Þjóðviljinn - 06.10.1987, Qupperneq 2

r-SPURNINGIN—
Áttu von á hörðum vetri?
Helgi Páll Svavarsson
nemi
Já, ég býst við því. Hann byrjar
dálítið snemma núna með snjó í
Esjunni strax í byrjun október.
Inga Lúthersdóttir
nemi
Nei, ég vona alla vega að hann
verði ekki harður. En eins og út-
litið er í dag veit maður aldrei.
Þórhildur Kristjánsdóttir
sölumaöur
Maður verður bara að vona það
besta, en annars hugsa ég ekki
svo langt fram í tímann.
Karl Guðmundsson
rafeindavirki
Ekkert frekar, en annars spái ég
ekki mikið í þessa hluti, enda á ég
lítið undir veðri.
Helga Gísladóttir
kennari
Ég held ekki. Þetta verður góður
vetur. Ég finn það á mér.
FRÉTTIR
Kringlan
Dýrkeyptir
iðnaðaimenn
Kaupmenn þráast við að borga það
sem iðnaðarmenn setja upp. Halldór
Magnússon Málarameistarafélaginu:
Kemur ekki á óvartþótt menn deili.
Gunnar Björnsson: Kunnugt um
ágreining
Ymsir iðnmeistarar sem sáu um
verklegar framkvæmdir inn-
andyra í Kringlunni, hafa lent í
erfíðleikum við að innheimta
fyrir þá vinnu sem þeir inntu af
hendi. Kaupmenn kvarta undan
háum reikningum og tregðast við
að greiða það sem upp er sett.
Einkum fínna kaupmenn að tíma-
útreikningum iðnaðarmanna
samkvæmt upplýsingum Þjóð-
viljans.
- Mér er ekki kunnugt um að
iðnaðarmenn hafi lent í erfið-
leikum við að fá vinnu sína í
Kringlunni greidda, en það kæmi
mér ekki á óvart þótt einhverjir
ættu í erfiðleikum með að fá
greitt, sagði Halldór Magnússon
hjá Málarameistarafélagi
Reykjavíkur í samtali við Þjóð-
viljann.
- Verkkaupar skilja það ó-
gjarnan að þegar unnið er eins
brjálæðislega og gert var við
Kringluna, fer launakostnaður-
inn upp úr öllu valdi. Síðustu vik-
urnar unnu menn dag og nótt og
þá eru menn á eilífu yfirvinnu-
kaupi, sagði Halldór.
Gunnar Björnsson hjá Meist-
arasambandi iðnaðarmanna
sagði að sér væri kunnugt um ein-
stök ágreiningsefni. - Það er í
sjálfu sér ekkert óeðlilegt að ág-
reiningur komi upp um útfærslu
reikninga, þegar litið er til þess
hvernig vinnulagið var við
Kringluna síðustu vikurnar fyrir
opnunina.
-RK.
Margir iðnaðarmenn eru argir yfir því
að fá ekki gert upp fyrir Kringluvinn-
una. Kaupmenn telja reikninga allt of
háa.
Eskifjörður
Sjómenn samþykktu
með semingi
Kirkjuþing
Siðfræði-
stofnun?
Kirkjuþing hefst í dag
HrafnkellA. Jónsson, formaður Verkalýðsfélagsins Arvakurs:
Fiskverðssamningurinn: 5% uppbót á aflafrá 17. janúar til30.
september. 8.5% uppbótfrál. október til 15 nóvember.
Ifyrrakvöld náðist samkomulag
í fiskverðsdeilu sjómanna og
útgerðarmanna á Eskifirði. Þar
er kveðið á um 5% uppbót á
skiptaverði á togurunum Hólma-
nesi og Hólmatindi frá 17. janúar
til 30. september 1987 og 8.5%
uppbót á skiptaverð þess afla sem
landað yrði í heimahöfn frá 1.
október til 15. nóvember.
Að sögn Hrafnkels A. Jóns-
sonar er niðurstaða samkomu-
lagsins langt frá upphaflegum
kröfum sjómanna, en þeir höfðu
krafist 15% uppbótar á allan
þorsk frá áramótum og 10% upp-
bótar á allan annan fisk frá sama
tíma.
Trúlega kemur aðeins 5% upp-
bótin til sjómanna, því báðir tog-
ararnir eru á leið á miðin og sigla
síðan í sölutúra erlendis og verða
túrarnir frekar tveir en einn og í
slipp þess á milli. Þannig að í
reynd koma þeir ekki til með að
landa heima fyrir 15. nóvember
næstkomandi og verða því af
8.5% uppbótinni.
Þá herma heimildir Þjóðviljans
að sjómenn hafi ekki verið yfir sig
hrifnir af þessu samkomulagi og
við atkvæðagreiðslu um samning-
inn í fyrrakvöld hafi hann ekki
verið samþykktur með öllum
þorra greiddra atkvæða heldur
hafi þó nokkrir verið honum mót-
fallnir.
Lítið er til af hráefni til vinnslu í
hraðfrystihúsinu á Eskifirði þessa
dagana og lítil vinna af þeim
sökum. Þar bíða menn í ofvæni
eftir að síldarsöltun hefjist, en
vertíðin byrjar samkvæmt alman-
akinu 8. október næstkomandi.
í gær var samningafundur
meðal verkalýðsfélaganna og
vinnuveitenda og komu fulltrúar
frá Vinnuveitendisambandinu
og Vinnumálasambandinu austur
og kynntu sér kröfur verkamanna
fyrir komandi vertíð.
-grh
Meðal umræðuefna á Kirkju-
þingi sem sett verður í dag er hug-
myndin um Siðfræðistofnun sem
þjóðkirkjan og háskólinn stæðu
sameiginlega að.
Þeirri stofnun er ætlað að fjalla
um margþættan siðferðisvanda í
nútímasamfélagi í samráði fræði-
manna og kirkjulegra þjóna. Af
öðrum helstu málum fyrir
Kirkjuþingi er frumvarp um
sóknargjöld og kirkjugarðsgjöld í
nýja staðgreiðslukerfinu.
Fundir þingsins verða í Bú-
staðakirkju þarsem þingið verður
sett klukkan 14 í dag með guðsþ-
jónustu, ávarpi Jóns Sigurðs-
sonar kirkjumálaráðherra og
setningarræðu biskups. Fulltrúar
á Kirkjuþingi eru 22 og þinga í 11
daga í heyranda hljóði.
-m
2 SÍÐA - ÞJÓÐVILJINN Þrlðjudagur 6. október 1987