Þjóðviljinn - 16.08.1987, Blaðsíða 3

Besta bókin hjá kallinum...
Stuttspjall við Þor-
geir Þorgeirsson, en
Töfralampi Williams
Heinesen kemur útí
„Þessi bók fór víst eitthvað illa í
danska gagnrýnendur, sem töldu
víst að kallinn væri orðinn elliær.
Mér finnst bókin hinsvegar mjög
góð; gott ef hún er ekki hans
besta verk. Það er aldeilis stór-
kostlegt þegar svona merkur höf-
undur nær háum aldri og getur
stöðugt endurnýjað sig - betri en
nokkru sinni fyrr,“ sagði Þorgeir
Þorgeirsson í spjalli við Sunnu-
dagsblaðið, um þýðingu sína á
nýjustu bók færeyska skáldjöf-
ursins Williams Heinesen.
William Heinesen er lesendum
hér á landi góðkunnur, enda hef-
ur Þorgeir um margra ára skeið
íslenskað bækur hans. Nýja bók-
in heitir „Töfralampinn - nýjar
minningasögur frá Þórshöfn" og
kemur út í samvinnu Forlagsins
og Þýðingarútgáfunnar, sem er
einkafyrirtæki Þorgeirs.
„Töfralampinn skiptist í mis-
langa þætti, sem mætti kalla smá-
sögur, en þær eru þó ákaflega
samtengdar; aukapersóna í ein-
um þætti getur til dæmis orðið
aðalpersóna í þeim næsta. Síðan
eru mjög stuttar sögur sem ég veit
ekki nema séu prósaljóð. Sögu-
sviðið er Þórshöfn, sitthvoru
megin við síðustu aldamót, rétt
eins og í svo mörgum öðrum sög-
um Heinesen. En ég er semsagt
ekki frá því að þetta sé besta bók-
in hjá kallinum - en í guðanna
bænum taktu ekki of mikið mark
á mér: Ég er nú bara þýðandinn!“
- Mál og menning hefur fram
til þessa gefið Heinesen-þýðingar
þínar út, en nú er það Forlagið.
Hvað veldur breytingunni?
„Já, það er rétt, Mál og menn-
ing hefur hingað til gefið þessar
bækur út. Nú eru hinsvegar
komnir nýir menn til starfa þar og
þeir virðast horfa til annarra
hluta. Þetta eru ungir og fram-
sæknir menn skilst mér...“
- Er Heinesen vinsæll hjá ís-
lendingum?
„Já, ég held það. Bækurnar
hans hafa selst í ríflegu meðal-
lagi, held ég; þótt þær seljist nátt-
úrlega ekki eins vel og Thor Vil-
hjálmsson og Guðrún frá Lundi!“
- Ertu með eitthvað fleira á
prjónunum um þessar mundir?
„Ég er meðciðra bók í vinnslu,
sem Þýðingarútgáfan gefur út.
Það er lítill og fallegur ljóðabálk-
ur eftir Kristján Matras, sem
heitir „Séð og munað".
Kristján Matras er merkur
fræðimaður á sviði málfræði og
hefur skrifað ljóð meðfram þeim
störfum sínum. Hann er af sömu
kynslóð og Heinesen og að mínu
viti eitt albesta ljóðskáld Færey-
inga,“ sagði Þorgeir Þorgeirsson
að lokum. _hj.
Alþýðublaðið -
málgagn
íslenskra
fyrirtækja?
Alþýðublaðið, örverpið á dag-
blaðamarkaðinum, hefur þótt
frísklegra upp á síðkastið en
löngum fyrr, enda ritstýrir því
Ingólfur Margeirsson , sem
er Þjóðviljaegg, eins og alþjóð
veit. Kratablaðið er þó ein-
ungis fjórar síður allajafna svo
sem verið hefur um langt
skeið. Þrátt fyrir það eru sex
manns á ritstjórninni; auk Ing-
ólfs eru það þau Jón Danfels-
son ritstjórnarTulltrúi og
blaðamennirnir Ása Björns-
dóttir, Elínborg Kristín
Kristjánsdóttir, Kristján
Þorvaldsson og Örn Bjarna-
son.
Ritstjórinn mun hafa fullan
hug á að stækka blaðið um
helming og gera það að vett-
vangi lifandi pólitískrar um-
ræðu. Helgarblaðið hefur upp
á síðkastið verið upp á heilar
20 síður og legið ókeypis í
sjoppum borgarinnar. Nú
mun það ekki tilfellið að fjár-
hagur blaðsins sé svo mjög
beysinn, heldur lukkast því
einstaklega vel að fá auglýs-
endur til liðs við sig. Og það
eru engir aukvisar sem
stjórna auglýsingadeildinni,
þau Ölöf Heiður Þor-
steinsdóttir og sjálfur Guð-
laugur Tryggvi Karlsson,
hirðsveinn Jóns Baldvins og
vænlegt þingmannsefni um
margra ára skeið að eigin
mati.
Helgarblað Alþýðublaðsins
var einmitt sérstaklega
áhugavert um síðustu helgi,
með tilliti til tengsla frétta og
auglýsinga. Þannig var stór
forsíðumynd með tilvísun í
opnugrein um Kringluna; við-
tal við Jón Ásbergsson, for-
stjóra Hagkaupa. A síðu þrjú
var síðan jákvæð frétt um
farþegaaukningu Flugleiða;
á síðu átta stór frétt um Bún-
aðarbankann, með fyrir-
sögninni „100% innláns
aukning"; á síðu níu var sagt
frá nýrri ferðaskrifstofu sem
heitir Ratvís og birt viðtal við
framkvæmdastjórann.
Þessi áhugi blaðsins á ís-
lenskum fyrirtækjum var auð-
skýrður: Heilsíðuauglýsing í lit
frá Ratvís, hálfsíðuauglýsing
frá Búnaðarbankanum, önnur
hálfsíða frá Hagkaupum og
fjórdálksauglýsing frá Flug-
leiðum.
Einhver myndi kalla þetta
vændisblaðamennsku - en
sjálfsagt er þetta bara
sjálfsbjargarviðleitni... ■
Sögur
herlæknis...
Útgefendur vígbúast nú af
kappi fyrir jólabókavertíðina
enda mikið í húfi hjá bóka-
þjóðinni margrómuðu. í þess-
um dálkum hefur þegar verið
sagt frá helstu skáldsögum
sem út koma, en ævisögur
eru ekki síður forvitnilegar,
enda bregst ekki að ein slík
verður metsölubók. Á síðustu
vertíð var það Þuríður Páls-
dóttir eftir Jónínu Michaels-
dóttur í útgáfu Forlagsins
sem skaut jafnvel Thor ref
fyrir rass. Og Forlagið er einn-
ig með forvitnilega bók að
þessu sinni, - Björns sögu
Guðbrandssonar barna-
læknis, sem mörgum er að
góðu kunnur.
Og það er enginn aukvisi
sem skráir sögu Björns: Matt-
hías Viðar Sæmundsson
sem síðast gaf út stórmerka
bók um Kristján heitinn
Fjallaskáld.
Björn Guðbrandsson hefur
frá ýmsu að segja eins og
nærri má geta, en hann var
m.a. læknir í tveimur stríðum,
annað þeirra var í Víetnam.
Og gárungarnir hafa þess-
vegna þegar skírt þessa bók
eftir eldgömlum og afar góð-
um Sögum herlæknis-
ins...B
Rokkað við Fellaskóla í dag
Þór Eldon: Á tónleikunum verða bæði gömul og seig rokkhænsni og ungir og
ferskir rokkkjúklingar munu gala! (Mynd: Sig).
Múzzólíni,
Sykurmolarnir og
Óþekktandlit
meðai þeirra sem
koma fram
Félagsmiðstöðin Fellahellir
stendur fyrir miklum tónlistar-
gleðskap við Fellaskólann í dag.
Þar koma fram tíu hljómsveitir -
mjög svo misþekktar og spila
bæði fyrir tónleikagesti og
áheyrendur Bylgjunnar, sem
mun útvarpa beint völdum
köflum.
Konsertinn ber yfirskriftina
Rykrokk en það er nú haldið í
þriðja sinn að frumkvæði Fella-
hellis. „Meiningin er að ungar og
lítt reyndar hljómsveitir fái tæki-
færi til að koma fram á alvöru
tónleikum með eldri grúppum,
og eins að kynna fólki það sem er
að gerast í tónlistarlífinu um þess-
ar mundir," sagði Pór Eldon
starfsmaður Fellahellis og liðs-
maður í Sykurmolum í spjalli við
Sunnudagsblaðið.
Auk Sykurmolanna munu
eftirtaldar hljómsveitir troða
upp: Rauðir fletir, Svarthvítur
draumur, Príma, Bláa bílskúrs-
bandið, Röddin, Múzzólíni,
Óþekkt andlit, Blátt áfram og
Bleiku bastarnir.
Sumar þessara hljómsveita
hafa vart slitið barnsskónum en
aðrar hafa starfað um nokkurt
skeið og eru vel þekktar.
- En er gróska í tónlistinni nú
um stundir?
„Ég held að það sé alltaf
gróska,“ sagði Þór, „en áhugi
fólks er hinsvegar mjög mis-
mikill. Uppúr 1980 var til dæmis
mikill áhugi. Mikið um tónleika
og vel á þá mætt. Það er síðan eins
og fólk hafi fengið sig fullsatt og
ofmettast, þannig að á yfirborð-
inu lítur út fyrir að lifandi tónlist
hafi verið í lægð um nokkurt
skeið. En það er mikið að gerast
og margar góðar og efnilegar
hljómsveitir.“
Rykkornið hefst klukkan fimm
í dag og síðan verður ekki látið
staðar numið fyrren um ellefu-
leytið í kvöld. Aðgangur á tón-
leikana er ókeypis - og nú skyldu
menn drífa sig upp að Fellaskól-
anum og kynnast vaxtarbroddun-
um í íslenskri tónlist.
-hj-
Sunnudagur 16. ágúst 1987 ÞJÓÐVILJINN - SlÐA 3