagi núna en oft áður,“ sagði Ein-
ar um tvöleytið í gær.
Margir viðskiptavina stofnun-
arinnar stóðu í biðröðum 3-4
klst. og bílarnir mynduðu hálfs
km langa röð. Fólk hafði á orði
að það væri einkennileg ráðstöf-
un að loka þessari þjónustustofn-
un í mánaðartíma svo skömmu
eftir verkföllin uin daginn. - gsv
Fiskverð
Markaðsverð hækkað um 20%
Hagfræðingur Sjómannasambandsins: Mismiklar hækkanir áfiski eftir að
það varðfrjálst. Grandi h/f og Sauðárkrókur skera sig úr með hátt verð. Á
mörgum stöðum hefur enn ekki verið samið um nýtt fiskverð
Með tilkomu fiskmarkaða í
Reykjavík og Hafnarfirði,
ásamt því að fiskverð var gefið
frjálst 15. júní síðastliðinn er
Ijóst, samkvæmt þeim upplýsing-
um sem ég hef, að markaðsverð á
þorski, miðað við tveggja kflóa
þorsk, hefur hækkað um 20%,
segir Hólmgeir Jónsson, hagfræð-
ingur Sjómannasambapds ís-
lands.
Að sögn Hólmgeirs hafa verð-
hækkanir á fiski verið mjög mis-
munandi eftir stöðum á landinu.
Samkvæmt þeim upplýsingum
sem liggja nú þegar fyrir hefur
fiskverð hækkað mest hjá
Granda h/f og á Sauðárkróki. Á
mörgum stöðum hefur enn ekki
verið gengið frá samkomulagi um
nýtt fiskverð, en hér á eftir verð-
ur getið um það verð sem samist
hefur um.
Hjá Granda h/f í Reykjavík
hefur þorskverð hækkað um 20%
fyrir 1,8 kflóa fisk og þyngri frá
síðast gildandi Verðlagsráðs-
verði. Þorskur léttari en 1,8 kfló
lækkar frá síðasta gildandi verði.
Ufsi hækkar um 21% frá síðasta
verði og karfi hækkar um 3,4% til
40%. Aðrar fisktegundir verða
seldar á markaði.
Sauðárkrókur: Eftir því sem
best verður séð er verðið sam-
kvæmt samkomulaginu á Sauðár-
króki með 10% kassaálagi inni í
verðinu. Þar hækkar verð á þor-
ski um 19-20%. Verð á ýsu hækk-
ar um 12-13%. Ufsi 75 cm og yfir
hækkar um 5,7%. Ufsi 70-75 cm
hækkar um 54% og ufsi undir 70
cm hækkar um 14%. Aðrar teg-
undir hækka nálægt 10% nema
langa, blálanga, hlýri, steinbítur,
skata og háfur sem hækka ekki.
Höfn í Hornafírði: Þar hefur
fiskverð hækkað um 10% frá síð-
asta gildandi verði. Auk þess er
greitt 10% álag til viðbótar ef afl-
anum er landað heima. Þetta álag
skerðist ef hluta aflans er landað
utan heimahafnar.
Eskifjörður: Þar hefur þorsk-
verð á fyrsta flokks þorski hækk-
að um 10% frá síðast gildandi
verði. Aðrar tegundir hafa ekk-
ert hækkað.
Akranes: Þar hækkaði þorskur
um 15% og gildir sú hækkun frá
síðustu áramótum. Karfi sem er
eitt kfló og þýngri hækkar um
15%, en karfi sem er frá hálfu
kflói og upp í eitt kfló hækkar um
7%. Ýsa, ufsi og grálúða hækka
um 10%. Hækkunin á grálúðunni
gildir frá áramótum.
Vestfirðir: Þar hækkuðu fisk-
kaupendur fiskverð einhliða um
10% frá síðast gildandi verði.
Vestmannaeyjar: Þar er á ferð-
inni fleira en eitt verð. Á einum
stað er kassauppbótin hækkuð úr
10% í 20%. Einnig er greitt 5%
flokkunargjald á þorsk og ýsu til
viðbótar. Þessar prósentur
reiknast ofaná síðast gildandi
Verðlagsráðsverð. Til viðbótar
þessu eru greiddar 5 krónur fyrir
hvert kíló af þorski sem er yfir 75
cm.
Á öðrum stað í Eyjum voru
greidd 15% ofan á síðasta þorsk-
verð miðað við 2 kflóa fisk og
yfir. 14 krónur voru greiddar fyrir
kflóið af ufsa undir 75 cm, og
karfi var hækkaður um 6% frá
síðast gildandi verði.
Ólafsvík: Þar hafa þorskur og
ýsa hækkað um 10% frá síðasta
verði. Verð á kola er 20 krónur
fyrir kflóið. _grh
tapast sú verkkunnátta og þekk-
ing á skinnasaumi sem þar var
fyrir. Sagði Kristín þróunina í
þessari iðngrein, í sauma- og
prjónaiðnaði, vera mjög dapur-
lega fyrir íslenskan iðnað, þar
sem sterkur grunur lægi á um að
eitthvað af þeim fyrirtækjum sem
væru að leggja upp laupana hér á
landi, flyttu út starfsemina til
annarra landa svo sem Skotlands,
þar sem viðkomandi stjómvöld
tækju hverju nýju atvinnutæki-
færi opnum örmum og niður-
greiddu framleiðslukostnaðinn
fýrir viðkomandi atvinnurak-
enda.
Birgir Bjarnason, fram-
kvæmdastjóri Dúks h/f, sagði á-
stæðuna fyrir uppsögnum starfs-
manna fyrirtækisins vera þá að
enginn grundvöllur væri fyrir áfr-
amhaldandi starfsemi vegna erf-
iðrar stöðu í ullariðnaðinum hér,
og þar væri fyrst og fremst um að
kenna veikri stöðu dollarans.
Vildi Birgir ekkert kannast við
það að fyrirtækið ætlaði að flytja
starfsemina til annarra landa og
sagði að allar sögusagnir þar að
lútandi væru gróusögur sem ekki
ættu við neitt að styðjast.
-grh
Hafrannsóknastofnun
Ýsu og
ufsa í stað
þorsks
JakobJakobsson: Eigum
að nýta góðærið ísjónum
til að ná þroskstofninum
upp. Hafrannsókna-
stofnun mælir með
aukinniýsu- og ufsaveiði
Aðalatriðið er hvort við nýtum
okkur góðærið í sjónum til að
ná þorskstofninum upp. Til að
svo megi verða þurfum við að
draga úr sókninni um 20% á
næstu 2 árum, segir Jakob Jak-
obsson, forstjóri Hafrannsókna-
stofnunar, en stofnunin hefur lagt
til að þorskveiðin verði ekki yfir
300 þús. tonn næstu tvö ár.
Þorskveiðin á þessu ári stefnir í
360 þúsund tonn að mati Haf-
rannsóknastofnunar en var 369
þús. tonn á sl. ári. Tillögur stofn-
unarinnar voru kynntar
hagsmunaaðilum í sjávarútvegi í
gær og sagði Jakob að menn
hefðu almennt tekið vel í tillög-
urnar.
Ýsustofninn er á góðri uppleið
og sömuleiðis ufsastofninn, sam-
kvæmt rannsóknum, og leggur
Hafrannsóknastofnun til að
sóknin verði aukin í báðar þessar
fisktegundir. Óhætt sé að veiða
60 þús. tonn af ýsu á næsta ári og
90 þús. tonn árið 1989 en ýsu-
aflinn í fyrra var tæp 50 þús. tonn.
Hafrannsóknastofnun segir að
ýsustofninn frá 1985 sé sá lang-
stærsti sem komið hafi fram í tæp
30 ár.
Ufsaaflinn í fyrra var rúmlega
66 þús. tonn og stofnunin segir
óhætt að auka veiðina í 75 þús.
tonn. Mikil óvissa er um loðnu-
veiðamar á næstu vertíð en Haf-
rannsóknastofnun hefur lagt til
að veidd verði 500 þús. tonn á
haustvertíð fram að áramótum.
-•g-
ÞJÓÐVIUINN - SÍÐA 3