Þjóðviljinn - 05.08.1987, Blaðsíða 2

■■SPURNINGIN"1"
Hvert fórst þú um versl-
unarmannahelgina?
Hjálmar Snorrason
afgreiðslumaður
Ég fór á fyllerí í Húsafelli. Ég er frá
Húsavík og kom bara suður til að
fara í Húsafell. Það var ágætt,
svona hæfilega gaman.
Valborg Salóme Ingólfs-
dóttir
skrifstofublók
Ég fór á Laugavatn og þennan
klassíska túristahring, Gullfoss
og Geysi; og gerði allt þetta
klassíska sem fólk gerir í tjaldúti-
legu. Hagaði mér voða vel líka.
Málfríöur Gísladóttir
talsímamær
Ég fór á Laugavatn með fjöl-
skyldu minni og vinum. Það var
æðislega gaman, við fórum á bát
og í gufu og svo drakk ég svolítið
hvítvín.
Birna Bragadóttir
sendill hjá Davíð
Ég fór í Skaftafell og var alveg
ofsalega heilbrigð, gekk og gekk.
Tvo kílómetra fyrsta daginn, 30
næsta dag og 6 þann síðasta.
Bragðaði ekki brennivín.
Erlingur Karlsson
kennari
Ég fór að Geysi og Gullfossi og
það var mjög gaman, ég hafði
ekki komið þangað fyrr. Einnig
fór ég í Bláa lónið. Ég lét mér sem
sagt nægja skoðunarferðir um
nágrennið í stað þess að fara í
útilegu. En ég saknaði þess að
hafa engan fótbolta um helgina.
FRÉTTIR
Aðstæður kannaðar fyrir kertafleytinguna í kvöld. F.v. Sigrún Jónsdóttir, Friðarhreyfingu íslenskra kvenna Guðrún Alda
Harðardóttir, Friðarhópi fóstra, Ingibjörg Haraldsdóttir, Samtökum herstöðvaandstæðinga oq Siqurhan’na Siqurjóns-
dóttir, Friðarhópi fóstra. M M '
I
Aldrei aftur
Hírósíma
Kertumfleytt á
Tjörninni í kvöld til
að minnast þess að 42
ár eru liðinfrá
kjarnorkuárásinni á
Japan ístríðslok
í kvöld, klukkan 23.03 að ís-
lenskum tíma, eru nákvæmlega
42 ár liðin frá því að kjarnorku-
sprengju var varpað á japönsku
borgina Hírósíma. Islenskar
friðarhreyfingar minnast þessa
atburðar með því að efna til kert-
afleytingar á Tjörninni í kvöld.
A minnisvarða í Hírósíma má
nú lesa nöfn liðlega 113 þúsund
manna sem fórust þegar tortím-
ingin æddi yfir borgina. Margir
íbúanna reyndu að flýja hana
með því að kasta sér logandi í
fljótið sem rennur um borgina.
Því minnast Japanir þessa at-
burðar með því að fleyta logandi
kertum á vatni á þeirri stundu er
sprengjan féll.
Þessi siður hefur breiðst út um
heiminn, og því efna íslenskar
friðarhreyfingar til kertafleyting-
ar á Reykjavíkurtjörn í kvöld.
Safnast verður saman við Tjörn-
ina klukkan 22.30. Kerti verða til
SÖlu. uc
Prestskosningar
Nafnleyndin hæpin
Biskupsritari: Spurning hvort nafnleynd er lögleg. Ráðu-
neytisstjóri: Erfitt fyrir sóknina að nýta rétt til almennrar
prestskosningar ef nafnleynd er haldið
Mýafstaðin prestskosning í
Hjallaprestakalli hefur vakið
upp spurningar um framkvæmd
hinna nýju laga um kjör presta.
Hjallaprestakall er ný sókn í
Kópavogi, og samkvæmt frétta-
tilkynningu dómprófastsins í
Reykjavík, þá voru fjórir sem
sóttu um stöðuna, en séra Krist-
ján Einar Þorvarðarson, 29 ára
gamall, varð fyrir valinu á kjör-
mannafundi, sem skipaður var 16
af 18 mönnum í stjórn og vara-
stjórn sóknarnefndar. Dómpróf-
astsembættið gætir hins vegar
nafnleyndar um hina umsækj-
endurna, að því er virðist til að
vernda þá gegn illu umtaii og
þeirri niðurlægingu sem í því er
fólgin fyrir prest, „að honum hafi
verið hafnað, þar sem hann vildi
vera, en heimasöfnuðurinn yrði
að „sitja uppi með hann“, þar
sem aðrir vildu hann ekki“, eins
og segir í fréttatilkynningu dóm-
prófastsins í Reykjavík, Ólafs
Skúlasonar. Jafnframt segir í
fréttatilkynningunni að sami
háttur verði hafður á í prestskjöri
til Hólabrekkukalls, sem fram fór
30. júlí sl.
Þótt það sé ekki tekið fram í
fréttatilkynningu dómpróf-
astsins, þá tekur kjör kjörnefnd-
ar ekki gildi samkvæmt lögunum
fyrr en 7 dagar eru liðnir frá kjör-
fundi. Á þeim tíma geta 25%
sóknarbarna krafist þess að efnt
verði til almennrar prestskosn-
ingar. Sú spurning vaknar hins
vegar, hvernig sóknarbörn eiga
að taka afstöðu til þess, hvort
þessum rétti skuli beitt, þegar
nafnleynd hvílir yfir öðrum um-
sækjendum um starfið.
Við lögðum þessa spurningu
fyrir Þorstein Geirsson, ráðu-
neytisstjóra í dóms- og kirkju-
málaráðuneytinu:
- Þið eruð ekki einir um að
velta þessu fyrir ykkur, sagði Þor-
steinn Geirsson. Ég hef fengið
þær upplýsingar frá biskupsstofu,
að það sé bréf á leiðinni til okkar
þaðan, þar sem óskað sé álits
ráðuneytisins á framkvæmd nýju
laganna um prestskosningu. Ég
tel rétt að Biskupsstofa fái að
heyra álit okkar áður en við ger-
um það opinbert, en það ætti að
geta orðið á morgun.
Þegar við spurðum ráðuneytis-
stjórann hvort hann teldi það
eðlilegt, eins og fram kemur í til-
kynningu dómprófastsins, að láta
sem prestskjörið sé þegar afgreitt
mál, þá sagðist hann ekki vilja tjá
sig um málið, en hins vegar sagð-
ist hann viðurkenna að erfitt væri
fyrir sóknarbörnin að sjá hvernig
hægt væri að nýta sér réttinn til
almennra prestskosninga við
þessar aðstæður.
Spurning hvort
hún stenst lagalega
- Það er spurning hvort nafn-
leyndin stenst gagnvart lögunum,
sagði Magnús Guðjónsson bisk-
upsritari, þegar við bárum málið
undir hann.
- Dómprófastur hefur tjáð
okkur að hann hafi haft þann
háttinn á, að þeir sem vildu fá
upplýsingar um aðra umsækjend-
ur hjá honum hefðu fyrst verið
spurðir, hvort þeir væru í við-
komandi sókn. Hafi svarið verið
játandi hafi þeir fengið að vita
nöfn hinna umsækjendanna um
starfið, annars ekki. Bisk-
upsritari sagði að dómprófastur
væri hér að reyna á anda nýju
laganna um prestskosningar, sem
miðuðu að því að koma í veg fyrir
hnýtingar á milli sóknarbarna.
Það er hins vegar spurning hvort
nafnleyndin stenst gagnvart lög-
unum, og við höfum borið þá fyr-
irspurn undir ráðuneytið, sagði
Magnús.
Aðspurður um hvort eðlilegt
væri að tilkynna niðurstöðu kjör-
mannafundar án þess að geta
þess frests sem sóknin hefur til að
fara fram á almenna kosningu
sagði biskupsritari að kjör presta
færi þannig fram að eftir kjörfund
bæri dómprófasti að bíða í viku
án þess að aðhafast nokkuð. Að
sjö dögum liðnum bæri honum að
senda Biskupsstofu afrit af gjörð-
abók kjörmannafundar og síðan
skrifaði Biskupsstofa til ráð-
herra, sem setti prestinn endan-
lega í starfið.
Biskupsritari sagði að í Hjall-
aprestakalli þyrfti undirskrift um
1000 manna til þess að fara fram á
almenna prestskosningu, og
þurfa undirskriftirnar að vera
komnar til dómprófasts fyrir
miðnætti í kvöld, þegar áfrýjun-
arfresturinn verður útrunninn.
Að lokum skal þess getið að
Þjóðviljinn hefur frétt að auk
Kristjáns Einars Þorvarðarsonar
hafi eftirtaldir prestar sótt um
Hjallaprestakall: Séra Kristján
Björnsson, vígður 1987, séra
Torfi Hjaltalín, starfandi prestur
á Þingeyri og Guðmundur Örn
Ragnarsson, sem hefur 10 ára
reynslu af prestsstarfi og starfar
nú sem farprestur.
Ekki tókst að ná sambandi við
séra Ólaf Skúlason vegna þessa
máis í gær. -ólg.