Þjóðviljinn - 04.07.1987, Page 4

LEIÐARI
Haugastefna Framsóknarráðherrans
Steingrími Hermannssyni hefur með refs-
skap tekist að knýja fram fjórða Framsókn-
arstólinn í þríflokkastjórninni, og þótt Guð-
mundur G. Þórarinsson hafi notað það tækifæri
til að ítreka landsfræga metnaðargirnd sína
dylst fáum að fjórði stóllinn mun ætlaður Jóni
Helgasyni frá Seglbúðum. Framsóknarmenn
ætla að halda áfram um stýristauma í landbún-
aðarmálum, og treysta best til þess þeim sem
fyrir var á fleti.
Undanfarna daga og vikur hefur landbúnað-
arstefna Jóns Helgasonar birst höfuðborgarbú-
um með afar sérstæðum hætti. Landbúnaðar-
stefnunni hefur nefnilega verið hlaðið skipulega
á flutningabíla og ekið með hana beinustu leið
útá öskuhauga þarsem stórvirkar jarðýtur sjá
um að troða hana niður og blanda hanni sam-
anvið annað góss sem íbúar svæðisins telja sig
ekki þurfa lengur á að halda.
Nú er að vísu engin nýlunda að illa sé farið
með mat á (slandi, og þarf ekki annað en að
benda á skrykkjótta vinnslusögu í sjávarútvegi,
en óneitanlega bregður venjulegu fólki illa við
þegar það sér helgarmatinn á haugunum, - og
óneitanlega er haugakeyrslan átakanlegt tákn
um mistök þeirra sem haft hafa forystu í íslensk-
um landbúnaði, jafnvel þótt þeirri hagfræði sé
haldið að fólki að í rauninni sé stórgróði af þess-
um ökuferðum með fjallalömb og nýtt grænmeti
í Gufunesið.
Á árum áður var ranglega staðið að fjárfest-
ingum og skipulagsvinnu í þessum mikilvæga
atvinnuvegi, fyrirhyggjulaus hagsmunasamtök
og ægivald skriffinnskukerfis áttu síðan sinn
þátt í því að ekki var brugðist við nýjum tímum
með þeim fyrirvara sem þurfti. Þegar loks er
tekið til hendi með kvótum og skömmtunum ríkir
handahófið öðru ofar án tillits til félagslegra
aðstæðna, landnýtingarsjónarmiða, framtíðar-
áætlana.
Mesta ábyrgð á landbúnaðarstefnu ösku-
hauganna bera hinir pólitísku valdsmenn, og
fremstur þeirra er sami Jón Helgason og nú á
að fá fjórða stólinn. En það er ekki við hann
einan að sakast, því að ástandið í landbúnaði á
sér sögulegar rætur. Og í því sambandi verður
það aldrei of oft upp rifjað að landbúnaðarmálin
hafa verið á ábyrgð tveggja stjórnmálaflokka
svo lengi sem elstu menn muna. Að undantekn-
um tveimur skammlífum minnihlutastjórnum
hafa framsóknarmenn og sjálfstæðismenn ver-
ið landbúnaðarráðherrar í öllum ríkisstjórnum
síðan sá ráðherrastóll var búinn til. Framsókn-
armenn hafa ráðið landbúnaðarráðuneytinu í
samtals 24 ár síðan árið 1947, Sjálfstæðis-
menn í 15 ár.
Dagur á Akureyri bendir á það í ritstjórnar-
grein í fyrradag að bæði sjálfstæðismenn og
kratar hafa beðið þess í stjórnarmyndunarvið-
ræðunum að kaleikur landbúnaðarráðuneytis-
ins yrði frá þeim tekinn. Dagur telur þessa
hræðslu „undirstrika" það sem blaðið hefur
„margoft“ bent á í forystugreinum sínum: „Jóni
Helgasyni fórst stjórn landbúnaðarmálanna
farsællega úr hendi á síðasta kjörtímabili" og
hann „tók á málum af festu og náði verulegum
árangri".
Þeir á Degi eru heppnir að lesendur blaðsins
skuli flestir búsettir í hæfilegri fjarlægð frá ösku-
haugunum á Gufunesi.
Þingað um Laxness
í dag á að þinga um verk Halldórs Laxness
og komast færri að en vilja. Aðstandendur og
málshefjendur eru flestir ungt fólk, sem meðal
annars ber því vitni að þrátt fyrir tækniglys og
fjölmiðlunarfár hefurnýjustu kynslóðum Islend-
inga tekist að halda verðmætaskilvindunni í
fullkomnu lagi, - og nálgast verk skáldsins
sennilega af meiri bókmenntanautn og for-
dómaleysi en margir þeirra sem fyrstir lásu.
Dagskrá málþingsins virðist fjölbreytt, og þar
á að fjalla um Halldór og verk hans frá mörgum
hliðum, af leikum og lærðum, með fræða-
brögðum og sviðstúlkun, í alvöru og í gáska, en
umfram allt af ræktarsemi og með þökkum.
Skáldið frá Laxnesi á ekki heima á stalli, verk
þess eiga að leika lausum hala í daglegu lífi
okkar. Sem ekki er í neinni andstöðu við þann
sannleik um góðar bókmenntir að „þar sem
jökulinn ber við loft, hættir landið að vera jarð-
neskt, en jörðin fær hlutdeild í himninum, þar
búa ekki framar neinar sorgir, og þess vegna er
gleðin ekki nauðsynleg, þar ríkir fegurðin ein,
ofar hverri kröfu“.
-m
pJÓÐVILJINN
Málgagn sósíalisma, þjóðfrelsis
og verkalýðshreyfingar
Útgefandi: Útgáfufólag Þjóðviljans.
Ritstjórar: Ámi Bergmann, Þráinn Bertelsson, össur
Skarphéðinsson.
Fréttastjóri: Lúðvík Geirsson.
Blaðamenn: Garðar Guðjónsson, Guðmundur Rúnar Heiðarsson,
Hrafn Jökulsson, HjörleifurSveinbjörnsson, IngunnÁsdísardóttir,
Kristín Ólafsdóttir, Kristófer Svavarsson, Logi Bergmann Eiðsson
(íþróttir), Magnús H. Gíslason, MörðurÁmason, c5lafurGfslason,
Ragnar Karisson, SigurðurÁ. Friðþjófsson, StefánÁsgrímsson.Vil-
borg Davíðsdóttir, Yngvi Kjartansson (Akureyri).
Handrita- og prófarkalaatur: Elías Mar, Hildur Finnsdóttir.
Ljósmy ndarar: Einar Ólason, Siguröur Mar Halldórsson.
Utiitataiknarar: Sævar Guðbjömsson, GarðarSigvaldason.
Framkvœmdastjóri: Guðrún Guðmundsdóttir.
Skiifstofustjóri: Jóhannes Haröarson.
Skrifatofa: Guðrún Guðvarðardóttir, Guðbergur Þorvaldsson.
Auglýsingastjóri: Sigríður Hanna Sigurbjörnsdóttir.
Augiýsingar: Baldur Jónasson, Olga Clausen, Guðmunda Kristins-
dóttir.
Símvarsla: Katrín Anna Lund, Sigríður Kristjánsdóttir.
Húsmóðir: Soffía Björgúlfsdóttir.
Bfistjóri: Jóna Sigurdórsdóttir.
Útbrei ðsl u- og afgreiðslustjóri: HörðurOddfríðarson.
Afgreiðsla: Bára Sigurðardóttir, Kristín Pótursdóttir.
Innhelmtumenn: Brynjólfur Vilhjálmsson, ÓlafurBjömsson.
Utkeyrsla, afgreiðsla, ritstjórn:
Síðumúla 6, Reykja vík, sími 681333.
Augiýsingar: Síðumúla 6, símar 681331 og 681310.
Umbrot og setnlng: Prentsmiðja ÞJóðviljans hf.
Prentun: Blaðaprent hf.
Verð f lausasólu: 55 kr.
Helgarblöð: 60 kr.
Áskrfftarverð á mánuði: 550 kr.
4 SÍÐA - ÞJÓÐVILJINN Laugardagur 4. júlí 1987